സംസ്ഥാനതല പഞ്ചായത്ത്‌ ദിനാഘോഷത്തിന്റെ ഭാഗമായി ഫെബ്രുവരി 18, 19 തീയതികളില്‍ ജില്ലയിലുടനീളം പ്രശ്‌നോത്തരി നടത്തുന്നു. ജില്ലാതല പ്രശ്‌നോത്തരി ജില്ലാ പഞ്ചായത്ത്‌ ഹാളില്‍ കേരളപഞ്ചായത്ത്‌ അസോസിയേഷന്‍ ജില്ലാ സെക്രട്ടറി പി എസ്‌ വിനയന്‍ പരിപാടി ഉദ്‌ഘാടനം ചെയ്‌തു. തൃശ്ശൂര്‍ പഞ്ചായത്ത്‌ ഡെപ്യൂട്ടി ഡയറക്ടര്‍ ജോയ്‌ജോണ്‍ അധ്യക്ഷത വഹിച്ചു. പെര്‍ഫോമന്‍സ്‌ ഓഡിറ്റ്‌ യൂണിറ്റ്‌ തലത്തിലെ വിജയികളായ 12 ടീമുകള്‍ മാറ്റുരച്ച മത്സരത്തില്‍ കണ്ടാണശ്ശേരി ഗ്രാമപഞ്ചായത്ത്‌ ഒന്നും സ്ഥാനവും മുരിയാട്‌, വേലൂര്‍ എന്നീ ഗ്രാമ പഞ്ചായത്തുകള്‍ യഥാക്രമം രണ്ടും മൂന്നും സ്ഥാനങ്ങള്‍ നേടി.

കൃഷി വകുപ്പ്‌ നടപ്പിലാക്കുന്ന പ്രധാന്‍ മന്ത്രി കിസ്സാന്‍ സമ്മന്‍ നിധി പദ്ധതിയിലേക്ക്‌ ജില്ലയിലെ കര്‍ഷകരില്‍ നിന്നും അപേക്ഷ ക്ഷണിച്ചു. ഫെബ്രുവരി 25 നകം അതത്‌ കൃഷി ഭവനില്‍ അപേക്ഷ നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2444298. 
 

സംസ്ഥാനതല പഞ്ചായത്ത്‌ ദിനാഘോഷത്തിന്റെ ഭാഗമായി ഫെബ്രുവരി 18, 19 തീയതികളില്‍ വിവിധ വിഷയങ്ങളെ ആസ്‌പദമാക്കി ജില്ലയിലുടനീളം നടക്കുന്ന സെമിനാര്‍ നടക്കും. മാലിന്യ സംസ്‌ക്കരണം : വെല്ലുവിളികളും, നൂതന മാര്‍ക്ഷങ്ങളും എന്ന വിഷയത്തില്‍ കുന്ദംകുളം ടൗണ്‍ ഹാളില്‍ നടന്ന സെമിനാര്‍ കുന്ദംകുളം നഗരസഭ ചെയര്‍പേഴ്‌സണ്‍ സീത രവീന്ദ്രന്‍ ഉദ്‌ഘാടനം ചെയ്‌തു. ജില്ലാ പഞ്ചായത്ത്‌ ക്ഷേമകാര്യ സ്റ്റാന്റിംഗ്‌ കമ്മിറ്റി ചെയര്‍പേഴ്‌സണ്‍ പത്മിനി എം അധ്യക്ഷത വഹിച്ചു. സംസ്ഥാന ശുചിത്വമിഷന്‍ എക്‌സിക്യൂട്ടിവ്‌ ഡയറക്ടര്‍ ഡോ.

