കോട്ടയം: കേരള സംസ്ഥാന ന്യൂനപക്ഷ കമ്മീഷൻ ഒക്ടോബർ 10ന് രാവിലെ 11 മുതൽ കളക്ടറേറ്റ് കോൺഫറൻസ് ഹാളിൽ സിറ്റിംഗ് നടത്തും. ജില്ലയിൽനിന്നുള്ള പുതിയ പരാതികൾ സ്വീകരിക്കും.

കോട്ടയം: ജില്ലയിലെ വ്യാപാരികൾ നിലനിർത്തേണ്ട സ്റ്റോക്ക് പരിധി പുതുക്കി നിശ്ചയിച്ചു. വ്യാപാരികൾ/ മൊത്തക്കച്ചവടക്കാർ എന്നിവർ 2000 മെട്രിക് ടണ്ണും റീടെയിലർമാർ ഓരോ റീടെയിൽ ഔട്ട്ലെറ്റിനും 10 മെട്രിക് ടണും ബിഗ് ചെയിൻ റീടെയിലർമാർ ഓരോ ഔട്ട്‌ലെറ്റിനും 10 മെട്രിക് ടണും അവരുടെ എല്ലാ ഡിപ്പോകളിലും 2000 മെട്രിക് ടണ്ണുമാണ് നിലനിർത്തേണ്ട ഗോതമ്പ് സ്റ്റോക്ക് പരിധി. പ്രൊസസർമാർക്ക് വാർഷിക സ്ഥാപിതശേഷിയുടെ 75 ശതമാനമോ അല്ലെങ്കിൽ പ്രതിമാസം ഇൻസ്റ്റാൾ ചെയ്യുന്ന ശേഷിക്ക് തുല്യമായ അളവിനെ 2023 - 24 വർഷത്തെ അവശേഷിക്കുന്ന മാസം കൊണ്ട് ഗുണിച്ചാൽ കിട്ടുന്ന അളവോ (എതോണോ കുറവ്)ആണ് സ്റ്റോക്ക് പരിധി.

പാലക്കാട് ഗവ വിക്ടോറിയ കോളെജില്‍ ഒന്നാം വര്‍ഷ ബി.എ മലയാളത്തില്‍ ടി.എല്‍.എം വിഭാഗത്തില്‍ സീറ്റൊഴിവ്. താത്പര്യമുള്ളവര്‍ ഒക്ടോബര്‍ ഒന്‍പതിന് ഉച്ചക്ക് 12 നകം അപേക്ഷ ഫോമും സര്‍ട്ടിഫിക്കറ്റുകളുടെ പകര്‍പ്പുമായി കോളെജില്‍ എത്തണമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ക്ക്: www.victoriacollege.ac.in, 0491 2576773
 

വിവരാവകാശ നിയമപ്രകാരം സമര്‍പ്പിക്കപ്പെടുന്ന അപേക്ഷകളില്‍ സമയബന്ധിതമായി മറുപടി നല്‍കാത്ത ഓഫീസര്‍മാര്‍ക്കെതിരെ കര്‍ശന നടപടി സ്വീകരിക്കുമെന്ന് സംസ്ഥാന വിവരാവകാശ കമ്മീഷണര്‍ എ.എ ഹക്കിം അറിയിച്ചു. ജില്ലയിലെ വിവിധ വകുപ്പുകളില്‍ നല്‍കപ്പെട്ട ഹര്‍ജികളുടെ രണ്ടാം അപ്പീല്‍ തീര്‍പ്പാക്കുന്നതിനും തെളിവെടുപ്പിനുമായി കിലയില്‍ സംഘടിപ്പിച്ച പ്രത്യേക സിറ്റിങില്‍ സംസാരിക്കുകയായിരുന്നു അദ്ദേഹം. ഹര്‍ജിക്കാരന് മറുപടിയും വിവരവും ലഭ്യമാക്കിയാലും കൃത്യ സമയം കഴിഞ്ഞാണ്  ലഭിക്കുന്നതെങ്കില്‍ താമസിച്ച അത്രയും ദിവസം എണ്ണി പിഴ അടയ്ക്കണം.

'വർണക്കൂടാര'മൊരുക്കി വേളൂർ സർക്കാർ എൽ.പി.എസ്.

ആലത്തൂര്‍ മത്സ്യ ഭവന്‍ കെട്ടിടം ഉദ്ഘാടനം ഒക്ടോബര്‍ ഒന്‍പതിന് വൈകിട്ട് നാലിന് മംഗലം മത്സ്യവിത്തുത്പാദന കേന്ദ്രത്തിന് സമീപം ഫിഷറീസ്, സാംസ്‌കാരിക, യുവജനകാര്യ വകുപ്പ് മന്ത്രി സജി ചെറിയാന്‍ ഉദ്ഘാടനം ചെയ്യും. പരിപാടിയില്‍ കെ.ഡി പ്രസേനന്‍ എം.എല്‍.എ അധ്യക്ഷനാകും. അഡ്വ. കെ. പ്രേംകുമാര്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് കെ. ബിനുമോള്‍, ജില്ലാ കലക്ടര്‍ ഡോ. എസ്. ചിത്ര എന്നിവര്‍ മുഖ്യാതിഥികളാകും. ഫിഷറീസ് ഡയറക്ടര്‍ ഡോ. അദീലാ അബ്ദുള്ള റിപ്പോര്‍ട്ട് അവതരിപ്പിക്കും.

