കേരള മത്സ്യത്തൊഴിലാളി ക്ഷേമനിധി ബോർഡിന് കീഴിൽ പ്ലസ്ടു പരീക്ഷയിൽ ഫുൾ എ പ്ലസ് നേടിയ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും മക്കൾക്ക് ക്യാഷ് അവാർഡ് നൽകുന്നതിന് അപേക്ഷ ക്ഷണിച്ചു. 2025-2026 വർഷത്തെ യൂണിവേഴ്സിറ്റികൾ നടത്തുന്ന ബിരുദ, ബിരുദാനന്തര പരീക്ഷകളിൽ ഒന്ന്, രണ്ട്, മൂന്ന് റാങ്കുകൾ നേടിയവർക്കും ക്യാഷ് അവാർഡിന് അപേക്ഷിക്കാം.

അസാപ് കേരളയുടെ കുന്നന്താനം കമ്യൂണിറ്റി സ്‌കില്‍ പാര്‍ക്കില്‍ ജൂനിയര്‍ ഡാറ്റ അനലിസ്റ്റ് (ഫിനാന്‍ഷ്യല്‍) കോഴ്‌സിലേയ്ക്ക് അപേക്ഷ ക്ഷണിച്ചു. പ്ലസ് ടു, ഡിഗ്രി യോഗ്യതയുള്ള 18 നും 40 നും മദ്ധ്യേ പ്രായമുള്ളവര്‍ക്ക് അപേക്ഷിക്കാം. അവസാന തീയതി മെയ് 31. ഫോണ്‍: 9495999688.

 
  ജില്ലാ ഭാഗ്യക്കുറി ഓഫീസില്‍ മെയ് 28 ന് നടത്താനിരുന്ന കൂടിക്കാഴ്ച മാറ്റിവെച്ചു. താത്കാലിക അടിസ്ഥാനത്തില്‍ കാഷ്വല്‍ സ്വീപ്പര്‍ തസ്തികയിലേക്കുള്ള (179 ദിവസം) നിയമനത്തിനായി എംപ്ലോയ്‌മെന്റ് എക്‌സ്‌ചേഞ്ചില്‍ നിന്ന് ലഭിച്ച പട്ടികയുടെ അടിസ്ഥാനത്തില്‍ നടത്താനിരുന്ന കൂടിക്കാഴ്ച മെയ് 30 ശനിയാഴ്ചയിലേക്ക് മാറ്റിയതായി ജില്ലാ ഭാഗ്യക്കുറി ഓഫീസര്‍ അറിയിച്ചു.

ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ് കേരള) ചാത്തന്നൂര്‍ സെന്ററില്‍ നടത്തുന്ന
സ്മോള്‍ കാറ്റഗറി ഡ്രോണ്‍ പൈലറ്റ് പരിശീലനത്തിനായി അപേക്ഷ ക്ഷണിച്ചു. 18 വയസ്സിനു മുകളില്‍ പ്രായമുള്ള എസ് എസ് എല്‍ സി വിദ്യാഭ്യാസ യോഗ്യതയുള്ളവര്‍ക്ക് അപേക്ഷിക്കാം. അഞ്ച്ദിവസമാണ് കോഴ്‌സ് കാലാവധി. ഫോണ്‍: 9495999721, 8086824194.

കേരള കര്‍ഷക തൊഴിലാളി ക്ഷേമനിധിയില്‍ അംശാദായം സ്വീകരിക്കുന്നതിന് ജില്ലാ എക്സിക്യുട്ടീവ് ഓഫീസറുടെ നേതൃത്വത്തില്‍ സിറ്റിംഗ് നടത്തുന്നു. ഒല്ലൂരില്‍ ജൂണ്‍ നാലിനും, നടത്തറയില്‍ ജൂണ്‍ ആറിനും, മുളങ്കുന്നത്ത്കാവ്, കോലഴി എന്നീ പഞ്ചായത്തുകള്‍ക്ക് മുളങ്കുന്നത്ത്കാവ് പഞ്ചായത്തില്‍ ജൂണ്‍ ഒമ്പതിനും, അളഗപ്പനഗര്‍, പുതുക്കാട് എന്നീ പഞ്ചായത്തുകള്‍ക്ക് അളഗപ്പനഗര്‍ പഞ്ചായത്തില്‍ ജൂണ്‍ 11 നും, പെരിഞ്ഞനത്ത് ജൂണ്‍ 16 നും, അടാട്ട് ജൂണ്‍ 18 നും, പാഞ്ഞാള്‍ ജൂണ്‍ 20 നും, തോളൂര്‍ ജൂണ്‍ 23 നും, പൂമംഗലത്ത് ജൂണ്‍ 27 നും സിറ്റിംഗ് നടക്കും.

പട്ടികജാതി വികസന വകുപ്പിന് കീഴില്‍ തൃശ്ശൂര്‍ ജില്ലയിലെ മാടക്കത്തറ ഗ്രാമപഞ്ചായത്തിലേക്ക് എസ്.സി പ്രമോട്ടറെ നിയമിക്കുന്നതിന് വാക്ക് ഇന്‍ ഇന്റര്‍വ്യൂ നടത്തുന്നു. മാടക്കത്തറ ഗ്രാമപഞ്ചായത്തിലുള്‍പ്പെട്ട പ്ലസ് ടു യോഗ്യതയുള്ള 18 നും 40 നും ഇടയില്‍ പ്രായമുള്ള പട്ടികജാതിക്കാര്‍ക്ക് അപേക്ഷിക്കാം.

