സംസ്ഥാന സര്‍ക്കാരിന്‍െ്‌റ ആയിരം ദിനാഘോഷങ്ങളുടെ ഭാഗമായി ജില്ലയിലെ മുഴുവന്‍ പൊതുവിദ്യാലയങ്ങളിലെയും 8 മുതല്‍ 12 ാം തരം വരെയുള്ള ക്ലാസ്‌മുറികള്‍ െൈഹടെക്‌ ആക്കിയതിന്‍െ്‌റ നേട്ടത്തിലാണ്‌ ജില്ലാ വിദ്യാഭ്യാസ രംഗമാണെന്ന്‌ വിദ്യാഭ്യാസ ഡെപ്യൂട്ടി ഡയറക്‌ടര്‍ അറിയിച്ചു. പൊതുവിദ്യാഭ്യാസ സംരക്ഷണയജ്ഞത്തിലൂടെ പൊതുവിദ്യാലയങ്ങളില്‍ അടിസ്ഥാന സൗകര്യം മെച്ചപ്പെടുത്തുന്നതിനും വിദ്യാലയങ്ങളെ മികവിന്‍െ്‌റ കേന്ദ്രങ്ങള്‍ ആക്കുന്നതിനും 13 വിദ്യാലയങ്ങള്‍ക്ക്‌ 5 കോടിരൂപ വീതവും 16 വിദ്യാലയങ്ങള്‍ക്ക്‌ 3 കോടിരൂപ വീതവും 60 വിദ്യാലയങ്ങള്‍ക്ക്‌ ഒരു കോടിരൂപയും അനുവദിച്ചു.

ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി സംഘടിപ്പിക്കുന്ന ഓൺലൈൻ വീഡിയോ മത്സരം " മിഴിവ് 2019 " ന് തുടക്കമായി . www.mizhiv2019.kerala.gov.in വെബ്‌സൈറ്റിൽ പേര് രെജിസ്റ്റർ ചെയ്ത് മത്സരത്തിൽ പങ്കെടുക്കാം. അപ്ലോഡ് ചെയ്യുന്ന വീഡിയോകൾ  പ്രമുഖ സിനിമാ പരസ്യ സംവിധായകർ വിലയിരുത്തി   ക്യാഷ് പ്രൈസുകൾ നൽകും .

ജില്ലയില്‍ അതിരൂക്ഷമായ കാലവര്‍ഷക്കെടുതിയില്‍ ദ്രുതഗതിയിലുളള പ്രവര്‍ത്തനങ്ങളിലൂടെ നാശനഷ്‌ടങ്ങളും ആളപായങ്ങളും പരിഹരിച്ച്‌ ജില്ലാ ഫയര്‍ ഫോഴ്‌സ്‌. സമീപജില്ലകളിലെ പ്രളയബാധിത പ്രദേശങ്ങളിലും രക്ഷകവചമൊരുക്കി. പ്രളയാനന്തരം ജില്ലയിലെ വിവിധയിടങ്ങളില്‍ ശൂചികരണപ്രവര്‍ത്തനം നടത്തി. നാട്ടിക നിലയത്തില്‍ കീഴില്‍ വലപ്പാട്‌ ഹൈസ്‌കൂളും, അന്തിക്കാട്‌ പരിസരങ്ങളും വാസയോഗ്യമല്ലാത്ത വീടുകളും ശൂചീകരിച്ചു. പുതുക്കാട്‌ 5250 സ്വക്കയര്‍ മീറ്ററോളം പ്രദേശങ്ങള്‍ ശൂചീകരിച്ചു. ചാലക്കുടിയില്‍ നഗരപ്രദേശങ്ങളും മറ്റു പൊതുയിടങ്ങളും സ്‌കൂളുകളും നിര്‍മ്മല കോളേജ്‌, ഡിവൈന്‍ സെന്റര്‍ തുടങ്ങിയവ ശൂചീകരിച്ചു.

