കിഫ്ബി പദ്ധതിയില്‍ ഉള്‍പ്പെടുത്തി നിര്‍മിക്കുന്ന മലയോര ഹൈവേയിലെ ചുങ്കക്കുറ്റി-പൂതംപാറ, പൂതംപാറ-ചുരണി -പക്രംതളം റോഡുകളുടെ പ്രവൃത്തി ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. പൂതംപാറ സെന്റ് ജോസഫ് എല്‍.പി സ്‌കൂളില്‍ നടന്ന ചടങ്ങില്‍ ഇ കെ വിജയന്‍ എം.എല്‍.എ അധ്യക്ഷനായി.

പ്രേംനസീർ സ്മാരക സാംസ്കാരിക സമുച്ചയത്തിന്റെ ഒന്നാംഘട്ട ഉദ്ഘാടനം സാംസ്കാരിക  വകുപ്പ് മന്ത്രി സജി ചെറിയാൻ ഓൺലൈനായി നിർവഹിച്ചു. അഭിനയകലയിലെ വിസ്മയം എന്നതിലുപരി മഹാനായ മനുഷ്യസ്നേഹി കൂടിയായിരുന്നു പ്രേംനസീർ എന്ന് മന്ത്രി പറഞ്ഞു.

കലയും സംസ്കാരവും ജന ജീവിതത്തിൻ്റെ ഭാഗമാണെന്ന സർക്കാർ നയത്തിന്റെ തീരുമാനമാണ് പ്രേംനസീർ സ്മാരക സാംസ്കാരിക സമുച്ചയം. സാംസ്‌കാരിക വകുപ്പിൽ നിന്ന് ഒരു കോടി 32 ലക്ഷം രൂപയും വി. ശശി എംഎൽഎയുടെ ആസ്തി വികസന ഫണ്ടിൽനിന്ന് ഒരുകോടി 58 ലക്ഷം രൂപയും വിനിയോഗിച്ചാണ് ഒന്നാംഘട്ട നിർമ്മാണം പൂർത്തിയാക്കിയത്.

കുറ്റിച്ചല്‍ ഗ്രാമപഞ്ചായത്തിലെ കോട്ടൂർ ഗവ.ആയുർവേദ ആശുപത്രിയിൽ പുതുതായി നിർമ്മിച്ച ഒ.പി ബ്ലോക്കിന്റെ ഉദ്ഘാടനം ആരോഗ്യ-വനിത ശിശുവികസന വകുപ്പ് മന്ത്രി  വീണാ ജോർജ് ഓൺലൈനായി നിർവഹിച്ചു. നാഷണൽ ആയുഷ് മിഷന്റെ ഒരു കോടി രൂപ വിനിയോഗിച്ചാണ് അത്യാധുനിക സൗകര്യങ്ങളോടെ പുതിയ ബ്ലോക്ക് നിർമ്മിച്ചത്.

ഇതോടൊപ്പം 15 കോടി രൂപ ചെലവിൽ നിർമ്മിക്കുന്ന 50 കിടക്കകളുള്ള ഇന്റഗ്രേറ്റഡ് ആശുപത്രിയുടെയും പരമ്പരാഗത ഔഷധ പഠന കേന്ദ്രത്തിന്റെയും കെട്ടിടങ്ങളുടെ നിർമ്മാണ ഉദ്ഘാടനവും മന്ത്രി നിർവഹിച്ചു.

കോഴിക്കോട് ഗവ. ഹോമിയോപ്പതി മെഡിക്കല്‍ കോളേജ് ആശുപത്രിയില്‍ നാഷണല്‍ ആയുഷ് മിഷന്‍ ഒന്നരക്കോടി രൂപ വിനിയോഗിച്ച് നവീകരിച്ച ഒ.പി ബ്ലോക്ക്, ന്യൂറോ റിഹാബിലിറ്റേഷന്‍ സെന്റര്‍, ഓപണ്‍ ജിം എന്നിവയുടെ ഉദ്ഘാടനം  ആരോഗ്യ വകുപ്പ് മന്ത്രി വീണാ ജോര്‍ജ് ഓണ്‍ലൈനായി നിര്‍വഹിച്ചു. തോട്ടത്തില്‍ രവീന്ദ്രന്‍ എം.എല്‍.എ അധ്യക്ഷനായി.

നിയമസഭാ ഇലക്ഷനുമായി ബന്ധപ്പെട്ട് കോവളം നിയോജക മണ്ഡലത്തിലെ കല്ലിയൂർ, ബാലരാമപുരം, കാഞ്ഞിരംകുളം എന്നീ ഭാഗങ്ങളിലെ ആറ് കേന്ദ്രങ്ങളിലായി താൽക്കാലിക പന്തലുകളും മറ്റ് സൗകര്യങ്ങളും ഒരുക്കുന്നതിനായി ക്വട്ടേഷൻ ക്ഷണിച്ചു.  

