ഓട്ടോറിക്ഷ യാത്രാനിരക്കുകൾ സംബന്ധിച്ച് നിരവധിയായ പരാതികൾ പൊതുജനങ്ങളിൽ നിന്നും ലഭിക്കുന്ന സാഹചര്യത്തിൽ താലൂക്കിലെ എല്ലാ ഓട്ടോ റിക്ഷകളിലും 2022 ഏപ്രിൽ 26 ലെ സർക്കാർ ഉത്തരവ് നമ്പർ 14/2022/ട്രാൻസ് പ്രകാരം പുതുക്കിയ നിരക്കുകൾ യാത്രക്കാർ കാണുന്ന വിധത്തിൽ പ്രദർശിപ്പിക്കേണ്ടതാണ്.ഫെയർ മീറ്റർ പ്രവർത്തിപ്പിക്കാതെ അമിത ചാർജ്ജ് ഈടാക്കുന്ന ഓട്ടോറിക്ഷകൾക്കെതിരെ കർശന നടപടി സ്വീകരിക്കുമെന്ന് ചെങ്ങന്നൂർ ജോയിന്റ് ആർ.ടി.ഒ അറിയിച്ചു.
 (പിആർ/എഎൽപി 854)

കുണ്ടറ ഐ.എച്ച്.ആർ.ഡി.  എക്സ്റ്റെൻഷൻ സെന്ററിൽ 15 ദിവസം/2 മാസം ദൈർഘ്യമുള്ള  ഓഫീസ് ഓട്ടോമേഷൻ സർട്ടിഫിക്കറ്റ്, ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേർണിംഗ് ടെക്ക് ബ്രിഡ്ജ് (കുറഞ്ഞ യോഗ്യത-പ്ലസ് ടൂ/എസ്.എസ്.എൽ.സി പരീക്ഷ എഴുതുന്നവർ) എന്നീ കോഴ്‌സുകളിലേയ്ക്ക് അപേക്ഷ ക്ഷണിച്ചു. ക്ലാസ്സുകൾ ഏപ്രിൽ ഒന്നു മുതൽ ആരംഭിക്കും. കൂടുതൽ വിവരങ്ങൾക്ക് കുണ്ടറ എക്സ്റ്റെൻഷൻ സെന്ററുമായി ബന്ധപ്പെടുക 0474 2580462,8547005090. 

ആലപ്പുഴ ജില്ലാ ബോക്സിങ് അസോസിയേഷൻ ജില്ലാ ഭരണകൂടത്തിന്റെ വേനൽ പാടം പദ്ധതിയിൽ ഉൾപ്പെടുത്തി സ്പോർട്സ് കൗൺസിലിന്റെ സഹകരണത്തോടെ  അവധിക്കാല ബോക്സിങ് പരിശീലനം ആലപ്പുഴ ജില്ലയിൽ സംഘടിപ്പിക്കുന്നു. ഏപ്രിൽ 7 മുതൽ മെയ് 28 വരെ വൈകുന്നേരം 3.30 മുതൽ 6.30 വരെ ആലപ്പുഴ ലിയോ 13 സ്‌കൂൾ ഗ്രൗണ്ടിലാണ് പരിശീലനം. 7 വയസ്സിനു മുകളിൽ പ്രായമുള്ള പെൺകുട്ടികൾക്കും ആൺകുട്ടികൾക്കും പങ്കെടുക്കാവുന്നതാണ്. താല്പര്യമുള്ളവർ കൂടുതൽ വിവരങ്ങൾക്കും രജിസ്ട്രേഷനുമായി ജില്ലാ സ്പോർട്‌സ് കൗൺസിൽ, ലിയോ 13 സ്‌കൂൾ, എന്നിവിടങ്ങളിലോ, 98471 97301 എന്ന നമ്പറിലോ ബന്ധപ്പെടുക.
 
 (പിആർ/എഎൽപി 852)

സംസ്ഥാന സർക്കാരിന്റെ അഭിമാന പരിപാടികളിലൊന്നായ മാലിന്യമുക്ത നവകേരളത്തിന്റെ തദേശസ്ഥാപനതല പ്രഖ്യാപനങ്ങൾ മാർച്ച് 30 ന് നടക്കും.

