മഴക്കാലത്തെ നേരിടാൻ വേണ്ട മുന്നൊരുക്കപ്രവർത്തനങ്ങൾ എല്ലാ വകുപ്പുകളും അടിയന്തരമായി പൂർത്തിയാക്കണമെന്ന് കായിക, യുവജനകാര്യ വകുപ്പ് മന്ത്രി ഒ.ജെ. ജനീഷ് അറിയിച്ചു. ജില്ലയുടെ ചുമതലയുള്ള മന്ത്രി  എന്ന നിലയിൽ ജില്ലാകളക്ടറേറ്റിൽ വിളിച്ചു ചേർത്ത വിവിധ വകുപ്പുദ്യോഗസ്ഥരുടെ യോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. മഴക്കാല കെടുതികൾ പൊതുജനങ്ങളെ യാതൊരു വിധത്തിലും ബാധിക്കാതിരിക്കാനുള്ള എല്ലാ നടപടികളും എല്ലാ വകുപ്പുകളും അടിയന്തരമായി സ്വീകരിക്കണമെന്ന് അദ്ദേഹം അറിയിച്ചു.

പി.എം.എം.എസ്.വൈ സംയോജിത ആധുനിക മത്സ്യഗ്രാമം പദ്ധതി പ്രകാരം മത്സ്യത്തൊഴിലാളി ഭവന പുനരുദ്ധാരണ പദ്ധതിയിലേക്ക് സ്വന്തം ഉടമസ്ഥതയില്‍ ഭവനമുളള മത്സ്യത്തൊഴിലാളികളില്‍ നിന്നും അപേക്ഷ ക്ഷണിച്ചു. പൊന്നാനി മത്സ്യ ഭവനിലെ തെക്കേകടവ്, മരക്കടവ്, മുക്കാടി, മീന്‍തെരുവ്, മത്സ്യഗ്രാമങ്ങളില്‍ ഉള്‍പെട്ടവര്‍ ജൂണ്‍ 12നകം അപേക്ഷിക്കണം. രണ്ടു ലക്ഷം രൂപയാണ് സഹായധനം ലഭിക്കുന്നത്. അപേക്ഷാ ഫോം മത്സ്യഭവനില്‍ ലഭ്യമാണ്. ഫോണ്‍- 0494- 2666428.

വെറ്റമുക്ക്-തേവലക്കര റോഡില്‍ ഡ്രൈവര്‍മുക്ക്- എ.വി.എച്ച്.എസ്  ഭാഗത്ത് ചപ്പാത്തിന്റെ പ്രവൃത്തി   ആരംഭിക്കുന്നതിനാല്‍ ജൂണ്‍ മൂന്ന് മുതല്‍ ജൂലൈ മൂന്ന്   വരെ ഗതാഗത നിയന്ത്രണം ഏര്‍പ്പെടുത്തുമെന്ന് എക്സിക്യൂട്ടീവ് എഞ്ചിനിയര്‍ കെ.ആര്‍.എപ്.ബി-പി.എം.യു അറിയിച്ചു. ഡ്രൈവര്‍മുക്കില്‍ നിന്നും വരുന്നവര്‍ വെളുത്തമണല്‍ ഇടക്കുളങ്ങരവഴിയും എ.വി.എച്ച്.എസില്‍ നിന്നും വരുന്നവര്‍ വട്ടപറമ്പ് - ചെട്ടിയത്തു മൂക്ക് വഴിയും തിരിഞ്ഞു പോകണം.
 

ന്യൂനപക്ഷ ക്ഷേമ വകുപ്പിന് കീഴില്‍ തിരൂര്‍ ആലത്തിയൂരില്‍ പ്രവര്‍ത്തിക്കുന്ന ന്യൂനപക്ഷ യുവജനതക്കുള്ള പി.എസ്.സി പരിശീലന കേന്ദ്രത്തില്‍ ജൂലൈ ഒന്നിന് ആരംഭിക്കുന്ന സൗജന്യ പരിശീലന ബാച്ചുകളിലേക്ക് ജൂണ്‍ മൂന്നു മുതല്‍ 24 വരെ അപേക്ഷിക്കാം. ഉദ്യോഗാര്‍ഥികളുടെ സൗകര്യമനുസരിച്ച് റെഗുലര്‍, ഹോളിഡേ ബാച്ചുകള്‍ ലഭ്യമാണ്. ന്യൂനപക്ഷ വിഭാഗത്തില്‍ ഉള്‍പ്പെടുന്ന ഉദ്യോഗാര്‍ത്ഥികള്‍ മാത്രമാണ് അപേക്ഷിക്കേണ്ടത്.

മുഖത്തല ബ്ലോക്ക് പഞ്ചായത്ത് അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയത്തിലേക്ക്   പ്രതിമാസ വാടകയ്ക്ക് (പരമാവധി 36,000 രൂപ) വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ജൂണ്‍ ആറ് ഉച്ചയ്ക്ക് 12നകം അസിസ്റ്റന്റ് എഞ്ചിനീയര്‍, എല്‍.ഐ.ഡി ആന്‍ഡ് ഇ.ഡബ്ല്യൂ സബ് ഡിവിഷന്‍, മുഖത്തല വിലാസത്തില്‍ ലഭിക്കണം.  
 
