കോട്ടയം: ജില്ലാ സാമൂഹികനീതി ഓഫീസിന്റെയും സാമൂഹികസുരക്ഷാ മിഷന്റെയും കോട്ടയം-പാലാ മെയിന്റനൻസ് ട്രൈബ്യൂണലിന്റെയും ആഭിമുഖ്യത്തിൽ സംഘടിപ്പിക്കുന്ന അന്തർദേശീയ വയോജനദിനാചരണം ഇന്ന്(ഒക്ടോബർ 1) പാലാ ചെത്തിമറ്റം ദൈവദാൻ സെന്ററിൽ നടക്കും. രാവിലെ 10.30ന് സഹകരണ-രജിസ്‌ട്രേഷൻ വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്യും. പാലാ നഗരസഭാധ്യക്ഷ ജോസിൻ ബിനോ അധ്യക്ഷത വഹിക്കും. വിവിധ മേഖലകളിൽ പ്രാഗത്ഭ്യം നേടിയ വ്യക്തികളെ ജില്ലാ പഞ്ചായത്ത് പ്രസിഡന്റ് കെ.വി. ബിന്ദു ആദരിക്കും.

കോട്ടയം: ഏറ്റുമാനൂർ ബ്ലോക്ക് പഞ്ചായത്ത് വികസന പദ്ധതിയിൽ ഉൾപ്പെടുത്തി അയ്മനം ഗ്രാമപഞ്ചായത്തിൽ നിർമിച്ച 44-ാം നമ്പർ അങ്കണവാടി കെട്ടിടം സഹകരണ-രജിസ്ട്രേഷൻ വകുപ്പ് മന്ത്രി വി.എൻ. വാസവൻ നാടിനു സമർപ്പിച്ചു. കുഞ്ഞുങ്ങളും അമ്മമാരും എത്തുന്ന സങ്കേതം വളരെ മനോഹരമായിരിക്കണമെന്ന കാഴ്ചപ്പാടിലാണ് ഇപ്പോഴത്തെ അങ്കണവാടികളെല്ലാം പുതിയ രൂപത്തിലേക്ക് മാറുന്നതെന്നും അവരുടെ ആരോഗ്യപരിരക്ഷ ഉറപ്പുവരുത്തുന്ന എല്ലാപ്രവർത്തനങ്ങളും നടപ്പാക്കുമെന്നും മന്ത്രി പറഞ്ഞു. ഏറ്റുമാനൂർ ബ്ലോക്ക് പഞ്ചായത്തിന്റെ പ്ലാൻ ഫണ്ടിൽ ഉൾപ്പെടുത്തിയാണ് അങ്കണവാടി കെട്ടിടം നിർമിച്ചിരിക്കുന്നത്.

 നിയോജകമണ്ഡലം കൺവൻഷൻ സംഘടിപ്പിച്ചു

കോട്ടയം: കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഫോർ ക്ലൈമറ്റ് ചെയ്ഞ്ച് സ്റ്റഡീസിൽ സിസ്റ്റം അനലിസ്റ്റ്/ ജൂനിയർ റിസർച്ച് ഫെല്ലോ ഒഴിവിലേക്ക് ഒക്ടോബർ 18ന് രാവിലെ ഒമ്പതിന് വോക്-ഇൻ-ഇന്റർവ്യൂ നടക്കും. വിശദവിവരങ്ങൾക്ക് www.iccs.res.in എന്ന വെബ് സൈറ്റ് സന്ദർശിക്കുക.

കോട്ടയം: കേരള സംസ്ഥാന പട്ടിതജാതി പട്ടികവർഗകമ്മീഷൻ ഒക്ടോബർ 10,11 തീയതികളിൽ ആലപ്പുഴ കളക്ടറേറ്റ് കോൺഫറൻസ് ഹാളിൽ പരാതിപരിഹാര അദാലത്ത് നടത്തും. ഒക്ടോബർ 11ന് രാവിലെ 10.30 മുതൽ ഉച്ചയ്ക്ക് 2.30 വരെ കോട്ടയം ജില്ലയിൽ നിന്ന് സമർപ്പിച്ചിട്ടുള്ളതും വിചാരണയിലുള്ളതുമായ കേസുകളിലെ പരാതി തീർപ്പാക്കും. കമ്മീഷൻ ചെയർമാൻ ബി.എസ്. മാവോജി, അംഗങ്ങളായ മുൻ എം.പി: എസ്. അജയകുമാർ, അഡ്വ. സൗമ്യ സോമൻ എന്നിവർ കേസുകൾ പരിഗണിക്കും.

കോട്ടയം: പള്ളിക്കത്തോട് ഗവൺമെന്റ് ഐ.ടി. ഐയിലെ വിവിധ ട്രേഡുകളിൽ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ഇതുവരെ അപേക്ഷ നൽകാത്തവർ ഒക്ടോബർ 10നകം സർട്ടിഫിക്കറ്റുകൾ, ടി.സി, ആധാർ കാർഡ്, ഫീസ് എന്നിവ സഹിതം ഐ.ടി.ഐയിൽ നേരിട്ടെത്തി അപേക്ഷ നൽകാം. നിലവിൽ അപേക്ഷ നൽകി അഡ്മിഷൻ ലഭിക്കാത്തവർക്കും ഈ ദിവസങ്ങളിൽ പ്രവേശനത്തിനായി എത്താം. ഡി.ടി.പി. ഓപ്പറേറ്റർ ട്രേഡിൽ എസ്.സി /എസ്.ടി. വിഭാഗത്തിനായി സംവരണം ചെയ്ത ഒഴിവുള്ള സീറ്റിലേക്കും അപേക്ഷിക്കാം. വിശദവിവരത്തിന് ഫോൺ: 9447116947, 9495750158, 6238139057.
 

- ശുചീകരണപ്രവർത്തനങ്ങൾക്ക്(ഒക്‌ടോബർ 1) ഇന്നു കോട്ടയം മെഡിക്കൽ കോളജ് ആശുപത്രിയിൽ തുടക്കം
- നാളെ (തിങ്കളാഴ്ച ഒക്‌ടോബർ 2) ലക്ഷങ്ങൾ പങ്കെടുക്കുന്ന ശുചീകരണ പരിപാടികൾ

- പ്രത്യേക യോഗം വിളിക്കുമെന്ന് ജില്ലാ കളക്ടർ
 

നിത്യ ജീവിതത്തിൽ സാധാരണ ജനങ്ങൾ ആശ്രയിക്കുന്ന പഞ്ചായത്ത്‌ ഓഫീസ്‌ നവീകരിക്കുന്നതിലൂടെ ആധുനിക സംവിധാനങ്ങൾ ജനങ്ങൾക്ക് നൽകാൻ മുരിയാട് ഗ്രാമപഞ്ചായത്തിന് സാധിക്കുമെന്ന് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ ബിന്ദു പറഞ്ഞു. മുരിയാട് ഗ്രാമപഞ്ചായത്തിന്റെ നവീകരിച്ച ഓഫീസ് സമുച്ചയം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

മുരിയാട് ഗ്രാമപഞ്ചായത്തിന് എഴുപതാം പിറന്നാൾ സമ്മാനമായി ആധുനിക ഇൻഫ്രാസ്ട്രക്ച്ചറോട്കൂടി നവീകരിച്ച ഓഫീസ് കെട്ടിടമാണ് മന്ത്രി നാടിന് സമർപ്പിച്ചത്.