കെല്‍ട്രോണില്‍ വിവിധ തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. ലോജിസ്റ്റിക്സ്, ഡി.സി.എ, ഫയര്‍ ആന്‍ഡ് സേഫ്റ്റി, മോണ്ടിസോറി, അക്കൗണ്ടിംഗ്, ഗ്രാഫിക്സ് ഡിസൈനിംഗ്, വേഡ് പ്രോസസിംഗ് ആന്‍ഡ് ഡേറ്റാ എന്‍ട്രി എന്നിവയാണ് കോഴ്സുകള്‍. വിവരങ്ങള്‍ക്ക് : ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, കടയ്ക്കല്‍, കൊല്ലം ഫോണ്‍: 8714388321, 9495473883.
 
 

ജില്ലയില്‍ കാലവര്‍ഷം ശക്തമാകുന്നതിന് മുന്നോടിയായി ദുരന്തനിവാരണ-മുന്നൊരുക്ക പ്രവര്‍ത്തനങ്ങള്‍ വിലയിരുത്തുന്നതിനായി മലപ്പുറം ജില്ലയുടെ ചുമതലയുള്ള പൊതുമരാമത്ത് വകുപ്പ് മന്ത്രി പി.കെ ബഷീറിന്റെ അധ്യക്ഷതയില്‍  ജില്ലാതല ഉദ്യോഗസ്ഥരുടെ അടിയന്തര അവലോകന യോഗം ചേര്‍ന്നു. ജില്ലയിലെ വിവിധ വകുപ്പുകളുടെ മഴക്കാല മുന്നൊരുക്ക പ്രവര്‍ത്തനങ്ങള്‍ മന്ത്രി വിലയിരുത്തി. കാലവര്‍ഷവുമായി ബന്ധപ്പെട്ട് ഉണ്ടാകാനിടയുള്ള അടിയന്തര സാഹചര്യങ്ങള്‍ നേരിടാന്‍ എല്ലാ വകുപ്പുകളും പൂര്‍ണ്ണ സജ്ജരായിരിക്കണമെന്നും  ജാഗ്രത പുലര്‍ത്തണമെന്നും മന്ത്രി നിര്‍ദേശിച്ചു.

ജൂണ്‍ മാസത്തിലെ ഏറനാട് താലൂക്ക് വികസന സമിതി യോഗം ജൂണ്‍ ആറിന് രാവിലെ 10.30ന് ഏറനാട് താലൂക്ക് ഓഫീസില്‍ നടക്കും.

സംസ്ഥാന സര്‍ക്കാര്‍ സ്ഥാപനമായ സി -ഡിറ്റ് മാധ്യമ രംഗത്തെ വിവിധ സര്‍ട്ടിഫിക്കറ്റ്, ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു. ഡിപ്ലോമ കോഴ്‌സുകളായ ഡിജിറ്റല്‍ മീഡിയ പ്രൊഡക്ഷന്‍, ഡിജിറ്റല്‍ വിഡിയോഗ്രഫി, വീഡിയോ എഡിറ്റിങ് എന്നിവയിലേക്കും സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രഫി, ഡിജിറ്റല്‍ ഫോട്ടോഗ്രാഫി എന്നിവയിലേക്കുമാണ് അപേക്ഷ ക്ഷണിച്ചിട്ടുള്ളത്. കെ-ഡിസ്‌കിന് കീഴില്‍ വരുന്ന കേരള നോളഡ്ജ് ഇക്കോണമി മിഷന്‍ പ്രൊജക്ടില്‍ ഉള്‍പ്പെടുത്തി യോഗ്യതയുള്ള വിഭാഗത്തിലെ വിദ്യാര്‍ത്ഥികള്‍ക്ക് സ്‌കോളര്‍ഷിപ് ലഭിക്കും. താത്പര്യമുള്ളവര്‍ ജൂണ്‍ ആറിനകം അപേക്ഷിക്കണം.

