നവകേരളം കര്‍മപദ്ധതിയുടെ ഭാഗമായി ഹരിതകേരളം മിഷനും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും സംയുക്തമായി സംഘടിപ്പിക്കുന്ന ജലസംരക്ഷണ സാങ്കേതിക സമിതി ശില്‍പ്പശാല ഒക്ടോബര്‍ 6,7 തീയതികളില്‍ കോവളം വെള്ളാര്‍ ക്രാഫ്റ്റ് വില്ലേജില്‍ നടക്കും.വെള്ളിയാഴ്ച രാവിലെ ജലവിഭവ വകുപ്പ് മന്ത്രി റോഷി അഗസ്റ്റിന്‍ ശില്‍പ്പശാല ഉദ്ഘാടനം ചെയ്യും.നവകേരളം കര്‍മപദ്ധതി സംസ്ഥാന കോര്‍ഡിനേറ്റര്‍ ഡോ. ടി. എന്‍. സീമ അധ്യക്ഷത വഹിക്കും.ജലവിഭവ വകുപ്പ് സെക്രട്ടറി അശോക് കുമാര്‍ സിംഗ് മുഖ്യ പ്രഭാഷണം നടത്തും.

കോഴഞ്ചേരി ഗ്രാമപഞ്ചായത്തില്‍ നിയമാനുസരണ ലൈസന്‍സ് ഇല്ലാതെയും ലൈസന്‍സ് പുതുക്കാതെയും പ്രവര്‍ത്തിക്കുന്ന എല്ലാ സ്ഥാപനങ്ങളും ഒക്ടോബര്‍ 15 ന് അകം ലൈസന്‍സ് എടുക്കണം. അല്ലാത്തപക്ഷം പരിശോധനയുടെ അടിസ്ഥാനത്തില്‍ പിഴ ചുമത്തി കര്‍ശന നടപടികള്‍ സ്വീകരിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.  

കോന്നി താലൂക്ക് വികസന സമിതി യോഗം ഒക്ടോബര്‍ ഏഴിന് രാവിലെ 11 ന് കോന്നി താലൂക്ക് ഓഫീസില്‍ ചേരുമെന്ന് തഹസില്‍ദാര്‍ അറിയിച്ചു

സാമൂഹികനീതി  നിഷേധിക്കപ്പെടരുതെന്നും, സമത്വമാണ് ആവശ്യമെന്നും അതിനായി എല്ലാവരും ഒത്തുചേരണമെന്നും ഡെപ്യൂട്ടി സ്പീക്കര്‍  ചിറ്റയം ഗോപകുമാര്‍ പറഞ്ഞു.  പട്ടികജാതി പട്ടികവര്‍ഗ വികസന വകുപ്പിന്റെ നേതൃത്വത്തില്‍ സാമൂഹ്യ ഐക്യദാര്‍ഢ്യ പക്ഷാചരണം 2023 ന്റെ ഭാഗമായി  നടന്ന പൊതുസമ്മേളനത്തിന്റെയും പട്ടികജാതി കുടുംബങ്ങളുടെ ഡിജിറ്റല്‍ ഹോം സര്‍വേയുടേയും ജില്ലാതല ഉദ്ഘാടനം പറക്കോട് ബ്ലോക്ക് പഞ്ചായത്ത് ഹാളില്‍ നിര്‍വഹിച്ച് സംസാരിക്കുകയായിരുന്നു ഡെപ്യൂട്ടി സ്പീക്കര്‍.

തൃശൂര്‍- പൊന്നാനി കോള്‍ നിലങ്ങളില്‍ അടിസ്ഥാന സൗകര്യ വികസന പ്രവൃത്തികള്‍ക്കായി 46.81 കോടി രൂപ അനുവദിക്കുന്നതിന് മന്ത്രിസഭ അംഗീകാരം നല്‍കിയതായി തൃശൂര്‍- പൊന്നാനി കോള്‍ വികസന കമ്മിറ്റി ചെയര്‍മാന്‍ കൂടിയായ റവന്യൂ മന്ത്രി കെ രാജന്‍ അറിയിച്ചു.

കോള്‍ നിലങ്ങളില്‍ പ്രളയം, വരള്‍ച്ച എന്നിവ മറികടക്കുന്നതിന് 298.38 കോടി രൂപയുടെ അടിസ്ഥാന സൗകര്യ വികസന പദ്ധതികള്‍ക്ക് റീബില്‍ഡ് കേരള ഇനിഷ്യേറ്റീവില്‍ ഉള്‍പ്പെടുത്തി നേരത്തേ ' ഭരണാനുമതി നല്‍കിയിരുന്നു. 235.12 കോടി രൂപയുടെ നിര്‍മ്മാണ പ്രവര്‍ത്തികള്‍ക്കായി കേരള ലാന്‍റ് ഡെവലപ്മെന്‍റ് കോര്‍പ്പറേഷനെ ഇതിനകം ചുമതലപ്പെടുത്തുകയും ചെയ്തിട്ടുണ്ട്.

മാലിന്യമുക്തം നവകേരളം ക്യാമ്പയിനിന്റെ ഭാഗമായി പാറമേക്കാവ് കോളേജ് ഓഫ് ആർട്സ് ആന്റ് സയൻസ് എൻഎസ്എസ് യൂണിറ്റും ശുചിത്വ മിഷനും സംയുക്തമായി

ഇ -വേസ്റ്റ് കളക്ഷൻ ഡ്രൈവ് സംഘടിപ്പിച്ചു. ഒക്ടോബർ 4 മുതൽ 7 വരെ കോളേജിൽ നടക്കുന്ന ഇ-വേസ്റ്റ് കളക്ഷൻ ഡ്രൈവിന്റെ ഉദ്ഘാടനം കോളേജ് പ്രിൻസിപ്പൽ ഡോ. സുശീല മേനോൻ നിർവഹിച്ചു.