 

കേരള സിവില്‍ സര്‍വീസ് അക്കാദമിയുടെ ഉപകേന്ദ്രമായി പൊന്നാനിയില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ് ആന്‍ഡ് റിസര്‍ച്ചില്‍ (ഐ.സി.എസ്.ആര്‍) 2026-2027 റഗുലര്‍ ബാച്ചിലേക്കുള്ള സിവില്‍ സര്‍വീസ് പരിശീലനത്തിന് അപേക്ഷ ക്ഷണിച്ചു https://kscsa.org എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം. ക്ലാസുകള്‍ ജൂണ്‍ 15ന് ആരംഭിക്കും. പ്രവേശനത്തിനുള്ള യോഗ്യത, ഫീസ് നിരക്ക്, ഫീസ് ഇളവുകള്‍ എന്നിവ സംബന്ധിച്ച കൂടുതല്‍ വിവരങ്ങള്‍ https://kscsa.org എന്ന വെബ്‌സൈറ്റില്‍ ലഭ്യമാണ്.

തൃശ്ശൂര്‍ ചെമ്പൂക്കാവിലെ സംസ്ഥാന മ്യൂസിയം ആന്‍ഡ് മൃഗശാലയില്‍ പാര്‍പ്പിച്ചിരുന്ന 15 വയസ്സ് പ്രായമുള്ള ആകാശ് എന്ന സിംഹം ചത്തു. പ്രായാധിക്യത്താലുണ്ടായ ആരോഗ്യപ്രശ്‌നങ്ങളാണ് സിംഹത്തിന്റെ മരണകാരണം എന്നാണ് പ്രാഥമിക നിഗമനം. സിംഹം രണ്ടാഴ്ചയായി കേരള വെറ്ററിനറി ആന്‍ഡ് ആനിമല്‍ സയന്‍സ് കോളേജിലെ വിദഗ്ധ ഡോക്ടര്‍മാരുടെ മോല്‍നോട്ടത്തില്‍ ചികിത്സയിലായിരുന്നു.

എഴുകോണ്‍ സര്‍ക്കാര്‍ ടെക്നിക്കല്‍ സ്‌ക്കൂളില്‍ വൊക്കേഷണല്‍ ഹയര്‍സെക്കന്‍ഡറി വിഭാഗത്തില്‍ വൊക്കേഷണല്‍ ടീച്ചര്‍ (ഒപ്ടിക്കല്‍ ഫൈബര്‍ ടെക്നീഷ്യന്‍) താത്ക്കാലിക ഒഴിവിലേക്ക് ജൂണ്‍ അഞ്ച് രാവിലെ 10.30 ന് അഭിമുഖം നടത്തും. യോഗ്യത: ഒന്നാം ക്ലാസോടുകൂടിയ ബിടെക് ഇലക്ട്രിക്കല്‍ / ഇലക്ട്രോണിക്സ്.      ഫോണ്‍:  9446661423.
 
 

അരീക്കോട് സ്‌പെഷ്യല്‍ ഓപറേഷന്‍ ഗ്രൂപ്പ് ക്യാമ്പിലെ പ്രതീക്ഷിത ഒഴിവിലേക്ക്  ദിവസ വേതനാടിസ്ഥാനത്തില്‍ ക്യാമ്പ് ഫോളോവര്‍മാരെ നിയമിക്കുന്നതിനുള്ള കൂടിക്കാഴ്ചയും പ്രായോഗിക പരീക്ഷയും  ജൂണ്‍ നാലിന് രാവിലെ 10ന് ക്യാമ്പിലെ ഡെപ്യൂട്ടി കമാന്‍ഡന്റ് (അഡ്മിന്‍) ഓഫീസില്‍ നടക്കും. 59 ദിവസത്തേക്കാണ് നിയമനം. താത്പര്യമുള്ളവര്‍ പേര്, മേല്‍വിലാസം, വയസ് എന്നിവ തെളിയിക്കുന്ന സര്‍ട്ടിഫിക്കറ്റും ആധാര്‍ കാര്‍ഡും സഹിതം ഹാജരാകണം. ഫോണ്‍- 0483-2960251.

വയനാട് ജില്ലയിലെ മാനന്തവാടി ഗവ. കോളേജ് ക്യാമ്പസില്‍ പ്രവര്‍ത്തിക്കുന്ന ഗവ. മോഡല്‍ ഡിഗ്രി കോളേജ് റൂസയില്‍ 2026-27 അധ്യയന വര്‍ഷത്തേക്കുള്ള അതിഥി അധ്യാപകരെ നിയമിക്കുന്നു. ജൂണ്‍ അഞ്ചിന് രാവിലെ 10.30 ന് ജിയോഗ്രഫി, ജൂണ്‍ എട്ടിന് രാവിലെ 10.30 ന് സൈക്കോളജി വിഭാഗത്തിലേക്കും അഭിമുഖം നടക്കും. കോളേജ് വിദ്യാഭ്യാസ വകുപ്പിന്റെ ഔദ്യോഗിക പോര്‍ട്ടലില്‍ രജിസ്റ്റര്‍ ചെയ്തിട്ടുള്ള നിര്‍ദിഷ്ട യോഗ്യതയുള്ള ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുടെ അസ്സലും അവയുടെ ഓരോ പകര്‍പ്പും സഹിതം കോളേജില്‍ എത്തിച്ചേരണം.