ജയില്‍ വകുപ്പില്‍ അസിസ്റ്റന്റ് ജയിലര്‍ ഗ്രേഡ് ഒന്ന് തസ്തികയുടെ (കാറ്റഗറി 168/2015) തെരഞ്ഞെടുപ്പിനുള്ള ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികളുടെ ഒറ്റത്തവണ പ്രമാണ പരിശോധന ജനുവരി 23, 24 തിയ്യതികളില്‍ രാവിലെ 10 മുതല്‍ പി.എസ്.സിയുടെ കോഴിക്കോട് മേഖലാ ഓഫീസില്‍ നടത്തും.  ഉദ്യാഗാര്‍ഥികള്‍ രേഖകള്‍ സഹിതം എത്തണം.  ഫോണ്‍ 0495 2371500.

    ബാങ്ക്‌ലോണ്‍ കുടിശ്ശിക ഈടാക്കുന്നതിനായി കെ.എല്‍ 51എ 3309 ഷെവര്‍ലെ ടവേര കാര്‍ ജനുവരി 31ന് രാവിലെ 11ന് പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.

ഭാഗ്യക്കുറി സില്‍വര്‍ ജൂബിലി ആഘോഷങ്ങളുടെ ഭാഗമായി മലപ്പുറം ടൗണ്‍ ഹാളില്‍ നടക്കുന്ന ചടങ്ങില്‍ യൂണിഫോം വാങ്ങാനെത്തുന്ന ഏജന്റുമാര്‍ രേഖകളുമായി ഹാജരാവണം. 2017 മാര്‍ച്ച് വരെയുള്ള കാലയളവില്‍ രജിസ്ട്രര്‍ ചെയ്ത കുടിശ്ശികയില്ലാത്തവര്‍ക്കാണ് യൂണിഫോം വിതരണം ചെയ്യുക.

കേരള സംസ്ഥാന ഭാഗ്യക്കുറിയുടെ സുവര്‍ണജൂബിലി ആഘോഷങ്ങളുടെ ജില്ലാ തല ഉദ്ഘാടനം ഇന്ന് (ജനുവരി 18) മലപ്പുറം ടൗണ്‍ ഹാളില്‍ നടക്കും. ഉച്ചക്ക് 12 മണിക്ക് തദ്ദേശ സ്വയം ഭരണവകുപ്പ് മന്ത്രി ഡോ.കെ.ടി.ജലീല്‍ ഉദ്ഘാടനം ചെയ്യും. ചടങ്ങില്‍ ക്ഷേമനിധി ആനൂകല്യങ്ങളിലായി 2.9 ലക്ഷം വിതരണം ചെയ്യും. ഏജന്റുമാര്‍ക്കുള്ള രണ്ട് ജോഡി യൂണിഫോം വിതരണത്തിന്റെ ഉദ്ഘാടനവും നടക്കും. 1400 ഓളം യൂണിഫോമുകളാണ് ആദ്യഘട്ടത്തില്‍ വിതരണം ചെയ്യുക.പരിപാടിയുടെ ഭാഗമായി രാവിലെ 10 മണിമുതല്‍ സാസ്‌കാരിക പരിപാടികള്‍ നടക്കും.

അയ്യന്‍കാളി വിദ്യാഭ്യാസ സ്‌കോളര്‍ഷിപ്പിന് പട്ടികവര്‍ഗ വിദ്യാര്‍ഥികളെ തെരഞ്ഞെടുക്കുന്നതിന് ജില്ലാതലത്തല്‍ മത്സര പരീക്ഷ നടത്തുന്നു.  2017-18 അധ്യയന വര്‍ഷം നാലാം ക്ലാസില്‍ പഠിക്കുന്നവര്‍ക്ക് അപേക്ഷിക്കാം.  ജില്ലാതലത്തില്‍ ഫെബ്രുവരി 24ന് ഉച്ചക്ക് രണ്ടിനാണ് പരീക്ഷ നടക്കുക.