നെല്ലിന്റ ഗുണനിലവാരം കുറച്ചുകാട്ടി മില്ല് പ്രതിനിധികളും ഇടനിലക്കാരും കർഷകരെ ചൂഷണം ചെയ്യുന്നത് തടയണമെന്നും വേനൽ മഴ കനക്കുംമുമ്പ് വേഗത്തിൽ നെല്ല് സംഭരിക്കുകയും സംഭരിച്ച നെല്ലിന്റെ വില ഉടൻ നൽകുകയും വേണമെന്നും ജില്ല വിജിലൻസ് കമ്മിറ്റി യോഗത്തിൽ ആവശ്യമുയർന്നു. ഭക്ഷ്യ ഭദ്രത നിയമ പ്രകാരം അനുവദിച്ചിട്ടുള്ള ആനുകൂല്യങ്ങൾ  അർഹരായ ഉപഭോക്താക്കൾക്ക് ലഭിക്കുന്നുണ്ടെന്ന് ഉറപ്പ് വരുത്തുന്നതിനായി അഡിഷണൽ ജില്ലാ മജിസ്ട്രേറ്റ്   ആശ. സി. എബ്രഹാമിന്റെ അദ്ധ്യക്ഷതയിൽ  ക്‌ളക്ട്രറേറ്റ്   കോൺഫറൻസ് ഹാളിൽ ജില്ലാ വിജിലൻസ് കമ്മിറ്റി കൂടി .

മാവേലിക്കര ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ സമഗ്ര ശിക്ഷാ കേരളയുടെ ആഭിമുഖ്യത്തില്‍ ആരംഭിക്കുന്ന സ്‌കില്‍ ഡവലപ്പ്‌മെന്റ് സെന്ററിലെ ഗ്രാഫിക് ഡിസൈന്‍ കോഴ്‌സിനാവശ്യമായ കമ്പ്യൂട്ടര്‍ ആക്‌സസറീസ്, സ്‌റ്റേഷനറി സാമഗ്രികള്‍, കണ്‍സ്യൂമബിള്‍സ് എന്നിവ ലഭ്യമാക്കുന്നതിന് അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി ഏപ്രില്‍ ഏഴ് ഉച്ചക്ക് ഒരു മണി. ഫോണ്‍ 9495144626.

ചെറുതന ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന് കീഴിലുള്ള ജനകീയ ആരോഗ്യ കേന്ദ്രം (സബ് സെന്റർ) ഉദ്ഘാടനം ഇന്ന്(മാർച്ച് 18ന്) ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി നിർവഹിക്കും. ഹരിപ്പാട് ബ്ലോക്ക് പഞ്ചായത്ത് 2022-23, 2023-24 ജനകീയ ആസൂത്രണ പദ്ധതി വഴിയാണ് പുതിയ കെട്ടിടം നിർമ്മിച്ചത്. ദീർഘകാലമായി സ്വകാര്യവ്യക്തിയുടെ കെട്ടിടത്തിലാണ് സബ് സെന്റർ പ്രവർത്തിച്ചിരുന്നത്. 581 ചതുരശ്ര അടിയുള്ള കെട്ടിടത്തിന് 28 ലക്ഷം രൂപയാണ് ചെലവ്.

ആലപ്പുഴ ജില്ലാ പഞ്ചായത്തിൻ്റെ 2025-26 വാർഷിക ബജറ്റ് അവതരണം മാർച്ച് 20ന് വ്യാഴാഴ്ച്ച രാവിലെ 11 ന് ജില്ലാ പഞ്ചായത്ത് ഹാളിൽ നടക്കുമെന്ന് സെക്രട്ടറി അറിയിച്ചു. 
(പിആർ/എഎൽപി/835)

കേരള സ്മോൾ ഫാർമേഴ്സ് അഗ്രി ബിസിനസ് കൺസോർഷ്യം വഴി സംസ്ഥാന ഹോർട്ടികൾച്ചർ മിഷന്റെ സഹായത്തോടെ ഹോർട്ടികൾച്ചർ മേഖലയിൽ നവീന പദ്ധതികള്‍ ഏറ്റെടുത്ത് നടപ്പിലാക്കുന്നതിന് സാമ്പത്തിക സഹായം നൽകുന്നു. ഫാം പ്ലാൻ പദ്ധതിയുടെ ഭാഗമായി ബ്ലോക്കുകളിൽ രൂപീകരിച്ചിട്ടുള്ള കർഷക ഉൽപാദക സംഘങ്ങൾ, ജില്ലകളിൽ വിവിധ ഏജൻസികളുടെ പിന്തുണയോടെ പ്രവർത്തിക്കുന്നതും മുൻകാലങ്ങളിൽ സാമ്പത്തികസഹായം ലഭിക്കാത്തതുമായ കർഷക ഉൽപാദക കമ്പനികൾ എന്നിവയ്ക്ക് അപേക്ഷിക്കാം.