കവി ഒളപ്പമണ്ണയുടെ ജന്മശതാബ്ദി ആഘോഷത്തോടനുബന്ധിച്ച് 'വരിനെല്ല്' സാംസ്‌കാരിക പരിപാടി പെരിങ്ങോട്ടുകുറിശ്ശി ഗ്രാമപഞ്ചായത്ത് പരുത്തിപ്പുള്ളി എം.എസ് കണ്‍വെന്‍ഷന്‍ സെന്ററില്‍ ഒക്ടോബര്‍ ഒന്‍പതിന് വൈകിട്ട് 3.30 ന് സാംസ്‌കാരിക വകുപ്പ് മന്ത്രി സജി ചെറിയാന്‍ ഉദ്ഘാടനം ചെയ്യും. പരിപാടിയില്‍ പി.പി സുമോദ് എം.എല്‍.എ അധ്യക്ഷനാകും. മുന്‍ മന്ത്രി എ.കെ ബാലന്‍ മുഖ്യാതിഥിയാകും. കവി ഒളപ്പമണ്ണയുടെ പുസ്തക ശേഖരങ്ങള്‍ ഒളപ്പമണ്ണ സ്മാരക മന്ദിരത്തിന് വേണ്ടി മുന്‍ മന്ത്രി എ.കെ ബാലന്‍ ഏറ്റുവാങ്ങും.

സാംസ്‌കാരിക-ഫീഷറീസ് വകുപ്പ് മന്ത്രി സജി ചെറിയാന്‍ ഒക്ടോബര്‍ ഒന്‍പതിന് ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ പത്തിന് മലമ്പുഴ ഡാമിലെ ഫിഷറീസ് അക്വേറിയം സന്ദര്‍ശിക്കും. 11 ന് കോരയാര്‍ പുഴ-കൊളയക്കോട് റോഡ് ഉദ്ഘാടനം നിര്‍വഹിക്കും. വൈകിട്ട് 3.30 ന് പെരിങ്ങോട്ടുകുറിശ്ശി ഗ്രാമപഞ്ചായത്ത് പരുത്തിപ്പുള്ളി എം.എസ് കണ്‍വെന്‍ഷന്‍ സെന്ററില്‍ ഒളപ്പമണ്ണ ജന്മശതാബ്ദി ആഘോഷം ഉദ്ഘാടനം, വൈകിട്ട് നാലിന് മംഗലം ഡാമില്‍ ആലത്തൂര്‍ മത്സ്യഭവന്‍ കെട്ടിടം ഉദ്ഘാടനം എന്നിവ നിര്‍വഹിക്കും.

വാണിയംകുളം ഗവ ഐ.ടി.ഐയില്‍ ഫാഷന്‍ ഡിസൈന്‍ ആന്‍ഡ് ടെക്‌നോളജി ട്രേഡില്‍ ഗസ്റ്റ് ഇന്‍സ്ട്രക്ടര്‍ നിയമനം. നാല് വര്‍ഷത്തെ ബിരുദവും ഒരു വര്‍ഷത്തെ പ്രവര്‍ത്തി പരിചയവും അല്ലെങ്കില്‍ മൂന്ന് വര്‍ഷത്തെ ബിരുദവും രണ്ട് വര്‍ഷത്തെ പ്രവര്‍ത്തി പരിചയവും അല്ലെങ്കില്‍ മൂന്ന് വര്‍ഷത്തെ ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.ടി.സി/എന്‍.എ.സിയും മൂന്ന് വര്‍ഷത്തെ പ്രവൃത്തി പരിചയവുമാണ് യോഗ്യത. താത്പര്യമുള്ളവര്‍ ഒക്ടോബര്‍ ഒന്‍പതിന് രാവിലെ 11 ന് അസല്‍ സര്‍ട്ടിഫിക്കറ്റുകളും പകര്‍പ്പുകളുമായി എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0466 2227744.
 

കല്ലടിക്കോട്-ശ്രീകൃഷ്ണപുരം റോഡിന്റെ നവീകരണപ്രവൃത്തിയുമായി ബന്ധപ്പെട്ട് കല്ലടിക്കോട് മുതല്‍ ഉമ്മനഴി വരെയുള്ള നിര്‍മ്മാണ പ്രവര്‍ത്തനങ്ങള്‍ ആരംഭിച്ചതിനാല്‍ ഇതുവഴിയുള്ള യാത്രക്കാര്‍ ജാഗ്രത പാലിക്കണമെന്ന് പാലക്കാട് പൊതുമരാമത്ത് വകുപ്പ് ദേശീയപാത വിഭാഗം അസിസ്റ്റന്റ് എന്‍ജിനീയര്‍ അറിയിച്ചു.