അസംഘടിത മേഖലയിലെ തൊഴിലാളികൾക്ക് വാർധക്യ പരിരക്ഷ ഉറപ്പാക്കുന്നതിനായുള്ള കേന്ദ്ര സർക്കാർ പെൻഷൻ പദ്ധതിയായ പ്രധാൻമന്ത്രി ശ്രം യോഗി മൻ-ധൻ യോജന, നാഷനൽ പെൻഷൻ സ്‌കീം ഫോർ ട്രേഡേഴ്സ് ആൻഡ് സെൽഫ് എംപ്ലോയിഡ് പെൻഷൻ പദ്ധതിയിൽ അംഗമാവാൻ അവസരം.  18നും 40 നും ഇടയിൽ പ്രായമുള്ള മാസവരുമാനം 15,000 രൂപയിൽ താഴെയുള്ളവർക്ക് പിഎം - എസ് വൈ എം പദ്ധതിയിൽ അംഗമാവാം. അംഗങ്ങൾക്ക് 3000 രൂപയിൽ കുറയാത്ത തുക പെൻഷൻ ലഭിക്കും.  ഇ.എസ്.ഐ, പി.എഫ് എന്നിവയിൽ അംഗമല്ലാത്ത  ഇൻകം ടാക്സ് അടക്കാത്തവർക്ക് മാത്രമാണ് അവസരം.

ആധാരത്തിൽ വിലകുറച്ച് കാണിച്ചതുമൂലം അണ്ടർ വല്വേഷൻ നടപടികൾ നേരിടുന്ന കേസുകളിൽ സംസ്ഥാന സർക്കാർ പ്രഖ്യാപിച്ച പദ്ധതിയിലൂടെ കുറഞ്ഞ തുക അടച്ച് തീർപ്പാക്കുന്നതിനായി നാളെ (മാർച്ച് 19) മലപ്പുറം സബ് രജിസ്ട്രാർ ഓഫീസിൽ അദാലത്ത് നടത്തുന്നു. 1986 മുതൽ 2013 മാർച്ച് വരെയുള്ള കേസുകളിൽ സെറ്റിൽമെന്റ് കമ്മീഷൻ ഉത്തരവിലൂടെ  അടക്കേണ്ട മുദ്ര വിലയുടെ 60 ശതമാനം വരെയും ഫീസ് ഇനത്തിൽ അടക്കേണ്ട തുകയുടെ 75 ശതമാനം വരെയും ഇളവ് ലഭിക്കും.

മഞ്ചേരി പയ്യനാട് ഇൻഡസ്ട്രിയൽ എസ്റ്റേറ്റിൽ വ്യവസായ സംരംഭങ്ങൾ ആരംഭിക്കാൻ ഭൂമി അനുവദിക്കുന്നതിന് അപേക്ഷ ക്ഷണിച്ചു. ജില്ലാ വ്യവസായ കേന്ദ്രത്തിന്റെ കീഴിലുള്ള കേന്ദ്രത്തിലെ പ്ലോട്ടുകൾ ഹയർ പർച്ചേസ് വ്യവസ്ഥയിൽ അനുവദിക്കും. റബർ അധിഷ്ഠിത പദ്ധതികൾക്കാണ് മുൻഗണന. തിരിച്ചറിയൽ കാർഡ്, പാർട്ണർഷിപ്പ് കമ്പനിയാണെങ്കിൽ ബന്ധപ്പെട്ട രേഖകൾ, പ്രൊജക്ട് റിപ്പോർട്ട്, ആവശ്യമായ ഭൂമിയുടെ വിവരങ്ങൾ എന്നിവ സഹിതം https://ilm.kerala.gov.in/login മുഖേന ജൂലൈ അഞ്ചിനകം അപേക്ഷിക്കണം. അപേക്ഷയുടെ പകർപ്പ് ഓഫീസിൽ നൽകണം.

ജില്ലയിൽ രാത്രികാല അടിയന്തര മൃഗചികിത്സാ സേവന പദ്ധതി നടപ്പാക്കുന്നതിന്റെ ഭാഗമായി മൃഗസംരക്ഷണ വകുപ്പ് വിവിധ ബ്ലോക്കുകളിൽ 90 ദിവസത്തേക്ക് കരാർ അടിസ്ഥാനത്തിൽ വെറ്ററിനറി സർജന്മാരെ നിയമിക്കുന്നു. ബി.വി.എസ്.സി ആൻഡ് എ.എച്ച് യോഗ്യതയും വെറ്ററിനറി കൗൺസിൽ രജിസ്ട്രേഷൻ ഉള്ളവരുമാകണം. താൽപര്യമുള്ളവർ മാർച്ച് 22ന് രാവിലെ 10.30ന് ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ, പ്രവൃത്തിപരിചയ സർട്ടിഫിക്കറ്റ് സഹിതം മലപ്പുറം സിവിൽ സ്റ്റേഷനിൽ പ്രവർത്തിക്കുന്ന ജില്ലാ മൃഗസംരക്ഷണ ഓഫീസിൽ വാക്ക് ഇൻ ഇന്റർവ്യൂവിന് ഹാജരാകണം. ഫോൺ: 04832734917.

