കലക്ടറേറ്റില്‍ ആഗസ്റ്റ് ഒമ്പതിന് വിചാരണ നടത്താനിരുന്ന കണ്ണൂര്‍ താലൂക്കിലെ ദേവസ്വം പട്ടയ കേസുകള്‍ സപ്തംബര്‍ 13 ലേക്ക്   മാറ്റിയതായി എല്‍ ആര്‍ ഡെപ്യൂട്ടി കലക്ടര്‍ അറിയിച്ചു.

സംസ്ഥാന  ന്യൂനപക്ഷ ക്ഷേമ വകുപ്പിന് കീഴില്‍ നടത്തിവരുന്ന പ്രീ മാരിറ്റല്‍ കൗണ്‍സലിങ് പദ്ധതിയായ പാത്ത് വേ സോഷ്യല്‍ വെല്‍നസ് പ്രോഗ്രാമിന് അപേക്ഷ ക്ഷണിച്ചു.  സര്‍ക്കാര്‍/ എയ്ഡഡ്, അഫ്ലിയേറ്റഡ് കോളേജുകള്‍, സന്നദ്ധ സംഘടനകള്‍, പള്ളി മഹല്ലുകള്‍, ചര്‍ച്ച് കമ്മിറ്റികള്‍, വിദ്യാഭ്യാസ സ്ഥാപനങ്ങള്‍ തുടങ്ങിയവക്ക് അപേക്ഷിക്കാം. നിശ്ചിത മാതൃകയിലുള്ള അപേക്ഷ തലശ്ശേരി ന്യൂനപക്ഷ പരിശീലന കേന്ദ്രം പ്രിന്‍സിപ്പലിന് ആഗസ്റ്റ് 21നകം സമര്‍പ്പിക്കണം. വിശദ വിവരങ്ങള്‍ www.minoritywelfare.kerala.gov.in ല്‍ ലഭിക്കും.

ജില്ലയില്‍ ടൂറിസം വകുപ്പില്‍ ഷോഫര്‍ ഗ്രേഡ് 2 (367/2021) തസ്തികയുടെ തെരഞ്ഞെടുപ്പുമായി ബന്ധപ്പെട്ട് ജൂലൈ 20, 21 തീയതികളില്‍ നടന്ന പ്രായോഗിക പരീക്ഷയില്‍ വിജയിച്ച ഉദ്യോഗാര്‍ഥികളുടെ അസ്സല്‍ പ്രമാണ പരിശോധന ആഗസ്റ്റ് 17, 18 തീയതികളില്‍ രാവിലെ 10 മുതല്‍ ജില്ലാ പി എസ് സി ഓഫീസില്‍ നടത്തും.  ഉദ്യോഗാര്‍ഥികള്‍ക്ക് ഇതു സംബന്ധിച്ച് പ്രൊഫൈല്‍ മെസേജ്, എസ് എം എസ് എന്നിവ അയച്ചിട്ടുണ്ട്. വയസ്, ജാതി, നിശ്ചിത യോഗ്യതകള്‍ തുടങ്ങിയവ തെളിയിക്കുന്നതിനുള്ള രേഖകള്‍ പ്രൊഫൈലില്‍ അപ്ലോഡ് ചെയ്ത് എല്ലാ അസ്സല്‍ പ്രമാണങ്ങളുമായി അനുവദിക്കപ്പെട്ട തീയതിയില്‍ പ്രമാണ പരിശോധനക്ക് ഹാജരാകണം.