ചടങ്ങിൽ ശുചിത്വ മിഷൻ പ്രോഗ്രാം ഓഫീസർ രജിനേഷ് രാജൻ അധ്യക്ഷത വഹിച്ചു. എൻഎസ്എസ് പ്രോഗ്രാം ഓഫീസർ സി സൗമ്യ, കോളേജ് അഡ്മിനിസ്ട്രേറ്റർ പ്രശാന്ത് ബാലകൃഷ്ണൻ, എൻഎസ്എസ് വളണ്ടിയർ ജീൻസ് ഡൊമിനിക്, എൻഎസ്എസ് അഡ്വൈസറി മെമ്പർ വി ശ്രീദേവി തുടങ്ങിയവർ സംസാരിച്ചു.

തൃശ്ശൂർ ഗവ. എഞ്ചിനീയറിങ് കോളേജിൽ സ്മോൾ ഇൻഡസ്ട്രീസ് ഡെവലപ്മെന്റ് ബാങ്ക് ഓഫ് ഇന്ത്യയുടെ പിന്തുണയോടെ പ്രവർത്തിച്ചു വരുന്ന സ്വാവലംബൻ ചെയർ ഫോർ എം.എസ്.എം.ഇ സൊല്യൂഷ്യൻസ് ഹോട്ടൽ അശോക ഇൻ-ൽ സംഘടിപ്പിക്കുന്ന രണ്ട് ദിവസത്തെ സംരംഭക സമ്മേളനത്തിന് തുടക്കമായി. ഗവ. എഞ്ചിനീയറിങ് കോളേജ് പ്രിൻസിപ്പൽ ഡോ. കെ പി സതീഷ് ചടങ്ങ് ഉദ്ഘാടനം ചെയ്തു. കേരളത്തിലെ പ്രമുഖ ബിസിനസ്സ് കൺസൾട്ടന്റ് സ്ഥാപനമായ ബ്രഹ്മ കൺസൾട്ടന്റ്സാണ് രണ്ട് ദിവസത്തെ ക്ലാസ്സ് കൈകാര്യം ചെയ്യുന്നത്. തൃശ്ശൂർ ഇൻഡസ്ട്രീസ് എക്സ്റ്റൻഷൻ ഓഫീസ് പ്രതിനിധികളും, ബാങ്ക് ഓഫ് ഇന്ത്യ പ്രതിനിധികളും പരിപാടിയുടെ ഭാഗമാകും. ഗവ.

സ്നേഹിത ജെൻഡർ ഹെൽപ്പ് ഡെസ്കിന്റെ ജില്ലാതല കോ- ഓർഡിനേഷൻ കമ്മിറ്റി, സ്നേഹിത - എഫ്എൻഎച്ച് ഡബ്ലിയു (ഫുഡ്, ന്യൂട്രീഷൻ, ഹെൽത്ത്, വാഷ്) യോഗം ചേർന്നു. ജില്ലാതല കോ - ഓർഡിനേഷൻ കമ്മിറ്റി ചെയർമാൻ കൂടിയായ ജില്ലാ പഞ്ചായത്ത് പ്രസിഡന്റ് പി.കെ ഡേവിസ് മാസ്റ്റർ അധ്യക്ഷനായ യോഗത്തിൽ സ്നേഹിത പദ്ധതിയുടെ സുഗമമായ നടത്തിപ്പിന് ജില്ലയിൽ സ്ത്രീകൾക്കും കുട്ടികൾക്കും വേണ്ടി പ്രവർത്തിക്കുന്ന മുഴുവൻ സർക്കാർ - സർക്കാരിതര വകുപ്പുകളും സംയോജിച്ച് പ്രവർത്തിക്കാൻ തീരുമാനിച്ചു.

സെപ്തംബർ മാസത്തിൽ തെക്കുംകര പഞ്ചായത്തിലെ വിവിധ വാർഡുകളിലെ വീടുകളിൽ നിന്നായി പ്ലാസ്റ്റിക് ശേഖരിച്ച് ഏറ്റവും കൂടുതൽ യൂസർഫീ വാങ്ങിയ ഹരിതകർമ്മ സേനാംഗങ്ങൾക്ക് ഗ്രാമപഞ്ചായത്ത് ക്യാഷ് അവാർഡുകൾ വിതരണം ചെയ്തു. മൂന്നാം വാർഡിൽ നിന്നുള്ള ഹരിതകർമ്മ സേനാംഗം ഖദീജ ഒന്നാം സ്ഥാനവും എട്ടാം വാർഡിലെ ലതാ ഗോപി, രേണുക എന്നിവർ രണ്ടാംസ്ഥാനവും നേടി.

മാലിന്യ സംസ്കരണ പ്രവർത്തനങ്ങളിൽ ഗ്രാമപഞ്ചായത്തിനൊപ്പം നടത്തുന്ന സന്നദ്ധ പ്രവർത്തനത്തിനുള്ള ആദരമാവുകയാണ് ഗ്രാമപഞ്ചായത്തിന്റെ അവാർഡ് വിതരണം. തെക്കുംകര ഗ്രാമപഞ്ചായത്തിൽ 23 ഹരിതകർമ്മസേന അംഗങ്ങളാണ് ഉള്ളത്. പഞ്ചായത്തിലെ മുഴുവൻ