കേരള സര്‍ക്കാര്‍ സ്ഥാപനമായ കെല്‍ട്രോണ്‍ മോണ്ടിസോറി ടീച്ചര്‍ ട്രെയിനിംഗ് (ഒരു വര്‍ഷം) കോഴ്സിലേക്ക് അപേക്ഷ ക്ഷണിച്ചു. താല്‍പര്യമുളളവര്‍ യോഗ്യത സര്‍ട്ടിഫിക്കറ്റുകളുമായി അടുത്തുളള കെല്‍ട്രോണ്‍ നോളജ് സെന്ററില്‍ ഹാജരാക്കണം. കൂടുതല്‍ വിവരങ്ങള്‍ക്ക് ഫോണ്‍: 9072592412, 9072592416
 

കേരള സംസ്ഥാന വഖഫ് ബോർഡ് ആഗസ്റ്റ് 10ന് കണ്ണൂർ ചേംബർ ഹാളിൽ നടത്താൻ നിശ്ചയിച്ചിരുന്ന കണ്ണൂർ, കാസർകോട് ജില്ലകളിലെ വഖഫ് സ്ഥാപനങ്ങൾക്ക് വേണ്ടിയുള്ള കുടിശ്ശിക അദാലത്ത് മാറ്റിവെച്ചു. പുതുക്കിയ തീയ്യതി പിന്നീട് അറിയിക്കും.

തളിപ്പറമ്പ് ഗവ. കൊമേഴ്‌സ്യൽ ഇൻസ്റ്റിറ്റ്യൂട്ടിൽ സെക്രട്ടേറിയൽ പ്രാക്ടീസ് ഡിപ്ലോമ കോഴ്‌സിൽ ഒഴിവുള്ള സീറ്റുകളിലേക്ക് ആഗസ്റ്റ് 10, 11 തീയ്യതികളിൽ രാവിലെ 10 മണി മുതൽ സ്‌പോട്ട് അഡ്മിഷൻ നടത്തുന്നു. അടിസ്ഥാന യോഗ്യത: എസ്എസ്എൽസി. താൽപര്യമുള്ള വിദ്യാർഥികൾ അസ്സൽ സർട്ടിഫിക്കറ്റുമായി ഓഫീസിൽ ഹാജരാവുക. ഫോൺ: 0460 2202571, 8722768346, 9207744107.
 

മുണ്ടേരി ഗ്രാമപഞ്ചായത്ത് വാർഡ് 10 താറ്റിയോട്, ധർമ്മടം ഗ്രാമപഞ്ചായത്ത് വാർഡ് 11 പരീക്കടവ് എന്നിവിടങ്ങളിൽ ആഗസ്റ്റ് 10ന് ഉപതിരഞ്ഞെടുപ്പ് നടക്കുന്നതിനാൽ സ്വകാര്യ സ്ഥാപനങ്ങൾ, ഐ ടി, പ്ലാന്റേഷൻ മേഖല ഉൾപ്പെടെ എല്ലാ സ്വകാര്യ വ്യവസായ, വാണിജ്യ, വ്യാപാര സ്ഥാപനങ്ങളിലെയും തൊഴിലാളികൾക്ക് അന്നേ ദിവസം സ്വന്തം പോളിംഗ് സ്റ്റേഷനിൽ വോട്ട് രേഖപ്പെടുത്താൻ പ്രസ്തുത വാർഡിൽ വോട്ടർ ആണെന്ന് തെളിയിക്കുന്ന രേഖകൾ സഹിതം അപേക്ഷിക്കുന്ന പക്ഷം സ്ഥാപന ഉടമകൾ സൗകര്യം ചെയ്യണമെന്ന് ജില്ലാ കളക്ടറുടെ നിർദേശപ്രകാരം ജില്ലാ ലേബർ ഓഫീസർ അറിയിച്ചു.

