ഈ അധ്യായന വര്‍ഷത്തെ സ്‌കൂള്‍തല പഠന പ്രവര്‍ത്തനങ്ങളുടെ ഫലപ്രാപ്തി പൊതുസമൂഹവുമായി പങ്കുവക്കുന്നതിന്  ബളാംതോട് ഗവ ഹയര്‍സെക്കണ്ടറി സ്‌കൂളില്‍ പഠനോത്സവം സംഘടിപ്പിച്ചു.പരിപാടി സ്‌കൂള്‍ ലീഡര്‍ റെയ്ഹാന മുഹമ്മദ് ഉദ്ഘാടനം ചെയ്തു.പി.ടി.എ പ്രസിഡന്റ് പി എം കുര്യാക്കോസ് അധ്യക്ഷതവഹിച്ചു.ഹെഡ്മിസ്ട്രിസ് എ രത്‌നവതി പഠനോത്സവ വിശദീകരണം നടത്തി.  പഞ്ചായത്ത് വൈസ് പ്രസിഡന്റ് ഹേമാംബിക , സ്റ്റാന്റിംഗ് കമ്മിറ്റി ചെയര്‍മാന്‍ എം സി.മാധവന്‍, പ്രിന്‍സിപ്പല്‍ എ കെ.

അജാനൂര്‍ ഗ്രാമപഞ്ചായത്തില്‍ ജലകൃഷി പദ്ധതികള്‍ നടപ്പിലാക്കുന്നതിന്റെ ഭാഗമായി പഞ്ചായത്തു തലത്തില്‍ അക്വാകള്‍ച്ചര്‍ പ്രൊമോട്ടര്‍മാരെ നിയമിക്കുന്നതിന് അപേക്ഷ ക്ഷണിച്ചു.  അപേക്ഷകര്‍ പത്താംക്ലാസ് വിജയിച്ചവരും 60 വയസ്സില്‍ താഴെ പ്രായമുളളവരും സന്നദ്ധ സേവനത്തില്‍ തല്‍പരരായവരും ആയിരിക്കണം.  തെരഞ്ഞെടുക്കപ്പെടുന്നവര്‍ക്ക് പ്രതിമാസം 5000 രൂപ ഹോണറേറിയം നല്‍കും.    താല്‍പര്യമുളളവര്‍ ഫെബ്രുവരി 16 നകം പഞ്ചായത്ത് ഓഫീസില്‍ അപേക്ഷ സമര്‍പ്പിക്കണം.

പൈവളികെ ഗ്രാമപഞ്ചായത്ത് 2019-2020 വാര്‍ഷിക പദ്ധതിയുടെ ഗുണഭോക്താക്കളെ തെരഞ്ഞെടുക്കുന്നതിനുളള ഗ്രാമസഭകള്‍  ഫ്രബുവരി 23 മുതല്‍ മാര്‍ച്ച് 6 വരെ ഗ്രാമ പഞ്ചായത്തിന്റെ വിവിധ വാര്‍ഡുകളില്‍ ചേരും.  വിവിധ പദ്ധതികള്‍ക്കുളള ആനുകുല്യങ്ങള്‍ ലഭിക്കുന്നതിനുളള അപേക്ഷ ഫോം ഗ്രാമപഞ്ചായത്ത് ഓഫീസില്‍ നിന്ന് വിതരണം തുടങ്ങി.  പൂരിപ്പിച്ച അപേക്ഷ ഫെബ്രൂവരി 18 ന് വൈകിട്ട് അഞ്ചുവരെ പഞ്ചായത്ത് ഓഫീസില്‍ സ്വീകരിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.

കാസര്‍കോട് ഗവ. ഐ.ടി.ഐയില്‍ ഇന്‍സ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ (ഐ.എം സി) സഹകരണത്തോടെ നടത്തുന്ന തൊഴില്‍ അധിഷ്ഠിത ഫയര്‍ ആന്‍ഡ് സേഫ്റ്റി ഡിപ്ലോമ കോഴ്‌സിലേക്ക് അപേക്ഷ ക്ഷണിച്ചു.  ഫെബ്രുവരി 25 ന്  ആരംഭിക്കുന്ന ആറുമാസക്കാല കോഴ്‌സിലേക്കുളള അപേക്ഷ നല്‍കേണ്ട അവസാന തീയതി ഫെബ്രുവരി 22.  പട്ടികജാതി, പട്ടികവര്‍ഗ്ഗ വിഭാഗങ്ങള്‍ക്ക് അര്‍ഹമായ സംവരണം ലഭിക്കും.  യോഗ്യത എസ്.എസ്.എല്‍.സി.വിശദവിവരങ്ങള്‍ക്ക് -9188362040.