മഴക്കാലം മുന്‍നിര്‍ത്തിയുള്ള അടിയന്തരഘട്ട പ്രവര്‍ത്തനങ്ങള്‍ക്കുള്ള സന്നാഹങ്ങള്‍ ഉറപ്പാക്കുന്നതിന് നിര്‍ദേശം നല്‍കി മന്ത്രിമാരായ ഷിബു ബേബി ജോണും ബിന്ദു കൃഷ്ണയും. ജില്ലാ കലക്ടര്‍ ആനി ജൂല തോമസിന്റെ അധ്യക്ഷതയില്‍  കലക്‌ട്രേറ്റ് കോണ്‍ഫറന്‍സ് ഹാളില്‍ ചേര്‍ന്ന പ്രത്യേക അവലോകന യോഗത്തില്‍ ഓണ്‍ലൈനായി പങ്കെടുത്താണ് മന്ത്രിമാര്‍ പ്രതിരോധനടപടികള്‍ക്കുള്ള മാര്‍ഗനിര്‍ദേശങ്ങള്‍ നല്‍കിയത്. ദുരന്തപ്രതിരോധത്തിന് ജില്ല സജ്ജമെന്ന് ജില്ലാ കലക്ടര്‍ വ്യക്തമാക്കി.

കെൽട്രോൺ നോളജ് സെന്ററിൽ വിവിധ തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. ലോജിസ്റ്റിക്സ് ആന്റ് സപ്ലൈ ചെയിൻ മാനേജ്മെന്റ് (യോഗ്യത: പ്ലസ് ടൂ), ഹോസ്പിറ്റൽ അഡ്മിനിസ്ട്രേഷൻ (യോഗ്യത: പ്ലസ് ടൂ), ലോജിസ്റ്റിക്സ് ആന്റ് വെയർഹൗസ് മാനേജ്മെന്റ് (യോഗ്യത: എസ്.എസ്.എൽ.സി) എന്നീ കോഴ്സുകളിലേക്കാണ് അവസരം. കൂടുതൽ വിവരങ്ങൾക്കും അപേക്ഷാ ഫോമിനുമായി തൃശൂർ ബി.എസ്.എൻ.എൽ കെട്ടിടത്തിൽ പ്രവർത്തിക്കുന്ന കെൽട്രോൺ പഠന കേന്ദ്രം നേരിട്ട് സന്ദർശിക്കുകയോ ഹെൽപ് ലൈൻ നമ്പറുകളിൽ വിളിച്ച് രജിസ്ട്രേഷൻ പൂർത്തീകരിക്കുകയോ ചെയ്യണം. ഹെൽപ് ലൈൻ : 8086066644, 0487-2429000.

പെരിന്തല്‍മണ്ണ ജില്ലാ ആശുപത്രിയോടനുബന്ധിച്ചുള്ള എച്ച്.എം.സി.കാന്റീനില്‍ 2026 ജൂലൈ ഒന്നു മുതല്‍ 2027 ജൂണ്‍ 30 വരെയുള്ള കാലയളവിലേക്ക് കാറ്ററിങ് സര്‍വീസ് നടത്തുന്നതിന് വ്യക്തികള്‍ / സ്ഥാപനങ്ങള്‍ എന്നിവയില്‍ നിന്ന് ടെന്‍ഡര്‍ ക്ഷണിച്ചു. സൂപ്രണ്ട്, ജില്ലാ ആശുപത്രി, പെരിന്തല്‍മണ്ണ എന്ന വിലാസത്തില്‍ ടെന്‍ഡര്‍ ജൂണ്‍ 15ന് രാവിലെ 11നകം ലഭിക്കണം. കൂടുതല്‍ വിവരങ്ങള്‍ പ്രവൃത്തി സമയങ്ങളില്‍ ആശുപത്രി ഓഫീസില്‍ ലഭിക്കും. ഫോണ്‍- 9495999304.