നിലമ്പൂര്‍ ജില്ലാ ആശുപത്രിയിലേക്ക് 24 മണിക്കൂര്‍ ഹൗസ് കീപ്പിങ് ജോലികള്‍ ഒരു വര്‍ഷ കാലയളവില്‍ ഏറ്റെടുത്തു നടത്തുവാന്‍ താല്‍പര്യമുള്ള അംഗീകൃത ഏജന്‍സികള്‍ / കുടുംബശ്രീ യൂണിറ്റുകള്‍ എന്നിവരില്‍ നിന്നും ടെണ്ടര്‍ ക്ഷണിച്ചു. ടെണ്ടര്‍ ഫെബ്രുവരി 27ന് ഉച്ചക്ക് ഒന്നിനകം ലഭിക്കണം.  ഫോണ്‍ 04931 220351.

തിരൂരങ്ങാടി താലൂക്ക് മുന്നിയൂര്‍ വില്ലേജ് മുന്നിയൂര്‍ അംശം ബ്ലോക്ക് 22 റീ.സ 376/7 ല്‍പ്പെട്ട  10 സെന്റ് ഭൂമി മാര്‍ച്ച് ആറിന് രാവിലെ 11ന് മുന്നിയൂര്‍ വില്ലേജ് ഓഫീസില്‍ ലേലം ചെയ്യും.

ജില്ലയില്‍ വിദ്യാഭ്യാസ വകുപ്പില്‍ പാര്‍ട്ട് ടൈം ഹൈസ്‌കൂള്‍ അസിസ്റ്റന്റ് (ഹിന്ദി)( കാറ്റഗറി നമ്പര്‍ 419/15 )  തസ്തികയുടെ 2018 ഓഗസ്റ്റ് മൂന്നിന് പ്രസിദ്ധീകരിച്ച ഷോര്‍ട്ട് ലിസ്റ്റില്‍ ഉള്‍പ്പെട്ട ഉദ്യോഗാര്‍ത്ഥികളെ ഫെബ്രുവരി 13, 14 തീയതികളില്‍ പബ്ലിക് സര്‍വ്വീസ് കമ്മീഷന്റെ കട്ടപ്പനയിലുള്ള ജില്ലാ പി.എസ്.സി ഓഫീസില്‍ ഇന്റര്‍വ്യൂ ചെയ്യും. ഇതു സംബന്ധിച്ച് പ്രൊഫൈല്‍ മെസേജ്, എസ്.എം.എസ് എന്നിവ നല്‍കിയിട്ടുണ്ട്. ഇന്റര്‍വ്യൂ മെമ്മോ,  ബയോഡേറ്റ എന്നിവ പ്രൊഫൈലില്‍ നിന്നും ഡൗണ്‍ലോഡ് ചെയ്ത് ഇന്റര്‍വ്യൂവിന് ഹാജരാകണം.

സംസ്ഥാന മലിനീകരണ നിയന്ത്രണ ബോര്‍ഡിന്റെ ജില്ലാ ഓഫീസ് പ്രവര്‍ത്തിക്കുവാന്‍ ആവശ്യമായ 5000 സ്‌ക്വയര്‍ ഫീറ്റ് കെട്ടിടം ആവശ്യമുണ്ട്.  കെട്ടിടം നല്‍കാന്‍ താത്പര്യമുള്ളവര്‍ എന്‍വയോണ്‍മെന്റല്‍ എഞ്ചിനീയര്‍, സംസ്ഥാന മലിനീകരണ നിയന്ത്രണ ബോര്‍ഡ്, ജില്ലാ ഓഫീസ് മലപ്പുറം വിലാസത്തില്‍ ബന്ധപ്പെടണം.  ഫോണ്‍ 0483 2733211.

