കേരള ലളിതകലാ അക്കാദമി അവതരിപ്പിക്കുന്ന പ്രമോദ് പ്രസാദിന്റെ ഏകാംഗ ചിത്രപ്രദർശനം ആൾട്ടർനേറ്റീവ് 2023 ഇന്ന് (ഒക്ടോബർ 5 ന്) തിരുവനന്തപുരം വൈലോപ്പിള്ളി സംസ്കൃതി ഭവനിലെ അക്കാദമി ആർട്ട് ഗ്യാലറിയിൽ ആരംഭിക്കും. കേരള ലളിതകലാ അക്കാദമിയുടെ 2022 -23ലെ സമകാലിക ഏകാംഗ പ്രദർശന പദ്ധതിയുടെ ഭാഗമായാണ് പ്രദർശനം. പ്രദർശനത്തിന്റെ ഉദ്ഘാടനം ഇന്ന് (ഒക്ടോബർ 5 ന്) വൈകീട്ട് 4 ന് അക്കാദമി ചെയർപേഴ്സൺ മുരളി ചീരോത്ത് നിർവ്വഹിക്കും. സമകാലീന കലാകാരൻ ഷിബു നടേശൻ, അക്കാദമി നിർവ്വാഹകസമിതി അംഗവും തിരുവന്തപുരം കോളേജ് ഓഫ് ഫൈനൽ ആട്സിലെ കലാചരിത്ര അധ്യാപികയുമായ പ്രീതി ജോസഫ് എന്നിവർ മുഖ്യാതിഥികളാകും.

മണ്ണുത്തി സ്റ്റേറ്റ് സീഡ് ഫാമിൽ കാബേജ്, കോളിഫ്ലവർ, ക്യാരറ്റ്, ബീറ്റ് റൂട്ട്, ബ്രോക്കോളി തുടങ്ങിയ ശീതകാല പച്ചക്കറി തൈകളും മുള്ളങ്കി, പാലക്ക് തുടങ്ങിയവയുടെ തൈകളും വില്പനയ്ക്കായി തയ്യാറായിട്ടുണ്ട്. തൈ ഒന്നിന് മൂന്നു രൂപയാണ് വില. ആവശ്യമുള്ളവർ ഫാം ഓഫീസുമായി ബന്ധപ്പെടുക. ഫോൺ: 0487 2371678, 9383471430.

മോട്ടോർ ആക്സിഡന്റ് ക്ലെയിം ട്രൈബ്യൂണൽ കുടിശ്ശിക പിരിക്കുന്നതിന്റെ ഭാഗമായി വില്ലേജ് സർവ്വേ നമ്പർ 173 / 3 ഉൾപ്പെട്ട 0.0121 ഹെക്ടർ സ്ഥലം ഉൾപ്പെടെയുള്ള വസ്തുവകകൾ കേരള റവന്യൂ റിക്കവറി നിയമപ്രകാരം ലേലം ചെയ്യും. നവംബർ 14 ന് രാവിലെ 11 ന് ദേശമംഗലം വില്ലേജ് ഓഫീസ് സ്ഥലത്ത് തലപ്പള്ളി തഹസിൽദാരോ തഹസിൽദാർ അധികാരപ്പെടുത്തുന്ന ഉദ്യോഗസ്ഥനോ പരസ്യമായി ലേലം ചെയ്യും.

നവകേരളം കർമ്മ പദ്ധതിയുടെ ഭാഗമായി ഹരിതകേരളം മിഷനും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും സംയുക്തമായി ജലസംരക്ഷണ സാങ്കേതിക സമിതി ശില്പശാല സംഘടിപ്പിക്കും. ഒക്ടോബർ 6,7 തീയതികളിലായി കോവളം വെള്ളാർ ക്രാഫ്റ്റ് വില്ലേജിലാണ് ശില്പശാല നടത്തുന്നത്. ഒക്ടോബർ 6 ന് രാവിലെ ജലവിഭവ വകുപ്പ് മന്ത്രി റോഷി അഗസ്റ്റിൻ ശില്പശാല ഉദ്ഘാടനം ചെയ്യും.

കേരള സർക്കാർ തൊഴിലും നൈപുണ്യവും വകുപ്പിന്റെ ആഭിമുഖ്യത്തിൽ ഐടിഐ പാസായവർക്ക് തൊഴിൽ ലഭിക്കുന്നതിനായി ജില്ലാ അടിസ്ഥാനത്തിൽ സ്പെക്ട്രം 2023 - 24 തൊഴിൽമേള നടത്തുന്നു. ജില്ലയിലെ തൊഴിൽ മേളയുടെ ഉദ്ഘാടനം ചാലക്കുടി ഐടിഐയിൽ ഒക്ടോബർ 7 ന് രാവിലെ 10:30 ന് ടി ജെ സനീഷ് കുമാർ ജോസഫ് എംഎൽഎ നിർവഹിക്കും. 2023 -24 തൊഴിൽ മേളയിൽ 80 ഓളം കമ്പനികളും സർക്കാർ /എസ് സി ഡി ഡി /സ്വകാര്യ ഐടിഐകളിൽ നിന്നായി രണ്ടായിരത്തോളം ഉദ്യോഗാർത്ഥികളും പങ്കെടുക്കും. ഐടിഐ പാസായവർക്ക് കേരളത്തിന് അകത്തും പുറത്തുമുള്ള പ്രമുഖ സ്ഥാപനങ്ങളിൽ തൊഴിൽ നേടുന്നതിനുള്ള അവസരം ലഭ്യമാകും. ഫോൺ: 0480 2701491.

