സംസ്ഥാന തല പട്ടയമേളയോടനുബന്ധിച്ച് ആലോചന യോഗം ഇന്ന് (25-04-25). വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടിയുടെ അധ്യക്ഷതയില്‍ ഉച്ചയ്ക്ക് രണ്ടിന് കളക്ട്റേറ്റ് കോണ്‍ഫറന്‍സ് ഹാളിലാണ് യോഗം. മെയ് എട്ടിന് സംസ്ഥാന തല പട്ടയമേള പാലക്കാട് കോട്ടമൈതാനത്ത് മുഖ്യമന്ത്രി പിണറായി വിജയന്‍ വൈകീട്ട് മൂന്നിന് ഉദ്ഘാടനം ചെയ്യും.

കേരള സ്റ്റേറ്റ് റൂട്രോണിക്‌സ് സര്‍ട്ടിഫിക്കറ്റോടെ പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ കോഴ്സിലേക്ക് അപേക്ഷ ക്ഷണിച്ചു. തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരു വര്‍ഷം ദൈര്‍ഘ്യമുള്ള കോഴ്സിലേക്കാണ് അപേക്ഷിക്കേണ്ടത്. ഇന്റ്‌റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ്ടു കഴിഞ്ഞവര്‍ക്ക് അപേക്ഷിക്കാം. ഫോണ്‍: 7994926081

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ സ്റ്റേഡിയം ബസ് സ്റ്റാന്‍ഡിന് സമീപത്തെ മൈതാനത്ത് നടക്കുന്ന എന്റെ കേരളം പ്രദര്‍ശന വിപണന മേളയില്‍ സൗജന്യമായി ആധാര്‍ എടുക്കാനും പുതുക്കാനും സൗകര്യമൊരുക്കി ഐടി വിഭാഗത്തിന്റെ സ്റ്റാള്‍. കൂടാതെ ഐടി വകുപ്പിന്റെ പ്രവര്‍ത്തനങ്ങളുമായി ബന്ധപ്പെട്ട് പൊതുജനങ്ങള്‍ക്കുള്ള ക്വിസ് മത്സരവും ഒരുക്കുന്നു.

ആധാര്‍ രജിസ്ട്രേഷനായി പാസ്‌പോര്‍ട്ട്, പാന്‍കാര്‍ഡ്, വോട്ടര്‍ ഐ.ഡി, ബാങ്ക് പാസ്സ്ബുക്ക്, ഡ്രൈവിങ് ലൈസന്‍സ് തുടങ്ങിയവയില്‍ ഏതെങ്കിലും ഒരു രേഖ നല്‍കണം.

പാദഭംഗിക്ക് ഫിഷ് സ്പാ ആയാലോ..? ഇന്‍ഫര്‍മേഷന്‍ -പബ്ലിക് റിലേഷന്‍ വകുപ്പ് വിവിധ വകുപ്പുകളുടെ സഹകരണത്തോടെ നടത്തുന്ന

എന്റെ കേരളം പ്രദര്‍ശന വിപണന മേളയിലെത്തിയാല്‍ സൗജന്യ ഫിഷ് സ്പാ ആസ്വദിക്കാം. ഫിഷറീസ് വകുപ്പാണ് സൗജന്യ ഫിഷ് സ്പാ ഒരുക്കുന്നത്. മെയ് നാല് മുതല്‍ 10 വരെ സ്റ്റേഡിയം ബസ് സ്റ്റാന്റിന് സമീപത്തെ മൈതാനത്താണ് എന്റെ കേരളം പ്രദര്‍ശന വിപണന മേള നടക്കുന്നത്. മേള നടക്കുന്ന ഏഴ് ദിവസവും ഫിഷ് സ്പാ ആസ്വദിക്കാം.

ജില്ലയിലെ ക്രമസമാധാനം നിലനിര്‍ത്തുന്നതിനും മത സൗഹാര്‍ദ്ദം ഉറപ്പാക്കുന്നതിനും സ്വീകരിക്കേണ്ട നടപടികള്‍ ചര്‍ച്ച ചെയ്യുന്നതിനുമായി മത സൗഹാര്‍ദ്ദ യോഗം ചേര്‍ന്നു.

കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ എ.ഡി.എം കെ. മണികണ്ഠന്‍ അധ്യക്ഷനായി. ജില്ലാതലത്തിലുള്ള മീറ്റിങ്ങിനുപരി താലൂക്ക് തലത്തിലുള്ള മതസൗഹാര്‍ദ്ദ  മീറ്റിങ്ങുകള്‍ സംഘടിപ്പിക്കണമെന്നും മദ്യത്തിന്റെ ഉപയോഗവും വില്‍പനയും കുറയ്ക്കാനുള്ള

പാലക്കാട് ജില്ലാ എംപ്ലോയ്മെന്റ് എക്സ്‌ചേഞ്ച്, എംപ്ലോയബിലിറ്റി സെന്ററില്‍ മൂന്ന് പ്രമുഖ സ്വകാര്യ സ്ഥാപനങ്ങളിലേക്കുള്ള ജോബ് ഡ്രൈവ് ഏപ്രില്‍ 26 ന്. ബിസിനസ് ഡെവലപ്പ്മെന്റ് മാനേജര്‍, സെയില്‍സ് ഡെവലപ്പ്മെന്റ് മാനേജര്‍, മാനേജര്‍ ട്രെയിനി, സര്‍ട്ടിഫൈഡ് ഫിനാന്‍ഷ്യല്‍ കണ്‍സല്‍ട്ടന്റ്, മാര്‍ക്കറ്റിങ് ഓഫീസര്‍, ഐ ടി സെയില്‍സ് ഫീല്‍ഡ് സ്റ്റാഫ് എന്നീ ഒഴിവുകളിലേക്കാണ് അഭിമുഖം. രാവിലെ 10 ന് പാലക്കാട് ജില്ലാ എംപ്ലോയ്മെന്റ് എക്സ്‌ചേഞ്ചിനോടനുബന്ധിച്ച് പ്രവര്‍ത്തിക്കുന്ന എംപ്ലോയബിലിറ്റി സെന്ററിലാണ് അഭിമുഖം.