ഹോര്‍ട്ടികള്‍ച്ചര്‍ മേഖലയില്‍ നവീന പ്രോജക്ടുകള്‍ ഏറ്റെടുത്ത് നടപ്പിലാക്കുന്നതിന് കേരള സ്മാള്‍ ഫാര്‍മേര്‍സ് അഗ്രി ബിസിനസ് കണ്‍സോര്‍ഷ്യം മുഖേന സംസ്ഥാന ഹോര്‍ട്ടികള്‍ച്ചര്‍ മിഷന്‍ സാമ്പത്തിക സഹായം നല്‍ക്കുന്നു. ഫാം പ്ലാന്‍ പദ്ധതിയുടെ ഭാഗമായി ബ്ലോക്കുകളില്‍ രൂപീകരിച്ചിട്ടുള്ള കര്‍ഷക ഉല്‍പ്പാദക സംഘങ്ങള്‍, ജില്ലകളില്‍ വിവിധ ഏജന്‍സികളുടെ പിന്തുണയോടെ പ്രവര്‍ത്തിക്കുന്നതും മുന്‍കാലങ്ങളില്‍ സാമ്പത്തിക സഹായം ലഭിക്കാത്തതുമായ കര്‍ഷക ഉല്‍പ്പാദക കമ്പനികള്‍ എന്നിവയ്ക്ക് അപേക്ഷിക്കാം.

തൃശ്ശൂര്‍ കോര്‍പ്പറേഷനില്‍  ഒഴിവുള്ള 63 സാനിറ്ററി വര്‍ക്കര്‍ തസ്തികയിലേക്ക് താല്‍ക്കാലികമായി നിയമനം നടത്തുന്നതിന് നാമനിര്‍ദ്ദേശം ചെയ്യാനുള്ളവരുടെ പട്ടിക ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ നോട്ടീസ് ബോര്‍ഡില്‍ പ്രദര്‍ശിപ്പിച്ചിരിക്കുന്നു. ഈ തസ്തികയിലേക്ക് പരിഗണിക്കപ്പെടാന്‍ താല്‍പ്പര്യമില്ലാത്തവര്‍ മാര്‍ച്ച് 24 നകം ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ അറിയിക്കണം.
ബാലഭവന്‍ അവധിക്കാല ക്ലാസുകളിലേക്ക് പ്രവേശനം ആരംഭിച്ചു
 

ജില്ലാ ആസൂത്രണ സമിതി ജില്ലാ പഞ്ചായത്ത് പ്രസിഡന്റ് വി.എസ്. പ്രിന്‍സിന്റെ അധ്യക്ഷതയില്‍ ഇന്ന് (മാര്‍ച്ച് 17) യോഗം ചേര്‍ന്നു. 2024-25  വാര്‍ഷിക പദ്ധതിയില്‍ വിവിധ പഞ്ചായത്തുകള്‍ സമര്‍പ്പിച്ച ഭേദഗതികള്‍ യോഗം അംഗീകരിച്ചു. 2021 -22, 2022-23 എന്നീ വര്‍ഷങ്ങളിലെ ഹെല്‍ത്ത് ഗ്രാന്റിന്റെ ഭേദഗതിക്കായി തളിക്കുളം, വള്ളത്തോള്‍ നഗര്‍ ഗ്രാമപഞ്ചായത്തുകള്‍ സമര്‍പ്പിച്ച ഭേദഗതികളും യോഗം അംഗീകരിച്ചു. കൂടാതെ കുന്നംകുളം നഗരസഭ സമര്‍പ്പിച്ച 2025-26 വര്‍ഷത്തെ അയ്യങ്കാളി തൊഴിലുറപ്പ് പദ്ധതിയുടെ ആക്ഷന്‍ പ്ലാനും ലേബര്‍ ബഡ്ജറ്റും യോഗം അംഗീകരിച്ചു.

 ഔദ്യോഗികഭാഷയിൽ 100 ശതമാനം പുരോഗതി കൈവരിച്ച് ജില്ലയിലെ  വിവിധ വകുപ്പുകൾ. ജില്ലയിലെ എല്ലാ വകുപ്പുകളിലും ഓഫീസ് മുദ്രകളും, വാഹന ബോർഡുകളും, മിനിറ്റ്സുകളും, ഹാജർ പുസ്തകം , ടെൻഡർ പരസ്യങ്ങൾ മലയാളത്തിൽ നൽകണമെന്ന് എ. ഡി. എം കെ ദേവകി പറഞ്ഞു .  ഔദ്യോഗിക ഭാഷ ജില്ലാതല ഏകോപന സമിതി യോഗം ഔദ്യോഗിക ഭാഷാ വകുപ്പ് സെക്ഷൻ ഓഫീസർ എസ് സുനിൽകുമാറിന്റെ അധ്യക്ഷതയിൽ ഓൺലൈൻ മുഖേന കളക്ടറേറ്റ് മിനി കോൺഫറൻസ് ഹാളിൽ ചേർന്നു.

ജില്ലയിൽ വർധിച്ചു വരുന്ന ലഹരി ഉപയാഗങ്ങളെ നിയന്ത്രിക്കാൻ ബോധവത്കരണ പ്രവർത്തനങ്ങളും പ്രതിരോധ പ്രവർത്തനങ്ങളും ത്വരിതപെടുത്താൻ വേണ്ട നടപടികൾ സ്വീകരിച്ചു വരുന്നതായി ജില്ലാ പൊലീസ് മേധാവി തപോഷ് ബസുമതാരി. 