സാമൂഹ്യനീതി വകുപ്പിന് കീഴിൽ പ്രവർത്തിക്കുന്ന ജില്ലാ പ്രൊബേഷൻ കാര്യാലയത്തിൽ പ്രൊബേഷൻ അസിസ്റ്റന്റ് തസ്തികയിൽ കരാർ വ്യവസ്ഥയിൽ നിയമനം നടത്തുന്നു. യോഗ്യത എംഎസ്ഡബ്ലിയു,രണ്ടു വർഷത്തിൽ കുറയാത്ത പ്രവർത്തി പരിചയം. തൃശ്ശൂർ ജില്ലയിലുള്ളവർക്ക് മുൻഗണന ലഭിക്കും. പ്രായപരിധി 40 വയസ്സ്. പ്രതിമാസം 29,535 രൂപ ഹോണറേറിയം ലഭിക്കും. താത്പര്യമുള്ളവർ ഒക്ടോബർ 10 ന് രാവിലെ 10.30 ന് അയ്യന്തോൾ സിവിൽ സ്റ്റേഷനിൽ പ്രവർത്തിക്കുന്ന ജില്ലാ പ്രൊബേഷൻ കാര്യാലയത്തിൽ കൂടിക്കാഴ്ചയ്ക്ക് ഹാജരാകുക. ഫോൺ: 0487 2363999.

മലബാര്‍ ദേവസ്വം ബോര്‍ഡിന് കീഴിലെ മമ്മിയൂര്‍ ശ്രീ മഹാദേവക്ഷേത്രത്തില്‍ പാരമ്പര്യേതര ട്രസ്റ്റിയെ നിയമിക്കുന്നതിന് അപേക്ഷ ക്ഷണിച്ചു. അപേക്ഷ ഫോറങ്ങള്‍ മലബാര്‍ ദേവസ്വം ബോര്‍ഡ് മലപ്പുറം അസിസ്റ്റന്റ് കമ്മീഷണര്‍ ഓഫീസില്‍ നിന്നും www.malabardevaswom.kerala.gov.in എന്ന വെബ്‌സൈറ്റിലും ലഭ്യമാണ്. അപേക്ഷ സമര്‍പ്പിക്കേണ്ട അവസാന തീയതി ഒക്ടോബര്‍ 30. ഫോണ്‍: 0495 2367735.

സംസ്ഥാനത്തെ ഏറ്റവും വലിയ രണ്ടാമത്തെ നീതിന്യായ സമുച്ചയമായി മാറാനൊരുങ്ങുന്ന ഇരിങ്ങാലക്കുട കോടതിയുടെ രണ്ടാംഘട്ട നിര്‍മ്മാണത്തിന് 62 കോടി74 ലക്ഷം രൂപയുടെ സാങ്കേതികാനുമതി ലഭിച്ചതായി ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു പറഞ്ഞു.

വടക്കാഞ്ചേരി നിയോജകമണ്ഡലത്തിലെ അവണൂർ ഗ്രാമപഞ്ചായത്ത് കോളങ്ങാട്ടുകരയിലെ കമ്പിപാലം പുനർ നിർമ്മിക്കാൻ 5.98 കോടി രൂപ അനുവദിച്ചു.

60 വർഷം പഴക്കം ചെന്നതും 2018, 19 വർഷങ്ങളിലുണ്ടായ പ്രളയത്തിൽ കേടുപാടുകൾ സംഭവിച്ചതുമായ പാലം പുനർ നിർമ്മിക്കണമെന്ന് ആവശ്യപ്പെട്ട് പൊതുമരാമത്ത് വകുപ്പ് മന്ത്രിയ്ക്ക് സേവ്യർ ചിറ്റിലപ്പിള്ളി എംഎൽഎ കത്ത് നൽകിയിരുന്നു. നബാർഡ് ആർഐഡി എഫ് 29 പദ്ധതിയിൽ ഉൾപ്പെടുത്തിയാണ് പുനർനിർമാണത്തിന് ആവശ്യമായ തുക അനുവദിച്ചത്.

കെൽട്രോണിൽ ഒരു വർഷത്തെ ഡിപ്ലോമ ഇൻ മോണ്ടിസോറി ടീച്ചർ ട്രെയിനിങ്, പ്രൊഫഷണൽ ഡിപ്ലോമ ഇൻ പ്രീ സ്കൂൾ ടീച്ചർ ട്രെയിനിങ്, പ്രൊഫഷണൽ ഡിപ്ലോമ ഇൻ ഫയർ ആന്റ് സേഫ്റ്റി എന്നീ കോഴ്സുകളിലേക്ക് സ്പോട്ട് അഡ്മിഷൻ നടത്തുന്നു. താൽപര്യമുള്ളവർ യോഗ്യത തെളിയിക്കുന്ന സർട്ടിഫിക്കറ്റുകളുമായി തൃശ്ശൂർ പോസ്റ്റ് ഓഫീസ് റോഡിലുള്ള കെൽട്രോൺ സെന്ററിൽ ഒക്ടോബർ 10, 11 തീയതികളിൽ രാവിലെ 10 ന് നേരിട്ട് ഹാജരാകണം. ഫോൺ: 9072592424, 0487 2429000.