ആലപ്പുഴ: സാംസ്‌കാരിക വകുപ്പിനു കീഴിൽ പ്രവർത്തിക്കുന്ന അമ്പലപ്പുഴ കുഞ്ചൻ നമ്പ്യാർ സ്മാരകത്തിൻറെ നേതൃത്വത്തിൽ കേരളത്തിലെ പ്രമുഖരായ തുള്ളൽ കലാകാരൻമാർക്ക്  കുഞ്ചൻ നമ്പ്യാർ പുരസ്‌കാരം നൽകി ആദരിക്കുന്നു. ഇതിനുള്ള അപേക്ഷകൾ സ്വീകരിച്ചുതുടങ്ങി. തുള്ളൽ കലയ്ക്ക്  അതുല്യ സംഭാവന നൽകിയ 60 വയസ്സ് പൂർത്തീകരിച്ച കലാകാരന്മാരാണ് അപേക്ഷിക്കേണ്ടത് . വെള്ളക്കടലാസിൽ തയ്യാറാക്കിയ അപേക്ഷയോടൊപ്പം അവതരിപ്പിച്ച പരിപാടികൾ സംബന്ധിച്ച  നോട്ടീസുകൾ,  പ്രായം തെളിയിക്കുന്നതിനുള്ള രേഖ,  ലഭിച്ചിട്ടുള്ള പുരസ്‌കാരങ്ങൾ സംബന്ധിച്ച വിവരങ്ങൾ ഉൾക്കൊള്ളിച്ചിരിക്കണം.

സമ്മതിദായകർ, പോളിംഗ് ഉദ്യോഗസ്ഥർ, സ്ഥാനാർത്ഥി, സ്ഥാനാർത്ഥിയുടെ ഏജന്റ്, പോളിംഗ് ഏജന്റ്, തിരഞ്ഞെടുപ്പ് കമ്മീഷൻ നിയോഗിച്ച ഉദ്യോഗസ്ഥർ, തിരഞ്ഞെടുപ്പ് ജോലിയിൽ ഏർപ്പെട്ടിട്ടുള്ള ജീവനക്കാർ, കൈക്കുഞ്ഞ്, കാഴ്ചയില്ലാത്തതോ പരസഹായം ആവശ്യമുള്ളതോ ആയ സമ്മതിദായകരുടെ സഹായികൾ എന്നിവർക്ക് മാത്രമാണ് തിരഞ്ഞെടുപ്പ് ദിവസം പോളിങ്  ബൂത്തിലേക്കുള്ള പ്രവേശനം. 

പോളിങ്ങ് സ്റ്റേഷനിലും സമീപത്തും ആയുധങ്ങൾ പാടില്ല

പ്രിസൈഡിങ് ഓഫീസറാണ് പോളിങ് സ്റ്റേഷന്റെ മുഴുവൻ ചുമതലക്കാരൻ. വോട്ടിങ്ങ് യന്ത്രം കൃത്യമായി സ്ഥാപിക്കുക, മോക്ക് പോൾ  നടത്തുക, യന്ത്രം വോട്ടിങ്ങിനായി സ്വിച്ച് ഓൺ  ചെയ്യുക, പോളിങ് ആരംഭിക്കുന്നതായി അറിയിക്കുക, മോക്ക് പോളിന് അംഗീകാരം നൽകുക, തിരഞ്ഞെടുപ്പ് കമ്മീഷന്റെ നിർദ്ദേശങ്ങൾ പാലിക്കുക, യന്ത്രം പരിശോധിക്കുക, പോളിങ്ങ് യന്ത്രം തകരാറിലായാൽ ഉടൻ ഉചിത തീരുമാനം കൈക്കൊള്ളുക, ടെൻഡർ വോട്ട് ചെയ്യിക്കുക, രാഷ്ട്രീയ പാർട്ടികളുടെ പ്രതിനിധികൾ ബൂത്തിൽ അനാവശ്യമായി പ്രവേശിക്കുന്നത് നിയന്ത്രിക്കുക, കൃത്യമായി വോട്ടിങ്ങ് യന്ത്രം പരിശോധിക്കുക എന്നിവയാണ് പ്രിസൈഡിങ് ഓഫീസറുടെ പൊതുചുമതലകൾ.

പോളിങ് ഓഫീസർമാരുടെ കാര്യക്ഷമതയിലാണ് തിരഞ്ഞെടുപ്പിന്റെ സുഗമമായ നടത്തിപ്പ്. വോട്ടിങ്ങ് മെഷീന് ഓണാക്കി വോട്ട് രേഖപ്പെടുത്തിക്കുക എന്നതിലുപരിയായി വോട്ടർമാർ കൃത്യമായാണ് വോട്ടുരേഖപ്പെടുത്തുന്നതെന്ന് ഉറപ്പുവരുത്തണം. പോളിങ്ങിന്റെ ആദ്യ മണിക്കൂറിൽ ഉണ്ടാവുന്ന തിരക്കിലും സമ്മർദ്ദത്തിലും പതറാതെ കാര്യക്ഷമമായി പ്രവർത്തിക്കണം.

