വളാഞ്ചേരി പോലീസ് സ്റ്റേഷന്‍ പുതിയ കെട്ടിടം നിര്‍മ്മിക്കുന്ന സ്ഥലത്തെ പ്ലാവ്, ചരല്‍ക്കൊന്ന, ഉങ്ങ്, വട്ട, പാറകം എന്നീ മരങ്ങള്‍ മുറിച്ചുമാറ്റി മാര്‍ച്ച് 18ന് രാവിലെ 11ന് വളാഞ്ചേരി പോലീസ് സ്റ്റേഷന്‍ പരിസരത്ത് ലേലം ചെയ്യും. സീല്‍ ചെയ്ത ദര്‍ഘാസുകള്‍ നേരിട്ടോ തപാല്‍ മാര്‍ഗ്ഗമോ നിശ്ചിത നിരദ്രവ്യ തുകയായ (2600 രൂപ) ജില്ലാ പോലീസ് മേധാവിയുടെ പേരില്‍ അടച്ചതിന്റെ ഡിമാന്‍ഡ് ഡ്രാഫ്റ്റ് സഹിതം മാര്‍ച്ച് 17ന് വൈകീട്ട് അഞ്ചിനുള്ളില്‍ വളാഞ്ചേരി പോലീസ് സ്റ്റേഷനിലെ എസ്.എച്ച്.ഒയുടെ കാര്യാലയത്തില്‍ ലഭ്യമാക്കണം.

കോട്ടയം: ഉൾനാടൻ ജലാശയത്തിലെ മത്സ്യ സമ്പത്തിന്റെ സംയോജിത പരിപാലനം പദ്ധതിയുടെ ഭാഗമായി അയർക്കുന്നം പഞ്ചായത്തിൽ മഠം പാലത്തിനു താഴെ വടക്കേടത്ത് കടലിൽ മത്സ്യക്കുഞ്ഞുങ്ങളെ നിക്ഷേപിച്ചു.  ഗ്രാമപഞ്ചായത്ത് പ്രസിഡന്റ് ഗീതാ രാധാകൃഷ്ണൻ കാർപ്പ് മത്സ്യക്കുഞ്ഞുങ്ങളെ നിക്ഷേപിച്ചുകൊണ്ട് പരിപാടി ഉദ്ഘാടനം ചെയ്തു. വൈസ് പ്രസിഡന്റ് ജോയി കൊറ്റത്തിൽ അധ്യക്ഷത വഹിച്ചു.

ജില്ലാ ഫിഷറീസ് അസിസ്റ്റന്റ് ഡയറക്ടർ എ. കൃഷ്ണകുമാരി, കോട്ടയം മത്സ്യഭവൻ ഫിഷറീസ് എക്സ്റ്റൻഷൻ ഓഫീസർ ബ്ലെസ്സി ജോഷി, ഫിഷറീസ് ഉദ്യോഗസ്ഥരായ ഐശ്വര്യ സലി, എൻ.എസ്. ശ്യാമിലി  എന്നിവർ പങ്കെടുത്തു.

കോട്ടക്കല്‍ പോലീസ് സ്റ്റേഷന് പുതിയ കെട്ടിടം നിര്‍മ്മിക്കുന്ന സ്ഥലത്തെ പ്ലാവ്, ചീനി (മഴമരം) മരങ്ങള്‍ മുറിച്ചുമാറ്റി മാര്‍ച്ച് 17ന് രാവിലെ 11ന് കോട്ടക്കല്‍ പോലീസ് സ്റ്റേഷന്‍ പരിസരത്ത് ലേലം ചെയ്യും. സീല്‍ ചെയ്ത ക്വട്ടേഷനുകള്‍ നേരിട്ടോ തപാല്‍ മാര്‍ഗ്ഗമോ നിശ്ചിത നിരദ്രവ്യ തുകയായ (600 രൂപ) ജില്ലാ പോലീസ് മേധാവിയുടെ പേരില്‍ അടച്ചതിന്റെ ഡിമാന്‍ഡ് ഡ്രാഫ്റ്റ് മാര്‍ച്ച് 16 ന് വൈകീട്ട് അഞ്ചിനകം കോട്ടക്കല്‍ പോലീസ് സ്റ്റേഷനിലെ എസ്.എച്ച്.ഒയുടെ കാര്യാലയത്തില്‍ ലഭ്യമാക്കണം.

കൊയിലാണ്ടി നഗരസഭയുടെ 2025-26 വാര്‍ഷിക പദ്ധതിയില്‍ ഉള്‍പ്പെടുത്തി ഭിന്നശേഷിക്കാര്‍ക്ക് സഹായ ഉപകരണങ്ങള്‍ വിതരണം ചെയ്തു. നഗരസഭ ചെയര്‍പേഴ്‌സണ്‍ യു കെ ചന്ദ്രന്‍ വിതരണോദ്ഘാടനം നിര്‍വഹിച്ചു. 

വികസനഫണ്ടില്‍നിന്ന് രണ്ട് ലക്ഷം രൂപ വകയിരുത്തി ഓര്‍ത്തോ ഉപകരണങ്ങളും ഹിയറിങ് എയിഡുകളുമാണ് നല്‍കിയത്. വൈസ് ചെയര്‍പേഴ്‌സണ്‍ സി ടി ബിന്ദു അധ്യക്ഷയായി. ഐ.സി.ഡി.എസ് സൂപ്പര്‍വൈസര്‍ ടി കെ റുഫീല പദ്ധതി വിശദീകരിച്ചു. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ രമ്യ പണ്ടാരക്കണ്ടി, കൗണ്‍സിലര്‍മാരായ ജയദേവന്‍, ബാലകൃഷ്ണന്‍, മൈഥിലി, പ്രിയങ്ക, ഐ.സി.ഡി.എസ് സൂപ്പര്‍വൈസര്‍ കെ അനുഷ എന്നിവര്‍ സംസാരിച്ചു.

