പത്തനംതിട്ട ലോക്‌സഭാ മണ്ഡലത്തില്‍ വൈകിട്ട് 6.50 ന് ലഭ്യമായ വിവര പ്രകാരം ഏറ്റവും കൂടുതല്‍ വോട്ട് ചെയ്തത് വനിതകള്‍. ആകെ 523 199 സ്ത്രീകള്‍ വോട്ട് ചെയ്തപ്പോള്‍ 481065 പുരുഷ•ാരാണ് വോട്ട് ചെയ്തത്. ആകെയുള്ള 66 1700 പുരുഷ വോട്ടര്‍മാരില്‍ 72.70 % പേര്‍ വോട്ട് ചെയ്തപ്പോള്‍ ആകെയുള്ള 716884 സ്ത്രീകളില്‍ 72.98 % പേരാണ് വോട്ട് ചെയ്തത്. 

പത്തനംതിട്ട ലോക്‌സഭാ മണ്ഡലത്തില്‍ വോട്ട് ചെയ്തവരുടെ എണ്ണം 10 ലക്ഷം കവിഞ്ഞു. ഇതാദ്യമാണ് വോട്ടു ചെയ്തവരുടെ എണ്ണം 10 ലക്ഷം കവിയുന്നത്. 1378587 പേരില്‍ 1002062 പേര്‍ വൈകിട്ട് 6.40 ന് ലഭ്യമായ വിവര പ്രകാരം വോട്ട് ചെയ്തു. 72.68% വരുമിത് . കൂടുതല്‍ വോട്ട് ആറ•ുളയിലാണ് - 162011 (71.12%), കാഞ്ഞിരപ്പള്ളി - 138180 (77.32%), പൂഞ്ഞാര്‍ - 136383 (76.30 %), തിരുവല്ല - 1414 16 (68.96 %), റാന്നി-13 2253 (69.36 %), കോന്നി - 141821 (72.83%), അടൂര്‍-149998 (73.90 %) (ഇലക്ഷന്‍: 247/19)

ജില്ലയിലെ ഭിന്നശേഷി വിഭാഗക്കാരുടെ യൂത്ത് ഐക്കണ്‍ സാന്ദ്ര സോമനാഥ് ലോക്സഭാ തെരഞ്ഞടുപ്പില്‍ കന്നിവോട്ട് രേഖപ്പെടുത്തി. തിരുവല്ല കാവുംഭാഗം 122  ദേവസ്വം ബോര്‍ഡ് ഹയര്‍ സെക്കന്‍ഡറി സ്‌കൂളിലെ ഭിന്നശേഷി മാതൃക പോളിംഗ് സ്റ്റേഷനിലാണ് സാന്ദ്ര ആദ്യ വോട്ട് രേഖപ്പെടുത്തിയത്. ആലപ്പുഴ മെഡിക്കല്‍ കോളജിലെ രണ്ടാം വര്‍ഷ എംബിബിഎസ് വിദ്യാര്‍ഥിനിയാണ് സാന്ദ്ര. (ഇലക്ഷന്‍: 246/19)

ലോക്‌സഭാ തെരഞ്ഞെടുപ്പ് അവസാനിച്ചതോടെ വോട്ടിംഗ് യന്ത്രങ്ങളും വിവി പാറ്റും ചെന്നീര്‍ക്കര കേന്ദ്രീയ വിദ്യാലയത്തിലെ സ്‌ട്രോംഗ് റൂമിലേക്ക് മാറ്റി സീല്‍ ചെയ്തു. വോട്ടെണ്ണല്‍ കേന്ദ്രം കൂടിയായ ഈ സ്‌കൂളിലെ സ്‌ട്രോംഗ് റൂമില്‍നിന്നും അടുത്തമാസം 23 നേ വോട്ടിംഗ് യന്ത്രങ്ങള്‍ പുറത്തെടുക്കൂ. 

കഴിഞ്ഞ 2014ലെ ലോക്‌സഭാ തെരഞ്ഞെടുപ്പിലെ വോട്ടര്‍മാരുടെയും ശതമാനത്തിന്റെയും കണക്കിനെ വൈകിട്ട് അഞ്ചിന് തന്നെ പത്തനംതിട്ട മണ്ഡലം മറികടന്നു. തെരഞ്ഞെടുപ്പ് അവസാനിക്കാന്‍ ഒരു മണിക്കൂര്‍ അവശേഷിക്കെ ആകെ 914548 പേരാണ് തങ്ങളുടെ സമ്മതിദാനാവകാശം വിനിയോഗിച്ചത്. കഴിഞ്ഞ തവണ മണ്ഡലത്തിലാകെ പോള്‍ ചെയ്തത് 871251 പേരായിരുന്നു. 2014ല്‍ 66.02 പേരാണ് ആകെ വോട്ട് ചെയ്തതെങ്കില്‍ ഇക്കുറി മണിക്കൂര്‍ ബാക്കിനില്‍ക്കെ തന്നെ അത് 66.33 ആയി ഉയര്‍ന്നു. 

പത്തനംതിട്ട ലോക്‌സഭാ മണ്ഡലത്തിലെ ഏഴ് നിയമസഭാ നിയോജക മണ്ഡലങ്ങളിലും വൈകിട്ട് മൂന്നോടെ ഒരു ലക്ഷത്തിലധികം വോട്ട് വീതം രേഖപ്പെടുത്തി. എല്ലാ മണ്ഡലങ്ങളിലും 50 ശതമാനത്തിലധികം വോട്ടും ഈ സമയത്ത് രേഖപ്പെടുത്തുകയുണ്ടായി..

പത്തനംതിട്ട ലോക്‌സഭാ മണ്ഡലത്തില്‍ ഉച്ചയ്ക്ക് രണ്ടോടെ 50 ശതമാനത്തിലധികംപേര്‍ സമ്മതിദാന അവകാശം വിനിയോഗിച്ചു. 13,78,587 പേരില്‍ 6,90,912 പേരാണ് ഈ സമയം വോട്ടവകാശം വിനിയോഗിച്ചത്. ആകെ 50.11 ശതമാനം. 

കാഞ്ഞിരപ്പള്ളിയില്‍ 54.53 ശതമാനം പേരും പൂഞ്ഞാറില്‍ 52.02 ശതമാനം പേരും റാന്നിയില്‍ 50.34 ശതമാനം പേരും കോന്നിയില്‍ 50.79 ശതമാനം പേരും ആറ•ുളയില്‍ 49.17 ശതമാനം പേരും അടൂരില്‍ 49.02 ശതമാനം പേരും തിരുവല്ലയില്‍ 45.87 ശതമാനം പേരുമാണ് ഉച്ചയ്ക്ക് രണ്ടിന് മുമ്പ് വോട്ട് ചെയ്തത്.