തിരഞ്ഞെടുപ്പിലെ 49പി ചട്ടം പ്രകാരം ഒരാളുടെ വോട്ടവകാശം മറ്റൊരു വ്യക്തി രേഖപ്പെടുത്തിയെന്ന് തെളിഞ്ഞാൽ പ്രിസൈഡിങ്ങ് ഓഫീസർ മുമ്പാകെ നേരിട്ടെത്തി തിരിച്ചറിയൽ രേഖ സമർപ്പിച്ച് കള്ളവോട്ടു നടന്നതായി  തെളിയിച്ച ശേഷം വോട്ടുയന്ത്രം  ഉപയോഗിക്കാതെ ടെണ്ടർ ബാലറ്റ് പേപ്പറിൽ വോട്ടു രേഖപ്പെടുത്തി നൽകാം. തിരഞ്ഞെടുപ്പ് കമ്മീന്റെ ചട്ടങ്ങളും നിർദ്ദേശങ്ങളും പാലിച്ചുള്ളതാവണം ടെണ്ടർ ബാലറ്റ് പേപ്പർ. ബാലറ്റ് യൂണിറ്റിൽ സ്ഥാനാർത്ഥികളുടെ പേരും ചിഹ്നവും പ്രദർശിപ്പിച്ച അതേ മാതൃകയിൽ പേപ്പറിന്റെ മറു വശത്ത് 'ടെണ്ടർ ബാലറ്റ് പേപ്പർ' എന്ന മുദ്രയുള്ളതാവണം ഇവ. 

ആലപ്പുഴ: ലോക്സഭ തിരഞ്ഞെടുപ്പിൽ ഒരു വോട്ടർ വോട്ടു രേഖപ്പെടുത്താൻ പോളിങ്ങ് ബൂത്തിലെത്തി വോട്ടു രേഖപ്പെടുത്തും വരെ അയാൾ എല്ലാം ക്രമത്തിലാണോ ചെയ്യുന്നതെന്ന് പോളിങ് ഉദ്യോഗസ്ഥർ ഉറപ്പുവരുത്തിയിരിക്കണമെന്നാണ് വ്യവസ്ഥ. ഒന്നാം പോളിങ് ഉദ്യോഗസ്ഥനാണ് വോട്ടറെ തിരിച്ചറിയുന്ന വോട്ടർ പട്ടിക കൈവശം വെക്കുന്നത്. പോളിങ്  ബൂത്തിലെത്തുന്ന സമ്മതിദായകൻ ആദ്യമെത്തുന്നത് ഒന്നാം പോളിങ് ഉദ്യോഗസ്ഥന്റെ മുന്നിലേക്കാണ്. ഇദ്ദേഹം വോട്ടറെ തിരിച്ചറിഞ്ഞതിനു ശേഷമാണ് വോട്ടിങിന്റെ നടപടിക്രമങ്ങൾ ആരംഭിക്കുക.

  കല്‍പ്പറ്റ നിയോജകമണ്ഡലത്തില്‍  126 ാം നമ്പര്‍ പോളിംഗ് ബൂത്തായി പ്രവര്‍ത്തിച്ചിരുന്ന കുറിച്ച്യാര്‍മല ജി.എല്‍.പി. സ്‌ക്കൂള്‍ പ്രകൃതിക്ഷോഭത്തില്‍ തകര്‍ന്ന് പോയതിനാല്‍ ബൂത്തിന് പകരം ഇലക്ടറല്‍ രജിസ്‌ട്രേഷന്‍ ഓഫീസര്‍ ശുപാര്‍ശ ചെയ്ത കുറിച്യാര്‍മല അംഗണ്‍വാടി 126 ാം നമ്പര്‍ പോളിംഗ് ബൂത്തായി പ്രവര്‍ത്തിക്കുന്നതിന്  കേന്ദ്ര തിരഞ്ഞെടുപ്പ് കമ്മീഷന്റെ അനുമതി ലഭിച്ചു.   ഏപ്രില്‍ 23 ന് നടക്കുന്ന  ലോകസഭാ തിരഞ്ഞെടുപ്പിന്  126 ാം നമ്പര്‍ പോളിംഗ് ബൂത്തായി പ്രവര്‍ത്തിക്കുന്നത് കുറിച്യാര്‍മല അംഗണ്‍വാടി ആയിരിക്കുമെന്ന് വരണാധികാരി അറിയിച്ചു.

ലോക്‌സഭ തെരഞ്ഞെടുപ്പ് മൂന്നാംഘട്ട ചെലവ് പരിശോധന ഇന്ന് (ഏപ്രില്‍ 20) നടക്കും. രാവിലെ 11 മുതല്‍ ജില്ലാ ആസൂത്രണ ഭവന്‍ പഴശ്ശി ഹാളിലാണ് പരിശോധന. മുഴുവന്‍ സ്ഥാനാര്‍ത്ഥികളുടെയും തെരഞ്ഞെടുപ്പ് ചെലവുമായി ബന്ധപ്പെട്ട രേഖകള്‍ പരിശോധനയ്ക്കായി സമര്‍പ്പിക്കണമെന്ന് ചെലവ് നിരീക്ഷകന്‍ ആനന്ദ് കുമാര്‍ അറിയിച്ചു