പരീക്ഷകാലം ആയതിനാൽ ജില്ലയിലെ പട്ടിക ജാതി പട്ടിക വർഗ്ഗ  വിദ്യാർത്ഥികൾ പരീക്ഷകളിൽ 

കൃത്യമായി പങ്കെടുക്കുന്നുണ്ടെന്ന് ഉറപ്പ് വരുത്തണം. 

 മുണ്ടക്കൈ - ചൂരൽമല ഉരുൾപൊട്ടൽ ദുരന്തത്തിൽ കാണാതായ 32 പേരുടെ മരണ സർട്ടിഫിക്കറ്റ് രജിസ്ട്രേഷൻ പൂർത്തിയായതായി മേപ്പാടി ഗ്രാമപഞ്ചായത്ത് സെക്രട്ടറി അറിയിച്ചു.  ദുരന്തത്തിൽ കാണാതായവരെ മരിച്ചതായി കണക്കാക്കിയുള്ള   ഓൺലൈൻ രജിസ്ട്രേഷൻ നടപടികളാണ് പൂർത്തീകരിച്ചത്.  കാണാതായവരുടെ 32 പേരുടെ  കുടുംബാഗംങ്ങൾ നൽകിയ അപേക്ഷ  പ്രകാരം  മേപ്പാടി ഗ്രാമപഞ്ചായത്ത് സെക്രട്ടറി, മേപ്പാടി എസ്.എച്ച്.ഒ, വെള്ളരിമല വില്ലേജ് ഓഫീസർ  അടങ്ങിയ ഉപസമിതി ശേഖരിച്ച  വിവരങ്ങൾ സബ് കളക്ടർക്ക് കൈമാറി.

പടിഞ്ഞാറത്തറ ഇലക്ട്രിക്കല്‍ സെക്ഷനിലെ അംബേദ്ക്കര്‍, ഉദിരംചേരി, ഷാരോയ് റിസോര്‍ട്ട് ട്രാന്‍സ്‌ഫോര്‍മര്‍ പരിധിയില്‍ ഇന്ന് (മാര്‍ച്ച് 19) രാവിലെ ഒന്‍പത് മുതല്‍ വൈകിട്ട് അഞ്ചു വരെ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

വൈത്തിരി ഇലക്ട്രിക്കല്‍ സെക്ഷന് കീഴില്‍ ഓടത്തോട് 11 കെ വി ലൈനിനും വീടുകള്‍ക്കും ഭീഷണി ആയി നില്‍ക്കുന്ന മരം  മുറിച്ച് മാറ്റുന്നതിനാല്‍ കണ്ണന്‍ ചാത്ത് ഓടത്തോട് കൂട്ടുമുണ്ട്, വെള്ളം കൊല്ലി, ചുണ്ടയില്‍ ചേലോട്, കണ്ണാടിച്ചോല, തളിമല പഴയ വൈത്തിരി മുള്ളന്‍പാറ, ചാരിറ്റി, ചാരിറ്റി ഹെല്‍ത്ത് സെന്റര്‍ തളിപ്പുഴ, ലക്കിടി വെറ്റിനറി കോളേജ്, നവോദയ സ്‌കൂള്‍ പ്രദേശങ്ങളില്‍ ഇന്ന് (മാര്‍ച്ച് 19) രാവിലെ എട്ട്  മുതല്‍ വൈകുന്നേരം അഞ്ച് വരെ ഭാഗികമായോ പൂര്‍ണമായോ വൈദ്യുതി വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ്  എന്‍ജിനീയര്‍  അറിയിച്ചു.

മാനന്തവാടി ട്രൈബല്‍ ഡവലപ്‌മെന്റ് ഓഫീസിന്റെ കീഴില്‍ പ്രവര്‍ത്തിക്കുന്ന തൃശ്ശിലേരി, എള്ളുമന്ദം, വാളേരി, പനമരം  പ്രീമെട്രിക് ഗേള്‍സ് ഹോസ്റ്റലുകളില്‍   എല്‍.പി  മുതല്‍ ഹയര്‍സെക്കണ്ടറി വരെ വിവിധ ക്ലാസ്സുകളില്‍ പഠിക്കുന്ന 248 വിദ്യാര്‍ത്ഥികള്‍ക്ക് നൈറ്റ് ഡ്രസ്സ്  കുറഞ്ഞ നിരക്കില്‍ തയ്ച്ച് വിതരണം ചെയ്യാന്‍ താത്പര്യമുള്ള വ്യക്തികള്‍  സ്ഥാപനങ്ങളില്‍ നിന്നും  ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 25 ഉച്ചയ്ക്ക് 12 വരെ സ്വീകരിക്കും. വിലാസംട്രൈബല്‍ ഡവലപ്‌മെന്റ് ഓഫീസര്‍,ട്രൈബല്‍ ഡവലപ്‌മെന്റ് ഓഫീസ് മാനന്തവാടി,മാനന്തവാടി പി ഒ

വയനാട് 670645, ഫോണ്‍ 04935240210