പുതുപ്പരിയാരം സി.ബി.കെ.എം.ജി.എച്ച്.എസ് സ്‌കൂള്‍ കെട്ടിടം ഉദ്ഘാടവും  ക്ലാസ് മുറി കെട്ടിടത്തിന്റെ ശിലാസ്ഥാപനവും പൊതുവിദ്യാഭ്യാസ തൊഴില്‍ വകുപ്പ് മന്ത്രി വി ശിവന്‍കുട്ടി ഓണ്‍ലൈനായി നിര്‍വഹിച്ചു. കിഫ്ബി ഫണ്ടില്‍ 1.3 കോടി രൂപ ചിലവഴിച്ചാണ് എട്ട് ക്ലാസ് മുറികളുള്ള കെട്ടിടത്തിന്റെ നിര്‍മ്മാണം പൂര്‍ത്തീകരിച്ചത്. സംസ്ഥാന സര്‍ക്കാരിന്റെ പ്ലാന്‍ ഫണ്ടില്‍ നിന്നും രണ്ടുകോടി രൂപ ഉപയോഗിച്ചാണ് എട്ട് ക്ലാസ് മുറികളടങ്ങുന്ന കെട്ടിടം നിര്‍മ്മിക്കുന്നത്. എ. പ്രഭാകരന്‍ എംഎല്‍എ അധ്യക്ഷനായി.  പുതുപ്പരിയാരം ഗ്രാമ പഞ്ചായത്ത് എ.ഇ സജ്ന സാങ്കേതിക റിപ്പോര്‍ട്ട് അവതരിപ്പിച്ചു.

തിരുവനന്തപുരം മുട്ടടയിലുള്ള ഐ.എച്ച്.ആർ.ഡി സെന്റർ ഫോർ അഡ്വാൻസ്‌ഡ്‌ ടെക്നോളജി ആന്റ് സ്കിൽസിൽ പോസ്റ്റ് ഗ്രാജുവേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ, ഡിപ്ലോമ ഇൻ ഡാറ്റ എൻട്രി ടെക്‌നിക് ആന്റ് ഓഫീസ് ഓട്ടോമേഷൻ, സർട്ടിഫിക്കറ്റ് കോഴ്സ് ഇൻ ലൈബ്രറി സയൻസ് എന്നീ കോഴ്‌സുകളിലേക്ക് സ്പോട് അഡ്മിഷൻ നടത്തുന്നു. ഡിഗ്രി, പ്ലസ് ടു, എസ്.എസ്.എൽ.സി എന്നിവയാണ് യഥാക്രമം യോഗ്യതകൾ. തൊഴിൽ സാധ്യതകൾ ഉള്ളതും, കേരള പി.എസ്.സി അംഗീകാരങ്ങളുള്ള കോഴ്‌സുകളാണിവ. എസ്.സി, എസ്.ടി, ഒ.ഇ.സി വിഭാഗക്കാർക്ക് ഫീസ് ഇളവുണ്ട്.

മഴക്കാല രോഗങ്ങളെ ചെറുക്കുന്നതിനായി തദ്ദേശ സ്ഥാപനങ്ങള്‍, ആരോഗ്യ വകുപ്പ്, ശുചിത്വ മിഷന്‍ എന്നിവയുടെ സംയുക്താഭിമുഖ്യത്തില്‍ നടത്തേണ്ട മഴക്കാല മുന്നൊരുക്ക പ്രവര്‍ത്തനങ്ങളെക്കുറിച്ച് ഏകദിന ശില്‍പശാല നടത്തി. ജില്ലാ ആസൂത്രണ സമിതി ഹാളില്‍ നടന്ന ശില്‍പശാല ജില്ലാ പഞ്ചായത്ത് പ്രസിഡന്റ് പി.എ.ജബ്ബാര്‍ ഹാജി ഉദ്ഘാടനം ചെയ്തു. ജില്ലാ കളക്ടര്‍ ഡോ. വിനയ് ഗോയല്‍ അധ്യക്ഷത വഹിച്ചു. മഴക്കാല സമയത്ത് വ്യാപിക്കുന്ന രോഗങ്ങള്‍ക്കെതിരെ ഓരോരുത്തരും ജാഗ്രത പുലര്‍ത്തണമെന്നും  തദ്ദേശ സ്ഥാപനങ്ങള്‍ ശുചീകരണ പ്രവര്‍ത്തനങ്ങളില്‍ മുന്നിട്ടിറങ്ങണമെന്നും ജില്ലാ പഞ്ചായത്ത് പ്രസിഡന്റ് ഉദ്ഘാടന പ്രസംഗത്തില്‍ പറഞ്ഞു.

