പൊതു തിരഞ്ഞെടുപ്പുമായി ബന്ധപ്പെട്ട് പാലക്കാട്, ആലത്തൂര്‍ മണ്ഡലങ്ങളിലെ സ്ഥാനാര്‍ത്ഥികള്‍ സൂക്ഷിക്കേണ്ട വരവ്, ചെലവ് കണക്കുകളുടെ ആദ്യ ഘട്ട പരിശോധന ഇന്ന് (ഏപ്രില്‍ 12) നടക്കും. കലക്ടറേറ്റ് കോണ്‍ഫറന്‍സ് ഹാളില്‍ രാവിലെ 10.30 ന് എക്സ്പെന്‍ഡിച്ചര്‍ ഒബ്സര്‍വര്‍മാരുടെ ആഭിമുഖ്യത്തിലാണ് പരിശോധന. സ്ഥാനാര്‍ത്ഥികള്‍ ഇലക്ഷന്‍ കമ്മീഷന്‍റെ നിര്‍ദേശ പ്രകാരം കണക്കുകള്‍ സൂക്ഷിക്കണമെന്നും നേരിട്ടോ പ്രതിനിധി മുഖാന്തിരമോ പരിശോധനയ്ക്ക് എത്തണമെന്നും തെരഞ്ഞെടുപ്പ് ചെലവ് നിരീക്ഷണ വിഭാഗം ജില്ലാ നോഡല്‍ ഓഫീസര്‍ അറിയിച്ചു.

    പട്ടാമ്പി താലൂക്ക് ആശുപത്രി ലബോറട്ടറിയിലേക്ക് ഗുണമേന്‍മയുള്ള റീഏജന്‍റ്സുകള്‍ ഒരു വര്‍ഷത്തേക്ക് വിതരണം ചെയ്യുന്നതിന് താല്‍പര്യമുള്ള കമ്പനികളില്‍ നിന്നും മത്സരാധിഷ്ഠിത ടെണ്ടറുകള്‍ ക്ഷണിച്ചു. 400 രൂപയാണ് ടെണ്ടര്‍ ഫോമിന്‍റെ വില. ടെണ്ടര്‍ ഫോമുകള്‍ ഏപ്രില്‍ 24 ഉച്ചയ്ക്ക് ഒന്ന് വരെ വിതരണം ചെയ്യും. ഏപ്രില്‍ 24 ഉച്ചയ്ക്ക് രണ്ടുവരെ ടെണ്ടറുകള്‍ സ്വീകരിക്കും. ഏപ്രില്‍ 24 വൈകീട്ട് മൂന്നിന് ടെണ്ടറുകള്‍ തുറക്കും. ഫോണ്‍: 0466-2213769.

    ഗവ. വിക്ടോറിയ കോളെജില്‍ 2015-16, 2016-17 അധ്യയന വര്‍ഷങ്ങളില്‍ പഠിച്ചിരുന്നതും ഇ-ഗ്രാന്‍ഡ് വിദ്യാഭ്യാസ ആനുകൂല്യം  കൈപറ്റാത്തതുമായ വിദ്യാര്‍ഥികള്‍ ഏപ്രില്‍ 30നകം കോളെജ് ഓഫീസില്‍ നേരിട്ടെത്തി തുക കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു.  രാവിലെ 10 മുതല്‍ ഉച്ചയ്ക്ക് രണ്ട് വരെയുള്ള സമയങ്ങളില്‍ കോളെജ് തിരിച്ചറിയല്‍ കാര്‍ഡുമായി വിദ്യാര്‍ഥികള്‍ എത്തണം. നിശ്ചിത സമയത്തിനകം കൈപ്പറ്റാത്ത തുക ഇനിയൊരറിയിപ്പ് കൂടാതെ സര്‍ക്കാരിലേക്ക് തിരിച്ചടയ്ക്കുമെന്നും പ്രിന്‍സിപ്പാള്‍ അറിയിച്ചു.  

    പാലക്കാട് ലോക്സഭാ മണ്ഡലം പൊലീസ് നിരീക്ഷകന്‍ ഡോ.എം.സി സാരംഗനെ   6238951093, 0491-2571400 എന്നീ നമ്പറുകളിലോ ുീഹീയെ.ുസറുിശ@ഴാമശഹ.രീാ ലോ   ബന്ധപ്പെടാവുന്നതാണ്. ചന്ദ്രനഗര്‍ ഐ.ടി.ഐ ഗസ്റ്റ് ഹൗസാണ് പ്രവര്‍ത്തന കാര്യാലയം.  
    ആലത്തൂര്‍ ലോക്സഭാ മണ്ഡലം പൊലീസ് നിരീക്ഷകന്‍ അമിത്കുമാര്‍ സിന്‍ഹയെ 8943288743, 0487-2337800 എന്നീ നമ്പറുകളിലോ ുഹമിലഹല2019@ഴാമശഹ.രീാ ലോ   ബന്ധപ്പെടാവുന്നതാണ്.  തൃശൂര്‍ രാമനിലയം ഗവ. ഗസ്റ്റ് ഹൗസാണ് പ്രവര്‍ത്തന കാര്യാലയം.