വെള്ളമുണ്ട ഇലക്ട്രിക്കൽ സെക്ഷനിലെ പുല്ലോറമാങ്ങോട്, മൊതക്കര പ്രദേശങ്ങളിൽ ഇന്ന് (മാർച്ച് 18) രാവിലെ 8.30 മുതൽ വൈകിട്ട് 5.30 വരെ   ഭാഗികമായി വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ്  എൻജിനീയർ അറിയിച്ചു.

മീനങ്ങാടി പോളിടെക്‌നിക് കോളജിൽ വൈറ്റ്‌ബോർഡ്, അനുബന്ധ സാധനങ്ങൾ വിതരണം ചെയ്യാൻ താത്പര്യമുള്ള സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. ക്വട്ടേഷൻ ഏപ്രിൽ 10 ന് ഉച്ചയ്ക്ക്  ഒന്നിനകം കോളേജ് ഓഫീസിൽ നേരിട്ടോ തപാൽ/കൊറിയർ മുഖേനയോ  നൽകണം. കൂടുതൽ വിവരങ്ങൾക്ക്  https://www.gptcmdi.ac.in

സന്ദർശിക്കാം. ഫോൺ 04936 247420.

വനിതാ ശിശു വികസന വകുപ്പിന് കീഴിലെ കൽപ്പറ്റ ഐസിഡിഎസ് പ്രോജക്ട് ഓഫീസിലേക്ക് കരാറടിസ്ഥാനത്തിൽ ഓഫ് റോഡ് വാഹനം (ജീപ്പ്) വാടകയ്ക്ക് നൽകാൻ താത്പര്യമുള്ള സ്ഥാപനങ്ങൾ/വ്യക്തികളിൽ നിന്നും ടെൻഡർ ക്ഷണിച്ചു. ടെൻഡറുകൾ മാർച്ച് 29 ന് ഉച്ചയ്ക്ക് ഒന്ന് വരെ സ്വീകരിക്കും.  ഫോൺ 04936 207014.

ആരോഗ്യ വകുപ്പിൽ ഫാർമസിസ്റ്റ് ഗ്രേഡ് 2 (കാറ്റഗറി നമ്പർ 115/2020) തസ്തികയിലേക്ക് മാർച്ച് ഏഴിന് പ്രസിദ്ധീകരിച്ച റാങ്ക് പട്ടികയുടെ കാലാവധി മാർച്ച് ആറിന് മൂന്നു വർഷം പൂർത്തിയായതിനാൽ റാങ്ക് പട്ടിക റദ്ദാക്കിയതായി ജില്ലാ പി.എസ്.സി ഓഫീസർ  അറിയിച്ചു. 

പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന മോഡൽ റസിഡൻഷൽ ആശ്രമം സ്‌കൂളുകളിൽ താത്ക്കാലിക തസ്തികയിൽ അധ്യാപക നിയമനം നടത്തുന്നു. എൽ.പി/യു.പി/എച്ച്.എസ്, ടി/എച്ച്.എസ്.എസ്.ടി/എം.സി.ആർ.ടി   തസ്തികകളിലേക്കാണ് നിയമനം. സ്‌കൂളുകളിൽ താമസിച്ചു പഠിപ്പിക്കാൻ താത്പര്യമുള്ളവർക്ക് അപേക്ഷിക്കാം. ഉദ്യോഗാർത്ഥികൾ ഏപ്രിൽ 15 നകം   ബയോഡാറ്റ, സർട്ടിഫിക്കറ്റിന്റെ സാക്ഷ്യപ്പെടുത്തിയ പകർപ്പുമായി പ്രൊജക്ട് ഓഫീസർ, ഐ.റ്റി.ഡി.പി, സിവിൽ സ്‌റ്റേഷൻ, കൽപ്പറ്റ 673122  വിലാസത്തിൽ അപേക്ഷ നൽകണം. അപേക്ഷ ഫോറം കൽപ്പറ്റ ഐ.റ്റി.ഡി.