        കേരള സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡി മോഡൽ ഫിനിഷിങ് സ്കൂളിൽ ഏപ്രിൽ 2 -ാം തീയതി ആരംഭിക്കുന്ന എ1 ലെവൽ ജർമൻ ഭാഷ പരിശീലനത്തിന്  രജിസ്റ്റർ

ആലപ്പുഴ ജില്ലാ പ്രൊബേഷന്‍ ഓഫീസിലേയ്ക്ക് 2025 ഏപ്രില്‍ മുതല്‍ 2026 മാര്‍ച്ച് വരെയുള്ള കാലയളവിലെ ഔദ്യോഗികാവശ്യങ്ങള്‍ക്കായി ടാക്‌സി പെര്‍മിറ്റുള്ളതും ഏഴ് വര്‍ഷത്തില്‍ കുറവ് കാലപ്പഴക്കമുള്ളതുമായ കാര്‍ വാടകയ്ക്ക് നല്‍കാന്‍ താല്‍പര്യമുള്ളവരില്‍ നിന്നും ടെന്‍ഡര്‍ ക്ഷണിച്ചു.  ടെന്‍ഡര്‍ സ്വീകരിക്കുന്ന അവസാന തീയതി മാര്‍ച്ച് 24 ന് ഉച്ചയ്ക്ക് രണ്ട് മണി. ഫോണ്‍: 0477-2238450.
(പിആർ/എഎൽപി 851)

മാലിന്യ സംസ്കരണം, ശുചിത്വം തുടങ്ങിയ മേഖലകൾക്ക് പ്രാധാന്യം നൽകി രാമങ്കരി ഗ്രാമപഞ്ചായത്ത് 2025-26 വർഷത്തെ ബജറ്റ് വൈസ് പ്രസിഡന്റ് ഷീന റെജപ്പൻ അവതരിപ്പിച്ചു. 18,20,21,000 രൂപ വരവും 18,07,40,000 രൂപ ചെലവും 42,56,893 രൂപ പ്രാരംഭ നീക്കി ബാക്കിയും ചേർന്ന് 55,46,893 രൂപ മിച്ചവും പ്രതീക്ഷിക്കുന്ന ബജറ്റാണ് അവതരിപ്പിച്ചത്. അതിദരിദ്രരില്ലാത്ത പഞ്ചായത്തായി രാമങ്കരിയെ പ്രഖ്യാപിക്കാനായത് വലിയ നേട്ടമായി ബജറ്റ് അവതരണ വേളയിൽ ചൂണ്ടിക്കാട്ടി. 2025ൽ എല്ലാ വീടുകളിലും കുടിവെള്ളം ഉറപ്പാക്കും. ഭവന നിർമ്മാണത്തിനായി 1,72,00,000 രൂപ വകയിരുത്തിയിട്ടുണ്ട്.

വനിത ശിശു വികസന വകുപ്പിന്റെ കീഴില്‍ മിഷന്‍ വത്സല്യയുടെ ഭാഗമായ ആലപ്പുഴ ജില്ലാ ശിശു സംരക്ഷണ യൂണിറ്റില്‍ ഓണ്‍ കാള്‍ അടിസ്ഥാനത്തില്‍ പോക്‌സോ സപ്പോര്‍ട്ട് പെഴ്‌സണ്‍ പാനലിലേക്ക് അപേക്ഷ ക്ഷണിച്ചു. പോക്‌സോ സപ്പോര്‍ട്ട് പെഴ്‌സണ്‍ (10), സ്‌പെഷ്യല്‍ എജ്യുക്കേറ്റര്‍ (10), ട്രാന്‍സ്‌ലേറ്റര്‍ (10), ഇന്റര്‍പ്രെട്ടേഴ്‌സ് (10) എന്നിങ്ങനെയാണ് ഒഴിവുകള്‍.

മാലിന്യമുക്ത നവകേരളം കാമ്പയിന്റെ ഭാഗമായി പട്ടണക്കാട് ബ്ലോക്ക്, ചെങ്ങന്നൂര്‍ മുന്‍സിപ്പാലിറ്റി പരിധിയില്‍ നടത്തിയ പരിശോധനയില്‍ ചെങ്ങന്നൂര്‍ ബെവ്‌കോയില്‍ നിന്ന് 5000 രൂപ പിഴ ഈടാക്കാന്‍ സ്‌ക്വാഡ് ശുപാര്‍ശ ചെയ്തു. സംസ്ഥാനത്തെ സമ്പൂര്‍ണ മാലിന്യമുക്തമായി മാര്‍ച്ച് 31 ന് പ്രഖ്യാപിക്കുന്ന മാലിന്യമുക്ത നവകേരളം കാമ്പയിന്റെ ഭാഗമായാണ് തദ്ദേശവകുപ്പ് ജില്ലാ എന്‍ഫോഴ്സ്‌മെന്റ് സ്‌ക്വാഡും ജില്ലാ ഇന്റേണ്‍ വിജിലന്‍സും ചേര്‍ന്ന് പരിശോധന നടത്തിയത്. 17 സ്ഥാപനങ്ങളില്‍ നടത്തിയ പരിശോധനയിലാണ് പ്ലാസ്റ്റിക് മാലിന്യങ്ങള്‍ അലക്ഷ്യമായി കൈകാര്യം ചെയ്തിന് ചെങ്ങന്നൂര്‍ ബെവ്‌കോക്ക് പിഴ ചുമത്തിയത്.