ഇന്ത്യൻ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും ശ്രീലങ്കയുടെ തെക്കുകിഴക്കുമായി ഏപ്രിൽ 25 ഓടെ ന്യൂനമർദ്ദം രൂപംകൊള്ളുമെന്ന് കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

ഇന്ത്യൻ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും  കാറ്റിന്റെ വേഗത മണിക്കൂറിൽ 35  മുതൽ 45  കിലോമീറ്റർ വരെയാവാനും 26ന് വേഗത മണിക്കൂറിൽ 40   മുതൽ 55  കിലോമീറ്റർ വരെയാവാനും സാധ്യതയുണ്ടെന്ന് കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

നിയമസഭാ ദിനാചരണത്തിന്റെ ഭാഗമായി ഏപ്രിൽ 25 മുതൽ 30 വരെയുള്ള ദിവസങ്ങളിൽ വൈകുന്നേരം നാല് മുതൽ രാത്രി 9.30 വരെ പൊതുജനങ്ങൾക്ക് നിയമസഭാ ഹാളിലും നിയമസഭാ മ്യൂസിയത്തിലും സന്ദർശനം അനുവദിക്കുമെന്ന് നിയമസഭാ സെക്രട്ടറി അറിയിച്ചു. നിയമസഭാ മന്ദിരവും പരിസരവും ഈ ദിവസങ്ങളിൽ വൈകുന്നേരം ആറ് മുതൽ രാത്രി 9.30 വരെ ദീപാലംകൃതമായിരിക്കും.

ഏപ്രിൽ 27-ന് നിയമസഭാ ദിനാചരണത്തിന്റെ ഭാഗമായി രാവിലെ പത്തിന് നിയമസഭാ ഡെപ്യൂട്ടി സ്പീക്കർ നിയമസഭാ സമുച്ചയത്തിൽ സ്ഥാപിച്ചിട്ടുള്ള ദേശീയ നേതാക്കളുടെ പ്രതിമകളിൽ ഹാരാർപ്പണവും പുഷ്പാർച്ചനയും നടത്തും.

പി.എൻ.എക്സ്. 1153/19

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണാർത്ഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ഏപ്രിൽ 23ന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും. ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്.1/158/2019 ഫിൻ. തിയതി 22.04.2019) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്   (www.finance.kerala.gov.in) സന്ദർശിക്കുക.

പി.എൻ.എക്സ്. 1152/19

കേരളത്തില്‍  ഒറ്റപെട്ട സ്ഥലങ്ങളില്‍ ഇന്ന് ഇടിയോടും  മിന്നലോടും  കൂടിയ  മഴയ്ക്കും  കാറ്റിനും സാധ്യതയുള്ളതായി സംസ്ഥാന ദുരന്തനിവാരണ അതോറിറ്റി അറിയിച്ചു.

സംസ്ഥാനത്ത് ഇപ്പോള്‍ ലഭിക്കുന്ന വേനല്‍ മഴയോടനുബന്ധിച്ച് ഉച്ചക്ക് രണ്ട്  മുതല്‍ വൈകിട്ട് എട്ട് വരെയുള്ള സമയത്ത് ശക്തമായ ഇടിമിന്നലിനുള്ള സാധ്യത ഉണ്ട്. ഇത്തരം ഇടിമിന്നല്‍ അപകടകാരികള്‍ ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടം സൃഷ്ടിക്കുന്നുണ്ട്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.

വോട്ട് സ്മാര്‍ട്ട് ആപ്പ് അഞ്ചാംദിന സമ്മാനം കോന്നി സ്വദേശികള്‍ കരസ്ഥമാക്കി. ഒന്നാം സ്ഥാനം ബിടെക് വിദ്യാര്‍ത്ഥിനിയായ അഞ്ജലി സുധീഷും, രണ്ടാം സ്ഥാനം ജോബിന്‍ വര്‍ഗീസും നേടി. ഇരുവര്‍ക്കും ജില്ലാ കളക്ടര്‍ പി.ബി നൂഹ് സമ്മാനത്തുക കൈമാറി. വോട്ടെടുപ്പ് ദിവസമായ ഇന്ന് വരെയാണ്  മത്സരിക്കാനുളള അവസരം.

        (ഇലക്ഷന്‍ : 232/19)

പോളിംഗ് സ്റ്റേഷന്റെ 200 മീറ്റര്‍ ചുറ്റളവില്‍ ബൂത്തുകള്‍ അനുവദനീയമല്ല. 

