ആലപ്പുഴ: ജില്ലാപഞ്ചായത്തും ജില്ലാസ്‌പോർടസ് കൗൺസിലും ചേർന്ന് ലഹരിയാണ് സ്‌പോർടസ് പദ്ധതി  നടപ്പിലാക്കുന്നിതിന്റെ ഭാഗമായി ആര്യാട് ഡി വിഷനിലെ 13 സ്‌കൂളുകളിൽ പദ്ധതി ആരംഭിക്കുന്നു.  ഇതിനായി പ്രഗത്ഭരായ സ്‌പോർട്‌സ് താരങ്ങളെ ഉൾപ്പെടുത്തി സപ്പോർട്ടിംഗ് ഗ്രൂപ്പ് രൂപീകരിച്ച് പ്രവർത്തിക്കുന്നു. സ്‌കൂളുകളിലെ മുഴുവൻ വിദ്യാർത്ഥികളെയും കായികപ്രവർത്തനങ്ങളുമായി ബന്ധപ്പെടുത്തുകയാണ് ലക്ഷ്യം. ആരോഗ്യമുള്ള വിദ്യാർത്ഥി സമൂഹത്തെ വളർത്തിയെടുക്കുകയും ലഹരിയിലയിലേയ്ക്കും മറ്റ് അനാവശ്യപ്രവർത്തനങ്ങളിലേക്കും വിദ്യാർത്ഥികളുടെ ശ്രദ്ധപോകാതെ നോക്കാനുമാണ് പദ്ധതികൊണ്ട് ഉദ്ദേശിക്കുന്നത്.

ആലപ്പുഴ: നെഹ്റു ട്രോഫി വള്ളംകളി നടക്കാൻ ദിവസങ്ങൾ മാത്രം ബാക്കി നിൽക്കെ വള്ളംകളിയുടെ ആവേശം തെല്ലും ചോരാതെ ആലപ്പുഴ നഗരത്തെയാകെ ആവേശത്തിലാക്കി വഞ്ചിപ്പാട്ട് മത്സരം. നെഹ്റു ട്രോഫി വള്ളംകളിയ്ക്ക് മുന്നോടിയായാണ് ആലപ്പുഴ നഗര ചത്വരത്തിൽ (ബീയാർ പ്രസാദ് നഗർ) വഞ്ചിപ്പാട്ട് മത്സരം നടത്തിയത്. 

ആലപ്പുഴ: പട്ടികജാതി പട്ടികവർഗ്ഗ വികസന കോർപ്പറേഷനിൽ നിന്നു വർഷങ്ങൾക്ക് മുൻപ് വായ്പയെടുത്ത് തിരിച്ചടവില്ലാതെ കുടിശ്ശിക ആയിട്ടുള്ളതും റിക്കവറി നടപടി നേരിടുന്നതുമായ കുടിശ്ശികക്കാർക്ക് വൻതോതിൽ പലിശ ഇളവ് ചെയ്തു വായ്പ അടച്ചു തീർക്കാം. ആർ.ആർ നടപടി നേരിടുന്നവരും അല്ലാത്തവരുമായ വായ്പ കുടിശികക്കാർക്ക് ഈ ആനുകൂല്യം ലഭിക്കും. കൂടുതൽ വിവരങ്ങൾക്ക് പട്ടികജാതി പട്ടികവർഗ്ഗ വികസന കോർപ്പറേഷൻ ആലപ്പുഴ ജില്ലാ ഓഫീസുമായി ബന്ധപ്പെടണം. ഫോൺ: 0477- 2262326, 9400068504.

ബാലുശ്ശേരി മണ്ഡലം വിദ്യാഭ്യാസ പദ്ധതിയായ ബാക്കപ്പിന്റെ ഭാഗമായി മണ്ഡലത്തിലെ സ്കൂളുകളിൽ നടക്കുന്ന മികച്ച അക്കാദമിക പ്രവർത്തനങ്ങൾക്ക് എം.എൽ.എ എക്സലൻസ് പുരസ്കാരം സമ്മാനിക്കുന്നു. നടപ്പു വർഷം അക്കാദമിക മികവ് ലക്ഷ്യം വെച്ച് നടപ്പാക്കുന്ന കർമ്മ പദ്ധതികളാണ് പുരസ്കാരത്തിന് പരിഗണിക്കുക. എൽ പി, യു. പി, സെക്കന്ററി, ഹയർസെക്കന്ററി വിഭാഗങ്ങൾക്ക് പ്രത്യേകമായി പുരസ്കാരം നൽകും. ഓരോന്നും പ്രത്യേക വിഭാഗങ്ങളായി പരിഗണിച്ചാണ് മികച്ച പ്രോജക്ട് തെരെഞ്ഞെടുക്കുക.

ആലപ്പുഴ: മത്സര വള്ളംകളിയുടെ ഹരം  കൂട്ടാൻ ഇത്തവണ ബൈക്ക് റൈഡർമാരും ഇറങ്ങുന്നു. ഓഗസ്റ്റ് 10ന് വൈകിട്ട് 4 മുതല്‍ 8 വരെ ആലപ്പുഴ ബീച്ചിലെ റിക്രിയേഷന്‍ ഗ്രൗണ്ടില്‍ ബൈക്ക് റൈഡർമാരുടെ അഭ്യാസപ്രകടനങ്ങൾ നടക്കും. 69-ാമത് നെഹ്റു ട്രോഫി വള്ളംകളിയുടെ ഭാഗമായി നെഹ്‌റു ട്രോഫി ബോട്ട് റേസ് സൊസൈറ്റിയാണ് പരിപാടി സംഘടിപ്പിക്കുന്നത്.  പൊതുജനങ്ങള്‍ക്ക് ബൈക്ക് സ്റ്റണ്ട് കാണാനും സുരക്ഷിതമായി സ്റ്റണ്ടിംഗ് നടത്താനും അവസരമൊരുക്കുന്നതാണ് പരിപാടി.

