ഗാന്ധി ജയന്തിയോടനുബന്ധിച്ച്  മാലിന്യമുക്തം നവകേരളം, സ്വച്ഛതാ ഹി സേവ കാമ്പയിന്റെ ഭാഗമായി  ചെന്നീര്‍ക്കര കേന്ദ്രീയ വിദ്യാലയത്തിലെ  വിദ്യാര്‍ഥികളും അധ്യാപകരും രക്ഷിതാക്കളും ചേര്‍ന്ന് പത്തനംതിട്ട കെഎസ്ആര്‍ടിസി ബസ് സ്റ്റാന്‍ഡും പരിസരവും  വൃത്തിയാക്കി. ദേശവ്യാപക ശുദ്ധീകരണ പ്രക്രിയയുടെ ഭാഗമായി നടത്തിയ ശ്രമദാന ചടങ്ങ് പത്തനംതിട്ട ജില്ലാ ട്രാന്‍സ്പോര്‍ട്ട് ഓഫീസര്‍ തോമസ് മാത്യു ഉദ്ഘാടനം ചെയ്തു. കേന്ദ്രീയ വിദ്യാലയം പ്രിന്‍സിപ്പല്‍ പി.എല്‍ ബിന്ദു ലക്ഷ്മി ശുദ്ധീകരണ പ്രക്രിയ്ക്ക് നേതൃത്വം നല്‍കി.
   
 

കോട്ടയം: മഴ കനത്ത സാഹചര്യത്തിൽ ജില്ലയിൽ അഞ്ചിടങ്ങളിൽ ദുരിതാശ്വാസ ക്യാമ്പുകൾ തുറന്നു. കോട്ടയം താലൂക്കിൽ നാലും ചങ്ങനാശേരി താലൂക്കിൽ ഒന്നും ദുരിതാശ്വാസ ക്യാമ്പുകളാണുള്ളത്.  18 കുടുംബങ്ങളിലായി 69 പേർ ക്യാമ്പുകളിലുണ്ട്.

ആലപ്പുഴ: ഗാന്ധിജയന്തി ദിനത്തില്‍ സ്വച്ഛതഹി സേവാ ദിനാചരണത്തിന്റെ  ഭാഗമായി പുന്നപ്ര സഹകരണ എന്‍ജനീയറിംഗ് കോളേജ്  എന്‍ എസ് എസ് യൂണിറ്റ് പുന്നപ്ര വടക്കു ഗ്രാമ പഞ്ചായത്ത് കുടുംബാരോഗ്യ കേന്ദ്രത്തില്‍ ശുചീകരണം നടത്തി. ആശുപത്രി സൂപ്രണ്ട് ഡോ. ആര്‍.ഫാത്തിമ ബീവി പ്രതിജ്ഞ ചൊല്ലികൊടുത്തു. പുന്നപ്ര വടക്കു ഗ്രാമപഞ്ചായത്ത് അംഗം വൈശാഖ്, എന്‍.എസ് എസ് പ്രോഗ്രാം ഓഫീസര്‍ ഡോ. അനൂപ്,  വോളന്റിയര്‍ സെക്രട്ടറിമാരായ  അഭിനന്ദ്, അരുണ്‍, ജെഫ്രി, അശ്വതി എന്നിവര്‍ നേതൃത്വം നല്‍കി

