ആറന്മുള നിയോജകമണ്ഡലത്തില്‍ പുതിയകാലം പുതിയ നിര്‍മാണം എന്ന വികസന മുദ്രാവാക്യം ഏറ്റെടുത്തുകൊണ്ട് പൂര്‍ത്തീകരിച്ച ആഞ്ഞിലിമൂട്ടില്‍ കടവ് പാലം ഇന്ന് (13) വൈകിട്ട് 5.30ന് ആഞ്ഞിലിമൂട്ടില്‍ കടവില്‍ പൊതുമരാമത്ത് വകുപ്പ് മന്ത്രി ജി.സുധാകരന്‍ ഉദ്ഘാടനം ചെയ്യും. വീണാജോര്‍ജ് എംഎല്‍എയുടെ അധ്യക്ഷതയില്‍ നടക്കുന്ന ചടങ്ങില്‍ ആന്റോ ആന്റണി എംപി മുഖ്യപ്രഭാഷണം നടത്തും.              (പിഎന്‍പി 531/19)

ആറന്മുള നിയോജകമണ്ഡലത്തില്‍ പുതിയകാലം പുതിയ നിര്‍മാണം എന്ന വികസന മുദ്രാവാക്യം ഏറ്റെടുത്തുകൊണ്ട് കിഫ്ബി 2016-17 പദ്ധതിയില്‍ ഉള്‍പ്പെടുത്തി നിര്‍മിക്കുന്ന മഞ്ഞിനിക്കര മുതല്‍ ഇലവുംതിട്ട-കിടങ്ങന്നൂര്‍-മുളക്കുഴ വരെയുള്ള റോഡിന്റെ നിര്‍മാണോദ്ഘാടനം ഇന്ന് വൈകിട്ട് 3.30ന് പൊതുമരാമത്ത് വകുപ്പ് മന്ത്രി ജി.സുധാകരന്‍ നിര്‍വഹിക്കും. വീണാജോര്‍ജ് എംഎല്‍എയുടെ അധ്യക്ഷതയില്‍ ഊന്നുകല്‍ ജംഗ്ഷനില്‍ നടക്കുന്ന ചടങ്ങില്‍ ആന്റോ ആന്റണി എംപി മുഖ്യപ്രഭാഷണം നടത്തും. സജി ചെറിയാന്‍ എംഎല്‍എ വിശിഷ്ടാതിഥിയായി പങ്കെടുക്കും.                               (പിഎന്‍പി 530/19)

ജില്ലയില്‍ രണ്ടുവര്‍ഷത്തിനുള്ളില്‍ 7000 സര്‍വ്വേ പരാതികള്‍ തീര്‍പ്പാക്കിയതായി ജില്ലാ സര്‍വ്വേ ജില്ലാ സര്‍വ്വെ ഡെപ്യൂട്ടി ഡയറക്ടര്‍. താലൂക്ക്‌ ഓഫീസുകളില്‍ കുടിശ്ശികയായി കിടന്നിരുന്ന എല്‍.ആര്‍.എം. പരാതികളാണ്‌ തീര്‍പ്പാക്കിയത്‌. കൂടാതെ താലൂക്കുകളില്‍ കോടതി സംബന്ധമായതും മറ്റു ജോലികളും അതിര്‍ത്തി പുനര്‍നിര്‍ണയവും നടക്കുന്നുണ്ട്‌. ജില്ലാ എസ്റ്റാബ്ലിഷ്‌മെന്റിന്റെ കീഴില്‍ 30 സര്‍വ്വേയര്‍മാരെ നിയമിച്ച സ്‌പെഷല്‍ ജോലികളും നടത്തുന്നു.

വിവിധ ബ്ലോക്ക്‌ പഞ്ചായത്തുകളില്‍ ജില്ലാ ക്ഷീരവികസന വകുപ്പ്‌ പതിനാറ്‌ പദ്ധതികള്‍ പൂര്‍ത്തിയാക്കിയതായി ജില്ലാ ക്ഷീരവികസന ഓഫീസര്‍ അറിയിച്ചു. അന്തിക്കാട്‌, ചാലക്കുടി, ചേര്‍പ്പ്‌, ചൊവ്വന്നൂര്‍, ഇരിങ്ങാലക്കുട, കൊടകര, കൊടുങ്ങല്ലൂര്‍, മാള, മതിലകം, മുല്ലശ്ശേരി, ഒല്ലൂക്കര, പഴയന്നൂര്‍ പുഴയ്‌ക്കല്‍, തളിക്കുളം, വെള്ളാങ്ങല്ലൂര്‍, വടക്കാഞ്ചേരി എന്നിവിടങ്ങളിലാണ്‌ പദ്ധതികള്‍ പൂര്‍ത്തീകരിച്ചത്‌. സര്‍ക്കാരിന്റെ ആയിരം ദിനാഘോഷപരിപാടിയുടെ ഭാഗമായി ഫെബ്രുവരി 20 നകം പദ്ധതികളുടെ ഉദ്‌ഘാടനവും നടക്കും. 

ജില്ലയില്‍ പച്ചക്കറി വികസന പദ്ധതിയിലൂടെ വന്‍ പച്ചക്കറി ഉല്‍പാദനമെന്ന്‌ ജില്ലാ പ്രിന്‍സിപ്പല്‍ കൃഷി ഓഫീസര്‍. 2018-19 പദ്ധതിയിലൂടെ ഉല്‌പാദിപ്പിച്ചെടുത്ത പച്ചക്കറികള്‍ക്ക്‌ വിപണി സൗകര്യം വര്‍ധിപ്പിച്ചും അവയ്‌ക്ക്‌ മികച്ച വില ലഭ്യമാക്കിയുമാണ്‌ ജില്ലയില്‍ കര്‍ഷകര്‍ക്കായി വിവിധ പച്ചക്കറികൃഷി നടപ്പിലാക്കിട്ടുള്ളത്‌. പ്രിന്‍സിപ്പല്‍ കൃഷി ഓഫീസിന്റെ നേതൃത്വത്തില്‍ ഓണത്തിന്‌ ഒരു മുറം പച്ചക്കറി പദ്ധതി വിപുലമായി സംഘടിപ്പിച്ചു. കര്‍ഷകര്‍, വിദ്യാര്‍ത്ഥികള്‍ എന്നിവര്‍ക്ക്‌ വിത്തുകളും തൈകളും നല്‍കി. കര്‍ഷകര്‍ക്ക്‌ 75 ശതമാനം സബ്‌സിഡി നിരക്കില്‍ ഗ്രോ ബാഗുകളും നല്‍കി.

ജില്ലയില്‍ 2018-19 സാമ്പത്തിക വര്‍ഷത്തില്‍ മൃഗപരിപാലനത്തിലേര്‍പ്പെട്ടിരിക്കുന്ന കര്‍ഷകരില്‍ നിന്നും മികച്ച കര്‍ഷകന്‍, വനിതാസംരംഭക, സമ്മിശ്ര കര്‍ഷകന്‍ എന്നീ വിഭാഗത്തിലേക്ക്‌ ആത്മ അവാര്‍ഡിനായി തെരഞ്ഞെടുക്കുന്നുണ്ട്‌. താല്‍പര്യമുളളവര്‍ അടുത്തുളള മൃഗാശുപത്രിയില്‍ ഫെബ്രുവരി 20 നകം അപേക്ഷ നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2361216.