പട്ടികജാതി വികസന വകുപ്പിന് കീഴില്‍ തൃശ്ശൂര്‍ ജില്ലയിലെ മാടക്കത്തറ ഗ്രാമപഞ്ചായത്തിലേക്ക് എസ്.സി പ്രമോട്ടറെ നിയമിക്കുന്നതിന് വാക്ക് ഇന്‍ ഇന്റര്‍വ്യൂ നടത്തുന്നു. മാടക്കത്തറ ഗ്രാമപഞ്ചായത്തിലുള്‍പ്പെട്ട പ്ലസ് ടു യോഗ്യതയുള്ള 18 നും 40 നും ഇടയില്‍ പ്രായമുള്ള പട്ടികജാതിക്കാര്‍ക്ക് അപേക്ഷിക്കാം.

ഭക്ഷ്യവസ്തുക്കള്‍ നിര്‍മ്മിക്കുകയും റീപായ്ക്കിങ് ചെയ്യുന്നതുമായ ഭക്ഷ്യ സംരംഭകര്‍ക്ക് 2025-26 സാമ്പത്തിക വര്‍ഷത്തെ വാര്‍ഷിക റിട്ടേണ്‍ മെയ് 31 നകം പിഴ കൂടാതെ സമര്‍പ്പിക്കാം. മെയ് 31 ന് ശേഷമുളള ഓരോ ദിവസത്തിനും 100 രൂപ എന്ന കണക്കില്‍ പിഴ അടക്കണം. യഥാസമയം വാര്‍ഷിക റിട്ടേണ്‍ സമര്‍പ്പിക്കാത്ത നിര്‍മ്മാതാക്കള്‍ക്ക് വരും വര്‍ഷങ്ങളില്‍ എഫ്എസ്എസ്എഐ ലൈസന്‍സ് പുതുക്കുവാന്‍ സാധിക്കുന്നതല്ല. ഭക്ഷ്യ സംരംഭകര്‍ക്ക് foscos.fssai.gov.in എന്ന പോര്‍ട്ടല്‍ വഴി വാര്‍ഷിക റിട്ടേണ്‍ ഓണ്‍ലൈനായി സമര്‍പ്പിക്കാം.
 

പട്ടികജാതി വികസന വകുപ്പിന് കീഴില്‍ കുന്നംകുളം മുന്‍സിപ്പാലിറ്റിയിലുള്ള കാണിപയ്യൂര്‍, പരിയാരം ഗ്രാമപഞ്ചായത്തുകളിലെ തൃപ്പാപ്പിള്ളി, കരുവന്നൂര്‍ ഗ്രാമപഞ്ചായത്ത്, പാറളം ഗ്രാമപഞ്ചായത്തിലെ ശിവപുരം നഗര്‍, പുത്തൂര്‍ ഗ്രാമപഞ്ചായത്തിലെ കോക്കാത്ത്, നടത്തറ ഗ്രാമപഞ്ചായത്തിലെ മുരിക്കുംകുണ്ട്, മാള ഗ്രാമപഞ്ചായത്തിലെ കുന്നത്ത്കടവ്, അന്നമനട ഗ്രാമപഞ്ചായത്തിലെ മാമ്പ്ര ഭൂരഹിത കര്‍ഷക ഉന്നതി എന്നിവിടങ്ങളില്‍ പ്രവര്‍ത്തിക്കുന്ന വിജ്ഞാനവാടികളിലേക്ക് കോര്‍ഡിനേറ്റര്‍മാരെ നിയമിക്കുന്നു.

മുല്ലശ്ശേരി സാമൂഹികാരോഗ്യകേന്ദ്രത്തില്‍ രാത്രികാല ഡോക്ടര്‍, ഫിസിയോതെറാപ്പിസ്റ്റ്, ഇ-ഹെല്‍ത്ത് ഡാറ്റാ എന്‍ട്രി ഓപ്പറേറ്റര്‍ തസ്തികകളിലേക്ക് താത്ക്കാലിക നിയമനത്തിന് അപേക്ഷ ക്ഷണിച്ചു. അംഗീകൃത യൂണിവേഴ്‌സിറ്റിയില്‍ നിന്നുള്ള എം.ബി.ബി.എസ് സര്‍ട്ടിഫിക്കറ്റും ടി.സി.എം.സി സര്‍ട്ടിഫിക്കറ്റുമുള്ളവര്‍ക്ക് രാത്രികാല ഡോക്ടര്‍ തസ്തികയിലേക്കും, ബി.പി.സി ഡിഗ്രി യോഗ്യതയുള്ളവര്‍ക്ക് ഫിസിയോതെറാപ്പിസ്റ്റ് തസ്തികയിലേക്കും, കമ്പ്യൂട്ടര്‍ അധിഷ്ഠിത ഡിഗ്രി/ ഡിപ്ലോമയുള്ളവര്‍ക്ക് ഇ-ഹെല്‍ത്ത് ഡാറ്റാ എന്‍ട്രി ഓപ്പറേറ്റര്‍ തസ്തികയിലേക്കും അപേക്ഷിക്കാം.