സാമൂഹ്യനീതി വകുപ്പു മുഖാന്തിരം നടപ്പിലാക്കി വരുന്ന  നല്ല നടപ്പു സമ്പ്രദായം (പ്രോബേഷന്‍ സിസ്റ്റം) /ഇരകളുടെയും ആശ്രിതരുടെയും പുനരധിവാസം /ആദ്യ കുറ്റവാളികളുടെ മന:പരിവര്‍ത്തനം/ സാമൂഹ്യസേവനം ഒരു ശിക്ഷ എന്ന നിലയില്‍ /പ്ലീ ബാര്‍ഗൈനിംഗ്/ജയിലില്‍ നിന്നിറങ്ങിയ വിചാരണ തടവുകാരുടെയും ശിക്ഷാ തടവുകാരുടെയും പുനരധിവാസം തുടങ്ങിയ വിഷയങ്ങള്‍ ഒരു പഠനമായോ, വിവിധ പഠനങ്ങളായോ നടത്തുന്നതിന് താല്പര്യമുളള സ്ഥാപനങ്ങള്‍, സംഘടനകള്‍, എം.എസ്.ഡബ്യൂ കോളേജജുകള്‍, സര്‍വകലാശാല വകുപ്പുകള്‍ എന്നിവരില്‍ നിന്നും താത്പര്യപത്രം ക്ഷണിച്ചു.

മൊബൈല്‍ ടവര്‍ സ്ഥാപിക്കുന്നതിനെതിരെയുളള പൊതുജനങ്ങളുടെ പരാതി പരിഹരിക്കുന്നതിന് ജില്ലാ ടെലികോം കമ്മിറ്റിയുടെ  ഇന്ന് (12) നിശ്ചയിച്ചിരുന്ന യോഗം മാറ്റിവച്ചു. പുതുക്കിയ തീയതി പിന്നീട് അറിയിക്കും.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം കോട്ടുകാല്‍ അവണാകുഴി വാര്‍ഡിലെ  മാര്‍ത്താണ്ഡം കുളം പുനരുദ്ധരിച്ചു.  483 തൊഴില്‍ ദിനങ്ങള്‍ സൃഷ്ടിച്ചാണ് നവീകരണം പൂര്‍ത്തിയാക്കിയത്.  കുളം വൃത്തിയാക്കി പാര്‍ശ്വഭിത്തി നിര്‍മിക്കുകയും കയര്‍ ഭൂവസ്ത്രം വിരിക്കുകയും ചെയ്തു.  അവണാകുഴി വാര്‍ഡിലെ 150 കുടുംബങ്ങള്‍ക്ക് പദ്ധതികൊണ്ട് പ്രയോജനമുണ്ടായതായി അതിയന്നൂര്‍ ജോയിന്റ് ബി.ഡി.ഒ. എ.എം.സുശീല പറഞ്ഞു.
(പി.ആര്‍.പി. 198/2019)

പിന്നാക്കവിഭാഗ വികസന വകുപ്പിന്റെ മത്സരപരീക്ഷാ പരിശീലന ധനസഹായ പദ്ധതിയായ 'എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാം 2018-19' ന്റെ മെഡിക്കല്‍/എന്‍ജിനീയറിങ് വിഭാഗത്തിലെ ഗുണഭോക്താക്കളുടെ കരട് പട്ടിക www.bcdd.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു.  പട്ടികയില്‍ ആക്ഷേപമുള്ളവര്‍ അസല്‍ രേഖകള്‍ സഹിതം ഫെബ്രുവരി 12 ന് ഉച്ചയ്ക്ക് 12 മണിക്ക് മുന്‍പ് വകുപ്പുമായി ബന്ധപ്പെടണമെന്ന് മേഖലാ ഡെപ്യൂട്ടി ഡയറക്ടര്‍ അറിയിച്ചു.
(പി.ആര്‍.പി. 196/2019)