ജില്ലയിൽ ഡിജിറ്റൽ സർവെയുടെ ഫീൽഡ് പരിശോധനകൾക്ക് സർവെ ഡെപ്യൂട്ടി ഡയറക്ടർക്കും സർവെ അസിസ്റ്റന്റ് ഡയറക്ടർക്കും യാത്ര സൗകര്യത്തിനായി ടാക്സി പെർമിറ്റുള്ള രണ്ട് വാഹനങ്ങൾ രണ്ടു വർഷത്തേക്ക് മാസവടയ്ക്ക് ലഭ്യമാക്കുന്നതിന് വ്യക്തികൾ/ വാഹന ഉടമകളിൽ നിന്നോ ബന്ധപ്പെട്ട സ്ഥാപനങ്ങളിൽ നിന്നോ ക്വട്ടേഷൻ ക്ഷണിച്ചു. ക്വട്ടേഷനുകൾ ഒക്ടോബർ 11 ന് വൈകീട്ട് 3 നകം കാര്യാലയത്തിൽ സമർപ്പിക്കണം. ഫോൺ: 0487 2334459.

കുന്നംകുളം സിന്തറ്റിക് ട്രാക്കിൽ മൂന്ന് ദിവസങ്ങളിലായി നടക്കുന്ന 65 - മത് സ്കൂൾ ജില്ലാ കായികമേളയുടെ ഔദ്യോഗിക ഉദ്ഘാടനവും മാർച്ച് പാസ്റ്റും നടന്നു.

കുടുംബശ്രീ തൃശ്ശൂർ ജില്ലാമിഷന്റെ പരിധിയിൽ വരുന്ന അവണൂർ സിഡിഎസ് അക്കൗണ്ടന്റ് തസ്തികയിലെ താൽക്കാലിക ഒഴിവിലേക്ക് അപേക്ഷ ക്ഷണിച്ചു. അപേക്ഷക സിഡിഎസ് ഉൾപ്പെടുന്ന പുഴക്കൽ ബ്ലോക്ക് പ്രദേശത്ത് താമസിക്കുന്ന വ്യക്തിയാകണം. കുടുംബശ്രീ അയൽക്കൂട്ടത്തിലെ അംഗമോ/ ഓക്സിലറി ഗ്രൂപ്പ് അംഗമോ ആകണം. അംഗീകൃത സർവകലാശാലയിൽ നിന്നുള്ള ബികോം ബിരുദവും ടാലി യോഗ്യതയും ഉണ്ടാകണം. കമ്പ്യൂട്ടർ പരിജ്ഞാനം (എംഎസ് ഓഫീസ്, ഇൻർനെറ്റ് അപ്ലിക്കേഷൻസ്) ഉണ്ടാകണം. അക്കൗണ്ടിംഗിൽ രണ്ടു വർഷത്തെ പ്രവർത്തിപരിചയം. പ്രായപരിധി 20 നും 35 നും മദ്ധ്യേ (2023 ഓഗസ്റ്റ് 31ന് ).

തൃശ്ശൂർ ഗവ. ടെക്നിക്കൽ ഹൈസ്കൂളിന് കീഴിലുള്ള തൃശ്ശൂർ വടക്കാഞ്ചേരി ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗ് സ്ഥാപനങ്ങളിലേക്ക് ഇംഗ്ലീഷ് ആന്റ് വർക്ക്പ്ലെയ്സ് സ്കിൽ താത്കാലിക അധ്യാപകനെ നിയമിക്കുന്നു. ഹയർ സെക്കൻഡറി (ഇംഗ്ലീഷ്) അധ്യാപക തസ്തികയുടെ യോഗ്യതകൾ ഉള്ള ഉദ്യോഗാർഥികൾ ഒക്ടോബർ 11 ന് രാവിലെ 10.30 ന് നടക്കുന്ന അഭിമുഖത്തിൽ അസ്സൽ സർട്ടിഫിക്കറ്റുകളും പകർപ്പുകളും സഹിതം തൃശ്ശൂർ ഗവ. ടെക്നിക്കൽ ഹൈസ്കൂൾ ഓഫീസിൽ ഹാജരാകണം. ഫോൺ: 0487 2333460.

തൃശൂർ സ്കൂൾ ഓഫ് ഡ്രാമ ആന്റ് ഫൈൻ ആർട്സ് വേദിയാകും

സ്കൂൾ ഓഫ് ഡ്രാമ ആൻഡ് ഫൈനാൻസ് തൃശൂരിന്റെ രണ്ടാമത് അന്താരാഷ്ട്ര രംഗകലാലയ ഉത്സവം ( ഐഎഫ്ടിഎസ് )ജനുവരി 14 മുതൽ 19 വരെ നടത്തുമെന്ന് ഉന്നതവിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ ആർ.ബിന്ദു വാർത്താ സമ്മേളനത്തിൽ അറിയിച്ചു.

