സംസ്ഥാന മന്ത്രിസഭയുടെ നാലാം വർഷികന്റെ ഭാഗമായ എന്റെ കേരളം പ്രദർശനവിപണന മേളയുടെ ഉദ്ഘാടനത്തോടനുബന്ധിച്ചുള്ള സാംസ്‌കാരിക ഘോഷയാത്രയുടെ ഭാഗമായി കോട്ടയം നഗരത്തിൽ ഏപ്രിൽ 24 ഉച്ചകഴിഞ്ഞു മൂന്നുമണി മുതൽ അഞ്ചുമണി വരെ ഗതാഗത ക്രമീകരണം ഏർപ്പെടുത്തിയതായി പോലീസ് അറിയിച്ചു.
എം.സി. റോഡിലൂടെ നാട്ടകം ഭാഗത്തുനിന്നു വരുന്ന വലിയ വാഹനങ്ങൾ സിമന്റ് കവലയിൽനിന്ന് ഇടതുതിരിഞ്ഞ് പാറേച്ചാൽ ബൈപ്പാസ്, തിരുവാതുക്കൽ, കുരിശുപള്ളി അറുത്തൂട്ടി ജംഗ്ഷനിലെത്തി വലതു തിരിഞ്ഞ് ചാലുകുന്ന് ജംഗ്ഷനിലെത്തി മെഡിക്കൽകോളജ് ഭാഗത്തേക്ക് പോവുക. കുമരകം ഭാഗത്തേക്കുപോകേണ്ട വാഹനങ്ങൾ തിരുവാതുക്കൽ, അറുത്തൂട്ടി വഴി പോവുക.

   രണ്ടാം പിണറായി വിജയൻ സർക്കാരിന്റെ നാലാം വാർഷികാഘോഷങ്ങളുടെ ഭാഗമായി കോട്ടയത്ത് നടക്കുന്ന എന്റെ കേരളം പ്രദർശന വിപണന മേളയ്ക്ക് വർണാഭമായ സാംസ്‌കാരികഘോഷയാത്രയോടെ തുടക്കം കുറിക്കും. ഉച്ചകഴിഞ്ഞ് 2.30 ന് തിരുനക്കര മൈതനാത്തു നിന്നാരംഭിച്ച്   നാഗമ്പടം മൈതാനത്ത്  ഘോഷയാത്ര സമാപിക്കും.
 33 സർക്കാർ വകുപ്പുകളും സ്‌പോർട്‌സ് കൗൺസിൽ, തൊഴിലുറപ്പ് വിഭാഗം ജീവനക്കാർ, സഹകരണ സ്ഥാപനങ്ങൾ, കുടുംബശ്രീ പ്രവർത്തകർ, ഹരിതകർമ്മ സേനാംഗങ്ങൾ, തദ്ദേശ സ്ഥാപന പ്രതിനിധികൾ തുടങ്ങിവർ സാംസ്‌കാരിക ഘോഷയാത്രയിൽ അണിനിരക്കും.

2025 വര്‍ഷത്തില്‍ കാര്‍ത്തികപ്പള്ളി താലൂക്കില്‍ വെള്ളപ്പൊക്ക കെടുതികള്‍ രൂക്ഷമാകുന്ന സാഹചര്യം സംജാതമാകുകയാണെങ്കില്‍ ദുരിതാശ്വാസ ക്യാമ്പുകളില്‍ ഉപയോഗിക്കേണ്ടിവരുന്ന ട്യൂബ് ലൈറ്റ്, ജനറേറ്റര്‍, ഗ്യാസ് അടുപ്പ്, ഭക്ഷണം പാകം ചെയ്യുന്നതിനും വിളമ്പുന്നതിനുള്ള വിവിധതരം പാത്രങ്ങള്‍, ജെ.സി.ബി, ക്രെയിന്‍, പെട്ടി ഓട്ടോ മുതലായ അനുബന്ധമായി നല്‍കിയിട്ടുള്ളവയുടെ വാടക നിശ്ചയിക്കുന്നതിലേക്കായി ഈ സാധനങ്ങള്‍ വാടകയ്ക്ക് കൊടുക്കുന്ന സ്ഥാപന ഉടമകളില്‍ നിന്നും  ക്വട്ടേഷനുകള്‍ ക്ഷണിച്ചു.

ഏപ്രില്‍ മാസത്തെ ജില്ലാ വികസന സമിതിയോഗം  26 ന് രാവിലെ 10.30 ന് ജില്ലാ ആസുത്രണ സമിതി കോണ്‍ഫറന്‍സ് ഹാളില്‍ ചേരും.

(പിആര്‍/എഎല്‍പി/1144)

ആലപ്പുഴ ഗവ. റ്റി. ഡി മെഡിക്കല്‍ കോളേജ് ആശുപത്രിയില്‍ ശേഖരിക്കപ്പെടുന്ന ബയോമെഡിക്കല്‍, ഇലക്‌ട്രോണിക്‌സ് ഒഴികെയുള്ള അജൈവ മാലിന്യങ്ങള്‍ നീക്കം ചെയ്യുന്നതിന്  ടെന്‍ഡറുകള്‍ ക്ഷണിച്ചു. അവസാന തീയതി മെയ് 12 ഉച്ചക്ക് 2.30.  ഫോണ്‍: 0477-2282021

(പിആര്‍/എഎല്‍പി/1143)

