വണ്ടിപ്പെരിയാര്‍ ഗ്രാമപഞ്ചായത്തില്‍ 15-ാം വാര്‍ഡില്‍ കടുവയുടെ സാന്നിധ്യത്തെ തുടര്‍ന്ന് പ്രഖ്യാപിച്ച നിരോധനാജ്ഞ ജില്ലാ കളക്ടര്‍ വി. വിഗ്‌നേശ്വരി പിന്‍വലിച്ചു. ജനവാസ മേഖലയില്‍ ഇറങ്ങിയ കടുവയെ മയക്കുവെടി വച്ച് പിടിക്കുന്നതിനും ജനങ്ങളുടെ ജീവനും സ്വത്തിനും സുരക്ഷ ഉറപ്പാക്കുന്നതിനായി ഭാരതീയ ന്യായ സംഹിത 163 പ്രകാരമാണ് ജില്ലാ കളക്ടര്‍ നിരോധനാജ്ഞ ഏര്‍പ്പെടുത്തിയത്. കടുവ കൊല്ലപ്പെടുകയും അപകട ഭീഷണി ഒഴിവാകുകയും ചെയ്ത സാഹചര്യത്തില്‍ നിരോധനാജ്ഞ പിന്‍വലിച്ച് ജില്ലാ കളക്ടര്‍ ഉത്തരവ് പുറപ്പെടുവിച്ചു.

പാലക്കാട് ഗവണ്‍മെന്റ് പോളിടെക്‌നിക് കോളേജ് എന്‍എസ്എസ് യൂണിറ്റിന്റെയും മോട്ടോര്‍ വാഹന വകുപ്പ് എന്‍ഫോസ്മെന്റ് യൂണിറ്റിന്റെയും നെഹ്റു യുവ കേന്ദ്രയുടെയും സംയുക്താഭിമുഖ്യത്തില്‍ പാലക്കാട് സ്റ്റേഡിയം ബസ്റ്റാന്‍ഡ് പരിസരത്ത്, റോഡ് സുരക്ഷാ ബോധവല്‍ക്കരണ പരിപാടി സംഘടിപ്പിച്ചു. റോഡ് സുരക്ഷാ വാരാചരണത്തിന്റെ ഭാഗമായി റോഡ് നിയമങ്ങള്‍ പാലിക്കുന്നതിന്റെ പ്രാധാന്യം ജനങ്ങളില്‍ എത്തിക്കുന്നതിന്റെ ഭാഗമായാണ് പരിപാടി സംഘടിപ്പിച്ചത്. റോഡ് നിയമങ്ങളുടെ പ്രാധാന്യം ജനങ്ങളെ ബോധ്യപ്പെടുത്തി അത് പാലിക്കണമെന്ന സന്ദേശത്തോടെ മധുര വിതരണവും നടത്തി.

*സമാപന സമ്മേളനം 22 ന് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്യും

വാഗമണ്‍ അന്താരാഷ്ട്ര ടോപ് ലാന്‍ഡിംഗ് ആക്കുറസി കപ്പ് മാര്‍ച്ച് 19 മുതല്‍ 23 വരെ വാഗമണ്‍ അഡ്വഞ്ചര്‍ പാര്‍ക്കില്‍ നടക്കും. സമാപന സമ്മേളനം മാര്‍ച്ച് 22ന് ഉച്ചക്ക് 12 ന് പൊതുമരാമത്ത് - വിനോദ സഞ്ചാര വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്യും. വാഗമണ്‍ ഇന്റര്‍നാഷണല്‍ കപ്പില്‍ വിജയികളായവര്‍ക്കുള്ള സമ്മാനദാനവും മന്ത്രി നിര്‍വഹിക്കും.

 മാര്‍ച്ച് 19 ന് നടത്താനിരുന്ന ജില്ലാ വികസന സമിതി മുന്നൊരുക്ക യോഗം മാറ്റിവെച്ചതായി ജില്ലാ കളക്ടര്‍ അറിയിച്ചു..