മൃഗ സംരക്ഷണ വകുപ്പ് മൃഗക്ഷേമ പ്രവർത്തനങ്ങൾക്ക് നൽകുന്ന അവാർഡിന് അപേക്ഷ ക്ഷണിച്ചു. 2023 - 24 സാമ്പത്തിക വർഷത്തിൽ ജില്ലയിൽ മികച്ച പ്രവർത്തനങ്ങൾ നടത്തിയ വ്യക്തികൾക്കും സംഘടനകൾക്കും അപേക്ഷിക്കാം. നിശ്ചിത മാതൃകയിലുള്ള അപേക്ഷ പറവട്ടാനി ജില്ലാ വെറ്ററിനറി കേന്ദ്രം ഓഫീസിൽ ഒക്ടോബർ 16 ന് വൈകീട്ട് 5 നകം ലഭിക്കണം. ഫോൺ: 8078245534, 9447130534.

വരടിയം ടെക്നിക്കൽ ഹയർ സെക്കൻഡറി സ്കൂളിൽ കമ്പ്യൂട്ടർ പ്രോഗ്രാമർ തസ്തികയിൽ താൽക്കാലിക നിയമനം നടത്തുന്നു. യോഗ്യത പിജിഡിസിഎ (60 ശതമാനം)/ ബിഎസ്സി കമ്പ്യൂട്ടർ സയൻസ് (60 ശതമാനം). ഉദ്യോഗാർത്ഥികൾ ബയോഡാറ്റയും അസ്സൽ സർട്ടിഫിക്കറ്റും സർട്ടിഫിക്കറ്റുകളുടെ ഒരോപകർപ്പും സഹിതം ഒക്ടോബർ 6 ന് രാവിലെ 10 ന് അഭിമുഖത്തിനായി വരടിയം ടെക്നിക്കൽ ഹയർ സെക്കൻഡറി സ്കൂളിൽ ഹാജരാകണം. ഫോൺ: 0487 2214773, 8547005022.

ചാലക്കുടി ഗവ. വനിത ഐടിഐയിൽ 2023 - 24 വർഷത്തെ പ്രവേശനത്തിന് ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. താൽപര്യമുള്ളവർ ഒക്ടോബർ 10 നകം അസ്സൽ രേഖകളുടെ പകർപ്പുകൾ സഹിതം ഓഫീസിൽ നേരിട്ട് ഹാജരാകണം. ഇതുവരെ അപേക്ഷ നൽകാത്തവർക്കും പുതിയതായി അപേക്ഷ സമർപ്പിക്കാം. കൂടുതൽ വിവരങ്ങൾക്ക് - 0480 - 2700816, 9497061668, 8848916754 എന്നീ നമ്പറുകളിൽ ബന്ധപ്പെടുക.

ജില്ലയിലെ 16 അക്ഷയ കേന്ദ്രങ്ങളിലേക്ക് സംരംഭകരാകാൻ സ്ഥല, സാങ്കേതിക സൗകര്യങ്ങൾ ഒരുക്കുവാൻ തയ്യാറുള്ളവർക്ക് അപേക്ഷിക്കാം. അപേക്ഷകന് പ്ലസ്ടു യോഗ്യതയും സാങ്കേതിക പരിജ്ഞാനവും ഉണ്ടാകണം. http://akshaya.Kemetric.com/aes/registration എന്ന ലിങ്കിലൂടെ ഓൺലൈനായി മാത്രം അപേക്ഷ സമർപ്പിക്കാം. ദ ഡയറക്ടർ അക്ഷയ എന്ന പേരിൽ തിരുവനന്തപുരത്ത് മാറാവുന്ന 750 രൂപയുടെ ഡിഡി നമ്പറും ഓൺലൈനായി എൻട്രി ചെയ്യണം. ഒക്ടോബർ 18 വൈകീട്ട് 5 നകം അപേക്ഷ സമർപ്പിക്കണം.

കേരള ഖാദി ഗ്രാമ വ്യവസായ ബോർഡിന്റെ ആഭിമുഖ്യത്തിൽ ജില്ലയിൽ ഹൈസ്ക്കൂൾ, ഹയർ സെക്കന്ററി വിദ്യാർത്ഥികൾക്കായി ഗാന്ധിജിയും ഖാദിയും സ്വാതന്ത്ര്യ സമരവും എന്ന വിഷയത്തിൽ ക്വിസ് മത്സരം സംഘടിപ്പിച്ചു. സെന്റ് മേരീസ് ഹൈസ്ക്കൂൾ, കല്ലാനോടിലെ അൽഫാത്തിമ ഫർഹാൻ, മഡോണ ജോസഫ് എന്നിവരുടെ ടീം ഒന്നാം സ്ഥാനവും ഗവ. ഹയർ സെക്കന്ററി സ്കൂളിലെ യഥുനന്ദിന്റെ ടീം രണ്ടാം സ്ഥാനവും കരസ്ഥമാക്കി. മത്സരത്തിന് കോഴിക്കോട് ജില്ലാ ഖാദി ഗ്രമാ വ്യവസായ ഓഫീസ് ഉദ്യോഗസ്ഥൻ  അമൽ ബാബു ക്വിസ് മാസ്റ്ററായി. ജില്ലയിൽ നിന്നുള്ള 13 സ്കൂളുകളാണ് മത്സരത്തിൽ പങ്കെടുത്തത്.