ലോകായുക്തയുടെ  സിറ്റിംഗ് ജനുവരി 17, 18, 19 തീയതികളില്‍  കോട്ടയം     കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. ലോകായുക്ത ജസ്റ്റിസ്  പയസ് സി. കുര്യാക്കോസ്, ഉപലോകായുക്ത ജസ്റ്റിസ് കെ.പി ബാലചന്ദ്രന്‍ എന്നിവരടങ്ങുന്ന            ഡിവിഷന്‍ ബഞ്ച് പരാതികള്‍ പരിഗണിക്കും. നിശ്ചിത ഫോറത്തില്‍ നല്‍കുന്ന പുതിയ പരാതികളും സിറ്റിംഗില്‍ സ്വീകരിക്കും.

ആലപ്പുഴ: വ്യവസായം ആരംഭിക്കുന്നതിന് വിവിധ അനുമതികൾക്കായി സംരംഭകർ ഓഫീസുകൾ കയറിയിറങ്ങി മടുക്കുന്ന സ്ഥിതിക്കു മാറ്റംവരുത്താനുള്ള സർക്കാരിന്റെ ശ്രമങ്ങൾക്ക് തദ്ദേശസ്വയംഭരണസ്ഥാപനങ്ങളും ഉദ്യോഗസ്ഥരും പിന്തുണ നൽകണമെന്ന് ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ പറഞ്ഞു. കേരളത്തെ സംരംഭക സൗഹൃദ സംസ്ഥാനമാക്കാനുള്ള ലഘൂകരിച്ച നടപടിക്രമങ്ങൾ പരിചയപ്പെടുത്തുന്നതിനായി ഗ്രാമപഞ്ചായത്ത് പ്രസിഡന്റുമാർക്കും സെക്രട്ടറിമാർക്കുമായി വ്യവസായ വാണിജ്യ വകുപ്പ് നടത്തിയ ഏകദിന ശില്പശാല ആലപ്പുഴയിൽ ഉദ്ഘാടനം ചെയ്യുകയായിരുന്നു അദ്ദേഹം.

കോഴിക്കോട്  എ.ഡബ്‌ളിയു.എച്ച് കോളേജ് ഓഫ് സ്‌പെഷ്യല്‍ എഡ്യുക്കേഷനില്‍ മാസ്റ്റര്‍ ഓഫ് ഫിസിയൊതെറാപ്പി (എം.പി.ടി) കോഴ്‌സ് 2017-18 പ്രവേശനത്തിന് ഓണ്‍ലൈനായി അപേക്ഷ സമര്‍പ്പിച്ചവരുടെ റാങ്ക് ലിസ്റ്റും ഒന്നാംഘട്ട അലോട്ട്‌മെന്റും www.lbscentre.in  ല്‍ പ്രസിദ്ധീകരിച്ചു.  അലോട്ട്‌മെന്റ് ലഭിച്ചവര്‍ വെബ്‌സൈറ്റില്‍ നിന്നും പ്രിന്റൗട്ട് എടുത്ത അലോട്ട്‌മെന്റ് മെമ്മോയും അസല്‍ സര്‍ട്ടിഫിക്കറ്റുകളും ഫീസും സഹിതം ജനുവരി 12 ന് കോളേജില്‍ ഹാജരാക്കണം.  ഫോണ്‍: 0471 2560362, 63, 64, 65.

 പി.എന്‍.എക്‌സ്.155/18

കേരളീയ സമൂഹത്തില്‍ അദൃശ്യമായി നിലനിന്നിരുന്ന സാമാന്യ ബോധത്തിന്റെ ഉണര്‍ച്ചയാണ് കേരളീയ നവോത്ഥാനമെന്ന് പ്രൊഫ. കെ. സച്ചിദാനന്ദന്‍ പറഞ്ഞു. മലയാളം മിഷന്റെ ആഭിമുഖ്യത്തില്‍ ലോക കേരള സഭയുടെ ഭാഗമായി നവോത്ഥാനത്തിലെ പ്രവാസ സ്വാധീനവും പ്രതി സംസ്‌കാര ധാരകളും എന്ന വിഷയത്തില്‍ നടന്ന സെമിനാറില്‍ സംസാരിക്കുകയായിരുന്നു.   അത് കേവലം സാഹിത്യത്തെയും കലയെയും മാത്രം ബാധിച്ച ഉണര്‍ച്ചയായിരുന്നില്ല.