ലോക്‌സഭാ തെരഞ്ഞെടുപ്പിന് ജില്ലയിലെ രണ്ടു ലോക്‌സഭാ മണ്ഡലങ്ങളിലെ പോളിങ് ബൂത്തുകളില്‍ ഉപയോഗിക്കുന്ന ഇലക്ട്രോണിക് വോട്ടിങ് മെഷീനുകളുടെ കമ്മിഷനിങ് ഏപ്രില്‍ 15, 16 തീയതികളില്‍ നടക്കും. നിയമസഭാ മണ്ഡലാടിസ്ഥാനത്തിലാണ് മെഷീനുകളുടെ കമ്മിഷനിങ് നടക്കുകയെന്ന് വരണാധികാരിയായ ജില്ലാ കളക്ടര്‍ ഡോ. കെ. വാസുകി അറിയിച്ചു.

    ഓരോ നിയമസഭാ മണ്ഡലത്തിലെയും ഇലക്ട്രോണിക് വോട്ടിങ് മെഷീനുകളുടെ വിതരണ കേന്ദ്രത്തില്‍വച്ചാണ് കമ്മിഷനിങ് നടക്കുന്നത്. രാവിലെ എട്ടു മുതല്‍ നടക്കുന്ന ഇ.വി.എം. കമ്മിഷനിങ്ങിന് ബന്ധപ്പെട്ട നിയമസഭാ മണ്ഡലത്തിലെ അസിസ്റ്റന്റ് റിട്ടേണിങ് ഓഫിസര്‍മാര്‍ നേതൃത്വം നല്‍കും.

കുളത്തൂര്‍ ഇലക്ട്രിക്കല്‍ സെക്ഷന്‍ പരിധിയിലെ വല്ലത്തോട്, തൃപ്പാദപുരം, ആറ്റിപ്രപാലം, കല്ലിംഗല്‍ റോഡ്  ഭാഗങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 13) രാവിലെ എട്ടുമണി മുതല്‍ വൈകുന്നേരം അഞ്ചുമണി വരെ വൈദ്യുതി മുടങ്ങും.

മണക്കാട് ഇലക്ട്രിക്കല്‍ സെക്ഷന്‍ പരിധിയിലെ കല്ലടിമുഖം ഫ്‌ളാറ്റ്, കല്ലടിമുഖം, നിലമാറോഡ്, മില്‍മാത്തോട്ടം  ഭാഗങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 13) രാവിലെ ഒന്‍പതു മണി മുതല്‍ ഉച്ചയ്ക്ക് രണ്ടുവരെ വൈദ്യുതി മുടങ്ങും.

    തെരഞ്ഞെടുപ്പ് ബോധവത്കരണത്തിനായി ജില്ലാ ഭരണകൂടത്തിന്റെ നേതൃത്വത്തില്‍ സ്‌കേറ്റിങ് റാലിയും ബൈക്ക് റാലിയും സംഘടിപ്പിക്കുന്നു. ഇന്ന് (ഏപ്രില്‍ 13) വൈകിട്ട് അഞ്ചിന് മാനവീയം വീഥിയില്‍നിന്ന് എം.ജി. റോഡില്‍ ആയൂര്‍വേദ കോളജിനു സമീപം വരെ നടക്കുന്ന സ്‌കേറ്റിങ് റാലിയില്‍ 25 ഓളം വിദ്യാര്‍ഥികള്‍ പങ്കെടുക്കും. ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. കെ. വാസുകി ഫ്ളാഗ് ഓഫ് ചെയ്യും.

    ഏപ്രില്‍ 18ന് തമിഴ്‌നാട്ടില്‍ ലോക്‌സഭാ തെരഞ്ഞെടുപ്പ് നടക്കുന്ന സാഹചര്യത്തില്‍ തമിഴ്‌നാടുമായി അതിര്‍ത്തി പങ്കിടുന്ന തിരുവനന്തപുരം ജില്ലയിലെ പൊഴിയൂര്‍ പൊലീസ് സ്റ്റേഷന്‍ അതിര്‍ത്തിയിലെ കാരൂര്‍, കുളത്തൂര്‍ പഞ്ചായത്തുകളിലും പാറശാല പൊലീസ് സ്റ്റേഷന്‍ അതിര്‍ത്തിയിലെ പാറശാല, കൊല്ലയില്‍ പഞ്ചായത്തുകളിലും വെള്ളറട പൊലീസ് സ്റ്റേഷന്‍ പരിധിയിലെ കുന്നത്തുകാല്‍, വെള്ളറട, അമ്പൂരി പഞ്ചായത്തുകളിലും ഏപ്രില്‍ 16 വൈകുന്നേരം ആറുമണിമുതല്‍ ഏപ്രില്‍ 18 വൈകുന്നേരം ആറുമണിവരെ മദ്യനിരോധനം ഏര്‍പ്പെടുത്തിയതായി ജില്ലാകളക്ടര്‍ ഡോ.കെ വാസുകി അറിയിച്ചു.
(പി.ആര്‍.പി. 487/2019)