അയ്യന്തോള്‍ കളക്ടറേറ്റിന്‌ മുന്നിലുള്ള നവീകരിച്ച സിവില്‍ ലൈന്‍ പാര്‍ക്ക്‌ കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ ഉദ്‌ഘാടനം ചെയ്‌തു. മന്ത്രിയുടെ 2017-18 വര്‍ഷത്തെ പ്രത്യേക വികസന ഫണ്ടില്‍ നിന്നും അനുവദിച്ച 15 ലക്ഷം രൂപയാണ്‌ ഇതിനു ഉപയോഗിച്ചത്‌. കുട്ടികള്‍ക്കുള്ള കളിയുപകരണങ്ങളുടെയും യോഗ ഹാളിന്റെയും ഉദ്‌ഘാടനവും മന്ത്രി നിര്‍വഹിച്ചു. പാര്‍ക്കില്‍ ഓപ്പണ്‍, സ്റ്റേജ്‌ നടപ്പാത എന്നിവയും ഒരുക്കിയിട്ടുണ്ട്‌ . സിവില്‍ ലൈന്‍ വാക്കേഴ്‌സ്‌ ക്ലബ്ബാണ്‌ പരിപാടി സംഘടിപ്പിച്ചത്‌.

മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക്‌ എല്ലാത്തരം കുടിശ്ശികകളും 9 ശതമാനം പലിശ ഉള്‍പ്പെടെ ഒടുക്കുന്നതിനുളള കാലാവധി മാര്‍ച്ച്‌ 31 വരെ ദീര്‍ഘിപ്പിച്ചതായി ജില്ലാ എക്‌സിക്യൂട്ടീവ്‌ ഓഫീസര്‍ അറിയിച്ചു. 

മോട്ടോര്‍ തൊഴിലാളി ക്ഷേമനിധി പദ്ധതി പ്രകാരം ജപ്‌തി നടപടി ആരംഭിച്ചതും അല്ലാത്തതുമായ ഫയലുകളില്‍ കുടിശ്ശിക ഈടാക്കുന്നതിനായി പലിശയും പിഴപ്പലിശയും ഒഴിവാക്കി ഒറ്റത്തവണ തീര്‍പ്പാക്കല്‍ പദ്ധതി പ്രകാരം കുടിശ്ശിക ഒടുക്കുന്നതിനുളള കാലാവധി മാര്‍ച്ച്‌ 31 വരെ ദീര്‍ഘിപ്പിച്ചതായി ജില്ലാ എക്‌സിക്യൂട്ടീവ്‌ ഓഫീസര്‍ അറിയിച്ചു.

ഇനി മാറ്റത്തിന്റെ കാഴ്‌ചകള്‍ പകര്‍ത്തി സമ്മാനങ്ങള്‍ നേടാം. ഇന്‍ഫര്‍മേഷന്‍ പബ്ലിക്‌ റിലേഷന്‍സ്‌ വകുപ്പാണ്‌ പൊതുജനങ്ങള്‍ക്കായി 'മിഴിവ്‌ 2019' എന്ന പേരില്‍ ഓണ്‍ലൈന്‍ വീഡിയോമത്സരം സംഘടിപ്പിക്കുന്നത്‌. www.mizhi2019.kerala.gov.in.വെബ്‌സൈറ്റില്‍ പേര്‌ രജിസ്റ്റര്‍ ചെയ്‌ത്‌ മത്സരത്തില്‍ പങ്കെടുക്കാം. അപ്‌ലോഡ്‌ ചെയ്യുന്ന വീഡിയോകള്‍ പ്രമുഖസിനിമാ പരസ്യസംവിധായകയര്‍ വിലയിരുത്തി ക്യാഷ്‌പ്രൈസുകള്‍ നല്‍കും. ഒന്നാം സമ്മാനം: ഒരുലക്ഷംരൂപ, രണ്ടാം സമ്മാനം : 50000 രൂപ, മൂന്നാം സമ്മാനം: 25000 രൂപ പ്രോത്സാഹന സമ്മാനം 5000 രൂപ വീതം പത്ത്‌ പേര്‍ക്ക്‌ എന്നിങ്ങനെയാണ്‌ സമ്മാനങ്ങള്‍.

