ഫെബ്രുവരി 18 ന് കോഴിക്കോട് സാങ്കേതിക വിദ്യാഭ്യാസ വകുപ്പ് മേഖലാ ഡയറക്ടറുടെ കാര്യാലയത്തില്‍ നടത്തുന്ന ഫയല്‍ അദാലത്തിലേക്ക് പൊതുജനങ്ങള്‍ക്കും സ്ഥാപനങ്ങള്‍ക്കും ഫെബ്രുവരി 14  വരെ പരാതി സമര്‍പ്പിക്കാം. ഓണ്‍ലൈന്‍ ആയി രജിസ്റ്റര്‍ ചെയ്യുന്നതിന് ംംം.റലേ.സലൃമഹമ..ഴീ്.ശി ലെ ഞഉഠഋ, കോഴിക്കോട് ഫൈല്‍ അദാലത്ത് എന്ന ലിങ്കില്‍ രജിസ്റ്റര്‍ ചെയ്യാമെന്ന് ജോയിന്റ് ഡയറക്ടര്‍ അറിയിച്ചു.

കോഴിക്കോട് ബീച്ച് ഹോസ്പിറ്റലില്‍ ആരോരുമില്ലാതെ പ്രവേശിപ്പിക്കപ്പെടുന്നവരെ പുനരധിവസിപ്പിക്കാന്‍ കലക്ടറുടെ നിര്‍ദേശപ്രകാരം ആരംഭിച്ച പദ്ധതി ബംഗാളിലെ മൊയ്ന സ്വദേശിനി അന്‍പതുകാരിയായ സുലേഖ ദാസിനു തുണയായി.ആറുവര്‍ഷമായി വീട്ടില്‍ നിന്നും കാണാതായ ഇവരെത്തേടി ഭര്‍ത്താവും സഹോദരനും ഷോര്‍ട് സ്റ്റേഹോമില്‍ എത്തിയപ്പോള്‍ അതു വികാരനിര്‍ഭരമായ രംഗങ്ങള്‍ക്കു വേദിയാവുകയായിരുന്നു

കോഴിക്കോട് ഐ.സി.ഡി.എസ് അര്‍ബന്‍2 ശിശുവികസന പദ്ധതി ഓഫീസറുടെ കാര്യാലയത്തിനു പരിധിയിലെ 140 അങ്കവാടികളിലേക്ക് ഭക്ഷ്യധാന്യങ്ങള്‍ തിരഞ്ഞെടുക്കപ്പെട്ട സപ്ലൈകൊ ഡിപ്പോ, മാവേലി സ്റ്റോര്‍, കുടുംബശ്രീ യൂണിറ്റ് എന്നിവയില്‍ നിന്നും ഏറ്റെടുത്ത് വിതരണം ചെയ്യുന്നതിന് സ്ഥാപനങ്ങളില്‍ നിന്നും ടെന്‍ണ്ടര്‍ ക്ഷണിച്ചു. അവസാന തിയതി ഫെബ്രുവരി 21. ഫോണ്‍: 0495 2373566. 

    കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഫെബ്രുവരി  14, 15,16  തിയ്യതികളില്‍  ''സസ്യ പ്രവര്‍ധനം''(നടീല്‍ വസ്തുക്കളുടെ ഉല്‍പാദനം) എന്ന വിഷയത്തില്‍ 30 കര്‍ഷകര്‍ക്ക് സൗജന്യ  ത്രിദിന പരിശീലനം നല്‍ക്കുന്നു. നേരത്തെ ഇതേ വിഷയത്തില്‍ പരിശീലനം ലഭിച്ചവര്‍ക്ക് രജിസ്ട്രേഷന്‍ അനുവദിക്കുന്നതല്ല. രാവിലെ  10 മുതല്‍ 5 വരെ മൂന്ന് ദിവസം തുടര്‍ച്ചയായി ക്ലാസ്സ് ഉണ്ടായിരിക്കും.  മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുന്നത്. താല്‍പര്യമുള്ള  കര്‍ഷകര്‍  പേര് രജിസ്റ്റര്‍ ചെയ്യേണ്ടതാണ്.  ഫോണ്‍:  04952373582.