    പേട്ട ഇലക്ട്രിക്കല്‍ സെക്ഷന്‍ പരിധിയില്‍ വരുന്ന കുടവൂര്‍, ഐ.എം.എ റോഡ്, ആനയറ, മൂന്നാം മനയ്ക്കല്‍ തുടങ്ങിയ ട്രാന്‍സ്‌ഫോര്‍മറുകളില്‍  അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 12) രാവിലെ ഒന്‍പതു മുതല്‍ ഉച്ചയ്ക്കു രണ്ടുമണി വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.
(പി.ആര്‍.പി. 486/2019)

    തിരുവനന്തപുരം, ആറ്റിങ്ങല്‍ ലോക്സഭാ മണ്ഡലങ്ങളിലെ സ്ഥാനാര്‍ഥികളുടെ തെരഞ്ഞെടുപ്പ് ചെലവ് കണക്കുകളുടെ ആദ്യ ഘട്ട പരിശോധന പൂര്‍ത്തിയായി. തൈക്കാട് റെസ്റ്റ് ഹൗസ് കോണ്‍ഫറന്‍സ് ഹാളില്‍ നടന്ന പരിശോധനയില്‍ സ്ഥാനാര്‍ഥികളുടെ പ്രതിനിധികള്‍ ഹാജരാക്കിയ രേഖകള്‍ സഹിതം പരിശോധിച്ചു. രണ്ടും മൂന്നും ഘട്ട പരിശോധനകള്‍ ഏപ്രില്‍ 15, 19 തീയതികളില്‍ നടക്കും.
(പി.ആര്‍.പി. 485/2019)

കല്ലറ - അടപ്പുപാറ റോഡിന്റെ ടാറിംഗ് നടക്കുന്നതിനാല്‍ ഇന്ന് (ഏപ്രില്‍ 12)മുതല്‍ ഒരാഴ്ച ഇതുവഴിയുള്ള വാഹന ഗതാഗതം നിരോധിച്ചതായി എക്‌സിക്യൂട്ടിവ് എന്‍ജിനീയര്‍ അറിയിച്ചു. കല്ലറ നിന്നും ചെറുവാളത്തേക്ക് പോകേണ്ട വാഹനങ്ങള്‍ കല്ലറ - പാങ്ങോട് - പഴവിള - പച്ചയില്‍ മുക്ക് വഴി ചെറുവാളത്തേക്കും തിരിച്ചും പോകണമെന്നും അറിയിപ്പില്‍ പറയുന്നു.
(പി.ആര്‍.പി. 484/2019)

    തെരഞ്ഞെടുപ്പ് ബോധവത്കരണത്തിനായി ജില്ലാ ഭരണകൂടത്തിന്റെ നേതൃത്വത്തില്‍ സ്‌കേറ്റിങ് റാലിയും ബൈക്ക് റാലിയും സംഘടിപ്പിക്കുന്നു. നാളെ (ഏപ്രില്‍ 13) വൈകിട്ട് അഞ്ചിന് മാനവീയം വീഥിയില്‍നിന്ന് എം.ജി. റോഡില്‍ ആയൂര്‍വേദ കോളജിനു സമീപം വരെ നടക്കുന്ന സ്‌കേറ്റിങ് റാലിയില്‍ 25 ഓളം വിദ്യാര്‍ഥികള്‍ പങ്കെടുക്കും. ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. കെ. വാസുകി ഫ്‌ളാഗ് ഓഫ് ചെയ്യും.

·    100 വയസിനു മേല്‍ പ്രായമുള്ളവര്‍ 238, കൗമാരക്കാര്‍ 46,441

    ലോക്‌സഭാ തെരഞ്ഞെടുപ്പിന് ജില്ലയില്‍ വോട്ടവകാശം വിനിയോഗിക്കുന്നത് 27.14 ലക്ഷം പേര്‍. തെരഞ്ഞെടുപ്പ് കമ്മിഷന്‍ പ്രസിദ്ധീകരിച്ച അന്തിമ വോട്ടര്‍ പട്ടിക പ്രകാരം 27,14,164 സമ്മതിദായകരാണ് ജില്ലയിലുള്ളത്. ഇതില്‍ 14,23,857 പേര്‍ സ്ത്രീകളും 12,90,259 പേര്‍ പുരുഷന്മാരും 48 പേര്‍ ട്രാന്‍സ്‌ജെന്റേഴ്‌സുമാണ്.

    തിരുവനന്തപുരം, ആറ്റിങ്ങല്‍ ലോക്‌സഭാ മണ്ഡലങ്ങളിലെ സ്ഥാനാര്‍ഥികളുടെ തെരഞ്ഞെടുപ്പ് ചെലവ് കണക്കുകളുടെ ആദ്യ പരിശോധന ഇന്ന് (ഏപ്രില്‍ 11) രാവിലെ 10.30ന് തൈക്കാട് റെസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. സ്ഥാനാര്‍ഥികളോ അംഗീകൃത ഏജന്റുമാരോ ബന്ധപ്പെട്ട രേഖകള്‍ സഹിതം പരിശോധനയില്‍ ഹാജരാകണമെന്ന് ജില്ലാ വരണാധികാരി അറിയിച്ചു. രണ്ടും മൂന്നും ഘട്ട പരിശോധനകള്‍ ഏപ്രില്‍ 15, 19 തീയതികളില്‍ നടക്കുമെന്നും അറിയിപ്പില്‍ പറയുന്നു.  
(പി.ആര്‍.പി. 481/2019)