തൊടുപുഴ നിയോജകമണ്ഡലത്തിലെ കരിമണ്ണൂരില്‍ ഫ്‌ളക്‌സ് ബോര്‍ഡ് സ്ഥാപിച്ചതുമായി ബന്ധപ്പെട്ട് ഇലക്ഷന്‍ കമ്മീഷന്റെ വെബ്‌സൈറ്റായ സി വിജിലില്‍ രജിസ്റ്റര്‍ ചെയ്ത പരാതി ആന്റി ഡീഫേയ്‌സ്‌മെന്റ് സ്‌ക്വാഡുകള്‍ ബന്ധപ്പെട്ട സ്ഥലപരിശോധന നടത്തി നീക്കം ചെയ്ത് പരാതി പരിഹരിച്ചു.

ജില്ലയിലെ അഞ്ചു മണ്ഡലങ്ങളിലായി  60 പ്രശ്‌നസാധ്യത വോട്ടെടുപ്പ് കേന്ദ്രങ്ങളാണുള്ളത്. ദേവികുളം മണ്ഡലത്തില്‍ എട്ടും ഉടുമ്പന്‍ചോലയില്‍ 20ഉം തൊടുപുഴയില്‍ 16ഉം ഇടുക്കിയില്‍ രണ്ടും, പീരുമേട്ടില്‍ 16ഉം വോട്ടെടുപ്പ് കേന്ദ്രങ്ങളാണ് പ്രശ്‌നസാധ്യത കേന്ദ്രങ്ങളായി കണക്കുകൂട്ടിയിരിക്കുന്നത്. ഇന്റര്‍നെറ്റ് സൗകര്യം ആവശ്യമുള്ള 13 ബൂത്തുകളില്‍ ബി.എസ്.എന്‍.എല്‍ ന്റെയും ബി.എസ്.എന്‍.എല്‍ ബ്രോഡ്ബാന്റിന്റെയും കണക്ഷന്‍ സജ്ജീകരിക്കും. 

തൊടുപുഴ നിയോജകമണ്ഡലത്തിലെ മുതലക്കോടം, ഏഴല്ലൂര്‍, കരിമണ്ണൂര്‍, നെയ്യശ്ശേരി, ചെപ്പുകുളം, പെരുമ്പിള്ളിച്ചിറ, വെങ്ങല്ലൂര്‍, ഈസ്റ്റ് കലൂര്‍, മണക്കാട് എന്നിവിടങ്ങളില്‍ പൊതുസ്ഥലത്ത് സ്ഥാപിച്ചിരുന്ന 455 പോസ്റ്ററുകള്‍, പൊതുസ്ഥലത്ത് സ്ഥാപിച്ചിരുന്ന 11 ഫ്‌ളക്‌സ് ബോര്‍ഡുകള്‍, സ്വകാര്യ സ്ഥലത്ത് സ്ഥാപിച്ചിരുന്ന 6 ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്തു.