അന്തരീക്ഷ ഊഷ്‌മാവ്‌ വര്‍ദ്ധിച്ചിരിക്കുന്ന സാഹചര്യത്തില്‍ സൂര്യാഘാതം എല്‍ക്കാതിരിക്കാന്‍ എല്ലാവരും ശ്രദ്ധിക്കണമെന്ന്‌ ജില്ലാ മെഡിക്കല്‍ ഓഫീസര്‍ അറിയിച്ചു. ഉച്ചയ്‌ക്ക്‌ 11 മുതല്‍ 3 വരെ നേരിട്ട്‌ വെയില്‍ കൊളളുന്നത്‌ കഴിയുന്നതും ഒഴിവാക്കണം. പുറത്ത്‌ പോകേണ്ടിവന്നാല്‍ കുട ഉപയോഗിക്കുന്നത്‌ ഉത്തമമായിരിക്കും. ധാരാളം പാനീയങ്ങള്‍ കുടിക്കുകയും ഫലങ്ങളും സാലഡും കഴിക്കുകയും വേണം.

ലോകസഭാ തെരഞ്ഞെടുപ്പ്‌ 2019 ന്‌ മുന്നോടിയായി പൊതുജനങ്ങള്‍ക്ക്‌ ഇലക്‌ട്രോണിക്‌ വോട്ടിങ്‌ മെഷീനും വിവിപാറ്റിന്റെയും അവബോധം സൃഷ്‌ടിക്കുന്നതിന്‌ ജില്ലയിലെ നിയോജകമണ്‌ഡലങ്ങളിലുമുളള പോളിങ്‌ സ്റ്റേഷനുകള്‍ സന്ദര്‍ശിച്ച്‌ മെഷീനുകളുടെ പ്രവര്‍ത്തനം ഇന്ന്‌ (ഫെബ്രുവരി 13) മുതല്‍ പരിചയപ്പെടുത്തുന്നു. അയ്യന്തോള്‍ സിവില്‍ സ്റ്റേഷന്‍ കെട്ടിടത്തിന്റെ താഴെത്ത നിലയില്‍ പ്രധാന കവാടത്തിനു സമീപത്തായി ഇലക്‌ട്രോണിക്‌ വോട്ടിങ്‌ മെഷീനും വിവിപാറ്റിന്റെയും പ്രവര്‍ത്തനം പരിചയപ്പെടുത്തുന്നതിന്‌ ഒരു സ്ഥിരം പരിശീലന കേന്ദ്രം ആരംഭിച്ചു.

വൃദ്ധസദനത്തില്‍ അനധികൃതമായി പാര്‍പ്പിച്ചെന്ന ഗുരുവായൂര്‍ സ്വദേശിനിയുടെ പരാതിയില്‍ വനിതാ കമ്മിഷന്‍ വൃദ്ധസദനം സന്ദര്‍ശിച്ച്‌ തെളിവെടുക്കുമെന്ന്‌ കമ്മീഷന്‍ അധ്യക്ഷ എം സി ജോസഫൈന്‍. ടൗണ്‍ഹാളില്‍ നടന്ന വനിതാ കമ്മീഷന്‍ മെഗാ അദാലത്തിന്‌ ശേഷം മാധ്യമപ്രവര്‍ത്തകരോട്‌ സംസാരിക്കുകയായിരുന്നു അവര്‍. തന്‍െ്‌റ താല്‌പ്പര്യത്തിന്‌ വിരുദ്ധമായി മകന്‍ തന്നെ വൃദ്ധസദനത്തില്‍ പാര്‍പ്പിക്കുന്നു എന്നതാണ്‌ വൃദ്ധയുടെ പരാതി. പരാതി കമ്മീഷന്‍ വിശദ്ധമായി അന്വേഷിക്കുമെന്നും ഇതിന്‍െ്‌റ ഭാഗമായി കമ്മീഷന്‍ പ്രതിനിധി ഇന്ന്‌ (ജനുവരി 13) ഗുരുവായൂരിലുള്ള വൃദ്ധസദനം സന്ദര്‍ശിക്കുമെന്നും അവര്‍ പറഞ്ഞു.

