1995 ജനുവരി ഒന്ന്  മുതല്‍ 2024 ഡിസംബര്‍ 31 വരെ പുതുക്കാന്‍ കഴിയാത്ത എംപ്ലോയ്മെന്റ് രജിസ്ട്രേഷന്‍ ഏപ്രില്‍ 30 വരെ പുതുക്കാം. വിവിധ കാരണങ്ങളാല്‍ രജിസ്ട്രേഷന്‍ പുതുക്കാന്‍ കഴിയാത്ത സീനിയോറിറ്റി നഷ്ടപ്പെട്ട ഉദ്യോഗാര്‍ഥികള്‍ക്ക് അവരുടെ സീനിയോറിറ്റി നിലനിര്‍ത്തിക്കൊണ്ടാണ് രജിസ്ട്രേഷന്‍ പുതുക്കാനാവുക. രജിസ്ട്രേഷന്‍ ഐഡന്റിറ്റി കാര്‍ഡില്‍ പുതുക്കേണ്ട  മാസം 10/94 മുതല്‍ 09/2024 വരെ രേഖപ്പെടുത്തിയിട്ടുള്ളവര്‍ക്ക്  ഈ ഉത്തരവിന്റെ ആനുകൂല്യം ലഭിക്കും. ഉദ്യോഗാര്‍ത്ഥികള്‍ക്ക് ഓണ്‍ലൈനായോ നേരിട്ടോ പുതുക്കാമെന്ന് ആലത്തൂര്‍ എംപ്ലോയ്മെന്റ് ഓഫീസര്‍ അറിയിച്ചു.  
ഫോണ്‍ : 04922 222309

പാലക്കാട് ഗവ. മെഡിക്കല്‍ കോളേജ് ഇന്‍സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല്‍ സയന്‍സസില്‍ പാത്തോളജി വിഭാഗത്തിലെ സര്‍വീസ് ലാബിലേക്കാവശ്യമായ സാധനങ്ങള്‍ വിതരണം ചെയ്യുന്നതിന് മത്സരാടിസ്ഥാനത്തില്‍ ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഏപ്രില്‍ 30 രണ്ട് മണിക്ക് മുന്‍പായി അയക്കണം. അന്നേ ദിവസം 2.30 ന് ക്വട്ടേഷന്‍ തുറന്ന് പരിശോധിക്കുമെന്ന് ഗവ മെഡിക്കല്‍ കോളേജ് ഡയറക്ടര്‍ അറിയിച്ചു. ഫോണ്‍: 0491 2974125

ആലത്തൂര്‍ താലൂക്കിലെ പരുത്തിപ്പുള്ളി ശ്രീ തൃത്താമര ക്ഷേത്രത്തില്‍ പാരമ്പര്യേതര  ട്രസ്റ്റി  നിയമനം നടത്തുന്നു. താല്‍പര്യമുള്ള ഹിന്ദുമത വിശ്വാസികള്‍  മെയ് ഒന്‍പതിന് വൈകിട്ട് അഞ്ചിനകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ് കമ്മീഷണര്‍ക്ക് അപേക്ഷ നല്‍കണമെന്ന് മലബാര്‍ ദേവസ്വം ബോര്‍ഡ്  അസിസ്റ്റന്റ് കമ്മീഷണര്‍  അറിയിച്ചു. അപേക്ഷാഫോം www.malabardevaswom.kerala.gov.in ല്‍ ലഭ്യം. ഫോണ്‍ :0491- 2505777

മണ്ണാര്‍ക്കാട് ബ്ലോക്ക് പട്ടികജാതി വികസന ഓഫീസിന്റെ കീഴില്‍ മണ്ണാര്‍ക്കാട്, അട്ടപ്പാടി ബ്ലോക്ക് പഞ്ചായത്തുകളിലെ തച്ചമ്പാറ, പൊറ്റശ്ശേരി, അഗളി എന്നിവിടങ്ങളിലെ ആണ്‍കുട്ടികളുടെ പ്രീമെട്രിക് ഹോസ്റ്റലുകളിലേക്ക് പ്രവേശനത്തിന് അപേക്ഷ ക്ഷണിച്ചു. മെയ് 20 വൈകീട്ട് അഞ്ചിനകം അപേക്ഷ സമര്‍പ്പിക്കണം.

തത്തമംഗലം വേട്ടക്കറുപ്പസ്വാമി ക്ഷേത്ര മഹോത്സവത്തിന്റെ ഭാഗമായി നടക്കുന്ന അങ്ങാടിവേലയോടനുബന്ധിച്ച് മെയ് മൂന്നിന് രാവിലെ ആറു മുതല്‍ രാത്രി പത്ത് മണി വരെ തത്തമംഗലം നഗരസഭയില്‍ ഡ്രൈ ഡേ ആയിരിക്കുമെന്ന് ജില്ലാ കളക്ടറര്‍ ഉത്തരവിട്ടു. ഈ ദിവസം മദ്യമോ സമാനമായ ഒന്നും തന്നെയോ വില്‍പ്പന നടത്താന്‍ പാടുള്ളതല്ലായെന്നും പ്രസ്തുത പ്രദേശങ്ങളില്‍ മദ്യവില്‍പ്പനശാലകള്‍ അടച്ചിടണമെന്നും ഉത്തരവില്‍ അറിയിച്ചു.
 

എന്റെ കേരളം പ്രദര്‍ശന മേളയില്‍ വനിത ശിശു വികസന വകുപ്പിന്റെ കുട്ടികള്‍ക്കും കൗമാരക്കാര്‍ക്കുമായി സൗജന്യ കൗണ്‍സലിങ് സ്റ്റാള്‍