തൃശ്ശൂർ ജില്ലയിലെ കുടുംബശ്രീ യൂണിറ്റുകളുടെ നേതൃത്വത്തിലുള്ള ചെറുകിട സംരംഭങ്ങളുടെ പ്രവർത്തനം വിലയിരുത്തുന്നതിനായി അസിസ്റ്റൻറ് കളക്ടർ കാർത്തിക്  പാണിഗ്രാഹിയുടെ നേതൃത്വത്തിലുള്ള സംഘം വിവിധ ഇടങ്ങളിൽ സന്ദർശനം നടത്തി. പുത്തൂർ ഗ്രാമപഞ്ചായത്തിലെ ഭൂമിക ഹെർബൽ പ്രോഡക്റ്റ്, കാര്യാട്ട് ഡ്രൈ മിക്സ് പ്രോഡക്റ്റ്സ്, ജനകീയ ഹോട്ടൽ എന്നിവയും കൊടകര പഞ്ചായത്തിലെ  ലക്ഷ്യ ടൈലറിംഗ് യൂണിറ്റ്, കുടുംബശ്രീ ഷോപ്പി, ദീപം പോട്ടറി യൂണിറ്റ് എന്നിവയും സന്ദർശിച്ചു. തൊഴിലിടങ്ങളിലെ സാഹചര്യങ്ങളും പ്രവർത്തനങ്ങളും സംഘം വിലയിരുത്തി. ചെറുകിട സംരംഭങ്ങൾ നയിക്കുന്ന കുടുംബശ്രീ പ്രവർത്തകരുമായി  ആശയവിനിമയം നടത്തി. കുടുംബശ്രീ  അസി.

സംസ്ഥാന  പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ നടപ്പാക്കുന്ന  കാര്‍ ലോണ്‍ പദ്ധതിക്ക് കീഴില്‍ വായ്പ അനുവദിക്കുന്നതിനായി ജില്ലയിലെ പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ടവരില്‍ നിന്നും അപേക്ഷ ക്ഷണിച്ചു.  പരമാവധി ഏഴ് ലക്ഷം രൂപയാണ് വായ്പ അനുവദിക്കുക.

പുഴയ്ക്കൽ ബ്ലോക്ക് പഞ്ചായത്തിന്റെ ആഭിമുഖ്യത്തിൽ മാലിന്യമുക്ത  നവകേരളം ക്യാമ്പയിന്റെ ഭാഗമായി വിദ്യാർത്ഥികൾക്ക് ബോധവത്കരണ ക്ലാസുകൾ സംഘടിപ്പിച്ചു. സംസ്ഥാനത്തെ മാലിന്യമുക്തമാക്കുന്നതിനായി ശുചിത്വമിഷിന്റെ നേതൃത്വത്തിൽ പറപ്പൂർ സെന്റ് ജോൺസ് എൽപി സ്കൂളിൽ സംഘടിപ്പിച്ച ക്ലാസ്സിന്റെ ഉദ്ഘാടനം ബ്ലോക്ക്‌ പഞ്ചായത്ത്‌ പ്രസിഡന്റ്‌ ആനി ജോസ് നിർവഹിച്ചു.

പ്ലാസ്റ്റിക് വസ്തുക്കളുടെ ഉപയോഗം, പുനരുപയോഗം, സംസ്കരണം, ബദൽ ഉൽപ്പന്നങ്ങൾ, തരംതിരിച്ച് സൂക്ഷിക്കൽ തുടങ്ങിയ വിവരങ്ങൾ ക്ലാസിൽ വിശദീകരിച്ചു.

ജില്ലയിൽ ഓണാഘോഷ വേളകളിൽ  അബ്കാരി കുറ്റകൃത്യങ്ങൾ വർദ്ധിക്കാനുള്ള സാദ്ധ്യത കണക്കിലെടുത്ത് എക്സൈസ് വകുപ്പ് 24 മണിക്കൂറും പ്രവർത്തിക്കുന്ന കൺട്രോൾ റൂം ആരംഭിച്ചു. അയ്യന്തോളിലുള്ള ഡെപ്യൂട്ടി എക്സൈസ് കമ്മിഷണറുടെ കാര്യാലയത്തിലാണ് 24 മണിക്കൂറും പ്രവർത്തിക്കുന്ന ജില്ലാ കൺട്രോൾ റൂം പ്രവർത്തിക്കുക. താലൂക്ക് തലത്തിൽ എല്ലാ എക്സൈസ് സർക്കിൾ ഓഫീസുകളിലും കൺട്രോൾ റൂമുകളും തുറന്നതായി ഡെപ്യൂട്ടി എക്സൈസ് കമ്മീഷണർ എസ് ഷാനവാസ്  അറിയിച്ചു.

സ്പിരിറ്റ്, മദ്യം, മയക്കുമരുന്ന് എന്നിവയുടെ കള്ളക്കടത്ത്, വ്യാജമദ്യത്തിന്റെ നിർമ്മാണവും വിതരണവും എന്നിവ തടയാനാണ്  കൺട്രോൾ റൂം പ്രവർത്തിക്കുന്നത്. 