വനിതാ ശിശു വികസന വകുപ്പ്  പോക്‌സോ മോഡൽ ഗൈഡ്‌ലൈൻ പ്രകാരം സപ്പോർട്ട് പേഴ്‌സൺ പാനലിലേക്ക് അപേക്ഷക ക്ഷണിച്ചു. സോഷ്യൽവർക്ക്/ സോഷ്യോളജി/ സൈക്കോളജി/ ചൈൽഡ് ഡെവലപ്‌മെന്റിൽ ബിരുദാനന്തര ബിരുദം/കുട്ടികളുടെ വിദ്യാഭ്യാസം, വികസനം, സംരക്ഷണ വിഷയങ്ങളിൽ മൂന്ന് വർഷത്തെ പ്രവൃത്തി പരിചയമുള്ളവർക്ക് അപേക്ഷിക്കാം. ഉദ്യോഗാർത്ഥികൾ ബയോഡാറ്റ, യോഗ്യത സർട്ടിഫിക്കറ്റുമായി മാർച്ച് 22 ന് വൈകിട്ട് അഞ്ചിനകം മീനങ്ങാടി ജവഹർ ബാലവികാസ് ഭവനിൽ പ്രവർത്തിക്കുന്ന ജില്ലാ ശിശുസംരക്ഷണ ഓഫീസിൽ അപേക്ഷ നൽകണം. ഫോൺ 04936 246098, 9961859398.

സംസ്ഥാന പട്ടികജാതിപട്ടികവർഗ്ഗ വികസന കോർപ്പറേഷൻ  വ്യക്തിഗത വായ്പ പദ്ധതിയിലേക്ക്   പട്ടികജാതി, പട്ടികവർഗ്ഗ വിഭാഗത്തിലെ യുവതീ യുവാക്കളിൽ നിന്നും അപേക്ഷ ക്ഷണിച്ചു. അപേക്ഷകർ 18  55 നുമിടയിൽ പ്രായമുള്ളവരായിരിക്കണം. പദ്ധതി പ്രകാരം നാല് ലക്ഷം രൂപ വരെ വായ്പ ലഭിക്കും. വായ്പതുക 10 ശതമാനം പലിശ നിരക്കിൽ 60 മാസ ഗഡുക്കളായി തിരിച്ചടയ്ക്കണം. വായ്പക്ക് ഈടായി ഉദ്യോഗസ്ഥ ജാമ്യം നൽകണം.താത്പര്യമുള്ളവർ അപേക്ഷ ഫോറത്തിനും വിശദ വിവരങ്ങൾക്കുമായി  കൽപ്പറ്റ പിണങ്ങോട് റോഡ് ജങ്ഷനിൽ പ്രവർത്തിക്കുന്ന  ജില്ലാ ഓഫീസുമായി ബന്ധപ്പെടണം. ഫോൺ 04936 202869, 9400068512

മാർച്ച് 19 ന്  നടത്താനിരുന്ന  സൊസൈറ്റി രജിസ്‌ട്രേഷൻ  മാറ്റി വെച്ചതായി  ജില്ലാ രജിസ്ട്രാർ അറിയിച്ചു.

പൊതുവിതരണ വകുപ്പ്  ലോക ഉപഭോക്തൃദിനം ആചരിച്ചു. ജില്ലാ സ്‌പോർട്‌സ് കൗൺസിൽ ഹാളിൽ നടന്ന പരിപാടി കൽപ്പറ്റ നഗരസഭാ വാർഡ് കൗൺസിലർ  ടി. മണി  ഉദ്ഘാടനം ചെയ്തു.  ജില്ലാ ഉപഭോക്തൃ സുരക്ഷണ സമിതി ജില്ലാ പ്രസിഡന്റ് അധ്യക്ഷനായ യോഗത്തിൽ സുസ്ഥിര ജീവിത ശൈലിയിലേക്ക് ശരിയായ മാറ്റം എന്ന വിഷയത്തിൽ  എസ് ഹീരജ വിഷയവതരണം നടത്തി.  ജില്ലാ സപ്ലൈ ഓഫീസർ ജയദേവൻ, അസിസ്റ്റന്റ് രജിസ്ട്രാർ വിനോദ്, സി.ആർ.ഡി.സി അംഗം സുഭഗൻ, ഡിക്‌സൺ എന്നിവർ സംസാരിച്ചു.

വെള്ളമുണ്ട സബ് രജിസ്ട്രാർ ഓഫീസിൽ 1987 മുതൽ 2023 വരെ രജിസ്റ്റർ ചെയ്ത ആധാരങ്ങളിൽ അണ്ടർവാല്യുവേഷനിലുള്ള കേസുകൾ തീർപ്പാക്കാൻ അദാലത്ത് സംഘടിപ്പിക്കുന്നു. ജില്ലാ രജിസ്ട്രാറുടെ നേതൃത്വത്തിൽ വെള്ളമുണ്ട രജിസ്ട്രാർ ഓഫീസിൽ മാർച്ച് 20 ന് രാവിലെ 10 മുതൽ നടക്കുന്ന  അദാലത്തിൽ കുറഞ്ഞ തുക അടച്ച് റവന്യു റിക്കവറികളിൽ നിന്നും ഒഴിവാകണമെന്ന് വെള്ളമുണ്ട സബ് രജിസ്ട്രാർ ഓഫീസർ അറിയിച്ചു.