സയന്‍സ്, എന്‍ജിനിയറിംഗ് വിഷയങ്ങളില്‍ ശാസ്ത്ര സാങ്കേതിക പരിസ്ഥിതി കൗണ്‍സിലിന്റെ പോസ്റ്റ് ഡോക്റ്ററല്‍, സ്‌പെഷ്യല്‍ പോസ്റ്റ് ഡോക്ടറല്‍ ഫെലോഷിപ്പിന് അപേക്ഷിക്കാം. 26 ആണ് അവസാന തീയതി. വിശദവിവരങ്ങള്‍ www.kscste.kerala.gov.in ല്‍ ലഭ്യമാണ്.

പി.എന്‍.എക്‌സ്.3421/17

എന്‍ജിനീയറിംഗ് പ്രവേശനത്തിന്റെ യോഗ്യതാ മാര്‍ക്ക് മാനദണ്ഡത്തില്‍ ഇക്കൊല്ലം ഇളവ് നല്‍കിയ സാഹചര്യത്തില്‍ ലക്ഷദ്വീപില്‍ നിന്നുള്ള അപേക്ഷകര്‍ക്ക് സി.എസ്.എ.ബി വെബ്‌സൈറ്റില്‍ ഓണ്‍ലൈനായി വീണ്ടും രജിസ്റ്റര്‍ ചെയ്യാം. സാങ്കേതിക വിദ്യാഭ്യാസ വകുപ്പ് ഡയറക്ടറേറ്റില്‍ ഏഴ്, എട്ട് തീയതികളില്‍ രാവിലെ പത്ത് മുതല്‍ വൈകിട്ട് അഞ്ച് വരെ നടക്കുന്ന സ്‌പോട്ട് അഡ്മിഷനില്‍ പങ്കെടുക്കാന്‍ അവസരമുണ്ടാകുമെന്ന് സാങ്കേതിക വിദ്യാഭ്യാസ ഡയറക്ടര്‍ അറിയിച്ചു.

പി.എന്‍.എക്‌സ്.3420/17

കേരളത്തിലെ സര്‍ക്കാര്‍/എയ്ഡഡ് എന്‍ജിനീയറിങ് കോളേജുകളില്‍ ഒഴിവുള്ള ബി.ടെക്ക് സീറ്റുകളിലേക്ക് കേന്ദ്രീകൃത സ്‌പോട്ട് അഡ്മിഷന്‍ ആഗസ്റ്റ് 11-ന് തൃശൂര്‍ എന്‍ജിനീയറിങ് കോളേജില്‍ നടത്തും. വിശദ വിവരങ്ങള്‍ക്ക് www.dtekerala.gov.in എന്ന സൈറ്റും സര്‍ക്കാര്‍ എന്‍ജിനീയറിങ് കോളേജുകളുടെ സൈറ്റും സന്ദര്‍ശിക്കുക. അഡ്മിഷന്‍ ലഭിച്ചവര്‍ സ്ഥാപന മേധാവിയില്‍ നിന്നും ലഭിച്ച എന്‍.ഒ.സി യും അഡ്മിഷന്‍ ലഭിക്കാത്തവര്‍ എന്‍ട്രന്‍സ് കമ്മീഷണറുടെ നിര്‍ദ്ദേശ പ്രകാരമുള്ള എല്ലാ രേഖകളും ഹാജരാക്കണം.

പി.എന്‍.എക്‌സ്.3419/17

സര്‍വ ശിക്ഷാ അഭിയാന്റെ തൃശൂര്‍, ആലപ്പുഴ, പത്തനംതിട്ട ജില്ലാ ഓഫീസുകളില്‍ ഒഴിവുള്ള പ്രോഗ്രാം ഓഫീസര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു. അപേക്ഷകള്‍ കെ.എസ്.ആര്‍ പാര്‍ട്ട് ഒന്നിലെ ചട്ടം 144 പ്രകാരമുള്ള സ്റ്റേറ്റ്‌മെന്റും മാതൃ വകുപ്പിന്റെ നിരാക്ഷേപപത്രവും സഹിതം 11 ന് വൈകിട്ട് അഞ്ച് മണിക്ക് മുന്‍പ് എസ്.എസ്.എ.യുടെ സംസ്ഥാന പ്രോജക്ട് ഓഫീസില്‍ സമര്‍പ്പിക്കണം. വെബ്‌സൈറ്റ് www.ssakerala.in

പി.എന്‍.എക്‌സ്.3418/17

2016 ആഗസ്റ്റില്‍ നടന്ന ഒന്നാം വര്‍ഷ ഹയര്‍സെക്കന്ററി തുല്യതാ പരീക്ഷയുടെ സ്‌കോര്‍ ഷീറ്റുകള്‍ മുഖ്യപരീക്ഷാ കേന്ദ്രങ്ങളില്‍ എത്തിച്ചു. പ്രസ്തുത പരീക്ഷയെഴുതിയ തുല്യതാ പഠിതാക്കള്‍ക്ക് സ്‌കോര്‍ഷീറ്റ് മുഖ്യ പരീക്ഷാ കേന്ദ്രങ്ങളിലെ പ്രിന്‍സിപ്പാള്‍മാരില്‍ നിന്നും ഏഴു മുതല്‍ കൈപ്പറ്റാം.