വനിതാ ശിശു വികസന വകുപ്പിന് കീഴില്‍ മായിത്തറയില്‍ പ്രവര്‍ത്തിക്കുന്ന ബാലികാസദനത്തില്‍ ഒഴിവുള്ള എജ്യൂക്കേറ്റര്‍, ട്യൂഷന്‍ ടീച്ചര്‍ എന്നീ തസ്തികകളില്‍ അപേക്ഷ ക്ഷണിച്ചു. 2025-26 അധ്യയന വര്‍ഷത്തേയ്ക്ക് കരാര്‍ അടിസ്ഥാനത്തിലായിരിക്കും നിയമനം. എജ്യൂക്കേറ്റര്‍ ഒഴിവ് ഒന്ന്,  യോഗ്യത ബി.എഡും മൂന്ന് വര്‍ഷ പ്രവൃത്തിപരിചയവും. പ്രതിമാസ ഹോണറേറിയം 10,000. ട്യൂഷന്‍ ടീച്ചര്‍ ഒഴിവ് ഒന്ന്.  യോഗ്യത ബി.എഡ് ഫിസിക്കല്‍ സയന്‍സ്. പ്രതിമാസ ഹോണറേറിയം 10,000.  2025 ജൂലൈ ഒന്നിന് 40 വയസ്സ് കവിയരുത്. ചേര്‍ത്തല നിവാസികളും വനിതകളും മാത്രം അപേക്ഷിച്ചാല്‍ മതി. രാത്രികാല സേവനത്തിന് സന്നദ്ധരായിരിക്കണം.

മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി ഓംബുഡ്സ്മാന്‍ എല്‍.സാം ഫ്രാങ്ക്ളിന്‍ 2024-25 സാമ്പത്തിക വര്‍ഷത്തെ പ്രവര്‍ത്തന റിപ്പോര്‍ട്ട് സര്‍ക്കാരിന് സമര്‍പ്പിച്ചു. റിപ്പോര്‍ട്ട് കാലയളവില്‍ പദ്ധതി നിര്‍വഹണവുമായി ബന്ധപ്പെട്ട് 222 പരാതികള്‍ ലഭിച്ചതില്‍ 211 പരാതികള്‍ തീര്‍പ്പാക്കി. അര്‍ഹതപ്പെട്ട വേതന നിഷേധം, തൊഴില്‍ നിഷേധം, മേറ്റുമാരുടെ നിയമനം, നിര്‍മാണ പ്രവൃത്തികള്‍ക്ക് തുക സമയബന്ധിതമായി അനുവദിച്ചു നല്‍കാതിരുന്നത്, തൊഴിലിട സൗകര്യങ്ങള്‍ നിഷേധിയ്ക്കല്‍ തുടങ്ങിയ പരാതികളാണ് പരിഹരിക്കപ്പെട്ടത്.

തൃശ്ശൂര്‍ പൂരം ഒരുക്കങ്ങള്‍ വിലയിരുത്തുന്നതിനായി ജില്ലാ കളക്ടര്‍ അര്‍ജുന്‍ പാണ്ഡ്യന്റെ അധ്യക്ഷതയില്‍ വകുപ്പ് മേധാവികളുടെയും ദേവസ്വം അധികൃതരുടെയും യോഗം ചേര്‍ന്നു. പൂരവുമായി ബന്ധപ്പെട്ട് വിവിധ വകുപ്പുകളുടെ മുന്നൊരുക്കങ്ങള്‍ യോഗം വിലയിരുത്തി. എല്ലാവര്‍ഷത്തെയും പോലെ തൃശ്ശൂര്‍ പൂരം അതിഗംഭീരമായി ആഘോഷിക്കുമെന്നും സുരക്ഷയ്ക്ക് മുന്‍തൂക്കം നല്‍കി കൊണ്ട് കൂടുതല്‍ ആളുകള്‍ക്ക് പൂരം ആസ്വദിക്കാന്‍ അവസരം ഒരുക്കുമെന്നും കളക്ടര്‍ യോഗത്തില്‍ പറഞ്ഞു.

മുന്‍ വര്‍ഷങ്ങളെ അപേക്ഷിച്ച് ഇത്തവണ പതിനെണ്ണായിരം പൂരപ്രേമികള്‍ക്ക് അധികമായി സ്വരാജ് റൗണ്ടില്‍ നിന്നുകൊണ്ട് തൃശ്ശൂര്‍ പൂരം വെടിക്കെട്ട് ആസ്വദിക്കാമെന്ന് റവന്യൂ, ഭവന നിര്‍മ്മാണ വകുപ്പ് മന്ത്രി കെ. രാജന്‍. പാറമേക്കാവ് - തിരുവമ്പാടി ദേവസ്വങ്ങളുടെ വെടിക്കെട്ട് നടക്കുന്ന സ്ഥലവും പരിസരവും സന്ദര്‍ശിച്ച് മാധ്യമങ്ങളോട് സംസാരിക്കുകയായിരുന്നു മന്ത്രി.

തൃശ്ശൂർ മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുന്ന ശ്രീധരൻ (68) എന്ന വ്യക്തിയുടെ പഴന്നൻ മകൻ, തരുവാങ്കുറിശ്ശി വീട്, ചെറുതിരുത്തി പി.ഒ., തൃശൂർ എന്ന വിലാസത്തിൽ നടത്തിയ അന്വേഷണത്തിൽ യാതൊരു വിവരവും ലഭ്യമാകാത്തതിനാൽ ബന്ധുമിത്രാദികളെ കണ്ടെത്താൻ കഴിഞ്ഞിട്ടില്ല. എന്തെങ്കിലും വിവരം ലഭിക്കുന്നവർ 0487 2424192, 9447970766 എന്ന നമ്പറിൽ ബന്ധപ്പെടുക.