ആധാരത്തില്‍ വിലകുറച്ച് കാണിച്ച് രജിസ്റ്റര്‍ ചെയ്തത് മൂലം അണ്ടര്‍വാല്യുവേഷന്‍ നടപടികള്‍ നേരിടുന്ന കേസുകള്‍ തീര്‍പ്പാക്കുന്നതിനുള്ള അദാലത്ത് മാര്‍ച്ച് 25ന് രാവിലെ 10 മുതല്‍ വൈകിട്ട് അഞ്ച് വരെ മലപ്പുറം അമാല്‍ഗമേറ്റഡ് സബ് രജിസ്ട്രാര്‍ ഓഫീസില്‍ നടക്കും.

പന്താവൂര്‍-പെരുമുക്ക്-കാഞ്ഞൂര്‍-തരിയത്ത് റോഡില്‍ കലുങ്ക് പ്രവൃത്തി നടക്കുന്നതിനാല്‍ മാര്‍ച്ച് 14 മുതല്‍ പ്രവൃത്തി തീരുന്നതുവരെ ഈ റോഡിലൂടെയുള്ള ഗതാഗതം പൂര്‍ണ്ണമായും നിരോധിച്ചു. വാഹനങ്ങള്‍ കാഞ്ഞൂര്‍-നരണപ്പുഴ വഴിയോ തൃശ്ശൂര്‍-കുറ്റിപ്പുറം റോഡ് വഴിയോ പോകണം.

കേരള നിയമസഭ തെരഞ്ഞെടുപ്പ് 2026, പൂര്‍ണ്ണമായും ഹരിത പ്രോട്ടോകോള്‍ പ്രകാരം നടത്തുന്നതിനും ഇലക്ഷന്‍ പ്രചരണം പരിസ്ഥിതി സൗഹാര്‍ദ്ദമാക്കുന്നതിനുമായി ശുചിത്വമിഷന്റെ നേതൃത്വത്തില്‍ ജില്ലാ കളക്ടര്‍ ഡോ.വിനയ് ഗോയലിന്റെ അധ്യക്ഷതയില്‍ ചേംബറില്‍ യോഗം ചേര്‍ന്നു. ശുചിത്വ മിഷന്‍ ജില്ലാ കോ ഓര്‍ഡിനേറ്റര്‍ എ. ആതിര പരിസ്ഥിതി സൗഹൃദ തെരഞ്ഞെടുപ്പ് നടത്തിപ്പ് മാര്‍ഗ്ഗരേഖകള്‍ വിശദീകരിച്ചു.

കോട്ടയം: തിരുവാർപ്പ് ഗ്രാമപഞ്ചായത്തും എസ്.ബി.ഐ. ലൈഫും ചേർന്ന് തൊഴിൽമേള നടത്തും. മാർച്ച് ഏഴിന് രാവിലെ പത്തു മുതൽ തിരുവാർപ്പ് ഗ്രാമപഞ്ചായത്ത് ഹാളിലാണ് തൊഴിൽമേള. 25 വയസ് മുതലുള്ളവർക്ക് പങ്കെടുക്കാം. പത്താം ക്ലാസാണ് അടിസ്ഥാന യോഗ്യത. ഫോൺ: 9746373743, 9961150517.

സംസ്ഥാന സര്‍ക്കാരിന്റെ ഔദ്യോഗിക ഓണ്‍ലൈന്‍ സേവനദാതാക്കളായ അക്ഷയപദ്ധതി പ്രകാരം മലപ്പുറം ജില്ലയിലെ 77 ലൊക്കേഷനുകളിലേക്ക് അക്ഷയ സംരംഭകരാകാന്‍ അപേക്ഷ ക്ഷണിച്ചു. പൊതുവിഭാഗത്തില്‍ 67, പട്ടികജാതി വിഭാഗത്തില്‍ എട്ട്, പട്ടിക വര്‍ഗ വിഭാഗത്തില്‍ രണ്ട് എന്നിങ്ങനെ ലൊക്കേഷനുകളിലേക്കാണ് അപേക്ഷ ക്ഷണിച്ചത്. ഓണ്‍ലൈന്‍ അപേക്ഷ മാര്‍ച്ച് 19 വരെ സ്വീകരിക്കും. അപേക്ഷ ഫീസ് മാര്‍ച്ച് 21 വരെയും സ്വീകരിക്കും.

പാണ്ടിക്കാട് അസാപ് കമ്മ്യൂണിറ്റി സ്‌കില്‍ പാര്‍ക്കില്‍ സംഘടിപ്പിക്കുന്ന സൗജന്യ പ്ലേസ്‌മെന്റ് ഡ്രൈവിലേക്ക് പ്രമുഖ സ്ഥാപനങ്ങളെ ക്ഷണിച്ചു. താത്പര്യമുള്ള സ്ഥാപനങ്ങള്‍ അവരുടെ പങ്കാളിത്തം ഉറപ്പുവരുത്താന്‍ സ്ഥാപനത്തിലെ നിലവിലുള്ള ഒഴിവ് വിവരങ്ങള്‍ csppandikkad@asapkerala.gov.in ലേക്ക് അയക്കണം. ഫോണ്‍-94959 99704