വൈദ്യുതിയുമായി ബന്ധപ്പെട്ട് സുരക്ഷാ നടപടികള്‍ നൂറുശതമാനം പാലിക്കുമ്പോള്‍  അപകടങ്ങള്‍ ഒഴിവാക്കാമെന്ന്  എഡിഎം ടി. വിജയന്‍  പറഞ്ഞു.  ഇലക്ട്രിക്കല്‍ ഇന്‍സ്‌പെക്ടറേറ്റ് വകുപ്പിന്റെ നേതൃത്വത്തില്‍  മെയ് ഒന്നു മുതല്‍ ഏഴ് വരെ നടക്കുന്ന സുരക്ഷാ വാരത്തിന്റെ ജില്ലാ തല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദേഹം.  അശ്രദ്ധ, അമിത ആത്മവിശ്വാസം എന്നിവയാണ് വൈദ്യുതി അപകടങ്ങള്‍ ഉണ്ടാകാനുള്ള മുഖ്യ കാരണം. അപകടങ്ങള്‍ ഇല്ലാതാക്കാന്‍ വൈദ്യുത ജീവനക്കാര്‍ക്കും പൊതുജനങ്ങള്‍ക്കുമിടയില്‍ തുടര്‍ച്ചയായി ബോധവത്കരണം  നടത്തണമെന്നും അദ്ദേഹം പറഞ്ഞു.

പരീക്ഷഫലം കാത്തിരിക്കുന്ന കുട്ടികള്‍ക്ക് മാനസിക പിന്തുണയുമായി ജില്ലാ കലക്ടര്‍. മാര്‍ക്കിനും ഗ്രേഡിനും അപ്പുറം ആത്മവിശ്വാസവും മന:കരുത്തും ശുഭാപ്തിവിശ്വാസവുമാണ് ജീവിത വിജയം നേടുന്നതിന് സഹായകമാകുന്നതെന്ന് കലക്ടര്‍ അമിത് മീണ വിദ്യാര്‍ഥികള്‍ക്കും രക്ഷിതാക്കള്‍ക്കുമായി നല്‍കിയ സന്ദേശത്തില്‍ പറഞ്ഞു. പരീക്ഷഫലം വരുന്നതിന് മുന്നോടിയായാണ് ജില്ലാ കലക്ടര്‍  സന്ദേശം കൈമാറിയത്. ചൈല്‍ഡ് പ്രൊട്ടക്ഷന്‍ യൂനിറ്റിന്റെയും കുടുംബശ്രീയുടെയും ആഭിമുഖ്യത്തില്‍ പരമാവധി വിദ്യാര്‍ഥികളിലും രക്ഷിതാക്കളിലും ജില്ലാ കലക്ടറുടെ സന്ദേശം എത്തിക്കും.

മഴക്കാല പൂര്‍വ്വ ശുചീകരണം, പകര്‍ച്ചവ്യാധി പ്രതിരോധം എന്നിവയുമായി ബന്ധപ്പെട്ട് കോട്ടയം ജില്ലാ പഞ്ചായത്ത് ഹാളില്‍ ഇന്ന്(മെയ് മൂന്ന്) നടത്താനിരുന്ന യോഗം മാറ്റിവച്ചതായി ജില്ലാ കളക്ടര്‍ അറിയിച്ചു. പുതിയ തീയതി പിന്നീട് അറിയിക്കുന്നതാണ്.

സംസ്ഥാന ചരക്ക് സേവന നികുതി വകുപ്പ് നടപ്പാക്കുന്ന വാണിജ്യ നികുതി കുടിശിക തീര്‍പ്പാക്കല്‍ പദ്ധതി പ്രകാരം നികുതി കുടിശികയില്‍ ഇളവ് അനുവദിക്കും.

മീനങ്ങാടി ഗവ. പോളിടെക്‌നിക്ക് കോളേജില്‍ ജൂണ്‍ മാസത്തില്‍ ആരംഭിക്കുന്ന റഫ്രിജിറേഷന്‍ ആന്റ് എയര്‍കണ്ടീഷന്‍, ഇലക്ട്രിക്കല്‍ വയറിംഗ് ആന്റ് സര്‍വീസിങ്ങ്   കോഴ്‌സിലേക്ക്  അപേക്ഷ ക്ഷണിച്ചു.അപേക്ഷകര്‍  എസ്.എസ്.എല്‍.സി യോഗ്യതയുളള  വരായിരിക്കണം

   സി.ബി.എസ്.സി നടത്തിയ പന്ത്രണ്ടാം ക്ലാസ് പരീക്ഷയില്‍ കല്‍പ്പറ്റ കേന്ദ്രീയ വിദ്യാലയം നൂറ് ശതമാനം വിജയം കൈവരിച്ചു. പരീക്ഷ എഴുതിയ 25 വിദ്യാര്‍ത്ഥികളില്‍ 19 പേര്‍ ഡിസ്റ്റിംഗ്ഷന്‍ നേടി. 

സ്വകാര്യ സ്ഥാപനങ്ങളിലേക്ക് അഭിമുഖം
        സ്വകാര്യ സ്ഥാപനങ്ങളിലെ ഒഴിവുകളിലേക്ക് ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററില്‍ അഭിമുഖം നടത്തുന്നു. താല്‍പര്യമുള്ള ഉദ്യോഗാര്‍ഥികള്‍ക്ക് തിരിച്ചറിയല്‍ കാര്‍ഡിന്റെ പകര്‍പ്പും 250 രൂപയും സഹിതം എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്ത് മെയ് നാലിന് രാവിലെ 10 മണി മുതല്‍ ഉച്ചയ്ക്ക് ഒരു മണി വരെ നടക്കുന്ന അഭിമുഖത്തില്‍ പങ്കെടുക്കാം. നിലവില്‍ രജിസ്റ്റര്‍ ചെയ്ത ഉദ്യോഗാര്‍ഥികള്‍ക്കും അവസരം ലഭിക്കുന്നതാണ്. അഞ്ചോളം കമ്പനികള്‍ പങ്കെടുക്കും.  ഫോണ്‍. 0497 2700831

    24 ഏക്കര്‍ വരുന്ന പച്ചത്തുരുത്തിനായി നഴ്‌സറി ഒരുക്കാന്‍ വിത്തുകള്‍ തേടി പരിയാരം  ഗ്രാമ പഞ്ചായത്ത് വിത്ത് നിറ പരിപാടി സംഘടിപ്പിക്കുന്നു. കുടുംബശ്രീ, തൊഴില്‍ ഉറപ്പു പദ്ധതി പ്രവര്‍ത്തകര്‍, സന്നദ്ധ പ്രവര്‍ത്തകര്‍, പരിസ്ഥിതി പ്രവര്‍ത്തകര്‍ എന്നിവരുടെ നേതൃത്വത്തില്‍ മെയ് അഞ്ചിന് വിത്തുകള്‍ ശേഖരിക്കും. നാടന്‍ മരങ്ങള്‍, ഫല വൃക്ഷ വിത്തുകള്‍ തുടങ്ങിയവയാണ് ശേഖരിക്കുക. ഇവ മെയ് പത്തിന്  ഗ്രാമ പഞ്ചായത്തിന് കൈമാറും. കൂടുതല്‍ വിത്തുകള്‍ ശേഖരിക്കുന്നവരെ ആദരിക്കാനും പഞ്ചായത്ത് പ്രസിഡണ്ടിന്റെ നേതൃത്വത്തില്‍ ചേര്‍ന്ന പഞ്ചായത്തുതല യോഗത്തില്‍ തീരുമാനിച്ചു.