തേക്കുംമൂട് പ്രവര്‍ത്തിക്കുന്ന മുട്ടത്തറ സി-മെറ്റ് നഴ്‌സിംഗ് കോളേജില്‍ ഡ്രൈവര്‍ തസ്തികയിലെ താല്‍ക്കാലിക ഒഴിവിലേക്ക് ജനുവരി 17 ന് രാവിലെ 11 ന് വാക്-ഇന്‍-ഇന്റര്‍വ്യൂ നടത്തും. ഹെവി മോട്ടോര്‍ വെഹിക്കിള്‍ ലൈസന്‍സും 10 വര്‍ഷത്തെ ജോലി പരിചയം ഉണ്ടാവണം. അഞ്ച് വര്‍ഷം ഹെവി വാഹനം ഓടിച്ചുള്ള പരിചയം അഭികാമ്യം. 28 നും 40 നുമിടയില്‍ പ്രായമുള്ള ജനറല്‍ വിഭാഗത്തിലുള്ളവര്‍ക്കും 43 വയസുവരെയുള്ള ഒ.ബി.സി വിഭാഗക്കാര്‍ക്കും 45 വയസുവരെയുള്ള എസ്.സി/ എസ്.ടിക്കാര്‍ക്കും പങ്കെടുക്കാം. 518 രൂപയാണ് ദിവസ വേതനം.

കുടിയൊഴിപ്പിക്കലും പുനരധിവസിപ്പിക്കലും : പ്രശ്‌നങ്ങളും വെല്ലുവിളികളും എന്ന വിഷയത്തെ ആസ്പദമാക്കി കിര്‍ടാഡ്‌സില്‍ (കേരള പട്ടികജാതി/വര്‍ഗ്ഗ വികസന ഗവേഷണ പരിശീലന വകുപ്പ്) ഫെബ്രുവരി 26, 27 തീയതികളില്‍ ദേശീയ സെമിനാര്‍ നടത്തും.

സ്വാതന്ത്യത്തിന് മുമ്പും പിമ്പും പുനരധിവാസത്തിന്റെ പ്രാധാന്യം, ആസൂത്രണത്തിലും മേല്‍നോട്ടത്തിലുമുള്ള ക്രിയാത്മകമായ പങ്കാളിത്തം, ദൈനംദിന ജീവനോപാധികള്‍, പുനരധിവാസത്തിന്റെ പരിപ്രേഷ്യം എന്നിങ്ങനെ ആറ് മേഖലകളുമായി ബന്ധപ്പെട്ട പ്രബന്ധങ്ങളാണ് അവതരിപ്പിക്കുന്നത്.

തിരുവനന്തപുരം കോളേജ് ഓഫ് എഞ്ചിനീയറിംഗില്‍ മെക്കാനിക്കല്‍ എഞ്ചിനീയറിംഗ് വിഭാഗത്തില്‍ ദിവസ വേതനാടിസ്ഥാനത്തില്‍ മൂന്ന് അസിസ്റ്റന്റ് പ്രൊഫസറുടെ ഒഴിവുണ്ട്. മെക്കാനിക്കല്‍ എഞ്ചിനീയറിംഗില്‍ ബി.ഇ/ബി.ടെക് ബിരുദവും എം.ഇ/എം.ടെക് ബിരുദവും ഇവയില്‍ ഏതെങ്കിലും ഒന്നില്‍ ഒന്നാം ക്ലാസ് തത്തുല്യ യോഗ്യതയുള്ളവര്‍ ജനുവരി 15 ന് രാവിലെ 10 ന് മെക്കാനിക്കല്‍ എഞ്ചിനീയറിംഗ് വിഭാഗം മേധാവിയുടെ ഓഫീസില്‍ ബന്ധപ്പെട്ട വിദ്യാഭ്യാസ യോഗ്യത, വയസ്, വ്യക്തിവിവരം എന്നിവ തെളിയിക്കുന്ന അസല്‍ രേഖകള്‍ സഹിതം അഭിമുഖത്തിന് എത്തണം.

കര്‍ഷകപെന്‍ഷന്‍ തുക വര്‍ധിപ്പിച്ച് സംസ്ഥാന സര്‍ക്കാര്‍ ഉത്തരവിറങ്ങി.  ഇതനുസരിച്ച് അര്‍ഹതയുളള മുഴുവന്‍ കര്‍ഷകര്‍ക്കും 1100 രൂപ വീതം പ്രതിമാസം പെന്‍ഷന്‍ ലഭിക്കും.  കൃഷി വകുപ്പ് മന്ത്രി അഡ്വ. വി.എസ്. സുനില്‍ കുമാര്‍, ധനകാര്യ വകുപ്പ് മന്ത്രി ഡോ. ടി.എം. തോമസ് ഐസക്കുമായി നടത്തിയ ചര്‍ച്ചകള്‍ക്കൊടുവിലാണ് ധനവകുപ്പിന്റെ തീരുമാനം.  നേരത്തെ 1000 രൂപയായിരുന്നു കര്‍ഷകപെന്‍ഷനായി നല്‍കിയിരുന്നത്.  

