എലപ്പുള്ളി വടകോട് ശാന്തനിവാസില്‍ സുകുമാരന്‍ മകന്‍ ഷിബു (50) എന്നയാളെ  2026 മെയ് 23 ന് കഞ്ചിക്കോട് ബി എസ് എന്‍ ഓഫീസില്‍ ജോലിക്ക് പോയതിനു ശേഷം കാണാതായി. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ വിവരം നല്‍കണമെന്ന് കസബ പൊലീസ് സ്റ്റേഷന്‍ സബ് ഇന്‍സ്‌പെക്ടര്‍ അറിയിച്ചു. ഫോണ്‍: 9961365124.

കോഴിക്കോട് ആസ്ഥാനമായി പ്രവര്‍ത്തിക്കുന്ന ഫോറസ്റ്റ് ട്രിബ്യൂണല്‍ പാലക്കാട് ക്യാമ്പ് സിറ്റിങ് നടത്തുന്നു. പാലക്കാട് ചില്‍ഡ്രന്‍സ് പാര്‍ക്കിന് സമീപമുള്ള ഡിടിപിസി ഓഫീസ് വളപ്പിലാണ് ക്യാമ്പ് സിറ്റിങ്ങ്. ആദ്യ ക്യാമ്പ് സിറ്റിങ് ജൂൺ 11, 12 തീയ്യതികളിലും രണ്ടാമത്തെത് 23, 24 തീയ്യതികളിലും നടക്കും. കൂടുതൽ വിവരങ്ങൾക്ക്
ഫോൺ : 0495 2365091
 

ശ്രീകൃഷ്ണപുരം സര്‍ക്കാര്‍ എന്‍ജിനീയറിംഗ് കോളജില്‍ ബസ് ഡ്രൈവര്‍, ബസ് ക്ലീനര്‍ തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. ഏഴാം ക്ലാസ് വിജയവും ഹെവി വെഹിക്കിള്‍ ഡ്രൈവിംഗില്‍ അഞ്ച് വര്‍ഷത്തില്‍ കുറയാത്ത മുന്‍പരിചയവുമുള്ളവര്‍ക്ക് ഡ്രൈവര്‍ തസ്തികയിലേക്ക് അപേക്ഷിക്കാം. ജോലിയില്‍ പ്രവേശിക്കുന്ന തീയതി മുതല്‍ കുറഞ്ഞത് ഒരു വര്‍ഷത്തെ കാലാവധിയുള്ള ഡ്രൈവിംഗ് ലൈസന്‍സ് ഉണ്ടായിരിക്കണം.

ജില്ലയില്‍ ഫോറസ്റ്റ് ട്രിബ്യൂണല്‍ സിറ്റിംഗ് ജൂണ്‍ 11,12, 23, 24 തീയതികളില്‍ എസ്ബിഐ ജംഗ്ഷന് സമീപമുള്ള ഡിടിപിസി കോമ്പൗണ്ടില്‍ നടത്തും.
 

ചിറ്റൂര്‍ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ വി.എച്ച്.എസ്.ഇ വിഭാഗത്തില്‍ നോണ്‍ വൊക്കേഷണല്‍ അധ്യാപകരുടെ ഒഴിവ്. ജനറല്‍ ഫൌണ്ടേഷന്‍ കോഴ്‌സ് യോഗ്യത- എം കോം, ബി എഡ്, സെറ്റ്. വൊക്കേഷണല്‍ ടീച്ചര്‍ എഫ് ടി സി പി യോഗ്യത- ഇലക്ട്‌റിക്കല്‍ ആന്‍ഡ് ഇലക്ട്‌റോണിക്‌സില്‍  60% മാര്‍ക്കില്‍ കുറയാതെ ബി ടെക് ബിരുദം. കമ്പ്യൂട്ടര്‍ ഹാര്‍ഡ്വെയര്‍ പരിജ്ഞാനം അഭികാമ്യം.

പാചകവാതകം, പെട്രോള്‍, ഡീസല്‍ ഉത്പ്പന്നങ്ങള്‍, വിതരണക്കാര്‍ സംബന്ധിച്ച് ഉപഭോക്താക്കള്‍ക്കുള്ള പരാതികള്‍ പരിഹരിക്കുന്നതിന് ജില്ലാ കലക്ടറുടെ അധ്യക്ഷതയില്‍ എല്‍ പി ജി ഓപ്പണ്‍ ഫോറം & പെട്രോ പ്രൊഡക്ട്‌സ് ഗ്രീവന്‍സ് റീഡ്രസല്‍ ഫോറം കലക്ടറേറ്റ് കോണ്‍ഫറന്‍സ് ഹാളില്‍ ജൂണ്‍ 10ന് രാവിലെ 11ന് ചേരും. ഗ്യാസ് ഏജന്‍സി അസോസിയേഷന്‍ പ്രതിനിധികള്‍, പെട്രോളിയം ഡീലേഴ്‌സ് അസോസിയേഷന്‍ പ്രതിനിധികള്‍, ഓയില്‍ കമ്പനി പ്രതിനിധികള്‍, ഉപഭോക്താക്കള്‍, ജനപ്രതിനിധികള്‍ എന്നിവര്‍ പങ്കെടുക്കും.

2026-27 അധ്യയന വര്‍ഷത്തെ ജില്ലാതല സ്‌കൂള്‍ പ്രവേശനോത്സവം ജൂണ്‍ ഒന്നിന് രാവിലെ 9.30 ന് പൊറ്റശ്ശേരി ഗവ. ഹയര്‍ സെക്കന്‍ഡറി സ്‌കൂളില്‍ നടക്കും. ഉദ്ഘാടനം വി. കെ. ശ്രീകണ്ഠന്‍ എം.പി നിര്‍വഹിക്കും. ജില്ലാ പഞ്ചായത്ത് ആക്ടിംഗ് പ്രസിഡന്റ് എന്‍. സരിത അധ്യക്ഷയാവും. ജില്ലാ കലക്ടര്‍ കെ. സുധീര്‍ മുഖ്യാതിഥിയാവും.