സംസ്ഥാന മന്ത്രിസഭയുടെ ആയിരം ദിനാഘോഷത്തോടനുബന്ധിച്ച് ഫെബ്രുവരി 20 മുതൽ 27 കണ്ണൂർ ടൗൺ സ്‌ക്വയറിൽ നടക്കുന്ന മെഗാ എക്‌സിബിഷന്റെ ഭാഗമായി ഡോക്യുമെന്ററി ഫിലിം ഫെസ്റ്റിവൽ സംഘടിപ്പിക്കും. അതിജീവനം എന്ന പേരിൽ നടക്കുന്ന ഡോക്യുഫെസ്റ്റ് 21ന് വൈകിട്ട് അഞ്ച് മണിക്ക് സംവിധായകൻ പ്രിയനന്ദനൻ ഉദ്ഘാടനം ചെയ്യും. പ്രശസ്ത സംവിധായകരുടെ ഇരുപതോളം ചിത്രങ്ങളാണ് ഫെസ്റ്റിവലിൽ പ്രദർശിപ്പിക്കുക. 

ജില്ലയിൽ ലക്ഷ്യമിടുന്നത് 6.56 ലക്ഷം ചതുരശ്ര മീറ്റർ

മണ്ണ്-ജല സംരക്ഷണ പ്രവർത്തനങ്ങൾക്കായി കയർ ഭൂവസ്ത്രം ഉപയോഗിക്കുന്ന പദ്ധതി പ്രകാരം ജില്ലയിൽ ഇതിനകം 1,34,015 ചതുരശ്രമീറ്ററിൽ കയർ ഭൂവസ്ത്ര വിതാനം പൂർത്തീകരിച്ചു. കയർ വികസനവകുപ്പും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും സംയുക്തമായി ജില്ലയിലെ 50 ലേറെ തദ്ദേശ സ്ഥാപനങ്ങളിലാണ് പദ്ധതി നടപ്പിലാക്കുന്നത്. 

കേരള സ്റ്റേറ്റ് സിവിൽ സർവീസ് അക്കാഡമിയുടെ പത്താമത് സബ്‌സെന്ററിന്റെ ഉദ്ഘാടനം കൊല്ലം കരിക്കോട് ടി.കെ.എം. ആർട്‌സ് ആന്റ് സയൻസ് കോളേജിൽ ഇന്ന് ഉച്ചയ്ക്ക് 2.30 ന് ഉന്നത വിദ്യാഭ്യാസ മന്ത്രി ഡോ.കെ.ടി. ജലീൽ ഉദ്ഘാടനം ചെയ്യും. ചടങ്ങിൽ ജെ. മെഴ്‌സിക്കുട്ടിയമ്മ അധ്യക്ഷത വഹിക്കും.

   പി.എൻ.എക്സ്. 533/19

കോട്ടയം ജില്ലയിലെ പ്രവാസി കമ്മീഷന്റെ സിറ്റിംഗും പരാതി സ്വീകരിക്കലും 20 ന് രാവിലെ പത്ത് മുതൽ ഒരു മണിവരെ കോട്ടയം കളക്ടറേറ്റിലെ കോൺഫറൻസ് ഹാളിൽ നടക്കും. പ്രവാസി ഭാരതീയർ (കേരളീയർ) കമ്മീഷൻ, നോർക്ക സെന്റർ, തൈക്കാട്. പി.ഒ, തിരുവനന്തപുരം-14 എന്ന വിലാസത്തിലോnricommission@kerala.gov.in, secycomsn.nri@kerala.gov.in  എന്നീ  ഇ-മെയിൽ വിലാസങ്ങളിലോ പരാതികൾ മുൻകൂറായും അയയ്ക്കാം.

   പി.എൻ.എക്സ്. 532/19

വാട്ടർ അപ്പലേറ്റ് അതോറിറ്റിയുടെ ഓഫീസ് തിരുവനന്തപുരം, പേട്ട, പള്ളിമുക്ക്, ദേവീകൃപ ബിൽഡിംഗിൽ നിന്നും തമ്പാനൂർ കെ.എസ്.ആർ.ടി.സി ബസ് ടെർമിനലിന്റെ നാലാം നിലയിലെ ആർ2 സെക്ഷനിൽ 15 മുതൽ പ്രവർത്തിക്കും.  വിലാസം: സെക്രട്ടറി, വാട്ടർ അപ്പലേറ്റ് അതോറിറ്റി, ആർ2 സെക്ഷൻ, നാലാം നില, കെ.എസ്.ആർ.ടി.സി ബസ് ടെർമിനൽ, തമ്പാനൂർ  695001. ഫോൺ: 0471 2333532. ഇ-മെയിൽ: waterappellateauthority@gmail.com. . 

   പി.എൻ.എക്സ്. 531/19

ഉപഭോക്തൃകാര്യ വകുപ്പിനായി ഉപഭോക്തൃ ശാക്തീകരണത്തിൽ തെരുവ് നാടകങ്ങൾ ഒരുക്കി തെരഞ്ഞെടുത്ത കേന്ദ്രങ്ങളിൽ പ്രദർശനം നടത്തുന്നതിന് അപേക്ഷ ക്ഷണിച്ചു. വിഷയത്തിന്റെയും ബഡ്ജറ്റിന്റെയും അടിസ്ഥാനത്തിലായിരിക്കും തിരഞ്ഞെടുക്കുക. എൻട്രികൾ ഫെബ്രുവരി 28ന് മുമ്പ് സീനിയർ സൂപ്രണ്ട്, കൺസ്യൂമർ അഫെയേഴ്‌സ് സെൽ, സിവിൽ സപ്ലൈസ് കമ്മീഷണറേറ്റ്, പബ്ലിക് ഓഫീസ് കോംപ്ലക്‌സ്, തിരുവനന്തപുരം എന്ന വിലാസത്തിൽ ലഭിക്കണം.  ഫോൺ: 0471-2322155.

   പി.എൻ.എക്സ്. 530/19

സംസ്ഥാന വനിതാ കമ്മീഷനിൽ നിലവിൽ ഒഴിവുള്ള ഒരു റിസർച്ച് ഓഫീസർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ സമാന തസ്തികയിൽ സേവനമനുഷ്ഠിക്കുന്ന നിശ്ചിത യോഗ്യതയുള്ളവരിൽ നിന്നും അപേക്ഷ ക്ഷണിച്ചു. നിരാക്ഷേപപത്രം സഹിതം മേലധികാരി മുഖേന അപേക്ഷ മെമ്പർ സെക്രട്ടറി, കേരള വനിതാ കമ്മീഷൻ, ലൂർദ്ദ് പള്ളിക്കു സമീപം, പി.എം.ജി, പട്ടം.പി.ഒ, തിരുവനന്തപുരം-695004 എന്ന വിലാസത്തിൽ ഈ മാസം 22 നകം ലഭ്യമാക്കണം.

   പി.എൻ.എക്സ്. 529/19