ജില്ലയില്‍ രാത്രികാല മൃഗചികിത്സാ സേവനത്തിന് ഒഴിവുള്ള ബ്ലോക്കിലേക്ക് വെറ്ററിനറി സയന്‍സില്‍ ബിരുദവും വെറ്ററിനറി കൗണ്‍സില്‍ രജിസ്‌ട്രേഷനുമുള്ള സേവന സന്നദ്ധരായവരില്‍ നിന്ന് താത്ക്കാലിക കരാര്‍ നിയമനത്തിന് അപേക്ഷ ക്ഷണിച്ചു.   വേതനം പ്രതിമാസം 39,500 രൂപ.  താല്‍പര്യമുള്ളവര്‍ ഫെബ്രുവരി 12 ന് രാവിലെ 11 ന് മലപ്പുറം സിവില്‍ സ്റ്റേഷനിലെ ജില്ലാ മൃഗസംരക്ഷണ ഓഫീസില്‍ അസ്സല്‍ രേഖകള്‍ സഹിതം കൂടിക്കാഴ്ചക്ക് എത്തണം.  ഫോണ്‍ 0483 2734917.

ഫെബ്രുവരി 13ന് ഉച്ചക്ക് 12ന് വിമുക്തി മിഷന്റെ യോഗം ജില്ലാ പഞ്ചായത്ത് ഹാളില്‍ ജില്ലാ പഞ്ചായത്ത് പ്രസിഡന്റിന്റെ അധ്യക്ഷതയില്‍ ചേരും.

മലപ്പുറം നെഹ്‌റു യുവ കേന്ദ്രയുടെയും ആവാസ് യൂത്ത് കള്‍ച്ചറല്‍ സെന്ററിന്റെയും സംയുക്താഭിമുഖ്യത്തില്‍ ചുടലപ്പാറ നമ്പിയത്ത് ഓഡിറ്റോറിയത്തില്‍ സംഘടിപ്പിച്ച ജില്ലാതല നടന്‍ കലാമേള ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. നെഹ്‌റു യുവ കേന്ദ്ര ജില്ലാ യൂത്ത് കോര്‍ഡിനേറ്റര്‍ കെ. കുഞ്ഞഹമ്മദ് ചടങ്ങില്‍ മുഖ്യാതിഥിയായി. കെ.പി ലത്തീഫ് അധ്യക്ഷത വഹിച്ചു. എടരിക്കോട് ഗ്രാമ പഞ്ചായത്ത് പ്രസിഡന്റ് ഷൈബ മണമ്മല്‍, ഡോ. മുഹമ്മദ് സലിം, ഗ്രാമ പഞ്ചായത്ത് മെമ്പര്‍ കെ.ഉണ്ണികൃഷ്ണന്‍, എ.എല്‍.പി സ്‌ക്കൂള്‍ ഹെഡ്മാസ്റ്റര്‍ ടി. ചന്ദ്രന്‍, സുഹൈര്‍ പൂവഞ്ചേരി, നൗഫല്‍ നെല്ലിയാളി എന്നിവര്‍ സംസാരിച്ചു.

ഉപതെരഞ്ഞെടുപ്പ് നടക്കുന്ന മൂന്ന് മണ്ഡലങ്ങളില്‍ മദ്യ നിരോധനം ഏര്‍പ്പെടുത്തി ജില്ലാ കലക്ടര്‍ ഉത്തരവിട്ടു. ഫെബ്രുവരി 12  വൈകീട്ട് അഞ്ചു മുതല്‍ ഫെബ്രുവരി 14 ന് വൈകീട്ട് അഞ്ച് വരെയും വോട്ടെണ്ണല്‍ ദിവസമായ ഫെബ്രുവരി 15 നുമാണ് മദ്യനിരോധനം ഏര്‍പ്പെടുത്തിയത്.

ജില്ലയില്‍ ഉപതെരഞ്ഞെടുപ്പ് നടക്കുന്ന തദ്ദേശ സ്വയംഭരണ സ്ഥാപന  വാര്‍ഡുകളിലെ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും തെരഞ്ഞെടുപ്പ് ദിവസമായ ഫെബ്രുവരി 14 ന് ജില്ലാ കലക്ടര്‍ അവധി പ്രഖ്യാപിച്ചു.