സൗദി അറേബ്യയിലെ ഡവിറ്റ ആശുപത്രിയിലേയ്ക്ക് ഡയാലിസിസ് നഴ്‌സുമാര്‍ക്ക് (വനിതകള്‍) അവസരം. യോഗ്യത: ബി.എസ്‌സി നഴ്‌സിങ്. താല്‍പര്യമുളളവര്‍ ജനുവരി 15നുമുന്‍പ് rquery.norka@kerala.gov.in എന്ന ഇ-മെയില്‍ വിലാസത്തില്‍ ബയോഡാറ്റ അയയ്ക്കണമെന്ന് നോര്‍ക്ക ചീഫ് എക്‌സിക്യുട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ www.norkaroots.net എന്ന വെബ്‌സൈറ്റില്‍ ലഭിക്കും.

 പി.എന്‍.എക്‌സ്.140/18

കോഴിക്കോട് കൂടരഞ്ഞി ഗ്രാമപഞ്ചായത്ത് അംഗം ഗ്രേസി കീലത്തിനെ സംസ്ഥാന തെരഞ്ഞെടുപ്പ് കമ്മീഷണര്‍ വി.ഭാസ്‌കരന്‍ അയോഗ്യരാക്കി. കൂറുമാറ്റ നിരോധന നിയമ പ്രകാരം, നിലവില്‍ അംഗമായി തുടരുന്നതിനും തദ്ദേശ സ്വയംഭരണ സ്ഥാപനങ്ങളിലേക്കു മല്‍സരിക്കുന്നതിനും 2018   ജനുവരി 10 മുതല്‍ ആറു വര്‍ഷത്തേക്കാണ് കമ്മീഷന്‍ വിലക്ക്.

കേരള സര്‍ക്കാര്‍ നിയന്ത്രണത്തില്‍ പ്രവര്‍ത്തിക്കുന്ന എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയിലേയ്ക്ക് സിവില്‍ എന്‍ജിനീയറിംഗ് തസ്തികയിലെ നിയമനത്തിന് അപേക്ഷിച്ചിട്ടുളളവര്‍ക്കുളള എഴുത്തുപരീക്ഷ ജനുവരി 28ന് തിരുവനന്തപുരം ജില്ലയിലെ പൂജപ്പുര എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വുമണില്‍ നടത്തും.  അര്‍ഹതപ്പെട്ടവര്‍ക്കുളള ഹാള്‍ടിക്കറ്റ് www.lbskerala.com എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്യണം.  ഫോണ്‍: 0471 2560311, 2560312.

 പി.എന്‍.എക്‌സ്.138/18

കേരളഭാഷാ ഇന്‍സ്റ്റിറ്റ്യൂട്ടില്‍ നിന്നു എ.ആര്‍.രാജരാജവര്‍മയുടെ സമ്പൂര്‍ണ കൃതികള്‍ പ്രസിദ്ധീകരിക്കും.  ഈ ആവശ്യത്തിലേക്ക് അദ്ദേഹം രചിച്ച ഋഗേ്വദകാരിക, കരണപരിഷ്‌കരണം, കാചിദാശുകവിത, ഗണേശാഷ്ടകം, ചിത്ര നക്ഷത്രമാലിക, തന്ദ്രാഭൂഷണം, പഞ്ചാംഗശുദ്ധിപദ്ധതി, പഞ്ചാശിക, ബന്ധവിന്യാസം, ഭാഷോല്‍പ്പത്തി, ഭൂഗോളവിവൃതി, രസതന്ത്രം, രുഗ്മിണീഹരണം, ശൃംഗാരഭൃംഗാരം, ശൗചവിഷയകം (പ്രസംഗങ്ങള്‍), ശ്രീവിശാഖതുലാഭാരപ്രബന്ധം, ശ്രീവിശാഖസിംഹാസനാരോഹണാഭിനന്ദനം, ഷഷ്ടിപൂര്‍ത്തി ദണ്ഡകം എന്നീ സംസ്‌കൃത കൃതികള്‍ കൈവശമുളളവര്‍ വിവരം അറിയിച്ചാല്‍ പുസ്തകങ്ങള്‍ ഫോട്ടോസ്റ്റാറ്റ് എടുത്തിട്ട് തിരിച്ചേല്‍പ്പിക്കുകയും പുസ്തകം ലഭ്യമാക്കിയവരുടെ പേരു വി

സംസ്ഥാന ആസൂത്രണ ബോര്‍ഡില്‍ ടെക്‌നിക്കല്‍ കണ്‍സള്‍ട്ടന്റിനെ കരാര്‍ വ്യവസ്ഥയില്‍ പ്രതിമാസം 25000 രൂപ നിരക്കില്‍ നിയമിക്കുന്നു.

കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ 2016-17 ബാച്ചിലുള്ള പബ്ലിക് റിലേഷന്‍സ് ആന്റ് അഡ്വര്‍ടൈസിംഗ് വിദ്യാര്‍ത്ഥികളുടെ വൈവാ പരീക്ഷ ജനുവരി 15 രാവിലെ 10 ന് നടക്കും. വിദ്യാര്‍ത്ഥികള്‍ മതിയായ രേഖകളോടെ ഇന്‍സ്റ്റിറ്റ്യൂട്ടില്‍ എത്തണമെന്ന് സെക്രട്ടറി അറിയിച്ചു.

   പി.എന്‍.എക്‌സ്.135/18