കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്ത്വത്തില്‍ ഫെബ്രുവരി  മാസം 14 15 ,16  തിയ്യതികളില്‍  ''സസ്യ പ്രവര്‍ധനം''( നടീല്‍ വസ്തുക്കളുടെ ഉല്‍പാദനം) എന്ന വിഷയത്തില്‍ 30 കര്‍ഷകര്‍ക്ക് സൗജന്യ  ത്രിദിന പരിശീലനം നടത്തുന്നു. താല്‍പര്യമുള്ള  കര്‍ഷകര്‍  പേര് രജിസ്റ്റര്‍ ചെയ്യണം. രാവിലെ  10 മുതല്‍ 5 വരെ മൂന്ന് ദിവസം തുടര്‍ച്ചയായി ക്ലാസ്സ് ഉണ്ടായിരിക്കും. മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുക. ഫോണ്‍:  04952373582. 

നാഷണല്‍ ഇന്‍സ്റ്റിറ്റ്യൂട്ട് ഓഫ് ഓപ്പണ്‍ സ്‌കൂളിങ്ങിന്റെ തൊഴിലധിഷ്ഠിത പരിശീലനമായ ഇലക്ട്രിക്കല്‍ ടെക്നീഷ്യന്‍, പ്ലംബിങ്ങ് ആന്റ് സാനിറ്റേഷന്‍, കമ്പ്യൂട്ടര്‍ ഹാര്‍ഡ്വെയര്‍ മെയിന്റനന്‍സ്, റെഫ്രിജറേഷന്‍ ആന്റ് എയര്‍കണ്ടീഷനിങ്ങ്, സി.ഡി.ടി.പി, വേര്‍ഡ് പ്രോസസ്സിങ്ങ്, സി.സി.എ, വെബ് ഡിസൈനിങ്ങ്, ഡാറ്റാഎന്‍ട്രി ഓപറേഷന്‍, ടൈലറിങ്ങ് ആന്റ് ഗാര്‍മെന്റ് മേക്കിങ്ങ് എന്നീ വിഷയങ്ങളില്‍ കോഴിക്കോട് ജില്ലാ പഞ്ചായത്ത് സ്‌കില്‍ ഡവലപ്മെന്റ് സെന്ററില്‍ പഠിച്ച് പരീക്ഷ എഴുതിയവര്‍ ഫെബ്രുവരി 28 നകം ആവശ്യമായ രേഖകള്‍ സഹിതം സെന്ററില്‍ നേരിട്ട് വന്ന് സര്‍ട്ടിഫിക്കറ്റുകള്‍ കൈപ്പറ്റണമെന്ന് ഡയറക്റ്റര്‍ അറിയിച്ചു.

മാതൃശിശു സംരക്ഷണ കേന്ദ്രം ഗവ.മെഡിക്കല്‍ കോളജ് കോഴിക്കോട്  ആര്‍.എസ്.ബി.വൈക്ക് കീഴില്‍ വാര്‍ഡ് അസിസ്റ്റന്റ് ഒഴിവിലേക്ക് ദിവസക്കൂലി അടിസ്ഥാനത്തില്‍ താത്ക്കാലികമായി ജീവനക്കാരെ നിയമിക്കും. മൂന്ന് മാസത്തേക്കാണ് നിയമനം. 20 ഒഴിവുകളാണ് ഉള്ളത്. യോഗ്യത: എസ്.എസ്.എല്‍.സി. താത്പര്യമുള്ള ഉദ്യോഗാര്‍ഥികള്‍ സര്‍ട്ടിഫിക്കറ്റുകള്‍ സഹിതം ഫെബ്രുവരി 14 ന് രാവിലെ 11 മണിക്ക് ഐ.എം.സി.എച്ച് സൂപ്രണ്ട് ഓഫിസില്‍ ഇന്റര്‍വ്യൂവിന് എത്തണം.  