ജില്ലയില്‍ 2018-19 വര്‍ഷത്തെ ജനകീയ മത്സ്യകൃഷി തുടര്‍ പദ്ധതി (പഴയ കര്‍ഷകര്‍) 2018-19 ബ്ലൂറവലൂഷന്‍ (പുതിയ കര്‍ഷകര്‍) പദ്ധതി പ്രകാരം കല്ലുമ്മേക്കായ കൃഷി നടപ്പിലാക്കി ആനുകൂല്യത്തിന് അര്‍ഹരായ  കര്‍ഷകരുടെ കരട് ലിസ്റ്റ് പ്രസിദ്ധീകരിച്ചു. അതാതു പഞ്ചായത്ത് ഓഫീസിലും അക്വാകള്‍ച്ചര്‍ പ്രൊമോട്ടര്‍മാരില്‍ നിന്നും ഫിഷറീസ് ഡെപ്യൂട്ടി ഡയറക്ടറുടെ ഓഫീസിലും ലിസ്റ്റ് ലഭ്യമാണ്.  പ്രസ്തുത ലിസ്റ്റ് സംബന്ധിച്ച് കര്‍ഷകര്‍ക്ക് പരാതികള്‍ ഉണ്ടെങ്കില്‍ ഫെബ്രുവരി 20 നകം ജില്ലാ ഫിഷറീസ് ഡെപ്യൂട്ടി ഡയറക്ടര്‍ക്ക് രേഖാമൂലം പരാതി നല്‍കണമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

കേരള സര്‍ക്കാറിന്റെ കീഴില്‍ പ്രവാസികളുടെ ക്ഷേമത്തിനായി പ്രവര്‍ത്തിക്കുന്ന കേരള പ്രവാസി വെല്‍ഫെയര്‍ ബോര്‍ഡ് നടപ്പിലാക്കി വരുന്ന വിവിധ ക്ഷേമ പദ്ധതികളെ കുറിച്ച് ജനങ്ങളില്‍ അവബോധം സൃഷ്ടിക്കുന്നതിനായി കാസര്‍കോട്, കണ്ണൂര്‍ ജില്ലകളില്‍ ബോര്‍ഡിന്റെ ആഭിമുഖ്യത്തില്‍ ഫെബ്രുവരി മാസത്തില്‍ ബോധല്‍ക്കരണ സെമിനാറും അംഗത്വ ക്യാമ്പെയ്‌നും അദാലത്തും നടത്തുവാന്‍ തീരുമാനിച്ചിരിക്കുകയാണ്.

കാര്‍ഷികാവശ്യത്തിന് ജലസേചനത്തിന് മണ്ണെണ്ണ പെര്‍മിറ്റിനുള്ള അപേക്ഷകള്‍ അതാത് കൃഷി ഭവനുകള്‍ മുഖേന താലൂക്ക് സപ്ലൈ ഓഫീസുകളില്‍ സ്വീകരിക്കുന്നതാണെന്ന് ജില്ലാ സപ്ലൈ ഓഫീസര്‍ അറിയിച്ചു. 

2018 ഓഗസ്റ്റ് സെപ്റ്റംബര്‍ മാസങ്ങളില്‍ പുതിയ റേഷന്‍കാര്‍ഡുകള്‍ക്കായി ഓഫീസില്‍ നേരിട്ട് അപേക്ഷ നല്‍കിയ ടോക്കണ്‍ നമ്പര്‍ 4000 മുതല്‍ 5000 വരെ ഫെബ്രുവരി 15 വെള്ളിയാഴ്ചയും , 5001 മുതല്‍ 6000 വരെയുള്ള അപേക്ഷകര്‍ക്ക് ഫെബ്രുവരി 16 ശനിയാഴ്ചയുമായി ഹോസ്ദുര്‍ഗ് സപ്ലൈ ഓഫീസില്‍ റേഷന്‍കാര്‍ഡുകള്‍ വിതരണം ചെയ്യും . പേരുള്‍പ്പെട്ട ഒറിജിനല്‍ റേഷന്‍കാര്‍ഡുകള്‍ , ടോക്കണ്‍, കാര്‍ഡിന്റെ വില, എന്നിവ സഹിതം അപേക്ഷകര്‍ നേരിട്ട് ഹാജരാകണം. ഹാജരാകാത്ത ഈ നമ്പര്‍ പരിധിയിലുള്ള അപേക്ഷകര്‍ക്ക് ഈ മാസം 21 ന് ശേഷം ഓഫീസില്‍ നിന്നും കാര്‍ഡ് വിതരണം ചെയും.