നടുവിൽ ഗവ: പോളിടെക്നിക് കോളേജിൽ പുതുതായി അനുവദിച്ച കെമിസ്ട്രി, ഫിസിക്സ്, ഇംഗീഷ് തസ്തികകളിൽ (ഓരോന്ന് വീതം) ദിവസ വേതനാടിസ്ഥാനത്തിൽ അസി.പ്രൊഫസറെ നിയമിക്കുന്നു. കെ പി എസ് സി അംഗീകരിച്ച യോഗ്യതയുള്ള ഉദ്യോഗാർത്ഥികൾ വിദ്യാഭ്യാസ യോഗ്യത, തൊഴിൽ പരിചയം, എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം ആഗസ്റ്റ് 14 തിങ്കൾ രാവിലെ 10.30 ന് പൊളിടെക്നിക്കൽ കോളേജിൽ കൂടിക്കാഴ്ച്ചയ്ക്ക് ഹാജരാവണം. ഫോൺ: 0460 2251033

ഈ അധ്യയന വര്‍ഷത്തെ കണ്ണൂര്‍ ഗവ.ഐ ടി ഐ പ്രവേശനത്തിനായി ആണ്‍കുട്ടികള്‍ക്കുള്ള കൗണ്‍സലിങ് ആഗസ്റ്റ് ഒമ്പതിന് രാവിലെ ഒമ്പത് മുതല്‍ 11 മണി വരെ നടക്കും. ഓപ്പണ്‍ കാറ്റഗറി, ഈഴവ, ഒ ബി എച്ച് - ഇന്‍ഡക്സ് മാര്‍ക്ക് 270 - അതിനു മുകളിലും, മുസ്ലീം 265 - അതിനു മുകളിലും, എസ് സി, എസ് ടി - 220 - അതിനു മുകളിലും, ഒ ബി എക്സ്, ഇ ഡബ്ല്യു എക്സ് - 200 - അതിനു മുകളിലും, എല്‍ സി - 170- അതിനു മുകളിലും എന്നിങ്ങനെയാണ് കൗണ്‍സലിങ്ങിന് ഹാജരാകേണ്ടത്. ഫോണ്‍: 0497 2835183

സംസ്ഥാന കൈത്തറി ആന്റ് ടെക്സ്റ്റൈല്‍സ് ഡയറക്ടറേറ്റ് ജില്ലാ വ്യവസായ കേന്ദ്രം, കൈത്തറി വികസന സമിതി എന്നിവയുടെ സംയുക്താഭിമുഖ്യത്തില്‍  ആഗസ്റ്റ് 7 മുതല്‍ 28 വരെ കണ്ണൂര്‍ പോലീസ് മൈതാനിയില്‍ സംഘടിപ്പിക്കുന്ന ഓണം - 2023 കൈത്തറി വസ്ത്ര പ്രദര്‍ശന വിപണന മേളയുടെ ഉദ്ഘാടനം ജില്ലാ പഞ്ചായത്ത് പ്രസിഡണ്ട്  പി പി ദിവ്യ നിര്‍വഹിച്ചു. കൈത്തറി തൊഴിലാളി ക്ഷേമനിധി ബോര്‍ഡ് ചെയര്‍മാന്‍ അരക്കന്‍ ബാലന്‍ അധ്യക്ഷത വഹിച്ചു. ജില്ലാ വ്യവസായ കേന്ദ്രം ജനറല്‍  മാനേജര്‍ എ എസ് ഷിറാസ്, ഹാന്‍വീവ് ചെയര്‍മാന്‍ ടി കെ ഗോവിന്ദന്‍ മാസ്റ്റര്‍, ബി പി റൗഫ്, എം ദാസന്‍, ടി ശങ്കരന്‍  തുടങ്ങിയവര്‍ സംബന്ധിച്ചു.

മത്സ്യത്തൊഴിലാളികള്‍,  അനുബന്ധ തൊഴിലാളികള്‍, മത്സ്യബന്ധന യാനം ഉടമകള്‍, മത്സ്യബന്ധന ഉപകരണങ്ങളുടെ ഉടമകള്‍ തുടങ്ങിയവര്‍ ക്ഷേമനിധി ബോര്‍ഡിലേക്ക് അടക്കാനുള്ള അംശദായ തുക ശേഖരിക്കുന്നതിനായി അംശദായ സമാഹരണ പരിപാടി സംഘടിപ്പിക്കുന്നു.  ആഗസ്റ്റ് 15 മുതല്‍ 30 വരെ മത്സ്യഗ്രാമങ്ങള്‍ കേന്ദ്രീകരിച്ചാണ് പരിപാടി.