മാലിന്യമുക്തം നവകേരളം ജനകീയ കാമ്പയിന്റെ ഭാഗമായി 2024 ഏപ്രില്‍ മുതൽ ഇതുവരെ  ജില്ലയിലെ വിവിധ  മാലിന്യ സംസ്ക്കരണ നിയമ ലംഘനങ്ങൾക്ക് തദ്ദേശ സ്വയംഭരണ വകുപ്പിന്റെ  സ്‌ക്വാഡുകൾ  43,48,329 രൂപ പിഴ ചുമത്തി നോട്ടീസ് നൽകുകയും 1937372 രൂപ പിഴയായി ഈടാക്കുകയും ചെയ്തു. ജില്ലയിൽ ഈ കാലയളവിൽ 2062 പരിശോധനകളാണ് നടത്തിയത്. വരും ദിവസങ്ങളിൽ പരിശോധന കൂടുതൽ ശക്തമാക്കുമെന്ന് എൽ എസ് ജി ഡി  ജില്ലാ ജോയിന്റ് ഡയറക്ടർ എസ്  ശ്രീകുമാർ പറഞ്ഞു. 

സംസ്ഥാന സാക്ഷരതാ മിഷന്‍ അതോറിറ്റിയുടെ പരിഷ്‌ക്കരിച്ച പച്ചമലയാളം സര്‍ട്ടിഫിക്കറ്റ് കോഴ്‌സിന്റെ  2025-26  അധ്യായന വര്‍ഷത്തേക്കുള്ള ഓണ്‍ലൈന്‍ രജിസ്‌ട്രേഷന്‍ ആരംഭിച്ചു. പച്ചമലയാളം ആദ്യഭാഗം അടിസ്ഥാന കോഴ്‌സിന്റെ കാലയളവ് ആറു മാസവും രജിസ്‌ട്രേഷന്‍ ഫീസ് 500 രൂപയും കോഴ്‌സ് ഫീസ് 3500 രൂപയുമാണ്. വിശദ വിവരങ്ങള്‍ക്ക് 0477-2252095 നമ്പറില്‍ ബന്ധപ്പെടുക.
(പിആർ/എഎൽപി/832)

പ്രളയസാഹചര്യങ്ങളിൽ സ്വീകരിക്കേണ്ട മുൻകരുതലുകൾ, രക്ഷാപ്രവർത്തനം എന്നിവയെക്കുറിച്ച് അവബോധം നൽകാനും നിലവിലെ രക്ഷാദൗത്യ സംവിധാനങ്ങളുടെ കാര്യക്ഷമത ഉറപ്പുവരുത്താനും പമ്പ നദീതട പദ്ധതിയുടെ ഭാഗമായി മാർച്ച്‌ 25ന്  തണ്ണീർമുക്കം ഗ്രാമപഞ്ചായത്തിൽ മോക്ഡ്രിൽ നടത്തും. റീ ബിൽഡ് കേരള പ്രോഗ്രാം ഫോർ റിസൾട്സ് പദ്ധതിയുമായി ബന്ധപ്പെട്ട് സംസ്ഥാന-ജില്ലാ ദുരന്ത നിവാരണ അതോറിറ്റികളുടെയും കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷന്റെയും (കില) ആഭിമുഖ്യത്തിലാണ് മോക്ഡ്രിൽ സംഘടിപ്പിക്കുന്നത്.

ജലവിതരണം പൂര്‍ണ്ണമായും തടസ്സപ്പെടും

കേരള വാട്ടര്‍ അതോറിറ്റിയുടെ അമൃത് പദ്ധതിയില്‍ ഇന്റര്‍കണക്ഷന്‍ വര്‍ക്കിന്റെ ഭാഗമായി വാല്‍വ് അടക്കുന്നതിനാല്‍ കോഴിക്കോട് കോര്‍പറേഷൻ പരിധിയില്‍ വരുന്ന പുതിയങ്ങാടി, പാവങ്ങാട്, ചുങ്കം, വരയ്ക്കല്‍, വെസ്റ്റ്ഹില്‍, ഭട്ട്‌റോഡ്, അത്താണിക്കല്‍, കോയറോഡ്, പാവങ്ങാട് ഭാഗങ്ങളില്‍ മാര്‍ച്ച് 19, 20  തീയ്യതികളില്‍ ജലവിതരണം പൂര്‍ണ്ണമായും തടസ്സപ്പെടുമെന്ന് കേരള വാട്ടര്‍ അതോറിറ്റി അസി. എഞ്ചിനീയര്‍ അറിയിച്ചു.  ഉപഭോക്താക്കള്‍ ആവശ്യമായ മുന്‍കരുതലുകള്‍ സ്വീകരിക്കണം.

കര്‍ഷക ഉത്പാദക സംഘങ്ങള്‍ക്ക് സാമ്പത്തിക സഹായം: അപേക്ഷിക്കാം

കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റിയുടെ കൊല്ലം സുരക്ഷാ പ്രോജക്ടില്‍ കൗണ്‍സിലറുടെ ഒഴിവുണ്ട്. യോഗ്യത: എം.എസ്.ഡബ്ല്യൂ/എം.എ സൈക്കോളജി. മാര്‍ച്ച് 24നകം krdasuraksha @ gmail.com ല്‍ അപേക്ഷ അയക്കണം. ഫോണ്‍: 9496847273.