ജില്ലയില്‍ വരും ദിവസങ്ങളില്‍ ഇടിമിന്നലോടു കൂടിയ കനത്തമഴ, ശക്തമായ കാറ്റ്, ഉരുള്‍പൊട്ടല്‍ എന്നിവയ്ക്ക്  സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി അറിയിച്ചു. 
 ജാഗ്രതാ നിര്‍ദേശം 

    നിഷിന്‍റെ ആഭിമുഖ്യത്തില്‍ ഡിമെന്‍ഷ്യ ഒരു ആമുഖം എന്ന വിഷയത്തില്‍ ഏപ്രില്‍ 27 ന് രാവിലെ 10.30 ന് റോബിന്‍ സണ്‍ റോഡിലെ, മുനിസിപ്പല്‍ കോംപ്ലക്സിലുള്ള ജില്ലാ ശിശു സംരക്ഷണ ഓഫീസില്‍ തത്സമയ വീഡിയോ കോണ്‍ഫറന്‍സ്- ഓണ്‍ലൈന്‍ സെമിനാര്‍ നടക്കും. രക്ഷിതാക്കള്‍, കുട്ടികള്‍ എന്നിവര്‍ സെമിനാറില്‍ പങ്കെടുക്കണമെന്ന് ജില്ലാ ശിശു സംരക്ഷണ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ജില്ലാ ശിശു സംരക്ഷണ ഓഫീസ്, മുന്‍സിപ്പല്‍ കോംപ്ലക്സ്, റോബിന്‍സണ്‍ റോഡ്, പാലക്കാട്-678001, ഫോണ്‍: 0491-2531098, 8281899468 

    ജില്ലാ സ്പോട്സ് കൗണ്‍സിലിന്‍റെ ആഭിമുഖ്യത്തില്‍ നടത്തുന്ന മെയ്ദിന കായിക മേളയുമായി ബന്ധപ്പെട്ട് ഏപ്രില്‍ 24 ന് വൈകിട്ട്  മൂന്നിന് ജില്ലാ സ്പോട്സ് കൗണ്‍സ് ഓഫീസില്‍ സംഘാടക സമിതി യോഗം ചേരുമെന്ന് സ്പോട്സ് കൗണ്‍സില്‍ സെക്രട്ടറി അഡ്വ. കെ.പ്രേംകുമാര്‍ അറിയിച്ചു. യോഗത്തില്‍ തൊഴിലുടമ പ്രതിനിധികള്‍, ട്രേഡ് യൂണിയന്‍  ഭാരവാഹികള്‍ എന്നിവര്‍ പങ്കെടുക്കണം.  

പാലക്കാട്, ആലത്തൂര്‍ ലോക്സഭാ മണ്ഡലങ്ങളുടെ വോട്ടെണ്ണല്‍ കേന്ദ്രമായ മുണ്ടൂര്‍ ആര്യനെറ്റ് ഇന്‍സ്റ്റിറ്റ്യൂട്ട് ഓഫ് ടെക്നോളജിയിലെ സ്ട്രോങ്ങ് റൂമുകള്‍ നിരീക്ഷിക്കുന്നതിന് ഉദ്യോഗസ്ഥനെ നിയോഗിച്ചു. മലമ്പുഴ നിയോജക മണ്ഡലം അസിസ്റ്റന്‍റ് റിട്ടേണിംഗ് ഓഫീസറും പാലക്കാട് കോ-ഓപ്പറേറ്റീവ് സൊസൈറ്റി ജോയിന്‍റ് ഡയറക്ടറുമായ (ഓഡിറ്റ്) ജി.ശ്രീകുമാറിനെയാണ് ചുമതലപ്പെടുത്തിയത്. വോട്ടെടുപ്പിനു ശേഷം വോട്ടെണ്ണല്‍ ദിവസംവരെ എ.ആര്‍.ഒ സ്ട്രോങ്ങ് റൂമുകള്‍ നിരീക്ഷിച്ച് സ്ഥിതിവിവരങ്ങള്‍ രേഖപ്പെടുത്തുന്നതാണ്. 

    
    പൊതു തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ഏപ്രില്‍ 21 മുതല്‍ 23 വരെ ആയുധം കൊണ്ടുപോവുകയോ ഉപയോഗിക്കുകയോ ചെയ്യുന്നത് കര്‍ശനമായി നിരോധിച്ചു കൊണ്ട് ജില്ലാ കലക്ടര്‍ ഉത്തരവിട്ടു. സി.ആര്‍.പി.സി സെക്ഷന്‍ 144 പ്രകാരമാണ് നിരോധനം. പൊതു ജനങ്ങള്‍ക്കും ജില്ല സന്ദര്‍ശിക്കുന്നവര്‍ക്കും ഉത്തരവ് ബാധമായിരിക്കും. അതേസമയം, സ്ക്രീനിങ് കമ്മിറ്റി പരിശോധിച്ച് ഡെപോസിറ്റ് ചെയ്യുന്നതില്‍ നിന്നും ഒഴിവാക്കിയ ബാങ്ക്/ ധനകാര്യ സ്ഥാപനങ്ങളുടെ സെക്യൂരിറ്റി ജീവനക്കാര്‍ക്ക് ഉത്തരവ് ബാധകമല്ല.

    പൊതു തിരഞ്ഞെടുപ്പുമായി ബന്ധപ്പെട്ട് പോളിങ് ഉദ്യോഗസ്ഥര്‍ക്കായുളള രണ്ടാംഘട്ട പരിശീലനത്തില്‍ പങ്കെടുക്കാത്തവര്‍ക്കായി ഏപ്രില്‍ 20ന് ഉച്ചയ്ക്ക് രണ്ടിന് കലക്ടറേറ്റ് കോണ്‍ഫറന്‍സ് ഹാളില്‍ പരിശീലനം നടക്കുമെന്ന് ട്രെയിനിങ് നോഡല്‍ ഓഫീസര്‍ അറിയിച്ചു. നിയോജക മണ്ഡലാടിസ്ഥാനത്തില്‍ പോളിങ് ഉദ്യോഗസ്ഥര്‍ക്ക് നടത്തിവന്ന രണ്ടാംഘട്ട പരിശീലന ക്ലാസുകള്‍ പൂര്‍ത്തിയായ സാഹചര്യത്തിലാണ് പങ്കെടുക്കാന്‍ കഴിയാത്തവര്‍ക്കായി പരിശീലനം ഒരുക്കിയിരിക്കുന്നത്.