വെസ്റ്റ് എളേരി ബേബി ജോണ്‍ മെമ്മോറിയല്‍  ഗവ. വനിതാ ഐടിഐയില്‍ ജൂനിയര്‍ ഇന്‍സ്ട്രക്ടര്‍ ഇന്‍ അരിത് മാറ്റിക് കം ഡ്രോയിംഗ് ഒരു ഒഴിവുണ്ട്. ഡിഗ്രി ഇന്‍ എഞ്ചിനീയറിംഗ് കൂടാതെ ഈ മേഖലയിലെ ഒരു വര്‍ഷത്തെ  പ്രവര്‍ത്തി പരിചയം അല്ലെങ്കില്‍ ഡിപ്ലോമ ഇന്‍ എഞ്ചിനീയറിംഗ്  മേഖലയിലെ രണ്ട് വര്‍ഷത്തെ പ്രവര്‍ത്തി പരിചയം അല്ലെങ്കില്‍  എന്‍ എ സി- എന്‍ ടി സി യും (സിവില്‍-മെക്കാനിക്കല്‍) പ്രസ്തുത മേഖലയിലെ  മൂന്നു വര്‍ഷത്തെ  പ്രവര്‍ത്തി പരിചയം ആണ് യോഗ്യത. 
    താല്‍പ്പര്യമുളളവര്‍ സര്‍ട്ടിഫിക്കറ്റുകളുമായി  ഈ മാസം 17 ന് രാവിലെ 11 ന്  ഐടിഐ ഓഫീസില്‍ കൂടിക്കാഴ്ചയ്ക്ക്  ഹാജരാകണം. ഫോണ്‍ 04672 341666.

    കേരള വനിതാ കമ്മീഷന്‍ കാസര്‍കോട് ജില്ലയില്‍ സംഘടിപ്പിക്കുന്ന അദാലത്ത്  ഈ മാസം 15 ന് രാവിലെ 10.30 ന് കളക്ടറേറ്റ് കോഫറന്‍സ് ഹാളില്‍ നടക്കും.
 

സ്വാമി വിവേകാനന്ദന്റെ ജ• ദിനമായ ജനുവരി 12 മുതല്‍ ഒരാഴ്ച രാജ്യവ്യാപകമായി നടത്തുന്ന ദേശീയ യുവജന വാരാഘോഷത്തിന്റെ  ഭാഗമായി നെഹ്‌റു യുവ കേന്ദ്രയുടെയും  യൂത്ത് ക്ലബ്ബുകളുടെയും നേതൃത്വത്തില്‍  ജില്ലയില്‍ വിവിധ പരിപാടികള്‍ സംഘടിപ്പിക്കും. ജനുവരി 12 ദേശീയ യുവജന ദിനമായും തുടര്‍ന്ന് 13 സാംസ് കാരിക ദിനം, 14 പങ്കാളിത്ത ദിനം, 15 സാമൂഹിക സേവന ദിനം,  16 കായിക ക്ഷമതാ ദിനം, 17 ശാന്തി ദിനം, 18 നൈപുണ്യ വികസന ദിനം, 19 ബോധവല്‍ക്കരണ ദിനം എന്നിങ്ങെനെയാണ് യുവജനവാരം ആഘോഷിക്കുന്നത്.

    പൊന്നാനി സബ് രജിസ്ട്രാര്‍ ഓഫീസില്‍ ജനുവരി 11ന് നടത്താനിരുന്ന അണ്ടര്‍ വാല്യൂഷന്‍ അദാലത്ത് ജനുവരി 18ലേക്ക് മാറ്റിയതായി ജില്ലാ രജിസ്ട്രാര്‍ (ഓഡിറ്റ്) അറിയിച്ചു. 

ജില്ലാ പദ്ധതി രൂപീകരണവുമായി ബന്ധപ്പെട്ട് ഏകദിന ജില്ലാ പദ്ധതി വികസന സെമിനാര്‍ ജനുവരി 18ന് രാവിലെ 10ന് കോട്ടക്കുന്ന് ഡി.റ്റി.പി.സി ഹാളില്‍ ചേരും.  പരിപാടി തദ്ദേശ സ്വയം ഭരണ വകുപ്പ് മന്ത്രി ഡോ. കെ.ടി ജലീല്‍ ഉദ്ഘാടനം ചെയ്യും. 
 

2017-18 വര്‍ഷം എസ്.എസ്.എല്‍.സി/+2 തലത്തില്‍ എല്ലാ വിഷയങ്ങള്‍ക്കും (ബി ഗ്രേഡോ അതിനു മുകളിലോ ഗ്രേഡു നേടി വിജയിച്ച അംഗപരിമിതരായ വിദ്യാര്‍ത്ഥികള്‍ക്ക്  സംസ്ഥാന വികലാംഗ ക്ഷേമ കോര്‍പ്പറേഷന്‍ 2500 രൂപ ക്യാഷ് അവാര്‍ഡ് നല്‍കുന്നു.40 ശതമാനത്തിന് മുകളില്‍ വൈകല്യവും ഒരു ലക്ഷം രൂപയില്‍ താഴെ കുടുംബ വാര്‍ഷിക വരുമാനമുളളവരുമായിരിക്കണം അപേക്ഷകര്‍.  അപേക്ഷാ ഫോമിന്റെ മാതൃക ജില്ലാ സാമൂഹ്യനീതി ഓഫീസില്‍ ലഭിക്കും. പൂരിപ്പിച്ച അപേക്ഷകള്‍ ജനുവരി 25 നകം ജില്ലാ സാമൂഹ്യനീതി ഓഫീസര്‍, സിവില്‍സ്റ്റേഷന്‍, മലപ്പുറം വിലാസത്തില്‍ നല്‍കണം. 
 

പൊന്നാനി മുനിസിപ്പാലിറ്റി, പോത്തുകല്ല്, തിരുവാലി, എടയൂര്‍ ഗ്രാമപഞ്ചായത്തുകളില്‍  ഇന്ന് (ജനുവരി 11) നടക്കുന്ന ഉപതെരഞ്ഞെടുപ്പിനോടനുബന്ധിച്ച് വോട്ടെടുപ്പ് നടക്കുന്ന വാര്‍ഡുകളിലെ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും  അവധി പ്രഖ്യാപിച്ച് ജില്ലാ കളക്ടര്‍ ഉത്തരവായി.