ജില്ലയിലെ പട്ടികജാതി/പട്ടികവര്‍ഗ വിഭാഗത്തില്‍പ്പെട്ട തൊഴില്‍ രഹിതര്‍ക്ക് വസ്തു / ഉദ്യോഗസ്ഥ ജാമ്യവ്യവസ്ഥയില്‍ സ്വയംതൊഴില്‍, വാഹന (ഓട്ടോറിക്ഷ മുതല്‍ ടാക്‌സി കാര്‍ /ഗുഡ്‌സ് കാരിയര്‍ ഉള്‍പ്പടെയുള്ള കമേഴ്സ്യല്‍ വാഹനങ്ങള്‍) വായ്പകള്‍ക്ക് അപേക്ഷിക്കാം. കുടുംബ വാര്‍ഷിക  വരുമാനം 3.5 ലക്ഷം രൂപയില്‍ കവിയരുത്. പ്രായം 18നും 55നും മധ്യേ. വാഹന വായ്പയ്ക്ക്  അപേക്ഷിക്കുന്നവര്‍ക്ക് ലൈസന്‍സും ബാഡ്ജും ഉണ്ടായിരിക്കണം. അപേക്ഷാഫോറവും കൂടുതല്‍ വിവരങ്ങളും  പന്തളം പോസ്റ്റാഫീസിനു സമീപം പ്രവര്‍ത്തിക്കുന്ന കോര്‍പറേഷന്റെ ജില്ലാ ഓഫീസില്‍ ലഭിക്കും.

         (പിഎന്‍പി 527/19)

കെല്‍ട്രോണും ചെന്നീര്‍ക്കര ഗവണ്‍മെന്റ് ഐടിഐയും സംയുക്തമായി ആരംഭിക്കുന്ന ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് എന്നീ തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. ഈ മാസം 25 വരെ അപേക്ഷ സ്വീകരിക്കും. ഫോണ്‍: 8606139232, 8075759481.

          (പിഎന്‍പി 526/19)

ജില്ലയില്‍ മികച്ച രീതിയില്‍ അന്തര്‍ദേശീയ മദ്യ-മയക്കുമരുന്ന് വിരുദ്ധവാരാചരണം  സംഘടിപ്പിച്ചതിനുള്ള ലഹരിവിമുക്തബാല്യം പുരസ്‌കാരം പത്തനംതിട്ട മര്‍ത്തോമ ഹയര്‍ സെക്കന്‍ഡറി സ്‌കൂളിന് ലഭിച്ചു. വനിതാ ശിശുവികസന വകുപ്പും ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റും സംയുക്തമായി നടത്തിയ ദിശാക്യാമ്പില്‍ ജില്ലാ ലീഗല്‍ സര്‍വീസസ് ചെയര്‍മാനും സബ്ജഡ്ജുമായ ആര്‍.ജയകൃഷ്ണന്‍ പുരസ്‌കാരം സമ്മാനിച്ചു.  മദ്യത്തിനും മയക്കുമരുന്നിനുമെതിരെ സ്‌കൂളിലും സമൂഹത്തിലും നടത്തിയ പ്രവര്‍ത്തനങ്ങളും സെമിനാറുകളും വാഹന പ്രചരണജാഥകളുമാണ് സ്‌കൂളിന്റെ ലഹരിവിമുക്ത ക്ലബിനെ സമ്മാനാര്‍ഹമാക്കിയത്.            (പിഎന്‍പി 522/19)

പറക്കോട് അഡീഷണല്‍ ഐസിഡിഎസിന്റെ പരിധിയിലുള്ള ഏറത്ത് പഞ്ചായത്തില്‍ അങ്കണവാടി വര്‍ക്കര്‍, ഹെല്‍പ്പര്‍ സെലക്ഷനുമായി ബന്ധപ്പെട്ട ഇന്റര്‍വ്യൂ 21 മുതല്‍ 25 വരെ ആയിരിക്കുമെന്ന് ശിശുവികസന പദ്ധതി ഓഫീസര്‍ അറിയിച്ചു. ജനുവരി 10ന് നടത്താനിരുന്ന ഇന്റര്‍വ്യൂ ഈ മാസം 21നും 11ലേത് 22നും 14ലേത് 23നും 15ലേത് 25നും നടക്കും. ഇന്റര്‍വ്യൂവിന് അറിയിപ്പ് ലഭിച്ച ഉദേ്യാഗാര്‍ഥികള്‍ നിശ്ചിത ദിവസം രാവിലെ 9.30ന് പഞ്ചായത്ത് ഓഫീസില്‍ എത്തണം. ഫോണ്‍: 04734 216444.           (പിഎന്‍പി 521/19)

നമ്മുടെ കുട്ടികള്‍ക്കൊപ്പം ആരോരുമില്ലാത്ത കുട്ടികളെക്കൂടി വീട്ടില്‍ സംരക്ഷിക്കാനുള്ള സന്മനസ്സുള്ളവര്‍ക്കായി ഫോസ്റ്റര്‍ കെയര്‍ അപേക്ഷ ക്ഷണിച്ചു. 

ജില്ലയില്‍ വനം വകുപ്പില്‍ ബീറ്റ് ഫോറസ്റ്റ് ഓഫീസര്‍ (കാറ്റഗറി നമ്പര്‍ 583/2017, 584/2017, 585/17) തസ്തികയിലേക്കുള്ള ചുരുക്കപ്പട്ടിക പി.എസ്.സി പ്രസിദ്ധീകരിച്ചു. 

                   (പിഎന്‍പി 519/19)

കോന്നി താലൂക്കാഫീസിലെ വാഹനത്തിന്റെ  നാല് ടയറുകള്‍ മാറ്റി നല്‍കുന്നതിന് ക്വട്ടേഷന്‍ ക്ഷണിച്ചു. ഫോണ്‍: 0468 2240087.             (പിഎന്‍പി 518/19)