മലപ്പുറം ജില്ലയില്‍ നിന്നും 2024 വര്‍ഷത്തെ തൊഴിലാളി ശ്രേഷ്ഠ പുരസ്‌കാരം നേടിയ തൊഴിലാളികളെ ആദരിച്ചു. ജില്ലയില്‍ നിന്നുള്ള ഷിന്‍സ് പീറ്റര്‍ (ഐ.ടി), കെ. മധു (നിര്‍മ്മാണ മേഖല), കെ.ജെ. ബാബു (തയ്യല്‍), കബീര്‍ (മത്സ്യബന്ധനം) എന്നിവര്‍ക്കാണ് സംസ്ഥാന തലത്തില്‍ തൊഴില്‍ ശ്രേഷ്ഠ പുരസ്‌കാരം ലഭിച്ചത്.

പുരസ്‌കാര ജേതാക്കളെ ജില്ലാ ലേബര്‍ ഓഫീസില്‍ ആദരിച്ചു. ചടങ്ങില്‍ ഡെപ്യൂട്ടി ലേബര്‍ ഓഫീസര്‍ സി. രാഘവന്‍ സ്വാഗതം ചെയ്തു. ജില്ലാ ലേബര്‍ ഓഫീസര്‍ എന്‍ഫോഴ്സ്‌മെന്റ് ജയപ്രകാശ് നാരായണന്‍ അധ്യക്ഷത വഹിച്ചു.

തിരുവനന്തപുരം ജില്ലാ ജയിലിലെ അന്തേവാസികൾക്കായി ക്ലീനിങ് ലോഷൻ നിർമ്മാണ പരിശീലനം സംഘടിപ്പിച്ചു.   തിരുവനന്തപുരം ഗ്രീൻ സിറ്റി ലയൺസ് ക്ലബ്, ജില്ലാ പ്രൊബേഷൻ ഓഫീസ്, ജില്ലാ ജയിൽ-തിരുവനന്തപുരം സംയുക്തമായി   സംഘടിപ്പിച്ച

 തൊഴിൽ പരിശീലന പരിപാടിയിൽ ജില്ലാ ജയിൽ സൂപ്രണ്ട് അൽഷാൻ എ അധ്യക്ഷത വഹിച്ചു. 

വിമുക്തഭടന്മാര്‍ക്കും, യുദ്ധ വിധവകള്‍ക്കും, വിമുക്തഭട വിധവകള്‍ക്കും, ആശ്രിതര്‍ക്കും സൈനിക ക്ഷേമവകുപ്പ് നടത്തുന്ന സൗജന്യ കോഴ്സിന് അപേക്ഷ ക്ഷണിച്ചു. സര്‍ട്ടിഫിക്കറ്റ് കോഴ്സ് ഇന്‍ കംപ്യൂട്ടര്‍ ഓപ്പറേറ്റിംഗ് ആന്‍ഡ് ഡാറ്റാ എന്‍ട്രി, സര്‍ട്ടിഫിക്കറ്റ് കോഴ്സ് ഇന്‍ കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിങ് (ടാലി ആന്‍ഡ് എം.എസ് ഓഫീസ്), ഡിപ്ലോമ ഇന്‍ ഓഫീസ് അക്കൗണ്ടിങ്  എന്നീ കോഴ്സുകളിലേക്ക് അപേക്ഷിക്കാം. ഫോണ്‍- 0483 2734932.

വിമുക്തി ജില്ലാ സമഗ്ര മാനസികാരോഗ്യ പദ്ധതിക്ക് കീഴില്‍ സ്റ്റാഫ് നഴ്സ്, സൈക്യാട്രിക് സോഷ്യല്‍ വര്‍ക്കര്‍ പോസ്റ്റുകളിലെ ഒഴിവിലേക്ക് നിയമനം നടത്തുന്നു. താത്പര്യമുള്ളവര്‍ മാര്‍ച്ച് 16ന് രാവിലെ 10ന് ജില്ലാ മെഡിക്കല്‍ ഓഫീസില്‍ കൂടിക്കാഴ്ചയ്ക്ക് എത്തണം.
യോഗ്യത സ്റ്റാഫ് നഴ്സ്: ബി.എസ്.സി നഴ്സിങ്/ജി.എന്‍.എം, നഴ്സിങ് കൗണ്‍സില്‍ രജിസ്ട്രേഷന്‍, ഒരു വര്‍ഷത്തെ പ്രവൃത്തി പരിചയം. സൈക്യാട്രിക് സോഷ്യല്‍ വര്‍ക്കര്‍: എം.എസ്.ഡബ്ലിയുവും സൈക്യാട്രിയും, എം.ഫില്‍ ഇന്‍ സൈകാട്രിക് സോഷ്യല്‍ വര്‍ക്ക്
ഫോണ്‍-0483 2736241.