ആലപ്പുഴ: 69-ാമത് നെഹ്‌റു ട്രോഫി വള്ളംകളിക്ക് മുന്നോടിയായി നടന്ന വഞ്ചിപ്പാട്ട് മത്സരത്തിലെ വിജയികൾക്കുള്ള സമ്മാനദാനം ഗാനരചയിതാവ് വയലാര്‍ ശരത്ചന്ദ്ര വര്‍മ്മയും നഗരസഭാധ്യക്ഷ കെ.കെ. ജയമ്മയും ചേർന്ന് നിർവഹിച്ചു.

കുട്ടനാട്, വെച്ച് പാട്ട്, ആറന്മുള ശൈലികല്ലായിരുന്നു മത്സരങ്ങൾ.
 
കുട്ടനാട് ശൈലി ജൂനിയർ പെൺകുട്ടികളുടെ വിഭാഗത്തിൽ
നാലുകോടി സെൻറ് ജോസഫ് ഹൈസ്കൂൾ ഒന്നാം സ്ഥാനവും കുട്ടമംഗലം എസ്.എൻ.ഡി.പി. എച്ച്.എസ്.എസ്.  രണ്ടാം സ്ഥാനവും ആര്യാട് ഗവ. വി.എച്ച്.എസ്.എസ്. മൂന്നാം സ്ഥാനവും നേടി.

മിഷൻ ഇന്ദ്രധനുഷ് 5.0 ഇരിങ്ങാലക്കുട നഗരസഭാതല ഉദ്ഘാടനം കൊരുമ്പിശ്ശേരി അങ്കണവാടി 11ൽ സംഘടിപ്പിച്ചു. ഇരിങ്ങാലക്കുട നഗരസഭ ചെയർപേഴ്സൺ സുജാസഞ്ജീവ് കുമാർ ഉദ്ഘാടനം നിർവഹിച്ചു.

നഗരസഭ പ്രദേശത്ത് പ്രതിരോധ കുത്തിവെപ്പ് എടുക്കാൻ വിട്ടുപോയതും കുത്തിവെപ്പ് എടുക്കാനുള്ളതുമായ അഞ്ചുവയസ്സ് വരെയുള്ള കുട്ടികൾക്കും ഗർഭിണികൾക്കും വാക്സിനേഷൻ നൽകുകയാണ് ദൗത്യം.

 നഗരസഭ പ്രദേശത്തുള്ള വിവിധ അങ്കണവാടികളിലും ആശുപത്രികളിലും ഉൾപ്പെടെ മൂന്ന് ഘട്ടങ്ങളിലായാണ് കുത്തിവെപ്പ് നടക്കുന്നത്. ഈ മാസം12 വരെയും സെപ്റ്റംബർ 11 മുതൽ 16 വരെയും ഒക്ടോബർ 9 മുതൽ 14 വരെയും ആണ് കുത്തിവെപ്പ് ഉണ്ടായിരിക്കുക.

സംസ്ഥാന ടൂറിസം വകുപ്പിന്റെ മാനേജ്മെന്റ് ഇൻസ്റ്റിറ്റ്യൂട്ടായ കിറ്റ്സിൽ  എംബിഎ ട്രാവൽ ആൻഡ് ടൂറിസം കോഴ്സിന് ജനറൽ വിഭാഗത്തിലും സംവരണ വിഭാഗത്തിലും ഏതാനും സീറ്റ് ഒഴിവുണ്ട്. അംഗീകൃത സർവ്വകലാശാലയിൽ നിന്നും ഏതെങ്കിലും വിഷയത്തിൽ 50ശതമാനം മാർക്കോടുകൂടി ബിരുദമുള്ളവർ അസൽ സർട്ടിഫിക്കറ്റുകൾ സഹിതം കിറ്റ്സിന്റെ തൈക്കാടുള്ള ഓഫീസിൽ  ഓഗസ്റ്റ് 10ന് രാവിലെ 10 മണിക്ക് നേരിട്ട് ഹാജരാകണം. ഫോൺ: 9847273135, 9446529467, 0471-2327707. വെബ് സൈറ്റ് www.kittsedu.org.