ഒരുമേശയും രണ്ട് കസേരയും ക്രമീകരിക്കാം ഷാമിയാന, ടെന്റ് എന്നിവ കെട്ടാന്‍ പാടുള്ളതുമല്ല. 

മൂന്ന് അടി നീളവും ഒന്നര അടി വീതിയുമുള്ള ബാനര്‍ ഉപയോഗിക്കാം     

ബൂത്തുകളിലുള്ള വ്യക്തികള്‍ നിര്‍ബന്ധമായും വോട്ടര്‍ ഐ.ഡി. കാര്‍ഡ് കൈവശം വയ്‌ക്കേണ്ടതാണ്.

രാഷ്ട്രീയ പരാമര്‍ശമുള്ള സ്ലിപ്പുകളോ മറ്റ് സാമഗ്രികളോ വിതരണം ചെയ്യാന്‍ പാടുള്ളതല്ല. 

തദ്ദേശസ്ഥാപനങ്ങളുടെ മുന്‍കൂര്‍ അനുമതി ഉണ്ടായിരിക്കേണ്ടതാണ്. 

                  (ഇലക്ഷന്‍: 230/19)

തെരഞ്ഞെടുപ്പ് ദിവസം സ്ഥാനാര്‍ഥി, ചീഫ് ഏജന്റ് എന്നിവര്‍ക്ക് വരണാധികാരിയുടെ അനുമതിയോടെ ഓരോ വാഹനങ്ങള്‍ മണ്ഡലത്തില്‍ ഉടനീളം ഉപയോഗിക്കാം. 

സ്ഥാനാര്‍ഥികളുടെ പാര്‍ട്ടി പ്രവര്‍ത്തകര്‍ക്ക് ഓരോ അസംബ്ലി നിയോജക മണ്ഡലത്തിലേക്കും ഓരോ വാഹനങ്ങള്‍ അനുമതിവാങ്ങി ഉപയോഗിക്കാം. 

ഓരോവാഹനത്തിലും ഡ്രൈവര്‍ ഉള്‍പ്പെടെ പരമാവധി അഞ്ച്  പേരെ മാത്രമെ അനുവദിക്കൂ.

സ്ഥാനാര്‍ഥി മണ്ഡലത്തില്‍ ഹാജരല്ലെങ്കില്‍ മറ്റാര്‍ക്കും സ്ഥാനാര്‍ഥിക്ക് അനുവദിച്ച വാഹനം ഉപയോഗിക്കാന്‍ പാടുള്ളതല്ല. 

വാഹനങ്ങളില്‍ വരണാധികാരി നല്‍കുന്ന പെര്‍മിറ്റ് വിന്‍ഡ് സ്‌ക്രീനില്‍ തന്നെ പതിക്കേണ്ടതാണ്. 

1. തെരഞ്ഞെടുപ്പ് കമ്മിഷന്‍ അനുവദിച്ച വോട്ടര്‍ തിരിച്ചറിയല്‍ കാര്‍ഡ്

2. പാസ്‌പോര്‍ട്ട്  

3. ഡ്രൈവിംഗ് ലൈസന്‍സ് 

4. സംസ്ഥാന/കേന്ദ്ര സര്‍ക്കാര്‍, പൊതുമേഖലാ സ്ഥാപനങ്ങള്‍/പൊതുമേഖലാ കമ്പനികള്‍ എന്നിവ ജീവനക്കാര്‍ക്ക് നല്‍കുന്ന സര്‍വീസ് തിരിച്ചറിയല്‍ കാര്‍ഡുകള്‍

5. ബാങ്ക്/ പോസ്റ്റ് ഓഫീസ് എന്നിവിടങ്ങളില്‍നിന്നുള്ള ഫോട്ടോ പതിച്ച പാസ്ബുക്ക് (സഹകരണ ബാങ്കുകളിലെ രേഖകള്‍ സ്വീകരിക്കില്ല)

6. പാന്‍ കാര്‍ഡ് 

7.കേന്ദ്രതൊഴില്‍ മന്ത്രാലയം വിവിധ പദ്ധതികളുടെ ഭാഗമായി അനുവദിച്ച സ്മാര്‍ട്ട് കാര്‍ഡ്

8. തൊഴില്‍പദ്ധതി ജോബ് കാര്‍ഡ്