വടക്കഞ്ചേരി ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ പി.എസ്.സി അംഗീകൃത തൊഴിലധിഷ്ഠിത ഹോട്ടല്‍ മാനേജ്‌മെന്റ് സര്‍ട്ടിഫിക്കറ്റ് കോഴ്‌സുകളിലേക്ക് അപേക്ഷിക്കാം. ഒരു വര്‍ഷത്തെ ഫുഡ് പ്രൊഡക്ഷന്‍, ഫുഡ് ആന്‍ഡ് ബിവറേജ് സര്‍വീസ് എന്നിവയാണ് കോഴ്‌സുകള്‍. അടിസ്ഥാന യോഗ്യത-പ്ലസ് ടു.

ഒല്ലൂക്കര ബ്ലോക്ക് പഞ്ചായത്തിന് കീഴിലുള്ള വെള്ളാനിക്കര സാമൂഹികാരോഗ്യ കേന്ദ്രത്തിൽ മെഡിക്കൽ ഓഫീസർ തസ്തികയിലേക്ക് താത്കാലിക നിയമനത്തിനായി അഭിമുഖം നടത്തുന്നു. തദ്ദേശ സ്വയംഭരണ വകുപ്പിന്റെ പദ്ധതിക്ക് കീഴിൽ 2027 മാർച്ച് 31 വരെയുള്ള കാലയളവിലേക്കാണ് ഈ നിയമനം നടക്കുന്നത്.

തിരുവനന്തപുരം സി-ഡിറ്റില്‍ ഡിജിറ്റല്‍ മീഡിയ പ്രൊഡക്ഷന്‍, ഡിജിറ്റല്‍ വിഡിയോഗ്രാഫി, വീഡിയോ എഡിറ്റിംഗ് ഡിപ്ലോമ കോഴ്‌സുകള്‍ക്കും വീഡിയോഗ്രാഫി, ഡിജിറ്റല്‍ സ്റ്റില്‍ ഫോട്ടോഗ്രാഫി സര്‍ട്ടിഫിക്കറ്റ് കോഴ്സുകള്‍ക്കും അപേക്ഷ ക്ഷണിച്ചു. അവസാന തീയതി- ജൂണ്‍ ആറ്.

 വനിതാ ശിശു വികസന വകുപ്പിന്റെയും ഡിസ്ട്രിക്ട് സങ്കല്പ് ഹബ് ഫോർ എംപവർമെന്റ് ഓഫ് വുമൺ  തൃശ്ശൂരിന്റെയും ആഭിമുഖ്യത്തിൽ അന്താരാഷ്ട്ര വനിതാ ദിനാചരണത്തോടനുബന്ധിച്ച് നടത്തിയ ജില്ലാതല ഹ്രസ്വചിത്ര മത്സരത്തിലെ വിജയികളെ ആദരിച്ചു. കളക്ടറുടെ ചേമ്പറിൽ നടന്ന ചടങ്ങിൽ ജില്ലാ കളക്ടർ ശിഖ സുരേന്ദ്രനിൽ നിന്ന് ഒന്നാം സ്ഥാനം നേടിയ തൃശ്ശൂർ ജൂബിലി മിഷൻ കോളേജ് ഓഫ് നഴ്സിങ്ങിലെ വിദ്യാർത്ഥികൾ ട്രോഫിയും പ്രശസ്തിപത്രവും ഏറ്റുവാങ്ങി.

കൊഴിഞ്ഞാമ്പാറ സര്‍ക്കാര്‍ ആര്‍ട്സ് ആന്‍ഡ് സയന്‍സ് കോളജില്‍ അതിഥി അധ്യാപകരെ നിയമിക്കുന്നു. കോമേഴ്‌സ്, ഇംഗ്ലീഷ് വിഭാഗത്തില്‍ യു.ജി.സി നെറ്റ്, പി.എച്ച്.ഡി യോഗ്യതയുള്ളവര്‍ക്കാണ് നിയമനം.

ജില്ലയിലെ വിവിധ വികസനപദ്ധതികളുടെ പുരോഗതി വിലയിരുത്തുന്നതിനായി ജില്ലാ കളക്ടർ ശിഖ സുരേന്ദ്രന്റെ അധ്യക്ഷതയില്‍ ജില്ലാ വികസന സമിതി യോഗം ചേര്‍ന്നു. യോഗത്തിൽ പുതിയ എം.എൽ.എ മാരെ  ജില്ലാ കളക്ടർ ആദരിച്ചു.