കിഫ്ബി പദ്ധതിയില്‍ ഉള്‍പ്പെടുത്തി നാദാപുരം മണ്ഡലത്തില്‍ നിര്‍മിക്കുന്ന തൊട്ടില്‍പ്പാലം-കുണ്ടുതോട് റോഡ്, മൂന്നാംകൈ-കരിങ്ങാട്-കൈവേലി റോഡ്, കുറ്റ്യാടി-തൊട്ടില്‍പ്പാലം റോഡ് എന്നിവയുടെ പ്രവൃത്തി ഉദ്ഘാടനം പൊതുമരാമത്ത്, ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. ഇ കെ വിജയന്‍ എം.എല്‍.എ അധ്യക്ഷനായി.

തൊട്ടില്‍പ്പാലം-കുണ്ടുതോട് റോഡിന്റെ തൊട്ടില്‍പ്പാലം മുതല്‍ ബെല്‍മൗണ്ട് വരെയുള്ള 2.64 കി.മി റോഡിന് 14.77 കോടി രൂപയും കുറ്റ്യാടി-തൊട്ടില്‍പ്പാലം റോഡിന് ആറ് കോടി രൂപയും മൂന്നാംകൈ-കരിങ്ങാട്-കൈവേലി റോഡിന് രണ്ട് കോടി രൂപയുമാണ് ചെലവിടുന്നത്.

പാറശ്ശാല മണ്ഡലത്തിൽ മണ്ണാംകോണം - കരിമ്പുമണ്ണടി - കുടപ്പനമൂട് - കുട്ടപ്പു റോഡിൻ്റെയും കാരമുണ്ട് - കിള്ളിയൂർ - കള്ളിമൂട് റിംഗ് റോഡിൻ്റെയും നിർമ്മാണ ഉദ്ഘാടനം സി. കെ ഹരീന്ദ്രൻ എംഎൽഎ നിർവഹിച്ചു.

നാടിൻ്റെ പുരോഗതിയുടെയും വികസനത്തിൻ്റെയും കണ്ണാടിയാണ് റോഡുകളെന്ന് എംഎൽഎ പറഞ്ഞു. ദീർഘനാൾ നിലനിൽക്കുന്ന റോഡുകൾ നിർമ്മിക്കുകയെന്നതാണ് സർക്കാർ നയമെന്ന് അദ്ദേഹം വ്യക്തമാക്കി.

എംഎൽഎയുടെ പ്രത്യേക വികസന ഫണ്ട് വിനിയോഗിച്ച് നിർമ്മാണം പൂർത്തീകരിച്ച കാസാറോഡ് ജംഗ്ഷനിലെ പുതിയ ബസ് കാത്തിരിപ്പ് കേന്ദ്രം അദ്ദേഹം നാടിന് സമർപ്പിച്ചു.

പോത്തുകല്ല് പഞ്ചായത്തിലെ ഇരുട്ടുകുത്തി, തരിപ്പപ്പൊട്ടി, വാണിയമ്പുഴ, കുമ്പളപ്പാറ എന്നീ ഉന്നതികളിലെ 130 കുടുംബങ്ങള്‍ക്ക് റേഷന്‍ ഭക്ഷ്യധാന്യങ്ങള്‍ എത്തിക്കുന്നതിനുള്ള സഞ്ചരിക്കുന്ന റേഷന്‍ കട പദ്ധതി മാര്‍ച്ച് 13ന് രാവിലെ 11 ന് നിലമ്പൂര്‍ പോത്തുക്കല്ല് ഇരുട്ടുക്കുത്തി ഉന്നതിയില്‍ ഭക്ഷ്യ പൊതുവിതരണ ഉപഭോക്തൃകാര്യ വകുപ്പ് മന്ത്രി അഡ്വ. ജി.ആര്‍. അനില്‍ ഉദ്ഘാടനം ചെയ്യും.

സ്ത്രീകള്‍ക്കും കുട്ടികള്‍ക്കുമെതിരെയുള്ള നീതി നിഷേധങ്ങള്‍ക്ക് പരിഹാരം കാണുന്നതിനായുള്ള 'മഹിളാ ജന്‍ സുന്‍വായി' പരാതി പരിഹാര അദാലത്തില്‍ 25 പരാതികള്‍ തീര്‍പ്പാക്കി. 110 പരാതികളാണ് ലഭിച്ചത്. എട്ട് പരാതികളില്‍ തുടര്‍ നടപടികള്‍ക്ക് പൊലീസ് റിപ്പോര്‍ട്ടിനായി അയച്ചു. രണ്ട് പരാതികള്‍ ലീഗല്‍ സര്‍വീസ് അതോറിറ്റിക്ക് കൈമാറി. ഒരു കേസില്‍ ജാഗ്രത സമിതി റിപ്പോര്‍ട്ട് തേടി. 74 പരാതികള്‍ അടുത്ത അദാലത്തിലേക്ക് മാറ്റിവച്ചു.

നോര്‍ക്ക കെയറിന്റെ രണ്ടാംഘട്ട എൻറോള്‍മെന്റിനും പരിഷ്കരിച്ച നോര്‍ക്ക കെയര്‍ പ്ലസ് പദ്ധതിക്കും തുടക്കം