അന്താരാഷ്ട്ര സ്വതന്ത്ര വിജ്ഞാന  ഗവേഷണ വികസന കേന്ദ്രം (ഐസിഫോസ്) 8 

കോയിപ്രം ശിശുവികസന പദ്ധതി പരിധിയിലെ ഇരവിപേരൂര്‍ പഞ്ചായത്തിലെ വാര്‍ഡ് ഏഴ് , അയിരൂര്‍ പഞ്ചായത്തിലെ വാര്‍ഡ് ഒമ്പത്, പുറമറ്റം പഞ്ചായത്തിലെ വാര്‍ഡ് നാല് എന്നീ അങ്കണവാടികള്‍ അങ്കണവാടി കം ക്രഷ് ആയി പ്രവര്‍ത്തിക്കുന്നതിന് ക്രഷ് വര്‍ക്കറെയും ഹെല്‍പ്പറെയും നിയമിക്കുന്നതിനായി അതത് വാര്‍ഡിലെ വനിതാ ഉദ്യോഗാര്‍ഥികളില്‍നിന്ന് അപേക്ഷ ക്ഷണിച്ചു.
ക്രഷ് വര്‍ക്കര്‍ യോഗ്യത-പ്ലസ്ടു/തത്തുല്യം. ക്രഷ് ഹെല്‍പ്പര്‍ യോഗ്യത: എസ്എസ്എല്‍സി/ തതുല്യം.
പ്രായപരിധി 18-35. അവസാന തീയതി  മാര്‍ച്ച് 24. ഫോണ്‍:  0469 2997331, 9656324414.

കടകളിലും മറ്റ് വാണിജ്യസ്ഥാപനങ്ങളിലും സ്ഥാപനത്തിന് പുറത്തും തുറസായ സ്ഥലങ്ങളിലും ജോലിചെയ്യുന്ന സെക്യൂരിറ്റി ജീവനക്കാര്‍ക്ക് ഇരിപ്പിടം, പ്രതികൂല കാലാവസ്ഥയെ പ്രതിരോധിക്കുന്നതിനാവശ്യമായ കുട, കുടിവെളളം ഉള്‍പ്പടെ അടിസ്ഥാന സംവിധാനങ്ങള്‍ തൊഴിലുടമകള്‍ ഒരുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. ഉത്തരവു പാലിക്കാത്ത തൊഴിലുടമകള്‍ക്കെതിരെ നിയമനടപടികള്‍ സ്വീകരിക്കും.

കോഴഞ്ചേരി ജില്ലാ ആശുപത്രിയിലെ പാലിയേറ്റീവ് ഹോംകെയര്‍ യൂണിറ്റിലേക്ക് ആവശ്യമായ ഡയപ്പര്‍, വീല്‍ചെയര്‍, സ്റ്റെതസ്‌കോപ്പ്, എയര്‍ ബെഡ്, ബ്ലഡ് ട്യൂബിംഗ്‌സ് തുടങ്ങിയ സാധനങ്ങള്‍ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു.  അവസാന തീയതി മാര്‍ച്ച് 20. ഫോണ്‍ : 0468 2214108. ഇ-മെയില്‍ :  dhkpta@gmail.com

അബാന്‍ മേല്‍പാലം നിര്‍മാണത്തിനായി മുന്‍സിപ്പല്‍ ബസ് സ്റ്റാന്‍ഡ് ഭാഗത്ത്  സ്പാന്‍ വര്‍ക്കുകള്‍ ആരംഭിക്കുന്നതിന് മാര്‍ച്ച് 17 മുതല്‍ രണ്ടുമാസത്തേക്ക് ഗതാഗത നിയന്ത്രണം ഏര്‍പ്പെടുത്തി.
കെഎസ്ആര്‍ടിസി ബസ് ടെര്‍മിനല്‍ ഭാഗത്തുനിന്ന് അബാന്‍ ജംഗ്ഷനിലേക്ക് പോകേണ്ട വലിയ വാഹനങ്ങള്‍ മിനി സിവില്‍ സ്‌റ്റേഷന്‍ ജംഗ്ഷനില്‍ എത്തി ടി കെ റോഡില്‍ പ്രവേശിച്ച് അബാന്‍ ജംഗ്ഷനില്‍ എത്തിചേരണം.
കെഎസ്ആര്‍ടിസി ബസ് ടെര്‍മിനല്‍ ഭാഗത്തുനിന്ന് അബാന്‍ ജംഗ്ഷനിലേക്ക് പോകേണ്ട ചെറു വാഹനങ്ങള്‍ മുന്‍സിപ്പല്‍  സ്റ്റാന്‍ഡ് മുന്‍വശത്ത് കൂടി അബാന്‍ ജംഗ്ഷനില്‍ എത്തിചേരണം.