ഓരോ കേന്ദ്രത്തിലും മൂന്ന് വശങ്ങൾ തുണി കൊണ്ട് മറച്ചതും ഷീറ്റ് മേഞ്ഞതുമായ പന്തലുകൾ സ്ഥാപിക്കണം.  മേശകൾ, കസേരകൾ, ട്യൂബ് ലൈറ്റുകൾ, പെഡസ്റ്റൽ ഫാൻ, പ്ലഗ് പോയിന്റുകൾ, പോർട്ടബിൾ ജനറേറ്റർ, കുടിവെള്ളം, ടോർച്ച് എന്നിവയും  സജ്ജീകരിക്കേണ്ടതുണ്ട്. ഇലക്ഷൻ പ്രഖ്യാപിക്കുന്നത് മുതൽ വോട്ടെടുപ്പ് ദിവസം വരെയാണ്  സേവനം ലഭ്യമാക്കേണ്ടത്.  

നിയമസഭാ തിരഞ്ഞെടുപ്പിന്റെ ഭാഗമായി തിരുവനന്തപുരം മണ്ഡലത്തിലെ പരിശോധനാ കേന്ദ്രങ്ങളിൽ താൽക്കാലിക പന്തലുകളും മറ്റ് അനുബന്ധ സൗകര്യങ്ങളും ഒരുക്കുന്നതിന് ക്വട്ടേഷൻ ക്ഷണിച്ചു. ഈഞ്ചക്കൽ, തമ്പാനൂർ, കരമന എന്നിവിടങ്ങളിൽ ദേശീയപാതയോരത്തുള്ള മൂന്ന് കേന്ദ്രങ്ങളിലാണ് പന്തലുകൾ സജ്ജമാക്കേണ്ടത്.  

വിമുക്ത ഭടന്മാർ, അവരുടെ അശ്രിതർ എന്നിവർക്ക് പുനരധിവാസ പരിശീലന പദ്ധതി പ്രകാരം സർക്കാരോ സർക്കാർ അം​ഗീകൃത സ്ഥാപനങ്ങളോ നടത്തുന്ന പുനരധിവാസ കോഴ്സുകൾക്ക് അപേക്ഷിക്കാം.

വരുമാന പരിധി ആറ് ലക്ഷം രൂപയിൽ താഴെയായിരിക്കണം. അപേക്ഷ സമർപ്പിക്കേണ്ട അവസാന തീയതി മാർച്ച് 17. താത്പര്യമുള്ളവർ തിരുവനന്തപുരം ജില്ലാ സൈനിക ക്ഷേമ ഓഫീസുമായി ബന്ധപ്പെടുക. ഫോൺ: 0471-2472748.

പോങ്ങുമൂട്- അണപ്പാട് റോഡില്‍ ടാറിംഗ് പ്രവൃത്തി നടക്കുന്നതിനാല്‍ മാര്‍ച്ച് 14ന് ഈ റോഡില്‍ പൂര്‍ണ്ണമായും ഗതാഗതം നിരോധിക്കുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

ടെണ്ടര്‍ ക്ഷണിച്ചു

ചേവായൂരിലെ സര്‍ക്കാര്‍ ത്വക്ക് രോഗാശുപത്രിയിലേക്ക് റൊട്ടി വിതരണം ചെയ്യാന്‍ ടെണ്ടര്‍ ക്ഷണിച്ചു. ടെണ്ടര്‍ ഫോം മാര്‍ച്ച് 16 മുതല്‍ 20 വരെ ആശുപത്രി ഓഫീസില്‍ ലഭിക്കും. മാര്‍ച്ച് 28ന് രാവിലെ 11 വരെ ടെണ്ടര്‍ സ്വീകരിക്കും. ഫോണ്‍: 0495 2355840.

നടപടികള്‍ റദ്ദാക്കി

തദ്ദേശസ്വയംഭരണ വകുപ്പ് ജില്ലാ എൻഫോഴ്സ്മെന്റ് സ്പെഷ്യൽ സ്ക്വാഡിന്റെ നേതൃത്വത്തിൽ ജില്ലയിൽ നടത്തിയ പരിശോധനയിൽ നിരോധിത ഫ്ലെക്സ് മെറ്റീരിയൽസ് (പോളിസ്റ്റർ ) പിടികൂടി. മുതുകുളം പഞ്ചായത്തിന് കീഴിൽവരുന്ന അപ്പാസ് മീഡിയ സൊല്യൂഷൻ എന്ന സ്ഥാപനത്തിൽ നിന്നാണ് 200 മീറ്റർ നിരോധിത ഫ്ലെക്സ് മെറ്റീരിയൽസ് പിടികൂടിയത്. ഇവ ജില്ലാ സ്പെഷ്യൽ സ്ക്വാഡിന്റെ നേതൃത്വത്തിൽ കണ്ടുകെട്ടുകയും പഞ്ചായത്ത്‌ സെക്രട്ടറിക്ക് കൈമാറുകയും ചെയ്തു. തുടർ നടപടികൾ സ്വീകരിക്കാൻ പഞ്ചായത്തിന് സ്ക്വാഡ് നിർദ്ദേശം നൽകി.