കേരള സർക്കാരിന്റെയും വ്യവസായ വാണിജ്യ വകുപ്പിന്റെയും നേതൃത്വത്തിൽ ചങ്ങരോത്ത് ഗ്രാമ പഞ്ചായത്തിൽ സംരംഭകത്വ ശില്പശാല സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ഉണ്ണി വേങ്ങരി ഉദ്ഘാടനം ചെയ്തു. പഞ്ചായത്ത് ഹാളിൽ നടന്ന ചടങ്ങിൽ ക്ഷേമ കാര്യ സ്റ്റാന്റിങ് കമ്മിറ്റി ചെയർപേഴ്സൺ ഷെെലജ ടി.കെ അധ്യക്ഷത വഹിച്ചു.

വടകര നഗരസഭ കലാസാംസ്കാരിക അക്കാദമിയുടെ നേതൃത്വത്തിൽ കുട്ടികൾക്കായി നാടകം, വിൽപ്പാട്ട് എന്നിവയിൽ കലാ ശില്പശാല സംഘടിപ്പിച്ചു. പ്രമുഖ നാടക സിനിമ പ്രവർത്തകൻ മുഹമ്മദ് പേരാമ്പ്ര ഉദ്ഘാടനം ചെയ്തു. നഗരസഭ ചെയർപേഴ്സൺ കെ.പി ബിന്ദു അധ്യക്ഷയായി.

സ്റ്റാൻഡിങ് കമ്മിറ്റി ചെയർപേഴ്സൺ സിന്ധു പ്രേമൻ സ്വാഗതവും കാനപ്പള്ളി ബാലകൃഷ്ണൻ മാസ്റ്റർ നന്ദിയും പറഞ്ഞു.
കണ്ണംകുഴി നവഭാവനയിൽ നടന്ന പരിപാടിയിൽ വടകര നഗരസഭ പരിധിയിലെ വിവിധ കലാസമിതി ഗ്രന്ഥാലയങ്ങളിൽ നിന്നായി അമ്പതിൽ പരം കുട്ടികൾ പങ്കെടുത്തു.

ആലപ്പുഴ: നെഹ്‌റു ട്രോഫി വള്ളംകളിയോടനുബന്ധിച്ച് ആലപ്പുഴ നഗരസഭയുടെ നേതൃത്വത്തില്‍ നഗര ചത്വരത്തില്‍ നടത്തുന്ന കലാ സന്ധ്യയില്‍ ഇന്ന് (9) വൈകിട്ട് 5.30ന് സിങ്ങിങ് ആര്‍ട്ടിസ്റ്റ് അസോസിയേഷന്‍ 'സ ' അവതരിപ്പിക്കുന്ന ഹൃദയഗീതങ്ങളും 7:30 ന് ഗാന്ധിഭവന്‍ തിയറ്റര്‍ ഇന്ത്യ അവതരിപ്പിക്കുന്ന നവോത്ഥാനം നാടകവും അരങ്ങേറും.

കോട്ടയം: കൊല്ലം ജില്ലയിൽ 2013 ലെ ഭൂമി ഏറ്റെടുക്കൽ നിയമപ്രകാരം 200 ആർ  വിസ്തീർണത്തിൽ താഴെയുള്ള പദ്ധതികളുടെ സ്ഥലമേറ്റെടുപ്പുമായി ബന്ധപ്പെട്ട് സാമൂഹിക പ്രത്യാഘാത പഠനം നടത്തി റിപ്പോർട്ട് തയ്യാറാക്കുന്നതിനായി ജില്ലാതല സോഷ്യൽ ഇംപാക്ട് അസെസ്‌മെന്റ് ഏജൻസികളുടെ പട്ടിക തയ്യാറാക്കുന്നു. ഇതിനായി സർവകലാശാലകൾ/ വകുപ്പുകൾ/സ്ഥാപനങ്ങൾ / ഏജൻസികൾ എന്നിവയിൽ നിന്നും അപേക്ഷ ക്ഷണിച്ചു. താത്പര്യമുള്ളവർ  ഓഗസ്റ്റ് 25 നകം  കൊല്ലം ജില്ലാ കളക്ടർക്ക് അപേക്ഷ നൽകണം. കവറിന് മുകളിൽ ഭൂമി ഏറ്റെടുക്കൽ - സാമൂഹ്യ പ്രത്യാഘാത പഠന ഏജൻസികളെ തിരഞ്ഞെടുക്കുന്നതിനുള്ള അപേക്ഷ എന്ന് രേഖപ്പെടുത്തിയിരിക്കണം.

ആലപ്പുഴ: ആലപ്പുഴ സ്ത്രീകളുടെയും കുട്ടികളുടെയും ആശുപത്രിയിലെ ഐ.ഇ.സി ബോര്‍ഡ് ആന്‍ഡ് സൈനേജ്‌സ് പ്രിന്റിങ് വര്‍ക്‌സ് ചെയ്യുന്നതിന് ക്വട്ടേഷന്‍ ക്ഷണിച്ചു. സെപ്റ്റംബര്‍ ഒമ്പതിന് ഉച്ചയ്ക്ക് ഒന്നു വരെ നല്‍കാം. വിലാസം: സൂപ്രണ്ട്, സ്ത്രീകളുടെയും കുട്ടികളുടെയും ആശുപത്രി, ആലപ്പുഴ -688012. ഫോണ്‍: 0477-2251151.