പാചകവാതകം, പെട്രോള്‍, ഡീസല്‍ ഉത്പ്പന്നങ്ങള്‍, വിതരണക്കാര്‍ സംബന്ധിച്ച് ഉപഭോക്താക്കള്‍ക്കുള്ള പരാതികള്‍ പരിഹരിക്കുന്നതിന് ജില്ലാ കലക്ടറുടെ അധ്യക്ഷതയില്‍ എല്‍ പി ജി ഓപ്പണ്‍ ഫോറം & പെട്രോ പ്രൊഡക്ട്‌സ് ഗ്രീവന്‍സ് റീഡ്രസല്‍ ഫോറം കലക്ടറേറ്റ് കോണ്‍ഫറന്‍സ് ഹാളില്‍ ജൂണ്‍ 10ന് രാവിലെ 11ന് ചേരും. ഗ്യാസ് ഏജന്‍സി അസോസിയേഷന്‍ പ്രതിനിധികള്‍, പെട്രോളിയം ഡീലേഴ്‌സ് അസോസിയേഷന്‍ പ്രതിനിധികള്‍, ഓയില്‍ കമ്പനി പ്രതിനിധികള്‍, ഉപഭോക്താക്കള്‍, ജനപ്രതിനിധികള്‍ എന്നിവര്‍ പങ്കെടുക്കും. പരാതികള്‍ ജൂണ്‍ എട്ട് വൈകീട്ട് 5 വരെ തപാല്‍ മുഖേനയോ നേരിട്ടോ അതത് താലൂക്ക് സപ്ലൈ ഓഫീസുകളില്‍ സമര്‍പ്പിക്കാം.

വിവേചനങ്ങള്‍ ഇല്ലാത്ത, തുല്യതയുള്ള, സുരക്ഷിതമായ പഠനാന്തരീക്ഷം ഓരോ കുട്ടിക്കും ഉറപ്പാക്കുകയാണ് സര്‍ക്കാരിന്റെ ലക്ഷ്യമെന്ന് പൊതുവിദ്യാഭ്യാസ, ന്യൂനപക്ഷ ക്ഷേമ വകുപ്പ് മന്ത്രി എന്‍. ഷംസുദ്ദീന്‍. പൊറ്റശ്ശേരി ഗവ. ഹയര്‍ സെക്കന്‍ഡറി സ്‌കൂളില്‍ സംഘടിപ്പിച്ച ജില്ലാതല പ്രവേശനോത്സവത്തില്‍ വീഡിയോ സന്ദേശം മുഖേന സംസാരിക്കുകയായിരുന്നു അദ്ദേഹം.

പെരിന്തൽമണ്ണ സബ് കളക്ടർ സാക്ഷി മോഹന്റെ നേതൃത്വത്തിൽ മഴക്കാല മുന്നൊരുക്കങ്ങളുമായി ബന്ധപ്പെട്ട് ഐ.ആർ.എസ്. ടീം (ഇൻസിഡന്റ് റെസ്പോൺസ് സിസ്റ്റം) അവലോകന യോഗം ചേർന്നു. താലൂക്ക് തലത്തിൽ സ്വീകരിച്ചിട്ടുള്ള മുന്നൊരുക്കങ്ങൾ യോഗം വിലയിരുത്തി. 

മണ്ണിടിച്ചിൽസാധ്യതയുള്ളപ്രദേശങ്ങൾ, വെള്ളപ്പൊക്ക ഭീഷണിയുള്ള വില്ലേജുകൾ, ദുരിതാശ്വാസ ക്യാമ്പുകളുടെ മുന്നൊരുക്കങ്ങൾ, പകർച്ചവ്യാധി പ്രതിരോധ മരുന്നുകളുടെ ലഭ്യത, മറ്റു ചികിത്സാ സൗകര്യങ്ങൾ എന്നിവ യോഗം വിലയിരുത്തി. അപകടഭീഷണിയുള്ള മരങ്ങൾ മുറിച്ച് മാറ്റുന്നതിന് സബ് കളക്ടർ പഞ്ചായത്ത് സെക്രട്ടറിമാർക്ക് നിർദേശം നൽകി.