തലക്കുളത്തൂര്‍ സാമൂഹിക ആരോഗ്യകേന്ദ്രത്തില്‍ താല്‍ക്കാലികാടി സ്ഥാനത്തില്‍ ഫാര്‍മസിസ്റ്റിനെ തെരഞ്ഞെടുക്കുന്നതിനുളള കൂടിക്കാഴ്ച നാളെ (ഫെബ്രുവരി 13) രാവിലെ 10 മണിക്ക് ആശുപത്രി കോണ്‍ഫറന്‍സ് ഹാളില്‍ നടക്കും. സര്‍ക്കാര്‍ അംഗീകൃത ഫാര്‍മസി കോളേജുകളില്‍ നിന്ന് ഡി. ഫാം വിജയകരമായി പൂര്‍ത്തീകരിച്ച ഫാര്‍മസി കൗണ്‍സില്‍ രജിസ്ട്രേഷന്‍ കരസ്ഥമാക്കിയ ഉദ്യോഗാര്‍ത്ഥികള്‍ക്ക് കൂടിക്കാഴ്ചയില്‍ പങ്കെടുക്കാം. ഉദ്യോഗാര്‍ത്ഥികള്‍ക്ക് യാത്രാബത്ത അനുവദിക്കുന്നതല്ല.

പൊതുജനങ്ങളുടെ പരാതികളിലും അപേക്ഷകളിലും കാലതാമസമില്ലാതെ തീരുമാനം എടുക്കുന്നതിനും വിവിധ വകുപ്പുകളിലെ ഓഫീസുകളില്‍ ഫയല്‍തീര്‍പ്പാക്കുന്നതില്‍ ഉണ്ടാകുന്ന കാലതാമസം ഒഴിവാക്കുന്നതിനും, കോഴിക്കോട് ജില്ലയിലെപഞ്ചായത്ത്/മുനിസിപ്പാലിറ്റികള്‍ കേന്ദ്രീകരിച്ച് പൊതുജനങ്ങളില്‍ നിന്ന് പരാതികളും അപേക്ഷകളും സ്വീകരിക്കുന്ന ജില്ലാ കലക്ടറുടെ ഒപ്പം പദ്ധതി ഫെബ്രുവരി 15 ന് ഉച്ചയ്ക്ക് രണ്ട് മണി മുതല്‍ പനങ്ങാട് ഗ്രാമപഞ്ചായത്ത് ഹാളില്‍ നടത്തും. 

സ്റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തില്‍ എസ്.ആര്‍.സി. കമ്മ്യൂണിറ്റി കോളേജ് ജനുവരി സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിന് അപേക്ഷ ക്ഷണിച്ചു. പത്താംക്ലാസ് പാസായവര്‍ക്ക് അപേക്ഷിക്കാം. തിയറി, പ്രാക്ടിക്കല്‍ ക്ലാസുകള്‍ പൊതുഅവധി ദിവസങ്ങളിലാണ് ഉണ്ടാകുക. യോഗ ദര്‍ശനത്തിലും യോഗാസന പ്രാണായാമത്തിലുമാണ് പരിശീലനം. ആറുമാസം ദൈര്‍ഘ്യമുള്ള കോഴ്സിന്റെ അപേക്ഷ ലഭിക്കേണ്ട അവസാന തീയതി ഫെബ്രുവരി 15. വിശദാംശങ്ങള്‍ ംംം.െൃര.സലൃമഹമ.ഴീ്.ശി, ംംം.െൃരരര.ശി എന്നീ വെബ്സൈറ്റുകളില്‍ ലഭിക്കും. ഫോണ്‍: 0471 2325101, 2325102. ജില്ലയിലെ പഠന കേന്ദ്രം - കോട്ടക്കല്‍ - 8075198553. 

വടകര റവന്യുഡിവിഷണല്‍ ഓഫീസറുടെ കാര്യാലയത്തില്‍ പ്രവര്‍ത്തിക്കുന്ന മെയിന്റനന്‍സ് ട്രൈബ്യൂണലിന്റെ കണ്‍സിലിയേഷന്‍ പാനലിലേക്ക് കണ്‍സിലിയേഷന്‍ ഓഫീസര്‍മാരെ കരാര്‍ അടിസ്ഥാനത്തില്‍ നിയമിക്കുന്നതിന്  എം എസ് ഡബ്ലൂ,  സൈക്കോളജിയില്‍ പിജി യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. അപേക്ഷകര്‍ യോഗ്യതയും മുന്‍പരിചയവും തെളിയിക്കുന്ന രേഖകളുടെ പകര്‍പ്പും ബയോഡാറ്റയും സഹിതം ഈ  മാസം 16ന് മുമ്പ് വടകര റവന്യൂ ഡിവിഷണല്‍ ഓഫീസില്‍ അപേക്ഷ നല്‍കാം. വടകര കൊയിലാണ്ടി താലൂക്ക് പരിധിയിലുള്ളവര്‍ക്ക് മുന്‍ഗണന. ഫോണ്‍ 0496-2514300. ൃറീ്മമേസമൃമ@ഴാമശഹ.രീാ.