കേരള സംസ്ഥാന വനിതാ വികസന കോര്‍പ്പറേഷന്റെ കീഴില്‍ തൃശ്ശൂരില്‍ പ്രവര്‍ത്തിക്കുന്ന വനിതാ ഹോസ്റ്റലിലേക്ക് വാര്‍ഡന്‍ ആയി ദിവസ വേതനാടിസ്ഥാനത്തില്‍ നിയമിക്കുന്നതിന് മാര്‍ച്ച് 13 ന് രാവിലെ 10.30 ന് കൂടിക്കാഴ്ച നടത്തുന്നു. എറണാകുളം കടവന്ത്ര ഗാന്ധിനഗര്‍ മാവേലി റോഡിലുള്ള മേഖലാ ഓഫീസിലായിരിക്കും കൂടിക്കാഴ്ച. മൂന്ന് വര്‍ഷം പ്രവൃത്തി പരിചയമുള്ള പത്താം ക്ലാസ് പാസായ 25-45 പ്രായപരിധിയിലുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം. ഫോണ്‍: 9188941788.

ഉദ്ഘാടനം മന്ത്രി വി. അബ്ദുറഹിമാന്‍ നിര്‍വഹിക്കും

താനൂര്‍ ഫിഷറീസ് സ്‌കൂളില്‍ ഒരുക്കിയ കേരളത്തിലെ ഏറ്റവും വലിയ വാനനിരീക്ഷണ കേന്ദ്രം നാളെ (വ്യാഴം) നാടിന് സമര്‍പ്പിക്കും. നാളെ (വ്യാഴം) വൈകീട്ട് ഏഴിന് മന്ത്രി വി. അബ്ദുറഹിമാന്‍ വാനനിരീക്ഷണ കേന്ദ്രം ഉദ്ഘാടനം ചെയ്യും. എം.എല്‍.എ.യുടെ  ആസ്തി വികസന ഫണ്ടില്‍ നിന്നുള്ള 2.60 കോടി രൂപ ചെലവഴിച്ചാണ് പ്ലാനറ്റേറിയം നിര്‍മ്മിച്ചിരിക്കുന്നത്.

തിരുവനന്തപുരം മുട്ടടയിലുള്ള ഐ.എച്ച്.ആർ.ഡി  സെൻ്റർ ഫോർ അഡ്വാൻസ്‌ഡ് ടെക്നോളജി ആൻഡ് സ്കിൽസിൽ  മാർച്ച് മാസം ആരംഭിക്കുന്ന യു ജി സി നെറ്റ് പേപ്പർ ഒന്നിൻ്റെ പരിശീലനത്തിനായി അർഹരായുള്ളവരിൽ നിന്നും അപേക്ഷ ക്ഷണിച്ചു. താത്‌പര്യമുള്ളവർ രജിസ്റ്റർ ചെയ്യുന്നതിനായി 8136882389, 9495069307, 8547005087, 0471-2550612എന്നീ നമ്പറുകളിൽ ബന്ധപ്പെടുക.

ഗ്ലോക്കോമ രഹിത ലോകത്തിനായി നമുക്ക് ഒരുമിക്കാം എന്ന സന്ദേശം നല്‍കി ഈ വര്‍ഷത്തെ ലോക ഗ്ലോക്കോമ വാരാചരണത്തിന് ജില്ലയില്‍ തുടക്കമായി. കുറ്റിപ്പുറം താലൂക്ക് ആശുപത്രിയില്‍ വാരാചരണത്തിന്റെ ജില്ലാതല ഉദ്ഘാടനം പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ. നിര്‍വ്വഹിച്ചു. കണ്ണിലെ മര്‍ദ്ദം കൂടുന്നതുമൂലം ഒപ്റ്റിക് നാഡിയെ ബാധിക്കുന്ന ഗുരുതരമായ രോഗമാണ് ഗ്ലോക്കോമ. ഒരിക്കല്‍ നഷ്ടപ്പെട്ടാല്‍ കാഴ്ച തിരിച്ചു കിട്ടാന്‍ സാധിക്കില്ല എന്നതാണ് ഈ രോഗത്തിന്റെ ഏറ്റവും വലിയ വെല്ലുവിളി. നേരത്തെ കണ്ടെത്തി ശരിയായ ചികിത്സ നല്‍കിയാല്‍ കാഴ്ച സംരക്ഷിക്കാന്‍ കഴിയും.