സായുധസേനാ ദിനവുമായി ബന്ധപ്പെട്ട് ജില്ലയിലെ സ്ഥാപനങ്ങള്‍  കുടിശ്ശികയടക്കം അടവാക്കേണ്ട തുക എത്രയും വേഗം ജില്ലാ സൈനിക ക്ഷേമ ഓഫീസില്‍ അടച്ചു രസീതി കൈപ്പറ്റണമെന്ന്  ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍ : 0491-2971633.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിങ് ഡിവിഷന്‍ നടത്തുന്ന തൊഴില്‍ അധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ്, കോഴ്സിലേക്ക് അഡ്മിഷന്‍ ആരംഭിച്ചു. പ്ലസ് ടു കഴിഞ്ഞവര്‍ക്ക് അപേക്ഷിക്കാം. ഒരു വര്‍ഷവും ആറു മാസവുമാണ്   കോഴ്സിന്റെ കാലാവധി. ഇന്റേണ്‍ഷിപ്പും പ്ലേസ്മെന്റ് അസിസ്റ്റന്‍സും ലഭിക്കും. ഫോണ്‍: 7994449314

കുടിശ്ശിക അടവാക്കുന്നതില്‍ വീഴ്ച വരുത്തിയതിന് ജപ്തി ചെയ്ത വല്ലപ്പുഴ വില്ലേജില്‍ ചെറുകോട് ദേശം ബ്ലോക്ക് 35 ല്‍ റീസര്‍വെ 195/1 ല്‍ പെട്ട 0.3840 ഹെക്ടര്‍ ഭൂമി മെയ് 18 ന് രാവിലെ 11.30 ന് വസ്തു നില്‍ക്കുന്ന സ്ഥലത്ത് വെച്ച് ലേലം ചെയ്തു വില്‍ക്കുമെന്ന് പട്ടാമ്പി തഹസില്‍ദാര്‍ അറിയിച്ചു.

പാലക്കാട് ജില്ലാ പഞ്ചായത്തിന്റെ 2025-26 സാമ്പത്തിക വര്‍ഷത്തെ ബജറ്റ് അവതരണം ഇന്ന് (മാര്‍ച്ച് 19) രാവിലെ 11 മണിക്ക് ജില്ലാ പഞ്ചായത്ത് സമിതി ഹാളില്‍ വെച്ച് നടക്കും.

അടിസ്ഥാന സൗകര്യങ്ങളിലെ കുറവുകൾ പരിഹരിക്കുന്നതിനോടൊപ്പം കേരളത്തിൽ കൂടുതൽ നിക്ഷേപം ആകർഷിക്കുന്നതിനും അതോടൊപ്പം മാനവ വികസന സൂചികകളിൽ നേടിയിട്ടുള്ള വളർച്ച നിലനിർത്തുന്നതുമായ വലിയ ദൗത്യമാണ് സംസ്ഥാനത്തിനുള്ളതെന്ന് മുഖ്യമന്ത്രി പിണറായി വിജയൻ.