പി.എന്‍.എക്‌സ്.3417/17

കേപ്പിന്റെ കീഴില്‍ മുട്ടത്തറ, പെരുമണ്‍, ആറന്‍മുള, കിടങ്ങൂര്‍, പത്തനാപുരം, പുന്നപ്ര, തലശ്ശേരി, വടകര, തൃക്കരിപ്പൂര്‍ എന്നിവിടങ്ങളില്‍ പ്രവര്‍ത്തിക്കുന്ന എന്‍ജിനീയറിംഗ് കോളേജുകളില്‍ ഒഴിവുളള സീറ്റുകളിലേക്ക് സ്‌പോട്ട് അഡ്മിഷന്‍ ആഗസ്റ്റ് ഒന്‍പതു മുതല്‍ നടത്തും. എന്‍ട്രന്‍സ് കമ്മീഷണര്‍ പ്രസിദ്ധീകരിച്ച സപ്ലിമെന്ററി റാങ്ക് ലിസ്റ്റില്‍ ഉള്‍പ്പെട്ടവര്‍ക്കും മെയിന്‍ റാങ്കില്‍ ഉള്‍പ്പെട്ട് ഇതുവരെ അഡ്മിഷന്‍ നേടാത്തവര്‍ക്കും അഡ്മിഷന്‍ നേടാം. യോഗ്യരായവര്‍ അസല്‍ രേഖകള്‍ സഹിതം ബന്ധപ്പെട്ട കോളേജ് പ്രിന്‍സിപ്പാള്‍ മുന്‍പാകെ ഹാജരായി അഡ്മിഷന്‍ നേടണം.

പി.എന്‍.എക്‌സ്.3416/17

വൊക്കേഷണല്‍ ഹയര്‍ സെക്കന്ററി കോഴ്‌സ് സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍, എയര്‍മെന്‍ റിക്രൂട്ട്‌മെന്റ് റാലികളില്‍ പങ്കെടുക്കുന്നതിന് യോഗ്യരാണെന്ന് സെന്‍ട്രല്‍ എയര്‍മെന്‍ സെലക്ഷന്‍ ബോര്‍ഡ് അറിയിച്ചു. വൊക്കേഷണല്‍ ഹയര്‍ സെക്കന്ററി പരീക്ഷാ ബോര്‍ഡിന് കൗണ്‍സില്‍ ഓഫ് ബോര്‍ഡ്‌സ് ഓഫ് സ്‌കൂള്‍ എഡ്യൂക്കേഷന്‍ ഇന്‍ ഇന്ത്യ (COBSE) യില്‍ അംഗത്വം ലഭിച്ചതിനാല്‍ പ്ലസ് ടു അടിസ്ഥാന യോഗ്യതയായി നിശ്ചയിച്ചിരിക്കുന്ന എല്ലാ ഉദേ്യാഗങ്ങള്‍ക്കും തുടര്‍ പഠനത്തിനും വി.എച്ച്.എസ്.ഇ സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍ യോഗ്യരാണെന്ന് വി.എച്ച്.എസ്.ഇ ഡയറക്ടര്‍ അറിയിച്ചു.

എസ്.സി.ഇ.ആര്‍.ടിയുടെ സഹകരണത്തോടെ ഐ.ടി അറ്റ് സ്‌കൂള്‍ തയാറാക്കിയ 'സമഗ്ര' ചോദ്യജാലകം പോര്‍ട്ടലിന്റെ പ്രകാശനം മുഖ്യമന്ത്രി പിണറായി വിജയന്‍ നിര്‍വഹിച്ചു. അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്കാണ് പോര്‍ട്ടലിന്റെ പ്രധാന നേട്ടം. മൂല്യനിര്‍ണയ പ്രക്രിയയില്‍ എല്ലാ അധ്യാപകര്‍ക്കും പങ്കാളിയാകാനുള്ള സൗകര്യമാണ് പോര്‍ട്ടല്‍ വഴി തയാറാക്കുന്നത്. പൊതുപരീക്ഷകള്‍ ഇനി അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്ക് അടിസ്ഥാനമാക്കി ചിട്ടപ്പെടുത്താനാണ് തീരുമാനിച്ചിട്ടുള്ളത്.

സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 4000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ആഗസ്റ്റ് എട്ടിന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്‌സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/299/2017-ധനവകുപ്പ് തീയതി 04.08.2017).

പി.എന്‍.എക്‌സ്.3412/17

കേരള അഡ്മിനിസ്‌ട്രേറ്റീവ് സര്‍വീസിന്റെ സ്‌പെഷ്യല്‍ റൂള്‍ രൂപീകരണവുമായി ബന്ധപ്പെട്ട് 17ന് രാവിലെ 10.30ന് സെക്രട്ടേറിയറ്റ് ദര്‍ബാര്‍ ഹാളില്‍ ചീഫ് സെക്രട്ടറിയുടെ അധ്യക്ഷതയിലുളള കമ്മിറ്റി സര്‍വീസ് സംഘടനകളുമായി ചര്‍ച്ച നടത്തും. സര്‍വീസ് സംഘടനയില്‍ നിന്നും രണ്ട് പ്രതിനിധികള്‍ വീതം യോഗത്തില്‍ പങ്കെടുക്കണം. വിശദവിവരങ്ങള്‍ www.prd.kerala.gov.in, www.prd.kerala.gov.in എന്നീ വെബ്‌സെറ്റുകളില്‍ ലഭിക്കും. കൂടുതല്‍ വിവരങ്ങള്‍ക്ക് ഉദേ്യാഗസ്ഥഭരണ പരിഷ്‌ക്കാര എ ആര്‍ (12) വകുപ്പുമായി ബന്ധപ്പെടണം. ഫോണ്‍: 0471 2518668, 0471 2517075

പി.എന്‍.എക്‌സ്.3411/17