പാലക്കാട് ലോക്സഭാ മണ്ഡലം പൊലീസ് നിരീക്ഷകന്‍ ഡോ.എം.സി സാരംഗനെ   6238951093, 0491-2571400 എന്നീ നമ്പറുകളിലോ ുീഹീയെ.ുസറുിശ@ഴാമശഹ.രീാ ലോ ബന്ധപ്പെടാവുന്നതാണ്. ചന്ദ്രനഗര്‍ ഐ.ടി.ഐ ഗസ്റ്റ് ഹൗസാണ് പ്രവര്‍ത്തന കാര്യാലയം.  
    ആലത്തൂര്‍ ലോക്സഭാ മണ്ഡലം പൊലീസ് നിരീക്ഷകന്‍ അമിത്കുമാര്‍ സിന്‍ഹയെ 8943288743, 0487-2337800 എന്നീ നമ്പറുകളിലോ ുഹമിലഹല2019@ഴാമശഹ.രീാ ലോ   ബന്ധപ്പെടാവുന്നതാണ്.  തൃശൂര്‍ രാമനിലയം ഗവ. ഗസ്റ്റ് ഹൗസാണ് പ്രവര്‍ത്തന കാര്യാലയം. 

 
പൊതു തിരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായി രൂപീകരിച്ച ആന്‍റി ഡീഫെയ്സ്മെന്‍റ് സ്ക്വാഡ് ജില്ലയില്‍ ഇതുവരെ 61161 പ്രചരണ സാമഗ്രികള്‍ നീക്കി. ഇതില്‍ പൊതുയിടങ്ങളില്‍ നിന്നും 54350 പോസ്റ്റര്‍, 1496 ബാനറുകള്‍, 4901 കൊടികള്‍, 414 ചുവരെഴുത്തുകള്‍ ഉള്‍പ്പെടുന്നു. സ്വകാര്യ വ്യക്തികളുടെ സ്ഥലത്ത് ഉടമസ്ഥന്‍റെ അനുമതിയില്ലാതെ പതിച്ച 21 പ്രചരണ വസ്തുക്കളും നീക്കി. ഇന്നലെ (ഏപ്രില്‍ 12) മാത്രം പൊതുസ്ഥലത്തെ 3258 നിരോധിത പ്രചരണ സാമഗ്രികളാണ് നീക്കിയത്. 

മെയ്/ ജൂണ്‍ മാസങ്ങളിലായി നടക്കുന്ന 109-മത് അഖിലേന്ത്യാ അപ്രന്‍റിസ്ഷിപ്പ് പരീക്ഷയ്ക്ക് ഏപ്രില്‍ 15നോ അതിന് മുമ്പോ ട്രെയിനിങ് കാലാവധി വിജയകരമായി പൂര്‍ത്തിയാക്കിയവര്‍ക്ക് അപേക്ഷിക്കാം. ആദ്യമായി പരീക്ഷയെഴുതുന്നവര്‍ 105 രൂപയും തോറ്റശേഷം പരീക്ഷയെഴുതുന്നവര്‍ 160 രൂപയും '0230-ലേബര്‍ എംപ്ലോയ്മെന്‍റ്-00-800-അദര്‍ റസീപ്റ്റ്സ്-88- അദര്‍ ഐറ്റംസ്' ഹെഡില്‍ ചലാന്‍ അടച്ച് അപേക്ഷയോടൊപ്പം സമര്‍പ്പിക്കണം. പൂരിപ്പിച്ച അപേക്ഷകള്‍ ഏപ്രില്‍ 22 വരെ സ്വീകരിക്കും. വിവരങ്ങള്‍ക്ക് ആര്‍.ഐ സെന്‍ററുമായി ബന്ധപ്പെടുക. ഫോണ്‍: 0491-2815761.

മലമ്പുഴ മാംഗോ ഗാര്‍ഡന്‍, ഗവര്‍ണര്‍ സീറ്റിന്‍റെ പരിസരം എന്നിവിടങ്ങളിലായി കുതിര സവാരി, റോളര്‍ സ്കേറ്റിങ് എന്നിവ ഏറ്റെടുത്ത് നടത്താന്‍ താല്‍പര്യമുള്ളവര്‍ മലമ്പുഴ ജലസേചന വിഭാഗം എക്സിക്യൂട്ടീവ് എന്‍ജിനീയറുടെ കാര്യലയവുമായി ബന്ധപ്പെടണം. ഫോണ്‍: 0491-2815111.

തെരഞ്ഞെടുപ്പ് ജോലികള്‍ക്കായി നിയോഗിക്കപ്പെട്ടിട്ടുളള ജീവനക്കാര്‍ക്ക് ഇലക്ഷന്‍ ഡ്യൂട്ടി സര്‍ട്ടിഫിക്കറ്റ്, പോസ്റ്റല്‍ ബാലറ്റ് എന്നിവയ്ക്കുളള അപേക്ഷാ ഫോം പോസ്റ്റിങ്ങ് ഓര്‍ഡറിനോടൊപ്പം ലഭിച്ചിട്ടില്ലെങ്കില്‍   ട്രെയിനിങ്ങിന് എത്തുമ്പോള്‍ ജീവനക്കാര്‍ക്ക് ബന്ധപ്പെട്ട എ.ആര്‍.ഓ മാര്‍ അപേക്ഷാഫോറം നല്‍കണമെന്ന് ഇലക്ഷന്‍ ഡെപ്യൂട്ടി കലക്ടര്‍ അറിയിച്ചു.
 

കേന്ദ്ര ഫീല്‍ഡ് ഔട്ട്റീച്ച് ബ്യൂറോയുടെ ആഭിമുഖ്യത്തില്‍ ജില്ലയുടെ വിവിധ ഭാഗങ്ങളില്‍ വോട്ടര്‍ ബോധവത്ക്കരണ പരിപാടികള്‍ സംഘടിപ്പിച്ചു. വിവിപാറ്റ് സംവിധാനം, ഭിന്നശേഷിയുള്ളവര്‍ക്കായുള്ള സൗകര്യങ്ങള്‍ തുടങ്ങിയ വിഷയങ്ങളിലാണ് ബോധവത്ക്കരണം നടത്തിയത്. നെന്മാറ, പല്ലശ്ശന, ഷൊര്‍ണൂര്‍, ഒറ്റപ്പാലം തുടങ്ങിയ മേഖലകളില്‍ നടത്തിയ പരിപാടികളില്‍ ജില്ലാ ഫീല്‍ഡ് പബ്ലിസിറ്റി ഓഫീസര്‍ എം. സ്മിതി, സി.ഡി.പി.ഒ. കെ. നന്ദിനി തുടങ്ങിയവര്‍ ക്ലാസുകള്‍ക്ക് നേതൃത്വം നല്‍കി. 

തമിഴ്നാട് പൊതു തിരഞ്ഞെടുപ്പ് ഏപ്രില്‍ 18ന് നടക്കുന്ന സാഹചര്യത്തില്‍ തമിഴ്നാട്- പാലക്കാട് അതിര്‍ത്തിയില്‍ അഞ്ച് കിലോമീറ്റര്‍ പരിധിക്കുള്ളില്‍ ഏപ്രില്‍ 16 വൈകീട്ട് ആറ് മുതല്‍ ഏപ്രില്‍ 18 വൈകീട്ട് ആറ് വരെ ഡ്രൈ ഡേ ആചരിക്കണമെന്ന് ജില്ലാ കലക്ടര്‍ ഉത്തരവിട്ടു.