സുരക്ഷിതാഹാരം ആരോഗ്യത്തിനാധാരം എന്ന മുദ്രാവാക്യം പ്രാവര്‍ത്തികമാക്കുന്നതിന്റെ ഭാഗമായി ജില്ലയില്‍ അഞ്ച് പഞ്ചായത്തുകള്‍ സമ്പൂര്‍ണ ഭക്ഷ്യസുരക്ഷയിലേക്ക്. കൊടുമണ്‍, കോന്നി, കവിയൂര്‍, റാന്നി, ആറന്മുള പഞ്ചായത്തുകളെയാണ് ജില്ലയില്‍ നിന്നും സമ്പൂര്‍ണ ഭക്ഷ്യസുരക്ഷാ പദ്ധതിയിലേക്ക് തെരഞ്ഞെടുത്തിട്ടുള്ളത്. തദ്ദേശസ്ഥാപനങ്ങളുടെ സഹകരണത്തോടെ പൊതുജന പങ്കാളിത്തം ഉറപ്പാക്കി ഭക്ഷ്യസുരക്ഷ ഉറപ്പാക്കുക എന്നതാണ് ലക്ഷ്യം. 

ജില്ലാ പഞ്ചായത്തില്‍ നിന്നും ഭിന്നശേഷിക്കാര്‍ക്ക് സഹായ ഉപകരണങ്ങള്‍ നല്‍കുന്ന പദ്ധതി പ്രകാരം ചലന,ശ്രവണ,കാഴ്ച വൈകല്യങ്ങളുള്ളവര്‍ക്ക് വിവിധ സഹായ ഉപകരണങ്ങള്‍ നല്‍കുന്നു. പഞ്ചായത്ത് ഗ്രാമസഭാ ഗുണഭോക്തൃ പട്ടികയില്‍ ഉള്‍പ്പെട്ടവരും മെഡിക്കല്‍ ബോര്‍ഡിന്റെ വൈകല്യ സര്‍ട്ടിഫിക്കറ്റുള്ളവരുമായ ഭിന്നശേഷിക്കാര്‍ക്ക് അപേക്ഷിക്കാം. പത്തനംതിട്ട സ്റ്റേഡിയം ജംഗ്ഷന് സമീപം ഡോക്‌ടേഴ്‌സ് ലൈനിലെ കാപ്പില്‍ ആര്‍ക്കേഡില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസില്‍ ഈ മാസം 21 വരെ അപേക്ഷ സ്വീകരിക്കും. ഫോണ്‍: 0468 2325168.          (പിഎന്‍പി 550/19)

കഴിഞ്ഞ രണ്ട് വര്‍ഷത്തിലേറെയായി ജില്ലയില്‍ തൊഴിലും നൈപുണ്യവും വകുപ്പ് തൊഴിലാളി സൗഹൃദമായ നിരവധി പ്രവര്‍ത്തനങ്ങളാണ് നടത്തി വരുന്നത്. തൊഴിലാളികള്‍ക്ക് ബാങ്ക് അക്കൗണ്ട് വഴി വേതനം ലഭ്യമാക്കുന്നതിനും മിനിമം വേതനം ഉറപ്പുവരുത്തുന്നതിനുമായി ആവിഷ്‌ക്കരിച്ച വേജ് പ്രോട്ടക്ഷന്‍ സിസ്റ്റം നടപ്പില്‍ വരുത്തുകയും 775 സ്ഥാപനങ്ങളിലായി 16065 തൊഴിലാളികള്‍ക്ക് വേതന വിതരണം ബാങ്ക് അക്കൗണ്ട് വഴി ലഭ്യമാക്കാനും വകുപ്പിന് സാധിച്ചു.  

മലമ്പുഴ ഐ.ടി.ഐയില്‍ ഫിറ്റര്‍. ഡി/സിവില്‍ ട്രേഡുകളില്‍ ഇന്ന് (ഫെബ്രുവരി 14) രാവിലെ 10 ന്  ഗസ്റ്റ്  ഇന്‍ട്രക്ടര്‍ നിയമന കൂടികാഴ്ച നടക്കും. യോഗ്യത-എന്‍.ടി.സിയും മൂന്ന് വര്‍ഷത്തെ പ്രവൃത്തി പരിചയം അല്ലെങ്കില്‍ എന്‍.എ.സി ഒരു വര്‍ഷത്തെ പ്രവൃത്തി പരിചയം അല്ലെങ്കില്‍ എഞ്ചിനീയറിങ് ബ്രാഞ്ചില്‍ മൂന്നു വര്‍ഷ ഡിപ്ലൊമ, ഡിഗ്രി. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുമായി ഓഫിസില്‍ എത്തണമെന്ന് പ്രിന്‍സിപ്പല്‍ അറിയിച്ചു.

കുഷ്ഠരോഗ നിര്‍മാര്‍ജന വാരാചരണം 'സ്പര്‍ശ്'- 2019 സമാപനം ജില്ലാ ലെപ്രസി ഓഫീസര്‍ ഡോ. ടി.കെ. അനൂപ്  കുഴല്‍മന്ദം സി.എച്ച്.സിയില്‍ ഉദ്ഘാടനം ചെയ്തു. മെഡിക്കല്‍ ഓഫീസര്‍ ഡോ. രോഹിണി രാജീവ് അധ്യക്ഷയായി. അസിസ്റ്റന്‍റ് ലെപ്രസി ഓഫീസര്‍ പ്രശാന്ത്കുമാര്‍, ഹെല്‍ത്ത് സൂപ്പര്‍വൈസര്‍ സി. രാധാകൃഷ്ണന്‍, പഴമ്പാലക്കോട് ജെ.പി.എച്ച്.എന്‍ ട്രെയിനിങ് സെന്‍റര്‍ ട്യൂട്ടര്‍ കെ. ഓമന, ഹെല്‍ത്ത് ഇന്‍സ്പെക്ടര്‍ എസ്.രവീന്ദ്രന്‍, പി.രവീന്ദ്രന്‍, കൗസല്യ, ഷിഫാന, ഫര്‍ഹ ഉമ്മര്‍ എന്നിവര്‍ സംസാരിച്ചു.