ജലസംരക്ഷണത്തില്‍ ജില്ലയെ ലോകോത്തര നിലവാരത്തില്‍ എത്തിക്കുമെന്ന്‌ കൃഷി വകുപ്പ്‌ മന്ത്രി അഡ്വ. വി.എസ്‌. സുനില്‍കുമാര്‍. ജലരക്ഷ ജീവരക്ഷ പദ്ധതിയുടെ ജില്ലാതല ഉദ്‌ഘാടനം കെ. കരുണാകരന്‍ സ്‌മാരക ടൗണ്‍ഹാളില്‍ നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ജലസ്രോതസുകളെ തകര്‍ക്കുന്ന പ്രവണത അവസാനിപ്പിക്കാന്‍ സമൂഹം ഒത്തൊരുമിച്ച്‌ പ്രവര്‍ത്തിക്കണം. ജലത്തിന്റെ ധൂര്‍ത്തും അശാസ്‌ത്രീയ ഉപയോഗവും വലിയ പ്രതിസന്ധിയിലേക്കാണ്‌ കേരളത്തെ എത്തിക്കുക. സാമൂഹിക വികസന സൂചികയില്‍ മുന്നിലുള്ള സംസ്ഥാനം ജല സാക്ഷരതയില്‍ വളരെ പിന്നിലാണ്‌ എന്നത്‌ ഖേദകരമാണ്‌.

തൃശൂര്‍ എംഎല്‍എ യും കൃഷി വകുപ്പ്‌ മന്ത്രിയുമായ അഡ്വ. വി എസ്‌ സുനില്‍കുമാറിന്റെ 2017-18 വര്‍ഷത്തെ ആസ്‌തി വികസന ഫണ്ടില്‍ നിന്നും അനുവദിച്ച 22.07 ലക്ഷം രൂപയുടെ ഒരു ബസ്‌ കൂടെ തൃശൂര്‍ ഗവണ്‍മെന്റ്‌ എഞ്ചിനീയറിങ്‌ കോളേജിന്‌ ലഭിച്ചു. ഗവ. എഞ്ചിനീയറിങ്‌ കോളേജ്‌ മില്ലേനിയം ഓഡിറ്റോറിയത്തില്‍ മന്ത്രി ബസ്സിന്റെ താക്കോല്‍ കോളേജ്‌ പ്രിന്‍സിപ്പല്‍ ഡോ. ബി ജയാനന്ദന്‌ കൈമാറി. ടെക്‌നിക്കല്‍ എഡ്യൂക്കേഷന്‍ ഡയറക്‌ടര്‍ കെ പി ഇന്ദിരദേവി അദ്ധ്യക്ഷത വഹിച്ചു. ബസ്സിന്റെ സ്വിച്ച്‌ ഓണ്‍ കര്‍മ്മവും ഫ്‌ളാഗ്‌ ഓഫും കോളേജ്‌ ഗ്രൗണ്ടില്‍ മന്ത്രി നിര്‍വഹിച്ചു. 51 സീറ്റുകളാണ്‌ പുതിയ ബസ്സിനുളളത്‌.

കാഞ്ഞിരക്കോട്‌-പാത്രമംഗലം വരെയുളള വടക്കാഞ്ചേരി പുഴയുടെ സമഗ്രമായ നവീകരണവും ജലസംരക്ഷണവും ലക്ഷ്യമിട്ടുകൊണ്ടുളള പ്രവര്‍ത്തനങ്ങള്‍ ത്വരിതപ്പെടുത്തുമെന്ന്‌ തദ്ദേശസ്വയംഭരണ വകുപ്പ്‌ മന്ത്രി എ സി മൊയ്‌തീന്‍. കിഫ്‌ബി ഫണ്ട്‌ ഉപയോഗിച്ച്‌ വടക്കാഞ്ചേരി പുഴയില്‍ കാഞ്ഞിരക്കോട്‌-പാത്രമംഗലം വരെ നിര്‍മ്മിക്കുന്ന ഒമ്പത്‌ ചെക്ക്‌ ഡാമുകളുടെ നിര്‍മ്മാണപ്രവര്‍ത്തനങ്ങള്‍ തൃശൂര്‍ രാമനിലയം കോണ്‍ഫറന്‍സ്‌ ഹാളില്‍ അവലോകനം ചെയ്യുകയായിരുന്നു മന്ത്രി. പുഴയുടെ കയ്യേറ്റം ഒഴിവാക്കുന്നതിനും അനധികൃത വെളളമൂറ്റുന്നത്‌ തടയുന്നതിനും വെളളത്തിന്റെ ലഭ്യത എത്രയാണെന്നതും പദ്ധതിയില്‍ ഉള്‍പ്പെടുത്തണമെന്നും മന്ത്രി ആവശ്യപ്പെട്ടു.