ലോക്‌സഭാ തിരഞ്ഞെടുപ്പുമായി ബന്ധപ്പെട്ട് അച്ചടി, ഇലക്‌ട്രോണിക് മാധ്യമങ്ങൾ മുഖേനയോ, മറ്റേതെങ്കിലും വിധത്തിലോ ഉള്ള എക്‌സിറ്റ് പോളുകൾ ഏപ്രിൽ 11 രാവിലെ ഏഴുമുതൽ തിരഞ്ഞെടുപ്പ് കമ്മീഷൻ വിലക്കി. മേയ് 19ന് വൈകിട്ട് 6.30 വരെ വിലക്ക് നിലവിലുണ്ടാകും.

ജനപ്രാതിനിധ്യ നിയമം 1951ലെ സെക്ഷൻ 126 (1) എ പ്രകാരമാണ് നടപടി. 

ഈ മാസം നടത്താൻ നിശ്ചയിച്ചിരുന്ന ഡി.എഡ്/ഡി.എൽ.എഡ് സെമസ്റ്റർ പരീക്ഷകളുടെ തീയതി പുന:ക്രമീകരിച്ചു. പരീക്ഷകൾ മേയ് ആറ് മുതൽ 16 വരെ തീയതികളിൽ നടക്കും. പുതുക്കിയ ടൈം ടേബിൾ പരീക്ഷാഭവന്റെ വെബ് സൈറ്റിൽ  (www.keralapareekshabhabvan.in) ലഭ്യമാണ്. 

പി.എൻ.എക്സ്. 1094/19

ഗാന്ധിജിയുടെ ജീവിതം ഇതിവൃത്തമാക്കി കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി സംഘടിപ്പിച്ച മാപ്പിളപ്പാട്ട് രചനാ മത്സരത്തില്‍ ഷാഹിന കാവനൂര്‍ ഒന്നാം സ്ഥാനം നേടി. ഷംസദ് എടരിക്കോട് രണ്ടാം സ്ഥാനവും ഫൈസല്‍ കന്‍മനം, സീനത്ത് ചെറുശ്ശോല എന്നിവര്‍ മൂന്നാം സ്ഥാനവും കരസ്ഥമാക്കി. മൂന്ന് മണിക്കൂര്‍ ദൈര്‍ഘ്യമുള്ള ഗാന്ധി ചലച്ചിത്രം പ്രദര്‍ശിപ്പിച്ചതിനു ശേഷമായിരുന്നു രചനാ മത്സരം. പക്കര്‍ പന്നൂര്, ബാപ്പു വാവാട്, പുലിക്കോട്ടില്‍ ഹൈദരലി എന്നിവരാണ് രചനകള്‍ വിലയിരുത്തിയത്.

ജില്ലാ ആരോഗ്യ വകുപ്പില്‍ ലാബ് ടെക്‌നീഷ്യന്‍ ഗ്രേഡ് 2 (എന്‍.സി.എ ധീവര) (കാറ്റഗറി നമ്പര്‍.306/17) തസ്തികയിലേക്ക്  2018 നവംബര്‍ 30ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികളുടെ ഇന്റര്‍വ്യൂ ഏപ്രില്‍ ഒന്‍പതിന് കോഴിക്കോട് സിവില്‍ സ്റ്റേഷനിലുള്ള  ജില്ലാ പി.എസ്.സി ഓഫീസില്‍ നടത്തും. ഇന്റര്‍വ്യൂ മെമ്മോ ഉദ്യോഗാര്‍ത്ഥികളുടെ പ്രൊഫൈലില്‍ നിന്ന് ഡൗണ്‍ലോഡ് ചെയ്ത് ഇന്റര്‍വ്യൂയ്ക്ക് ഹാജരാകണമെന്ന് ജില്ലാ പി.എസ്.സി ഓഫീസര്‍ അറിയിച്ചു.

കോലുപാലം-മുക്കിലപ്പീടിക റോഡില്‍ കലുങ്കിന്റെ പ്രവൃത്തി നടക്കുന്നതിനാല്‍ ഏപ്രില്‍ നാലു മുതല്‍ പ്രവൃത്തി അവസാനിക്കുന്നത് വരെ വാഹന ഗതാഗതം നിരോധിച്ചതായി എകസിക്യൂട്ടീവ് എഞ്ചിനീയര്‍ അറിയിച്ചു.

താപനില ശരാശരിയില്‍ നിന്നും രണ്ടു മുതല്‍ മൂന്ന് ഡിഗ്രി വരെ ഉയരുവാന്‍ സാധ്യതയുളളതിനാല്‍ ജില്ലയിലെ മുഴുവന്‍ അങ്കണവാടികള്‍്ക്കും പ്രീ സ്‌കൂളുകള്‍ക്കും ഇനിയൊരു അറിയിപ്പ് ഉണ്ടാകുന്നതു വരെ ജി്ല്ലാകലക്ടര്‍ അവധി നല്‍കി. വര്‍ക്കര്‍മാരും ഹെല്‍പ്പര്‍മാരും യഥാസമയം അങ്കണവാടികളിലെത്തി പോഷകാഹാര വിതരണം ഉള്‍പ്പടെയുള്ള ജോലികള്‍ നിര്‍വഹിക്കണമെന്നും കലക്ടര്‍ അറിയിച്ചു.