മല്ലപ്പളളി താലൂക്ക് ആശുപത്രിയിലേക്ക് കെഎഎസ്പി/ ജെഎസ്എസ്‌കെ/ മെഡിസെപ്പ് ആരോഗ്യകിരണംപദ്ധതികളില്‍ ഉള്‍പ്പെടുത്തി രോഗികള്‍ക്ക് മരുന്ന് വിതരണം ചെയ്യുന്നതിന്  അംഗീകൃത സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു.  അവസാന തീയതി മാര്‍ച്ച് 21 ന് ഉച്ചയ്ക്ക് 12. ഫോണ്‍ : 0469 2683084.
ഇ-മെയില്‍ :  thospitalmallappally@gmail.com

ഉയര്‍ന്ന ചൂട് റിപ്പോര്‍ട്ട് ചെയ്യുന്ന സാഹചര്യത്തില്‍ ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ എസ് പ്രേം കൃഷ്ണന്‍ ജനങ്ങള്‍ക്കായി മാര്‍ഗനിര്‍ദേശം പുറപ്പെടുവിച്ചു.

വിദേശത്തേയ്ക്കുളള അനധികൃത റിക്രൂട്ട്‌മെന്റ്, വിസാ തട്ടിപ്പ്, മനുഷ്യക്കടത്ത് എന്നിവക്കെതിരെ നടപടികളെടുക്കുന്നതിന് കേന്ദ്ര വിദേശകാര്യ മന്ത്രാലയത്തിലെ പ്രൊട്ടക്ടര്‍ ഓഫ് എമിഗ്രന്‍സ് , കേരളാ പോലീസ്, നോര്‍ക്ക റൂട്ട്‌സ്, എന്നിവ സംയുക്തമായി നടപ്പിലാക്കുന്ന  പദ്ധതിയാണ് ഓപ്പറേഷന്‍ ശുഭയാത്ര.

വിദേശത്തേയ്ക്കുളള അനധികൃത റിക്രൂട്ട്‌മെന്റ്, വീസ തട്ടിപ്പ്, മനുഷ്യക്കടത്ത് എന്നിവക്കെതിരെയുളള പരാതികള്‍ തിരുവനന്തപുരത്തും എറണാകുളത്തും പ്രവര്‍ത്തിക്കുന്ന വിദേശകാര്യമന്ത്രാലയത്തിനു കീഴിലുള്ള പ്രൊട്ടക്ടര്‍ ഓഫ് എമിഗ്രന്റ്സ് (പിഒഇ) ഓഫീസുകളില്‍ അറിയിക്കാം.

ഇന്ത്യയിലെ തന്നെ സമാനതകളില്ലാത്ത ഭവന പദ്ധതിയായി ലൈഫ് മിഷൻ മാറിയിരിക്കുന്നു എന്നും ഇന്ത്യയിൽ ഒരു സംസ്ഥാനത്തും സ്വാതന്ത്ര്യത്തിന് ശേഷം ഇത്ര ചുരുങ്ങിയ കാലയളവിൽ ഇത്രയും വീടുകൾ നൽകിയിട്ടില്ലെന്നും തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് പറഞ്ഞു. വലപ്പാട് ഗ്രാമ പഞ്ചായത്തിൽ സെലക്‌സ് ഗ്രൂപ്പിന്റെ സഹകരണത്തോടെ നിർമ്മിക്കുന്ന ലൈഫ് ഭവന സമുച്ചയത്തിന്റെ നിർമ്മാണോദ്ഘാടനം നിർവ്വഹിക്കുകയായിരുന്നു അദ്ദേഹം.