കുടുംബശ്രീ ജില്ലാ മിഷന്‍ തൃശ്ശൂരിന്റെ നേതൃത്വത്തില്‍ കാടര്‍ പട്ടികവര്‍ഗ്ഗ പ്രത്യേക പദ്ധതിയുടെ ഭാഗമായി അയല്‍ക്കൂട്ട അംഗങ്ങള്‍ക്ക് ത്രിദിന പരിശീലനം ആരംഭിച്ചു. പട്ടികജാതി പട്ടികവര്‍ഗ്ഗ ഗോത്ര കമ്മീഷന്‍ അംഗം ടി.കെ വാസു ഉദ്ഘാടനം ചെയ്തു. കുടുംബശ്രീ ജില്ലാ മിഷന്‍ കോ-ഓഡിനേറ്റര്‍ ഡോ. സലില്‍ യു. അധ്യക്ഷത വഹിച്ചു. കെകെഎഫ്ആര്‍ഐ ഡയറക്ടര്‍ ഡേ. കണ്ണന്‍ സി.എസ് വാര്യര്‍ മുഖ്യാതിഥിയായി.

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ  നടത്തുന്ന തൊഴിൽ അധിഷ്ഠിത സ്‌കിൽ ഡിപ്ലോമ ഇൻ ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്, കോഴ്‌സിലേക്ക് അഡ്മിഷൻ ആരംഭിച്ചു. പ്ലസ്ടു കഴിഞ്ഞവർക്ക് അപേക്ഷിക്കാം. ഫോൺ 7994449314.

വണ്ടൂർ താലൂക്ക് ആശുപത്രിയിൽ സെക്കൻഡറി പാലിയേറ്റീവ്, പരിരക്ഷ പ്രൊജക്ട് യൂനിറ്റ് എന്നിവയക്ക് ഗൃഹപരിചരണത്തിന് പോകുന്നതിന് ദിവസവേതനാടിസ്ഥാനത്തിൽ വാഹനം ആവശ്യമുണ്ട്. താത്പര്യമുള്ളവർ മാർച്ച് 21ന് രാവിലെ 11നകം അപേക്ഷിക്കണം. ഫോൺ 04931 247378.
 

സംസ്ഥാനത്ത് സ്ഥലമെടുപ്പ് പദ്ധതികൾക്ക് സാമൂഹ്യാഘാത പഠനം നടത്തി റിപ്പോർട്ട് സമർപ്പിക്കുന്നതിന് എസ്.ഐ.എ പാനൽ രൂപീകരിക്കുന്നു. ഈ മേഖലയിൽ പ്രവൃത്തി പരിചയമുള്ള വ്യക്തികൾ/സ്ഥാപനങ്ങൾ എന്നിവയ്ക്ക് അപേക്ഷ സമർപ്പിക്കാം. പ്രവൃത്തി പരിചയവും സങ്കേതിക അറിവും തെളിയിക്കുന്ന രേഖകളുടെ പകർപ്പുകൾ സഹിതം മാർച്ച് 27ന് വൈകീട്ട് അഞ്ചിന് മുമ്പായി ജില്ലാ കളക്ടർ, കളക്ടറേറ്റ്, മലപ്പുറം, പിൻ: 676505 എന്ന വിലാസത്തിൽ അപേക്ഷ സമർപ്പിക്കണം. കൂടുതൽ വിവരങ്ങൾക്ക് കളക്ടറേറ്റ് ലാൻഡ് അക്വസിഷൻ സെക്ഷനിലെ 0483 2739581 എന്ന നമ്പറിൽ ബന്ധപ്പെടാവുന്നതാണ്.
 

തിരുവനന്തപുരം - ഊട്ടി സ്വിഫ്റ്റ് ഡീലക്സ് സർവ്വീസിന് പുതുക്കാട് കെ എസ് ആ ർടി സി ബസ്റ്റാൻ്റിൽ ബോർഡിങ്ങ് പോയിൻ്റ് അനുവദിച്ചു. ദീർഘദൂര യാത്രക്കാർക്കും വിനോദ സഞ്ചാരികൾക്കും ഒരുപോലെ പുതിയ ബോർഡിങ്ങ് പോയിൻ്റ് വഴി ഊട്ടി വരെയുള്ള കെ എസ് ആർ ടി സി കെ-സ്വിഫ്റ്റ് യാത്രാ സൗകര്യം പ്രയോജനപ്പെടുത്താനാകും.

ദിവസവും രാത്രി 12.46 ന് ഊട്ടി ബസ്സ് പുതുക്കാടെത്തുന്ന ബസ് രാവിലെ 5 .21 ഊട്ടിയിലെത്തും. ഷൊർണ്ണൂർ, പെരിന്തൽമണ്ണ, നിലമ്പൂർ, നാടുകാണി, ഗൂഡല്ലൂർ വഴിയുമാണ് ബസ് സർവ്വീസ് നടത്തുന്നത്. തിരിച്ച് രാത്രി ഏഴ് മണിക്ക് ഊട്ടിയിൽ നിന്ന് പുറപ്പെട്ട് രാത്രി 12 മണിക്ക് പുതുക്കാടെത്തും.

പൊതുവിദ്യാഭ്യാസ വകുപ്പ് സ്റ്റാര്‍സ് പദ്ധതിയുടെ ഭാഗമായി വിജയരാഘവപുരം ജി.എച്ച്.എസ്.എസ് സ്‌കൂളിലെ ജിയോളജി ലാബിന് ആവശ്യമായ സാധന സാമഗ്രികള്‍ മുഴുവനായോ ഭാഗികമായോ വാങ്ങി വിതരണം ചെയ്യാന്‍ താല്‍പ്പര്യമുള്ള ഏജന്‍സികളില്‍ നിന്നും സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. മുദ്രവെച്ച ടെണ്ടറുകള്‍ മാര്‍ച്ച് 21 ന് ഉച്ചയ്ക്ക് 12 നകം ലഭിക്കണം. ഫോണ്‍: 0480 2700570.