കോട്ടയം: ഗാന്ധിജയന്തി വാരാഘോഷത്തിന് ഇന്നു (തിങ്കളാഴ്ച, ഒക്ടോബർ 2) തുടക്കമാകും. ഇന്നു രാവിലെ ഒമ്പതിന് തിരുനക്കര ഗാന്ധി ചത്വരത്തിലെ ഗാന്ധി പ്രതിമയിൽ ഹാരാർപ്പണവും പുഷ്പാർച്ചനയും നടക്കും. ഗാന്ധി ചത്വരത്തിൽ നടക്കുന്ന ചടങ്ങിൽ ഗാന്ധിജയന്തി വാരാഘോഷത്തിന്റെ ജില്ലാതല ഉദ്ഘാടനം സർക്കാർ ചീഫ് വിപ്പ് ഡോ. എൻ. ജയരാജ് നിർവഹിക്കും. തിരുവഞ്ചൂർ രാധാകൃഷ്ണൻ എം.എൽ.എ. അധ്യക്ഷത വഹിക്കും. തോമസ് ചാഴികാടൻ എം.പി. ഗാന്ധിജയന്തി ദിന സന്ദേശം നൽകും. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു, ജില്ലാ കളക്ടർ വി. വിഗ്നേശ്വരി, നഗരസഭാധ്യക്ഷ ബിൻസി സെബാസ്റ്റ്യൻ, ജില്ലാ പൊലീസ് മേധാവി കെ. കാർത്തിക്, നഗരസഭ വൈസ് ചെയർമാൻ ബി.

കോട്ടയം: കുമരകം ഗ്രാമപഞ്ചായത്ത് വലിയകുളം ഭാഗത്ത് അട്ടിപ്പീടികയ്ക്ക് സമീപം പഞ്ചായത്ത് സ്ഥലത്ത് സ്ഥിതിചെയ്യുന്ന ഗ്രൗണ്ട് ലെവൽ, ഓവർഹെഡ് വാട്ടർ ടാങ്കുകൾ പൊളിച്ച് സാധനസാമഗ്രികൾ എടുക്കതിന് ഒക്‌ടോബർ 10ന് ഉച്ചകഴിഞ്ഞ് മൂന്നിന് പരസ്യലേലം/ക്വട്ടേഷൻ നടക്കും. കുമരകം ഗ്രാമപഞ്ചായത്തിലാണ് ലേലം നടക്കുക. വിശദവിവരം പഞ്ചായത്ത് ഓഫീസിൽ ലഭിക്കും.

കോട്ടയം: പട്ടികജാതി വികസന വകുപ്പിന്റെ കോട്ടയം ആയാംകുടി മധുരവേലി ഗവൺമെന്റ് ഐ.റ്റി.ഐ.യിൽ എൻ.സി.വി.റ്റി. അംഗീകൃത ഏകവത്സര വുഡ് വർക്ക് ടെക്‌നീഷ്യൻ ട്രേഡിൽ പട്ടികജാതിക്കാർക്കായി സംവരണം ചെയ്ത ഏതാനും സീറ്റുകൾ ഒഴിവുണ്ട്. ആവശ്യമായ രേഖകൾ സഹിതം ഒക്‌ടോബർ 10നകം ഐ.ടി.ഐ.യിൽ നേരിട്ടെത്തി പ്രവേശനം നേടാം. വിശദവിവരത്തിന് ഫോൺ: 9447991174,9947991888.

കോട്ടയം: പട്ടികജാതി വിഭാഗത്തിൽപ്പെട്ട ഉദ്യോഗാർഥികളുടെ നൈപുണ്യ വികസനത്തിനായി  കെൽട്രോൺ നടത്തുന്ന സൗജന്യ തൊഴിലധിഷ്ഠിത കമ്പ്യൂട്ടർ കോഴ്‌സുകൾക്ക് അപേക്ഷിക്കാം. മൂന്നു  മുതൽ ആറു മാസം വരെ ദൈർഘ്യമുള്ള കോഴ്‌സിൽ പങ്കെടുക്കുന്നവർക്ക് സ്‌റ്റൈപ്പൻഡും ലഭിക്കും.   പ്രായപരിധി: 18-35. എസ്.എസ്.എൽ.സി.യോ അതിനു മുകളിലോ യോഗ്യതയുള്ള ഉദ്യോഗാർഥികൾ  ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചുകളിൽ ഒക്‌ടോബർ ആറിനകം നേരിട്ട് അപേക്ഷ നൽകണം.