ജില്ലയില്‍ മികച്ച രീതിയില്‍ അന്തര്‍ദേശീയ മദ്യ-മയക്കുമരുന്ന് വിരുദ്ധവാരാചരണം  സംഘടിപ്പിച്ചതിനുള്ള ലഹരിവിമുക്തബാല്യം പുരസ്‌കാരം പത്തനംതിട്ട മര്‍ത്തോമ ഹയര്‍ സെക്കന്‍ഡറി സ്‌കൂളിന് ലഭിച്ചു. വനിതാ ശിശുവികസന വകുപ്പും ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റും സംയുക്തമായി നടത്തിയ ദിശാക്യാമ്പില്‍ ജില്ലാ ലീഗല്‍ സര്‍വീസസ് ചെയര്‍മാനും സബ്ജഡ്ജുമായ ആര്‍.ജയകൃഷ്ണന്‍ പുരസ്‌കാരം സമ്മാനിച്ചു.  മദ്യത്തിനും മയക്കുമരുന്നിനുമെതിരെ സ്‌കൂളിലും സമൂഹത്തിലും നടത്തിയ പ്രവര്‍ത്തനങ്ങളും സെമിനാറുകളും വാഹന പ്രചരണജാഥകളുമാണ് സ്‌കൂളിന്റെ ലഹരിവിമുക്ത ക്ലബിനെ സമ്മാനാര്‍ഹമാക്കിയത്.            (പിഎന്‍പി 522/19)

പറക്കോട് അഡീഷണല്‍ ഐസിഡിഎസിന്റെ പരിധിയിലുള്ള ഏറത്ത് പഞ്ചായത്തില്‍ അങ്കണവാടി വര്‍ക്കര്‍, ഹെല്‍പ്പര്‍ സെലക്ഷനുമായി ബന്ധപ്പെട്ട ഇന്റര്‍വ്യൂ 21 മുതല്‍ 25 വരെ ആയിരിക്കുമെന്ന് ശിശുവികസന പദ്ധതി ഓഫീസര്‍ അറിയിച്ചു. ജനുവരി 10ന് നടത്താനിരുന്ന ഇന്റര്‍വ്യൂ ഈ മാസം 21നും 11ലേത് 22നും 14ലേത് 23നും 15ലേത് 25നും നടക്കും. ഇന്റര്‍വ്യൂവിന് അറിയിപ്പ് ലഭിച്ച ഉദേ്യാഗാര്‍ഥികള്‍ നിശ്ചിത ദിവസം രാവിലെ 9.30ന് പഞ്ചായത്ത് ഓഫീസില്‍ എത്തണം. ഫോണ്‍: 04734 216444.           (പിഎന്‍പി 521/19)

നമ്മുടെ കുട്ടികള്‍ക്കൊപ്പം ആരോരുമില്ലാത്ത കുട്ടികളെക്കൂടി വീട്ടില്‍ സംരക്ഷിക്കാനുള്ള സന്മനസ്സുള്ളവര്‍ക്കായി ഫോസ്റ്റര്‍ കെയര്‍ അപേക്ഷ ക്ഷണിച്ചു. 

ജില്ലയില്‍ വനം വകുപ്പില്‍ ബീറ്റ് ഫോറസ്റ്റ് ഓഫീസര്‍ (കാറ്റഗറി നമ്പര്‍ 583/2017, 584/2017, 585/17) തസ്തികയിലേക്കുള്ള ചുരുക്കപ്പട്ടിക പി.എസ്.സി പ്രസിദ്ധീകരിച്ചു. 

                   (പിഎന്‍പി 519/19)

കോന്നി താലൂക്കാഫീസിലെ വാഹനത്തിന്റെ  നാല് ടയറുകള്‍ മാറ്റി നല്‍കുന്നതിന് ക്വട്ടേഷന്‍ ക്ഷണിച്ചു. ഫോണ്‍: 0468 2240087.             (പിഎന്‍പി 518/19)

കോന്നി ബ്ലോക്കില്‍ പ്രവര്‍ത്തിക്കുന്ന മാതൃകാ കാര്‍ഷിക സേവന കേന്ദ്രത്തില്‍ കാര്‍ഷിക മേഖലയില്‍ പ്രവര്‍ത്തിക്കാന്‍ എസ്എസ്എല്‍സി യോഗ്യതയുള്ളവര്‍ക്ക് അവസരം.  പ്രായം 18നും 50നും മധേ്യ. താത്പര്യമുള്ളവര്‍ ഈ മാസം 18ന് മുമ്പ് കാര്‍ഷിക സേവന കേന്ദ്രത്തില്‍ അപേക്ഷ നല്‍കണം. തെരഞ്ഞെടുക്കപ്പെടുന്നവര്‍ക്ക് കാര്‍ഷിക യന്ത്രങ്ങളിലും കാര്‍ഷിക പരിചരണമുറകളിലും പരിശീലനം നല്‍കും. പരിശീലനം പൂര്‍ത്തിയായാല്‍ കാര്‍ഷിക സേവന കേന്ദ്രത്തില്‍ പ്രവര്‍ത്തിക്കാന്‍ സന്നദ്ധരായിരിക്കണം. കോന്നി ബ്ലോക്ക് പഞ്ചായത്ത് പരിധിയിലുള്ളവര്‍ക്ക് മുന്‍ഗണന ലഭിക്കും.          (പിഎന്‍പി 517/19)

പാലക്കാട് സർക്കിളിന് കീഴിലുള്ള ആറളം വന്യജീവി ഡിവിഷനിലും പീച്ചി ഡിവിഷന് കീഴിലുള്ള സൈലന്റ്വാലി നാഷണൽ പാർക്കിലും കൺസർവേഷൻ ബയോളജിസ്റ്റ്, സോഷ്യോളജിസ്റ്റ് തസ്തികകളിൽ കരാർ നിയമനം നടത്തുന്നു. മൂന്ന് കൺസർവേഷൻ ബയോളജിസ്റ്റിനെയും ഒരു സോഷ്യോളജിസ്റ്റിനെയുമാണ് നിയമിക്കുന്നത്. മാർച്ച് എട്ടിനകം അപേക്ഷിക്കണം. കൂടുതൽ വിവരങ്ങൾക്ക്www.forest.kerala.gov.in.

പി.എൻ.എക്സ്. 527/19

ഇൻഫർമേഷൻ പബ്‌ളിക് റിലേഷൻസ് വകുപ്പിന്റെ ഡോക്യുമെന്ററി, ഹ്രസ്വചിത്രം നിർമിക്കുന്ന സംവിധായകരുടെ പാനലിലേക്ക് അപേക്ഷ ക്ഷണിച്ചു. മൂന്നു വിഭാഗങ്ങളിലേക്കാണ് ഡോക്യുമെന്ററി സംവിധായകരുടെ അപേക്ഷ ക്ഷണിച്ചിരിക്കുന്നത്. 

* റൂസ ഫണ്ട് വിതരണത്തിന്റെ സംസ്ഥാനതല ഉദ്ഘാടനം നിർവഹിച്ചു